— 68 —
naek kreta menoedjoe ka Gang Tjaijho, semantara itoe moesik jang di panggil boeat merameken itoe pesta laloe kasi denger lagoe „Wien Neerlandsch bloed” aken membri slamat tinggal pada Nona itoe penganten.
Itoe kreta soeda di kasi brenti di depan satoe roemah di itoe Gang, jang ada terias bagoes sekali.
Dari trangnja lampoe Gas orang bisa dapet liat jang di pertengahan sebla depan di satoe krosi gojang ada doedoek satoe anak moeda hartawan jang tjakap, tetapi roepanja ada kliatan koesoet kerna ia tiada sabar lantaran soeda menoenggoe terlaloe lama datengnja ia poenja bini moeda, jang ia soeda bli boeat harga ƒ 500;—
Maka roepanja lantes beroba djadi sanget girang, tatkala ia meliat Nona penganten itoe, soeda dateng dengen teranter oleh Embok Seleha.
„Hai! Nona begini waktoe baroe bisa dateng, Engko jang toenggoein sampe merasa seperti lamanja satoe taon!” kata itoe Baron, sembari menjamboet datengnja ia poenja bini moeda.
„Masi banjak tetamoe si Koh!” mendjawab si Manis dengen bersenjoem, dan laloe menjemba pada itoe Baba Baron lantaran soeda di pesen dengen wanti-wanti oleh Entjim A Sie boeat berlakoe hormat pada itoe anak moeda hartawan.
„Nona sekarang oemoer brapa, nama apa, dan Seh apa?” [1] tanja itoe Baron, sembari deketin pada itoe gadis.
„Koedoe-koedoe si Engko tanja lagi, tentoe djoega Engko soeda taoe!” kata si Manis dengen soewara jang seperti soesa di keloearin dan dengen roepa maloe-maloe.
„Nona sekarang soeda djadi bini moeda Engko, djangan Nona maloe-maloe lagi seperti orang blon kenal!” kata
- ↑ Hai! Gegaba sekali itoe Baron Lim, jang soeda bli anak prawan boeat djadi bini moedanja zonder tanja lebi doeloe orang poenja Seh.
