Djie Touw Bwee

by Lie Kim Hok

,,Djie Touw Bwee"

Pada djaman karadjaan Taij Tong Tiauw ada hidoep satoe orang lelaki bernama Bwee Kweee alias Pik Ko. Dia ada poenja satoe anak lelaki, namanja Bwee Phik alias Tiang Giok. Tempo ini anak masih ketjil, dia soedah bertoenangan sama anaknja Honw Loan. Dari sebab Bwee Kwee dan Houw Loan masing-masing ada pegang pangkat djadi satoe sama lain tepisah djaoeh: dari otoe maka Liang Giok beloen dikasih kawin.

Bwee Kwee asal orang ketijl, bermoela djadi poenggawa dia pegang pangkat rikoau di afdeeling Lekshia, karesidenan Tje Lam, hilangan Shoeatang. Dia pegang itoe pangkat lebih 10 tahun lamanja, salamanja dengen adil mendjadikan senangnja pendoedoek di itoe negri. Dia soedah dapat kabar trang, jang Sri Maha Radja soedah angkat Louw Kie djadi Sinsiang. Dia tida enak sekali sama ini perkara,, sebab itoe Louw Kie soewapan. Kaloe orang tida kasi soewap padanja dengen wang, soesah aken bisa naik pangkat. Dari sebab Bwee Kwee satoe poenggawa jang adil, tida biasa trima wang soewapan, djadi dia tinggal miskin, tida poenja wang boewat soewap pada Louw Kie maka dia tinggaal tetep sadja dan tida bisa naik pangkat.

Kasian sekali itoe poenggawa poenggawa jang pegang pangkat dengen adil, jang diboewat poenja soeka oleh Louw Kie, seperti diboenoeh, dikasih lepas atawa, lain-lain. Bwee Kwee berhoetang ada poenja banjak sobat jang berpangkat besar boewat djaga dan bantoe padanja. Dari sebab itoe, Louw Kie djadi tida bisa keniaja padanja. Siapa itoe sobat sobatnja Bwee Kwee? ija itoe: 1 Tan Djiet Sing alias Tong Tjhe, berpangkat Lipouw Siangsi: 2 Pak Lok Thian alias Touw Sioe, berpangkat Tonwtjhat-ie-3. Tong Tjien alias Bouw Sioe, berpangkat Hanlim-Taijhaksoe: 4. Liok Hok Tjhe alias Nji Sioe, berpangkat Tjiamsoehoe. Ini semoewa atsal orang ketjil, soedah dapet pangkat sampe begitoe besar.

Bwee Kwee seringkali bitjara pada istrinja katanja. Ini tempo di Kraton ada banjak sekali kansin: siapa jang maoe lekas dapet pangkat jang lebih tinggi, misti pake wang boewat soewap itoe kansin-kansin paling sedekitnja 10 riboe ringgit, baroe bisa dapet pangkat. Kita orang memang atsal orang miskin, tjoema tamat peladjaran sadja. Boewat peres orang ketjil dan bikin soesah pendoedoek negri aken dapet wang boewat bikin kita. poenja kesenangan, itoe temtoe kita tida bisa bikin. Kita takoet Toehan jang maha koewasa nanti hoekoem. Kita pegang pangkat poen misti adil, oeroes baik bikin kasenengannja anak negri. Barnagkali kita lepas dari ini pangkat, biarlah kita poelang sadja ka kita poenja kampoeng, bikin betoel kita poenja roemaah tangga dan sawah-sawah; boewat kita poenja hidoep temtoe sampe senang. Boewat saja taloek sama kansiu kerdja jang tida patoet hidoep temtoe sampe senang. Boewat jang tida patoet, soepaja dapet pangkat lebih tinggi, itoe tentoe tida nanti djadi.

Pada satoe hari, kabetoelan istrinja Bwee Kwee poenja hari tahon (shodjit), lantas dia prentah orangnja pergi blandja boewat bikin makanan. Jang dibeli iroe tida lain melinken sedikit sajoer, sedikit tawhoe, satengah kati daging babi dan arak sadja. Jang pergi blandja itoe lantas serahken itoe barang belanjdaan pada koki aken dimasak.

