- 15 -
tida loepa kasi taoe pada Oey, jang nanti tengahari ia tida toeroet makan, sebab ia soeda minta Soekmi toeloeng masakin.
Oey Sie Hoen denger begitoe djadi tertawa, tetapi tida loepoet dalem hatinja seperti djeloes, ia merasa koerang senang, sabab ia jang poenja roema dimana itoe prampoean ada menoempang dan ia soeda maoe belandjaken oewang banjak, tida djoega bisa dapetken padanja, tetapi ini tetamoe, jang baroe sadja dibitjaraken, keliatan soeda bisa madjoe begitoe diaoe.
Tetapi, ia tida sampe djadi sakit hati lantaran itoe, malahan ia djadi kagoem aken kepandeannja Tjan dalem itoe perkara, sekalipoen ia belon dapetken itoe prampoean, tetapi tanda-tandanja soeda ada, jang tida loepoet ia nanti dapet djoega. Lantaran itoe, Oey poen djadi ingin sekali taoe begimana nanti achirnja.
Koetika dateng waktoe boeat makan, Tjan adjakin Oey ka sebla boeat liat kaloe-kaloe Soekmi socda sedia.
Oey poen mengikoet, sebab sekalian pendjoeal batik soeda poelang djoega dan serta masoek di itoe roema tempat tetamoe, diliatnja ada satoe medja, tida pake kaen penoetoep, tetapi ada bersi, didepannja ada satoe korsi dan makanan soeda se-
