- 19 -
seperti tadi, sebab memang baroe dik lcearken separo.
Tjan diam sebentar, kemoedian ia manggoetin kepala dan bilang nanti ia maoe makan lebi siang sedikit, jaitoe kira poekoel toedjoeh.
Soeda itoe, Tjan lantas masoek di kamernja, ia baringken dirinja dengen merasa senang betoel, ia pikir Soekmi bisa djoega masak kendati boekan masak sebegimana satoe koki laen dari itoe, keliatan ia poenja himat dan tida tjerobo serta teroes terang. Inilah ada satoe pertjobaan jang pertama dan pendapetannja ada menjerangken hatinja Tjan.
Lebi djaoe ia pikir, kaloe orang prampoean bisa dan ada poenja adat begitoe, soeda sampe baek. Perkara maoe makan lebi enak, boleh piara koki atawa tida ada koki, boleh bli diroema makan; tetapi jang paling perloe, jaitoe himat. Betoel baroe satoe kali ditjoba, tetapi itoepoen soeda tjoekoep. Kaloe Soekmi boros, ia toch lantas boleh bilang, jang itoe oewang abis dipake, malahan tida koerang orang jang kaloe di mintain toeloeng begitoe, lantas ia bilang sebab tida sampe, djadi soeda pake dia sendiri poenja oewang dan laen laen.
Soekmi tida bikin begitoe, njata ia poenja hati jang toeloes Barangkali orang mace bilang ia