Bwee Kwee soeroeh panggil poelang dia poenja anak Liang Giok dari roemah sekola boewat kasih alamat iboenja poenja hari tahon. Liang Giok trima panggilan itoe, lantas brangkat poelang dan satelah sampe di roemah lantas dia kasih slamat pada iboe-bapa-nja. Bwee Kwee tertawa seneng dan lantas soeroeh anaknja doedoek dan bilang: Ini hari kaoe poenja Iboe poenja hari tahon, kabetoelan kita-orang lagi senggang: maka itoe disedijaken makanan boewat kita orang. Itoe waktoe boedaknja lantas kasih kaloewar barang-barang makanan. Sembari doedoek makan Bwee Kwee mengomong sama istrinja, katanja: kendati ini makanan tida moelija, kita ada senang hati jang kita ada poenja satoe anak lelaki, dan beroentoeng boewat kita poenja hari toewa. Habis bilang begitoe dia lantas tanjak pada anaknja apa jang dia soedah adjar. Istrinja Bwee Kwee lantas menjahoet boewat anaknja, katanja: Temtoe tiada lain, melinkan boewat beleh dapat pangkat.

Bwee Kwee lantas berkara: Hoedjin saorang prampoewan, temtoe tida sampe taoe habis perkara doenia. Ini tempo kita poenja Radja ada pake Louw Kie djadi Sinsiang. Itoe Louw Kie banjak bikin koesoet perkara pemarentah. Kaloe saja bertemoe sama Maha Radja, jang temtoe sekali saja nanti bitjara dari Louw Kie poenja kedjahatan, soepaja dia dapat hoekoeuman dari dosanja. Tapi kaloe saja poenja pengadoean tida ditrima oleh Radja, soedah temtoe saja sendiri misti dapat tjilaka. Itoe saja taoe betoel: tapi keudati saja diboenoeh mati, saja poen soeka hati. Saja kepingin taoe bagaimana ingatannja kita poenja anak: saja selempang kaloe di blakang kali dia dapat pangkat, nanti dia tjampoer sama itoe kawanan orang dorna (kansin) dan djadi membikin boesoek kita orang peonja nama dan toeroenan.

Bwee Kwee bitjara sampe di sitoe, lantas dateng jang djaga pintoe, kasih taoe di loewar ada doewa orang dateng minta bertemoe Bwee Kwee lantas soeroeh panggil masoek itoe doewa orang jang dateng.

Sasoedahnja ini doewa orang masoek dan berloetoet, oendjoek hormatnja pada Bwee Kwee, lantas dia orang bilang: Kita-orang ada hamba-hamba dari kantoor Lipouw, dateng kasih slamet pada taidjin, kerna sekarang taidjin soedah naek pangkat.

Bwee Kwee denger begitoe, lantas tertawa dan bilang: Barangkali kaoe salah; kerna kira djadi tikoan di sini ada miskin sekali dan tida ada poenja senderan boewat toeloeng pada kita.

Itoe doewa orang menjahoet: Masa hamba brani bilang perkara salah! Tjobalah raijdjinn priksa ini satoe soeratnja Maha Radja, hamba tida taoe siapa jang penja toeloengan. maka taijdjin soedah diangkat djadi Liopuw Tokipsoe.

Bwee Kwee trima itoe soerat dari Radja lantas bilang pada itoe 2 orang soeroehan: Kaoe teonggoe sadja di loewar, kita nanti kasih sedikit persen. Kamoedian Bwee Kwee teroes masoek ka dalam dan betemoe pada istrinja jang lantas kasih slamat padanja, kerna dia soedah naek pangkat. Anaknja djoega membri slamet padanja. Bwee Kwee menjahoet : Dasar soedah kita poenmja peroenteongan djadi bagini. - Anak dan istrinja lantas djadi kaget sebab denger Bwee Kwee bilang bagitoe. Istrinja itoe lantas berkata : Kita poenja Radja soedah dapet ingatan boewat kasih pangkat jang lebih tinggi, patoet kita-orang bilang banjak trima kasih pada Toehan Allah. Mengapa tadi loia bilang begitoe?

