- 23 -
dengen tersenjoem dan lagi sekali bilang trimakasi, laloe djalan kloear bersama Oey aken naek kreta pesiar.
Didjalan kedocanja ada lebi banjak tjerita perkara Soekmi daripada laen-laen hal, tjoema sadja tida diseboetken namanja, soepaja koesir tida dapet taoe apa jang ia berdoea sedeng bitjaraken.
Kemoedian Tjan bilang, besok ia maoe pergi ka Tjo oal, maoe ketemoeken ia poenja sobat back, jaitoe wijkmeester Ong Liang Soei.
Oey bilang lantaran banjak pekerdjaan, ia tida bisa toeroet pergi.
Koetika ia poelang, toeroen dari kreta didepan roemanja Oey, itoe tempo ampir poekoel toedjoeh dan sebab tadi didjalan memang Tjan soeda kasi taoe jang ia maoe makan sendiri, djadi ia tida kata lagi sekali hanja lantas sadja masoek katempatnja mondok dengen berdjandji kaloe soeda abis makan sama-sama aken pergi karoema orang kawin, jaitoe toean Liauw Koen Djin, mengawinken anaknja jang prampoean dan deket sadja dari sitoe.
Pada toean Liauw Koen Djin memang Tjan Mo Seng ada kenal baek.
Seperti tadi siang, begitoe djoega itoe tempo
