— 28 —
peroentoengannja masi gelap, ia poenja istri poen soeda bangoen dan boeroe-boeroe keloear sembari berkata : „Manis itoe oewang loe djangan kasi si pemadatan, goea perloe maoe pake!“
„O! bagoes betoel moeka loe pementopan, Manis loe djangan kasi itoe boeaja kartoe, pertjoema sadja di kasi doeit, ia nanti bikin abis itoe wang di atas tiker.
Koetika 'ntjim A Sie denger itoe perkatahan, ia mendjadi sanget moerka dan satelah ia diat si Manis lagi maoe serahken itoe oewang padanja dan ia poenja soewami, ia lantes rampok semoewa wang itoe.
Sang soewami jang liat istrinja rampok itoe oewang jang si Manis maoe kasi padanja, soeda timboel poelah amarahnja, maka ia lantes pelok dan pidjit tangannja ia poenja istri, sementara sang istri jang merasa kesakitan lantaran tangannja di pidjit, soeda gigit tangannja ia poenja soewami, hingga itoe doea orang soeda djadi bergoelet dan itoe oewang sbeda djadi berarakan.
„Bagi doea sadja meh djangan berklai !“ kata si Manis, dengen melele aer mata, laloe ia pisaken ajah dan iboenja.
„Ja goea nanti bagi tiga roepia boeat si pemadatan bli tjandoe, soepaja dia boleh lekas mampoes !“ kata itoe pementopan jang laloe poengoetin itoe oewang di batoe.
Sasoedanja ini perkara djadi selese, itoe prampoean pementopan lantes berdjalan menoedjoe ka sarang djoedi, sedeng ia poenja soewami poen dengen dapet itoe oewang tiga roepia lantes pergi bli madat.
Sedari pagi itoe tjoete-idoeng-poeti soeda oendang tiga orang prampoean, pada siapa ia kasi oewang anam poeloe roepia boeat poentji maen, ini tiga prampoean ia soeda oendang dengen sengadja boeat, bersepeket satoe sama laen aken bikin abis oewangnja 'ntjim A Sie, ia orang nanti