 Bwee Kwee menjahoet: Heodjin tida mengarti ini perkara penja rasia. Sekarang paling baik kita kasih seidkit persen pada toe soeroehan jang bawak soerat.

 Itoe 2 orang sasoedahnja trima persen, lantas bilang banjak terima kasih dan teroes pergi poelang.

 Bwee Kwee lantas bilang pada istrinnja, katanja: Sekarang ini saja misti berpisah sama anak-istri aken pegang ini pangkat baroe, setaoe kita bisa beroentoeng bertemoe kembali setaoe tida.

 Istrinja menjahoet : Kaloe loia pergi pindah, jang tantoe saja serta anak misti toeroet. Bagaimana kita boleh djadi berpisah?

 Bwee Kwee bilang: Hoedjiu serta anak djangan toeroet sama saja pergi ka Kota-Radja; baik pergi poelang di Siangtjioe. Di sana Hoedjin iboe dan anak boleh tinggal dengen senang dan boleh oeroes itoe sawah-sawah, jang tentoe sampe boewat hidoep. Kaloe saja soedah sampe di Kota-Radja dan soedah trima itoe pangkat baroe, lantas saja maoe mengadoe pada Maha Radja dari halnja itoe kansis Louw Kie dan Oeij Siong poenja kalakoean djahat. Kaloe itoe pengadoean tida katrima, tantoe saja sendiri dapet tjilaka: boleh djadi sampe terboenoeh mati. Kaloe Hoedjin dan anak toeroet sama-sama dan ada di sana, jang tantoe itoe kansin nanti kaniaja. Saande Hoedjin tinggal di Siangtjioe dan dapet denger kabar apa-apa jang tida baik, boleh tinggal diam sadja, toenggoe sampe anak kita djadi besar. Kaloe anak kita djadi pinter dia boleh kerdja sawah sadja. Boewat apa toeroet saja pergi ka sana.

Istrinja menjahoet: Saja iboe dan anak tida toeroet poen baik, tjoema kasian loia sa-orang toewa tida ada jang rawatin.

Bwee Kwee berkata: Banjak trima kasih, jang Hoedjin ada bagitoe tjinta hati. Kaloe saja sampe di kota Radja dan slamet tida dapet tjilaka apa-apa, tantoe saja nanti kirim orang boewat ambil Hoedjin dateng di sana.

Bwee Kwee bitjara sampe di sitoe, lantas dateng dia poenja orang kasih taoe, jang di loewar ada banjak tetamoe. Bwee Kwee kasih prentah sama itoe orangnja, jang kaloe ada orang menganter apa-apa djangan sekali ditrima, dan lantas dia kaloewar pergi ketemoein boewat kasih slamet padanja. Bwee Kwee bilang banjak trima kasih pada marika itoe : Kamoedian samoewa tetamoe itoe lantas pergi poelang masing-masing. Sasoedahnja itoe tetamoe semoewa poelang, Bwee Kwee lantas prentah orangnja sadia praoe boewat anak-istrinja poelang di Siangtjioe dan sadia satoe djoli dan doewa koeda boewat dia pergi ka Kota-Radja.

 Sampe pada besoknja, tempo dia-orang maoe pergi brangkat pidnah, ada kadengeran roesoeh-roesoeh di dalem negri. Bwee Kwee panggil orangnja, soeroeh tjari taoe ada perkara apa: kamoedian dia dapet taoe jang samoewa isi negri tida soeka dia pergi dari sitoe, sebab samoewa pintoe tjinta hati padanja, dan dari sebab itoe dia orang soedah toetoep djoega samoewa pintoe kota. Bwee Kwee lantas soeroe panggil itoe orang-orang soemoewa dan maoe priksa orangnja lantas kasi taoe itoe pada semoewa isi negri, katanja : Djangan roesoeh! saja poenja toewan panggil kamoe orang semoewa, dan maoe di priksa.

