-36-
„Tiada Ros, tetapi goea maoe minta loe tanggoengin goea poenja oetang !”
„Brapa besarnja memeh poenja oetang? Kaloe engga, gade sadja saja poenja gelang boeat bajar itoe oetang!” kata si Ros dengen roepa jang djengkel.
„Tiga ratoes Ros !”
„Astaga, begitoe banjak ! Ros poenja barang-barang permata semoewa engga ada berharga begitoe besar, kaloe ada tentoe Ros gade boeat bajar itoe oetang !”
„Goea djoega kira begitoe, lagi poen itoe baba jang poenja wang fjoema minta loe tanggoengin sadja !”
„Kenapa memeh bikin oetang begitoe besar, kan djadi tjilaka diri sendiri !”
„Goea kala maen Ros teroes meneroes !”
„Memeh sih orangnja soeka maen kartoe sadja, kan Ros soeda bilang orang maen top misti dapet kesoesahan besar !”
„Goea engga beta doedoek diam sih di roema sadja !”
„Kapan ada waroeng kopi, kan lebi baek memeh rawattin sendiri !”
„Taoelah, kaloe satoe hari goea engga pegang kartoe hati goea rasanja engga enak sadja !”
„Tanggoengin bagimana meh ?”
„Dia soeroe loe teeken boeat tanggoeng goea poenja oetang !”
„Abis Ros engga bisa soerat, bagimana bisa teeken nama ?”
„Loe boleh teeken tapakdjalak sadja !”
„Mana soerat oetangnja, marih Ros teeken !”
„Dia engga pertjaia, kaloe loe teeken disini, sebab katanja loe boleh moengkir !”
„Abis Ros moesti pegi ka roemanja !”
„Ja !”
„Roemanja di mana meh !”
