- 8 -
mas inten, sebagi kabanjakan laen-laen prampoean jang eilok, jang tiada maoe mengimbangken tenaganja ia poenja soewami, tetapi soeda paksa itoe soewami dengen kras boeat bli'in barang periasan mas inten ini dan itoe, dan djika permintaännja tida bisa di kaboelken oleh sang soewaminja lantaran koerang wang ia lantes mendjadi mara-mara dan tiada indahken lagi itoe soewami. Tetapi boeat Nona Boto poenja adat ada laen sekali, keinginan boeat meriasken diri dengen mas inten tida mendjadi timboel di dalem pikirannja itoe gadis, djika ia meliat laen-laen orang prampoean ada berpake rebo dan mengkredep-kredep, kerna ia taoe, jang ia ada saorang miskin, tida bisa toeroet orang-orang jang ada wang poenja pengidoepan. [1]
..Ja goea djoega taoe loe poenja adat ada laen djaoe dengen anak-anak prampoean laen!" sahoet si Keng Hok.
,,Eh ! ampir saja keloepahan pesen sama 'ngko, kaloe Engko sampe disana, djika ketemoe anak prampoean jang lebi bagoes dari saja, 'ngko kawin sadja padanja."
,,Masa goea begitoe kedjem, To !"
,,Saia djoega maen-maen sadja boeat pantjing Koh poenja hati!?
Itoe doea kekasih mengobrol dengen senang sekali ini itoe, kerna orang laen didalem roemanja si Ros lagi pada ripoe boeat sediaken barang-barang boeat si Ros.
,,Goea pikir saban boelan goea maoe kirimken loe doeit boeat blandja, tjoema sajang sekali loe tida taoe soerat, dan lagi poen soesa sekali boeat loe trima soerat dari kantoor post, goea pikir paling baek goea nanti minta
- ↑ Djika prampoean-prampoean eilok ada poenja pikiran begitoe loeas sebagi si Boto, tentoe ia orang tiada bisa djalan tersesat, kerna djika ia orang tiada begitoe tergioer dengen barang mas inten, ia orang tiada gampang kena di boedjoek oleh Mah Peropot.