 Semoewa isi negri itoe lantas mengadep dan berloetoet hadapan Bwee Kwee. Bwee Kwee lantas panggil bebrapa orang dari marika itoe jang toewa-toewa, dan tanjak : mengapa dia-orang bikin roesoeh-roesoeh bagitoe. Orang-orang toewa itoe menjahoet: Kita-orang isi negri di sini, sadari taijdjin doedoek memarentah di sini, ada merasa seneng sekali. Sekarang kita-orang denger, jang taijdin soedah naek pangkat dan maoe pergi pindah dari sini; kita orang ada sakit hati sekali, sma djoega kahilangan iboe dan bapa. Maka kita-orang niat maoe masoek soerat pada Baginda Radja soepaja taijdjin tetep sadja memarentah di sini.

Bwee Kwee menjahoet: Betoel kaoe orang orang ada bagitoe tjinta pada kita, tapi sekarang kita ada dapet prentah dari Radja misti pergi dari sini. Kaoe-orang samoewa misti toeroet atoeran sadja dan djaga diri baik-baik. Kaoe samoewa temtoe nanti dapet lain peonggawa jang lebih adil dari kita.

Orang-orang si negri itoe mendenger Bwee Kwee poenja perkataan, samoewa djadi sedih dan toeroen aer mata. Dia-orang lantas hilang, jang dia orang maoe anter Bwee Kwee boewat memikoel atawa lain-lain sampe dateng di Kota-Radja. Bwee Kwee bilang banjak trima kasih pada orang-orang itoe, tapi tampik marika itoe poenja maoe sebab dia selempang nanti orang bilang dia paksa itoe orang-orang ketjil boewat bantoe padanja, dan dia boleh djadi dapet soesah. Itoe orang-orang menjahoet: Kita orang rasa tiada nanti dapet lagi satoe poenggawa jang bagitoe baik seperti taijdjin. Apa boleh boewat! Sekarang kita-orang moehoen sadja pada Toehan Maha Koewasa, soepaja taijdjin boleh slamet pandjang oemper dan dapet pangkat jang lebih besar lagi. — Bwee Kwee lantas bilang banjak trima kasih pada marika itoe dan samoewa lantas boebar poelang masing-masing.

Istrinja Bwee Kwee dan anaknja lantas membri slamet tinggal dan Bwee Kwee membri slamet djalan; kamoedian dia-orang iboe dan anak teroes brangkat berpraoe pergi di Sangtjioe. Besoekannja lantas dateng satoe poenggawa jang misti djadi gantinja Bwee Kwee, dan Bwee Kwee lautas serahken dia poenja kadoedoekan. Sasoedahnja selese, Bwee Kwee lantas brangkat pergi ka Kota-Radja, sekalian isi negri anter padanja dengen segala kahormatan sampe di watas negri.

Sasoedahnja djalan bebrapa hari, Bwee kwee bertemoe pada ampat orang jang toenggang koeda. Ini ampat orang lantas menanjak pada Bwee Kwee, katanja: Toewan dateng dari mana?

Bwee Kwee menjahoet: Saja dateng dari Shoatang.

Itoe ampat orang lantas toeroen dari koeda dan menanjak lagi: Apa toewan taoe, jang Lotaijdjin Bwee Kwee soedah brangkat?

Bwee Kwee menjahoet: Kaoe tanjak Bwee Kwee jang mana satoe?

Itoe orang bilang: Saja tanjak Bwee Kwee orang Shoatang, Tjelamhoe, Lekshiakoan, jang baroe diangkat djadi Lipouw-Tokipsoe. Bwee Kwee poenja boedak nama Bwee Pik lantas toendjoek dia poenja toewan dan berkata: Apa ini saja poenja loïa boekan dia jang ditanjakken?

Itoe ampat orang denger bagitoe, lantas rata berloetoet di depan Bwee Kwee dan bilang Kita berampat, samoewa hamba dari kantoor Lipouw, dateng boewat mengadep pada loïa.

Bwee Kwee menanjak: Apa kaoe orang dateng boewat samboet pada kita?

Itoe ampat orang menjahoet: Betoel bagitoe.

