- 27 -
kreta.
Koesir bilang begitoe tadi malem ia dipesen oleh Oey pagi-pagi pasang kreta sebab toean tetamoe maoe ka station.
Tjan berdiam dan pikir dalam hatinja, betoel Oey Sie Hoen bisa sekali rawat tetamoe, tida ada satoe apa jang diloepaken boeat bikin tetarnoenja senang hati.
Koetika sampe di station, Tjan kasi koesir persen fl, tetapi itoe koesir tida maoe trima, ia bilang ia poenja madjikan tida soeka liat kaloe ia poenja orang trima persen dari siapa djoega, sebab itoe, Oey bajar orang-orangnja lebi dari biasanja laen orang bajar.
Kombali Tjan memoedji dalem hati pada Oey, sedeng pada itoe koesir ia bilang trima kasi.
Koesir tanja dengan kreta mana ia nanti poelang, Tjan kasi taoe dengan kreta pengabisan.
Tjan ambil kaartjis kias doea dan tempo ia masoek dalem kreta, disitoe soeda ada doea-tiga orang Tionghoa doedoek. Sebab Tjan memang soe ka berkenalan, ia lebi doeloe soeda menanja satoe persatoe itoe orang, dari mana dan maoe kemana, dan lantas djadi senang doedoek sembari omongomong.
Betoel treiri moelain bergerak tempo saorang Olanda masoek dangen goembira roepanja dan
