— 33 —
soewami ada boeka waroeng, soeroe dia adja jang tanggoeng !“ kata itoe menoesia kedji dengen bengis.
Si pementopan doedoek diam sembari bengong.
„Eh! tjim bagimana, djangan maen berlaga diam sadja, lekas panggil 'ntjim poenja anak prampoean dateng kemari boeat teeken ini soerat oetang !“
„Entjim poenja anak prampoean tida taoe soerat, bagimana dia bisa teeken.“
„Kaloe dia tida taoe soerat, dia boleh teeken tapakdjarak sadja!“
„Kaloe begitoe 'ntjim bawain sadja soerat oetangnja kasana boeat ia teeken !“
„Ach dimana boleh sih, kaloe orang laen jang teeken djadi orang engga dapet taoe !“
Maka itoe djadi terpaksa ia misti panggil djoega ia poenja anak prampoean.
Sekarang baeklah kita adjak pembatja meliat pengidoepannja si Ros dengen la poenja soewami, 'ntjek Hwa Hin toekang waroeng di Gang Terate.
Tatkala si Ros masi djadi satoe gadis, ia ada sanget genit dan tingka lakoenja ada sanget entjer, djika ada anak-anak moeda jang liwat di roemanja, dengen mengintip di blakang pintoe ia awasin itoe djedjaka sepoeas-poeasnja.
Lantaran ia ada terlaloe genit, hingga sering-sering itoe napsoe birahi, jang Natuur briken pada sesoewatoe anak jang ampir dewasa telah dateng di dalem toeboenja itoe gadis begitoe kras, hingga ia loepa maloe aken melanggar kita poenja adat istiadat bangsa Tiong Hoa, jang
Iboe jang doerhaka.
3.