Bwee Kwee lantas bilang baik, dan kasih prentah padanja, soepaja pergi tjari tempat mondok jang bresih, tapi djangan kasih tane, siapa jang maoe bermalam, Itoe 4 orang trima itoe prentah lantas naek koeda pergi tjari tempat. Bwec Kwee djalan perlahan-perlahan dengen djoli. Pada waktoe tengah hari, Bwee Kwee bertemoe pada itoe orang soeroehan, jang lantas bilang padanja: Loïa! inilah tempat jang soedah dibikin sadia.

Bwee Kwee lantas toeroen dari djoli dan disamboet oleh orang jang poenja roemah makan : dia lantas masoek di kamar jang disadiain. Di sitoe dia tinggal sampe malem dan pada tempo waktoe makan, dia lantas panggil dateng itoe orang berampat, dan berkata : Kaoe berampat memang ada orang dari Kota-Radja kane temtoe taoe bagimana adanja kalakoeannja poenggawa-poenggawa di sana. Bagimana sekarang itoe Louw Kie dan Oeij Siong poenja perdjalanan? Tjoba kaoe orang kasih katerangan.

 Itoe orang-orang menjahoet: Itoe Louw Kie ini tempo ada ditjinta sekali oleh kitaorang poenja Radja ; itoe Oeij Siong ada sobatnja Louw Kie. Samoewar orang ada takoet dan kasih hormat padanja, dan segala poenggawa jang saba wahannja, itoe djoega takoet dan menoeroet sadja. Hamba harep, kaloe loïa sampe di sana, nanti bersobat djoega padanja. Tjoena bagitoe hainba poenja taoe.

 Bwee Kwee denger bagitoe, lautas djadi goesar dan bilang Boewat kami djadi sobat padanja, itoe temtoe tida nanti djadi. Kaloe kami sampe di sana, kami maoe lihat, apa dia-orang bisa bikin pada kami. Kami rasa temtoe sekali dia-orang tida nanti seneng.

 Habis kata bagitoe. Bwee Kwee lantas bilang jang itoe berampat orang boleh pergi tidoer sadja, sebab soedah malem.

 Sampe besoeknja pagi Bwee Kwee bangoen lantas prentah orang-orangnja soepaja sedia boewat brangkat. Basoedalinja semoewa sedia, marika itoe lantas brangkat djalan.

 Sasoedahnja djalan sedikit lama, dia-orang sampe di Kota Radja dan bertemoe orang-orang jang dateng samboet padanja. Ini orang jang menjamboet, samocwa ada hamba dari kantoor Liponw, jang misti tocroet di bawah prentahnja. Sasoedahnja masoek dalem roemali, Bwee Kwee hilang pada marika itoe : Kaoe samoewa misti bekerdja baik-baik; lagi lima hari baroe kami maoe trima kami poenja kadoedoekan. Kamoediau Bwee Kwee lantas pergi di Lecpouw-Siaugsi, boewat kasih tage jang dia soedah dateng dan besoek muaoe mengadep pada Baginda Radja. Habis kasih taoe bagitoe, Bwee Kwee lantas poelang ka roemah jang baroe dia tempatin.

 Pada besoeknja pagi Bwee Kwee pergi ka Karaton dan bertemoe banjak poenggawa-poenggawa. Satoe sama lain lantas meruhri hormat dan menoenggoe sampe berboeni lontjeng di astana Radja, jang jadi tanda, sekarang orang boleh masock mengadep.

 Bwee Kwee dan sekalian poenggawa lantas masoek mengadep dan berloetoct di hadepan Baginda Radja. Bwce Kwer berkata: Hamba jang amat rendah, Bwec Kwee Tikoan dari Shoatang, Tjelamhoe, Leksiakoan, jang baroe terangkat djadi Lipouw-Tokipsoe. dateng mengadep ka hadepan Hongsiang (Sri Baginda Maha Radja aken menjampeken banjak trima kasih aken koernia Hongsiang. Sebrapa boleh hamba nanti kerdja dengen soenggoeh hati aken djoendjoeng Hougsiang poenja prentah.

Maha Radja lantas berkata: Kami soedah lihat sadari kao memegang pangkat, kaoe ada sampe pengertian; dari itoe sekarang ini kami inget jang kaoe soedah lama bekerdja baik di Shoatang, kami angkat kaoe dan pindahken ka sini. Maka tiadalah nanti djadi sia-sia kaoe poenja kapinteran.

