tibo di kampung guru Dunia pandang djauah dilajangkan tampak rumah angku guru hati di dalam arok tjameh arok raso ka dapek tjameh raso ka tidak ditingkek djandjang diapik bandua tampak di rumah angku guru baduo djo kakaknjo baru tampak si Rombok disuruah duduak di kurisi — disorong siriah ditjarano dibukak pulo kampia sirih bakato si Rombok ke si Djimah dunsanak guru Dunia sarato angku guru — kunjah siriah hambo bao dikapua siriah sakapua sorang habih manih sampah dibuang kalek tingga direngkungan mantjalo sampai kamuko lah sudah basirihan bakato si Rombok ke si Djimah sarato angku guru.
Bukan Denai kamari sadjo gadang mukasud kadi djalang — hambo mandanga dari urang bahaso guru batjarai ijo di rumah di mudiak katonjo si Rombok mamulai panuturan mandjawab guru Dunia lorong kato urang itu itulah kato sabananjo tjubo pikia di kakak tarimo gadji tiok bulan dibagi samo banjak hukuman adia samo barek usah kanai ado sarak bukan murah babini baduo napakah diisi samo barek kok tidak baitu gadang doso kato Tuhan tatapi padusi dimudiak mangaut habih mamakan kanjang laku parangai banjak nan salah kok lamo kami babaur mukasud hati tjito tjito manganti rumah nan usang bisa hambo indak baranak tampat diam elok djuo ada rumah badatjak bangsat tidak mangasan katonjo guru Dunia gadji gadang guru kapalo sanang hati mandangakan.
Mandjawab si Rombok lorong kapado pabauran sudah suratan dari dahulu nan kapandjang nan kasingkek mukasud hati kamari nak mandjaput guru ka rumah Minah djadi djundjungan anak hambo sabab hambo kamari kito barunding samo awak kubak kulik tampak isi singkok daun tampak buah usah guru mailak kok dapek anak djo buah anak mandjadi anak guru — alangkah sanang paratian katonjo si Rombok mandanga kato nan bakian sanang hati angku
50
