- 11 -
nanti djaga diri saja dan pegang saja poenja perdjandjian pada 'ngko!"
Itoe doea orang masi teroes sadja mengobrol sampe djaoe malem, jang mana tida perloe boeat kita toetoerken disini.
,,Koh, saia kasi ini sapoe tangan boeat tanda mata, djika Koh ada berdoeka lantaran inget pada saia, ini sapoe tangan nanti bisa bikin ilang itoe kedoekahan !" kata si Boto jang laloe kasiken itoe sapoe tangan baroe jang haroem baoenja.
,,Wangi betoel ini sapoe tangan, goea poen nanti anggep ini sapoe tangan sebagi diri loe!"
,,Sekarang soeda malem, goea maoe poelang. To!"
,,Besok malem 'ngko dateng lagi kamarih ja!" ini perkatahan di oetjapken dengen soewara jang sedi dan begitoe lema lemboet, hingga membikin antjoer betoel hatinja itoe anak moeda.
,,Masalah goea begitoe tega engga dateng lagi kemari, To !"
Dengen berkata begini, Keng Hok laloe berpisa, sementara si Boto laloe koentji pintoe depan dan kemoedian ia rebaken badannja di atas pembaringan dengen pikiran jang melajang-lajang.
Di itoe malem ia tida bisa tidoer poeles, kerna ia poenja pikiran ada terganggoe, ia bergirang lantaran trima barang tanda mata dari ketjintahannja, tetapi ia merasa koewatir, djika itoe barang periasan ia pake, bole djadi nanti tida bisa tinggal selamanja di ia poenja tangan, kerna ia poenja iboe jang pementopan, djika dapet liat ada barang jang sedikit berharga, ia laloe maoe ambil itoe barang boeat di djoeal dan oewangnja di pake boeat maen kartoe, kerna itoelah jang membikin si Boto djadi berdoeka.
,,Ini barang jang engko Hok kasi persen perloe sekali saia moesti djaga, soepaja selama-lamanja ada didalem saja