Bwee Kwee memanggoet dan bilang banjak trima kasih. Sasoedahnja itoe samoewa lantas poelang masing-masing.

Sasoedahnja poelang dari astana Radja, Bwee Kwee lantas prentah hambanja sadia djoli, kerna dia maoe pergi di astananja Louw Kie. Sasoedahnja sadia lantas dia brangkat teriring oleh pengikoetnja. Tempo sampe di pintoe hek dari astananja Louw Kie. jang pikoel djoli lantas brenti. Bwee Kwee lantas tanjak Mengapa kaoe-orang brenti di sini?

Itoe toekang-toekang djoli menjaboet: Di sini ada soerat, boeninja: Siapa naik djoli atawa koeda, misti toeroen di sini.

Bwee Kwee tida maoe toeroen dan soeroeh djalan teroes sadja sampe di moeka astana. Tempo dia sampe di sitoe, sekalian penoenggoe pintoe astana lantas dateng menanjak. katanja: Siapa ini, maka brani langgar prentah kita poenja Sinsiang dan téroes naik djoli sampe di sini?

Pengikoetnja Bwee Kwee menjahoet: Kita poenja Loia jang baroe diangkat djadi Li pouw Tokipsoe, dan maoe minta bertemoe pada Sinsiang.

Itoe penoenggoe-penoenggoe pintoe lantas hilang Apa kaoe orang taoe atoeran di sini? Siapa jang maoe madep pada kita poenja Loïa, dia misti pake wang paling sedikit 100 ringgit.

Bwee Kwee poenja orang lantas kasih taoe pada dia-orang poenja loïa, jang ada atoeran bagitoe. Bwee Kwee denger bagitoe, lantas panggil itoe pendenggoe pintoe dan tanjak: Itoe atoeran dari mana datengnja ? Apa oendang-oendang ada seboet itoe? - Sekarang ini kaoe maoe kasih taoe pada kaoe poenja toewan jang kami dateng maoe bertemoe, itoe poen baik tida ja seodah. Slamat tinggal! Sampeken sadja kami poenja hormat pada kaoe poenja toewan dan bilang jang kami ada dateng, tapi tida bisa bertemoe padanja.

Bwee Kwee kasih tinggal dia poenja thiap (kartjis) dan terors brangkat poelang. Dari sebab bagitoe, itoe orang-orang penoenggoe pintoe samoewa djadi dapet sakit hati, dan sasoedahnja Bwee Kwee brangkat, itoe orang-orang samoewa lantas moelai bitjara satoe sama lain, katanja : Ini satoe poenggawa brani sekali oendjoek di sini dia poenja kabesaran Nanti dia boleh dapet soesah!

 Sa-orang dari padanja lantas masoek mengadep pada Louw Kie dengen bawak itoe thiap. Louw Kie tanjak: Kaoe poenja tangan pegang apa itoe ?

 Itoe orang lantas berloetoct dan bilang: Ini thiap dari Bwee. Kwee, jang baroe diangkat djadi Lipouw-Tokipsoe.

 Louw Kie ambil dan libat soerat itoe, lantas menanjak: Apa Bwee Kwee ada di loewar?

 Itoe penoenggoe pintoe menjahoet: Itoe satoe poeggawa dia poenja perkataan dan kalakoean tida patoet sakali.

 Louw Kie lantas tanjak katanja: Bagimana?

 Itoe orang menjahoet: Itoe Bwee Kwee pake dia poenja djoli sampe di moeka astana, bitjara kasar sekali dari dalem djoli dan lempar kasih tinggal ini thiap, teroes djalan brangkat poelang kombali.

 Bagitoe itoe penoenggoe pintoe bitjara, dan tambahin lagi dengen segala perkara djoesta boewat bikin Louw Kie djadi lebih marah.

 Itoe tempo kahetoelan Ocij Siong lagi doedoek bersama-sama Louw Kie.

 Lonu Kie blon bilang apa-apa, Oeij Siong lantas berkata: Boleh ada itoe orang jang bagitoe brani, tida taoe adat, hati besar dan koerang-adjar? Paling baik siang-siang kita tjari akal boewat bikin dia poenja tjilaka, soepaja djangan kita djadi ada poenja moesoek.

