- 12 -
poenja tangan, kerna ini ada satoe kepertjajahan besar boeat saia poenja diri ; djika satoe barang di kasi pada saja, saja tida bisa djaga betoel, bagimana ia boleh pertjaja pada saia poenja diri djoega," berpikir si Boto, sembari pegang-pegang itoe gelang dan tjintjin mas.
,,Ach! saia tida boleh pake ini barang, tetapi bagimana saia nanti mendjawab, kaloe engko tanja, kenapa saia tida pake? Boeat bilang teroes-terang keadaannja saja poenja orang toea ini poen ada satoe kedjelekan bagi saja poenja diri sendiri, dan djoega bisa membikin engko Hok djadi ketjil hati, maka itoe saia moesti pikirin satoe djawaban jang bagoes boeat bikin engko Hok tida dapet doegahan djelek!" berpikir poelah si Boto di dalem hatinja.
Pada djem satoe malem itoe gadis jang berpikiran pandjang dan mempoenjai kebedjikan, baroe bisa tidoer poeles, kerma di itoe waktoe ia soeda dapet satoe perkatahan jang bagoes dan tjotjok boeat mendjawab pada ketjintahannja.
Tatkala ajem moelai berkeroejoek saling samboet menjamboet, jang soewaranja kadengeran ada moeloek sekali, boeat mewartaken pada menoesia, bahoewa itoe waktoe soeda dekat terang tanah, orang-orang di roemanja 'ntjek Asie soeda pada bangoen poelah, si Manis laloe pergi sedoe kopi, samentara si Boto pergi goreng pisang.
Tetapi Si Ros tida bantoein berkerdja, hanja ia pergi mandi dan kemoedian ia laloe berias bagoes-bagoes;, ramboetnja ia sisirin litjin sekali serta moekanja ia poepoerin tebel-tebel, soepaja parasnja jang tjantik bisa mendjadi lebi bertjahja, hingga ia poenja ka eilokan ada sebagi bidadari jang baroe toeroen dari kajangan.
Lantaran ia baroe tjoekoer moeka, hingga roepanja djadi keliatan seperti satoe penganten baroe; di itoe waktoe pikirannja si Ros ada sanget senang dan girang, kerna ia poenja
