di tangah tangah motor badjalan siang malam tibo di pasa Bangkinang bajak urang turun naik mano nan litak nan litak makan djuo pagi pagi pukua anam oto badjalan ka Pakanbaru hari sinajan tibo di Pakan turun pulo si Rombok didjundjuang bungkusan di kapalo anak dibimbiang tjiek sorang ditjari lapau tampek bamalam batanjo tanjo ka urang ado saurang mudo baduo djo bininjo manolah sutan nan baduo kamano sutan kabadjalan rantau mano kaditampuah.
Mandjawab urang mudo mukasud ka Riau kapa hari Salasa katonjo urang itu mandanga kato damikian sanang hati si Rombok bakato mande si Minah samo samukasud kito hambo kapai kian djuo—bao sarangkek di sutan hambo balum biaso tidak panah badjalan djauh maýdanga kato si Rombok mandjawab urang itu turuikkan hambo di amai kito bamalam di lapau lapau gadang pasa pusat.
Kan ijo si Rombok mudjua mandapek kawan pado malam hari itu batutua mangetjek ngetjek ditanjo namo urang budjang banamo si Bujuang Ata bagala Sidi Ata nan padusi upik Lepok urang Sikapak Pariaman pado malam samalam itu tidak ado mato lalok pangana ka Ripu duo kali ajam bakukuak tjukuik katigo hari siang lah siang djandonjo hari tadanga bunji urang di halaman dibao anak mambasuah muko salasai mambasuah muko – diminum kopi sajawan dimintak katan goreng pisang bakato Sidi Ata manolah amai nan baduo dibali tiket kapa hambo manolong mambalikan mandanga kato damikian dibarikan pitih bali tiket badjalan Sidi Ata kiro kiro pukua sabaleh dibao tiket ampek halai bakato Sidi Ata sogiro bakameh(1) kito usah awak balalai lalai urang banjak kabalajia pado maso kito dewaso itu badjalan masuak kapa urang banjak kalua masuak tibo di dalam kapa dikambangkan lapiak tampek lalok dituruik sadjo Sidi Ata tidak lamo antaronyo kapa badjalan anjo lai balajia di sungai Siak hari Djumat tibo kapa manampuah lauik basa kan ijo Sidi Ata dibao si Rombok karumahnjo rumahnjo gadang di Tandjuang
66