Louw Kie denger Oeij Siong poenja perkataän, lantas tertawa dan bilang pada itoe orang penoenggoe pintoe: Itoe Bwee Kwee satoe poenggawa jang miskin sekali; kami rasa dia tida nanti bikin bagitoe roepa. Pergilah kaoe kaloewar sadja.

Tempo itoe orang dateng di loewar, dia lantas bilang pada temen-temennja, jang dia heran sekali, kenapa toewannja denger dia mengadoe, tiada djadi goesar.

Lonw Kie berkata pada Oeij Siong: Itoe Bwee Kwee satoe orang jang pinter. Soedali lama kami ada satoe niatan. lni sekarang niclinken perkara ketjil; baik kita sabar sadja, soepaja dengen perlahan nanti kita-orang boleh ambil dia poenja hati barangkali dia nanti boleh djadi kita poeija kawan.

Tempo Bwee Kwee soedah poelang dari astananja Louw Kie dia lantas pergi di astana Pang Lok-Thian jang berpangkat Totjhat-ie. Satelah sampe, dia kasih taoe sama penoenggoe pintoe, jang dia maoe bertemoe Totjhat-Te. Itoe penoenggoe pergi masoek kasih taoe dan lantas kaloewar kombali, minta Bwee Kwee masoek ka dalem, Bwee Kwee lantas masoek ka astana, bertemoe pada Pang Lok-Thian, jang kabetoelan lagi doedoek sama sama Tan Djit Sing, jang berpangkat Lipouw Siangsi, Liok Hok-Tjlie. jang berpangkat Tjiam-Soehoe dan Tong Tjien jang berpangkat Hanhim-Tai Hak or, samowa itoe baugoen dan samboet datenguja Bwee Kwee. Tempo Bwee Kwee dateng mengadep, lantas sadja maoe berloetoet di depan itoe poenggawa samoewa, tapi Pang-Lok Thian tjepet samboetin, tida kasih dia bikin bagitoe, Serta bilang Soedara jangan bikin bagitoe. Saja soedah taoe jang soedara bakal dateng di sini. maka itoe saja soedah ondang ini tiga solat dateng koempoel di sini, boewat bertemoe pada soedara. Sembari bilang bagitoe Paug Lok-Thian pegang tanganuja Bwee Kwee, toentoen masoek ka dalem dan adjak samoewa berdoedoek. Pang-Lok-Thian dan Tan Djit Sing berkata : Salamanja soedara tinggal di Shoatang, kitaorang di sini sering sekali merasa kangen. Sekarang soedara pegang kerdjaän di sini, itoe bikin kita orang soeka hati sekali: sore-pagi kita-orang boleh bertemoe.

Bwee Kwee menjahoet: Saja djoega sering sekali merasa kepingin bertemoe sama sedara soedara samoewa, tapi tida bisa djadi. sebab ada berpisali djaoeh. Sekarang jang dengen koernia Maha Radja saia memegang pekerdjaän di sini. ada seneng sekali saja poenja hati, kerna saben hari saja boleh bertemoe pada soedara-soedara boewat menanjak apa-apa jang saja koerang mengarti.

Pang Lok-Thian lantas tanjak padanja :

Apa soedara soedah pergi djoega di astana Sinsiang dan bertemoe pada Louw Kie?

Bwee Kwee menjahoet: Baroe saja poelang dari sitoe: tapi ada sedikit perkara jang rida, baik ditjeritain di sini.— Tan Djit Sing mejahoet: Mengapa bagitoe? Perkara apatah itoe? Bwee Kwee berkata: Saja sama soedara-soedara samoewa, bermoela kali soedah dapet nama Tjinsoe; sekarang kita soedah djadi poenggawa Maha Radja, boekan tida lain, melinken kita misti oeroes baik pendoedoek negri Tapi tadi saja soedah dateng di moeka astana Sinsiang, bertemioe dia poenja hamba-hamba jang betoel tida sekali ada poenja maloe dan tida sekali kenal orang: dia-orang brani boeka moeloet boewat minta wang sama saja, soepaja boleh bertemoe pada Sinsiang. Tjoba sordara-soedara pikir, saja di mana ada poenja wang 100 ringgit boewat kasih sama dia? Dari itoe saja soedah lemparin saja poenja thiap dan bitjara kras pada itoe orang-orang dan teroes dateng di sini.

