— 37 —
„Di Gang Semalat, Ros!”
„Abis bagimana Ros moesti bilang pada dianja?” [1]
„Goea nanti bilang jang goea maoe adjak loe melantjong!” kata sang iboe pementopan.
Iboe jang doerhaka! Dialah jang sebar bibit djelek atas dirinja si Ros, kerna ia soeda adjarin si Ros akal boesoek boeat keloear pintoe, hingga si Ros di boeat tjeritahan orang dari ia poenja perboeatan jang tersesat!
„Ach! Ros takoet, kaloe ia dapet taoe nanti ia djadi goesar!”
„Engga Ros masa ia bisa dapet taoe segala lelaki bagitoe bodo !”
„Apa sekarang djoega Ros moesti pegi ?”
„Ja, pakean da gi lekasan sebab itoe baba lagi toenggoein !”
Si Ros jang terlaloe mendenger kata, maka tida brani tampik permintahannja ia poenja iboe jang tida pantes, dan laloe pergi berias serta pake poepoer tebel-tebel sebab si Ros orangnja ada perlente sekali.
Itoe iboe pementopan, setelah meliat-anak prampoeannja soeda selese berias, laloe berkata pada mantoe lelakinja:
„Goea maoe adjak si Ros melantjong !”
„Memeh maoe kamana ?” tanja 'ntjek Hwa Hin pada mertoea prampoeannja.
„Goea maoe melantjong!” sahoet itoe pementopan dengen soewara ketoes.
„Loe djaga waroeng baek-baek, goea maoe pergi sebentaran”. kata sang istri jang laloe ikoet iboenja pergi menoedjoe ka gang Semalat.
Koetika ia orang soeda deket didepan roemanja itoe
- ↑ Sebegimana pembatja taoe kebanjakan Tionghoa Hoedjin di Betawi merasa djenga boeat seboet namanja ia poenja soeami: Ia bahasaken sadja dengen „dianja” atawa „papanja si Ano” (nama anaknja).
