― 26 ―
„Apa Nona poenja diri ada seperti voetbal jang di sepak ka sana-sini!
„Ach! itoe memang adalnja orang lelaki si!”
„Tetapi toch Nona djangan maoe samain saja seperti laen lelaki jang pembosenan!” kata itoe anak moeda jang laloe samboeng omongannja dengen berkata: „Do kenapa si Nona roepanja masi seperti satoe anak prawan jang blon taoe ketemoe saorang lelaki? Djangan begitoe dong! Marilah Nona manis, djantoeng hatikoe! kita reba-rebahan mentak kenapa si!”
„Saja masi maloe si!“
„Kenapa si misti maloe-maloe ?“
„Abis saja baroe ketemoe si sama ’ngko!“
„Djangan dong Nona berlakoe begitoe maloe-maloe bikin kita tida bisa dapet tjoekoep kesenangan.“
„Ini wajang Makauw tjoema kedengeran soewara gembreng prang adja, tetapi blon djoega maoe bertanding !“ kata si Mina jang lagi doedoek di pertenga’an, sebab itoe kamar ada di bikin dari bilik, hingga apa jang itoe doea kekasih poenja omongan bisa di denger dengen trang oleh itoe prampoean toewa.
„Eh! toea bangka loe kira goea ini-wajang Makauw ?“ kata itoe anak moeda dari dalem kamar.
„Djangan toe Bibi soeka nonton wajang Makauw!“ kata si Ros dengen mesem.
„Ja, Na boleh saja soeka sekali nonton wajang Makauw, jang ambil tjerita satoe anak moeda lagi baekin orang djanda!“
„Gila loe toea bangka, loe sindirin goea, ja!“ kata madjikannja si Mina.
„Kotjak betoel itoe Bibi!“
„Boeka dong nona poenja badjoe kan nanti djadi letjek !“
„Biarin Koh, ini badjoe soeda kotor tah!“
„Ala Nona si seperti orang bodo sadja, masa engga taoe, apa maksoednja omongan si Baba ?“ menjeletoek poelah si Minah dari loear kamar.
