- 26 -
tida Tjan djadi menanja, apa Soekmi ada masak koffie.
Soekmi bilang ada, tetapi kaloe abis makan nasi lantas minoem koffie, tida enak rasanja, jaitoe pait, djadi moesti minoem doeloe aer tawar atawa thee jang soeda dingin, baroe enak minoem koffie.
Tjan djadi tertawa dan ia bilang sesoenggoenja dalem hal begitoe, orang prampoean ada lebi mengarti. Soenggoe ia kata begitue, tida loepoet dalem hatinja ia memoedji, sebab djangan prampoean anak negri dan orang desa, sekalipoen prampoean Tionghoa, toch tida sekaliannja ada taoe itoe.
Koetika itoe koesirnja Oey maoek kasi taoe kreta soeda dipasang boeat bawa Tjan ka station.
Tjan bilang baek, sebentar lantas ia kloear. Itoe koesir berlaloe, laloe Tjan kasi lagi Soekmi satoe ringgit dan kombali ia minta toeloeng sediaken makan boeat nanti sore, sebab nanti siang ia maoe makan di Tjomal. Tetapi apa tida djadi halangan boeat Soekmi poenja pekerdjaän?
Soekmi bilang tida kenapa, maka dengen djongkok sebegimana biasa, ia trima itoe oewpng.
Tjan lantas pergi.. Didjalan ka station, ia menanja pada koesir apa Oey jang soeroe pesen
