― 47 ―
„Tega ni !”
„Djangan 'ngko kata begitoe dong, maski sekarang saia poelang, noesa toch kita ketemoe lagi!”
„Kaloe nona maoe poelang djoega saia kasi slamat tinggal!”
„Dengen kasi tangan Koh ?”
„Boekan, itoe peratoeran saia tida maoe pake, tapi saia poenja pembrian slamat tinggal ada laen roepa!”
„Bagimana laennja, Koh ?”
„Begini !” kata itoe tjoete-idoeng-poeti jang laloe tjioem pipinja si Ros kiri kanan, dengen bikin bibirnja berswara.
„Koh marih dong kasi Ros itoe soerat oetang jang tadi Ros soeda teeken!”
„Ha! Ha! Ha! nona masi inget sadja itoe soerat oetang, maski nona poenja iboe ada oetang begitoe besar, saia nanti kasi kombali pada nona!” kata itoe djahanam, sembari ambil itoe soerat oetang dan sowek-sowek itoe kertas sampe djadi antjoer, kemoedian ia berkata poelah :
„Apa lagi nona poenja keinginan dan brapa saia misti membri pembajaran pada Nona ?”
„Saja sih tiada minta pembajaran, djika Engko ada poenja kesian. saja tentoe tiada brani tampik Enko poenja pembrian wang.”
„Sepoeloe roepia sampe ?”
„Ach saia sih engga rega-regain saia poenja diri, Koh teroesa kasi, poen boleh!”
„Hai, baek betoel nona poenja hati, nah trima dong ini Dewang !” kata itoe djahanam jang laloe seraken salembar Gewang kertas dari doea poeloe lima roepia.
„Apa 'ngko kasi saia dengen soeka hati, kaloe engga ngko ambil adja kombali !”
„Kaloe saia maoe kasi, soeda tentoe dengen segala soeka hati!”
