mandjinaki namun anak lari djuo bantji kapado bapak tirih bapak ka rumah injo ka laman baitu parangai kaduonjo maso balaki Sutan Muntjak anaknjo baitu djuo dipudjuak indak tapudjuak makin dipudjuak makin takuik banjak urang babapak tirih indak sarupo tjutju si Rombok djadjok mantjaliak bapak tirih kan injo guru Dunia dilajia injo nan sajang dibatin bantji kaanaknjo sajang dimuluik nan lai.
Urang tak Sajang ditjubadak
Sajang karano ditampoknjo
Urang tak Sajang di anak
Sajang karano diinduaknjo
Ado sabulan duo bulan tibo pakiriman dari Riau bakirim Sutan Djamaris untuk anak si Minah anak kandung Sutan Djamaris baribu ribu pakiriman kan ijo samaso itu pulang si Nudin dari Riau samo satampek djo Djamaris tampak si Rombok di halaman si Nudin sadang lalu diimbau anak nantun anak budjang mudo matah disuruh naik si Nudin naik rang mudo itu maso itu urang nak ado guru Dunia dalam maadja bakato si Rombok ka si Nudin lai tampak Sutan Djamaris djando lamo si Minah bapak si Upik nan baduo katonjo si Rombok mananjokan minantu lamo mandanga kato nan bakian galak tasanyum si Nudin anak mudo nan paota pandai batutua minjak ajia kato malambuang ka ateh suko bagarah manggulo urang — mandjawab si Nudin lorong kapado tuan Djamaris bakaradjo djadi polisi mandjago barang kalua masuak batasan djo Singapura banjak urang manjaludup mambao barang simokel banjak dapek uwang suruak bagadji saribu sahari lah kajo tuan Maris banjak pitih di bang lorong kapado tuan Maris kareh hati tatap pikiran indak babini saumua hidup antah kok balik ke kak Minah batamu anak nan baduo dibuek rumah nan randjak dipacang sawah ladang dan untuk anak djo bini sadjak dahulu den katokan tidak den kababini kak Minah sorang bininjo batjarai djo kakak Minah bia mambudjang sampai mati — injo djuo pantun urang
58