Pang Lok Thian dan sekalian sobat-sobatnja denger Bwee Kwee bitjara bagitoe, lantas tertawa dan bilang: Soedara poenja perboewatan itoe ada oendjoek satoe hati laki-laki. Itoe kita-orang samoewa poedji sekali. Pang Lok Thian lantas soeroeh sadia makanan dan adjak samoewa sobatnja makan.

Sasoedahnja makan, dia-orang doedoek omong lagi. Tan Djit Sing menanjak pada Bwee Kwee, katanja: Soedara poenja anak dan istri kapan nanti dateng di sini?

Bwee Kwee menjahoet: Saja poenja anak dan istri poelang di Siangtjine: saja tjoema bawak satoe boedak toewa sadja. — Sekarang saja mane bitjara teroes-trang jang saja dapat ini pangkat, soenggoeh saja djadi merasa sedih sekali; dari itoe maka saja tida bawak saja poenja anak-istri.

Pang Lok Thiau dan lain-lainnja djadi kaget mendengar omongan itoe, dan tanjak: Mengapa sedara bitjara bagitoe? Ada apa sebab?

Bwee Kwee menjahoet: Saja tempo pegang pekerdjaän di shoatang, memang soedah lama dapat denger jang itoe kansin-kansin soedah berkawan. Sekarang saja pegang ini pangkat di sini, tantoe sekali saja djaga, tida kasih dia-orang main gila, saboleh-boleh saja maoe bikin habis sama dia-orang.

Liok Hok Tje lantas berkata pada Bwee Kwee: Soedara ada poenja ingatan begitoe. apa tida taoe itoe kansin-kansin ditjinta sekali sama Radja? — Ini tempo tantoe soedara tida bisa bikin apa-apa. Paling baik sabar doeloe, menoenggoe sampe katjintaännja Maha Radja djadi koerang. bare kita tjari akal boewat bikin habis dia-orang samoewa. Itoe paling baik.

Bwee Kwee menjahoet: Soedara poenja perbilangan betoel sekali: tapi saja tida boleh seneng hati, kaloe saja blon bikin habis itoe samoewa. Maka itoe saja rasa saja tida bisa sabar. Kaloe saja boleh bikin terboenoeh itoe kansin-kansin boewat bikin seneng sekalian. poenggawa jang baik, biar saja boleh djadi mati, saja poen soeka hati. Tjoema saja kirim sadja saja poenja anak-bini pada soedara-soedara samoewa. Apa soedara-soedara tida denger. jang sekarang di Koeijrang Tiotjioehoe, Hongtotin banjak brandal sedab bikin hoeroe-hara, merampok goedang-goodang negri, bikin soesah orang dagang? Apa ini boekan Louw Kie poenja salah? Dia soedah kasih lepas itoe Tjongping (kepala prang) di sana, maka djadi ada begitoe roepa. Dan lagi di wates Tattan itoe orang-orang di sitoe sering-sering berontak, merampok kanan-kiri. Itoe djocga soedah djadi dari Louw Kie poenja salah. Tempo djaman Maha Radja jang doeloe saben tahon itoe orang-orang di sana dapet toeloengan beras, dari Pemarentah: tapi sekarang Louw Kie soedah kasih brenti itoe perkara toeloeng beras, dan dia tida atoer boewat djaga di sana, djangan sampe itoe orang-orang berontak. Bagimana saja poenja ingetan, boewat ini doewa perkara misti boenoeh lebih doeloe itoe Louw Kie dan Oeij-Siong, dan lantas angkat kombali satoe Tjong-ping boewat djaga kasenangan orang-orang ketjil di Hongtotiu, dan bantoe kombali toeloengan beras pada orang-orang di Tattan seperti doeloe. Kaloe dibikin bagitoe, temtoe segala hoeroe-hara djadi brenti dan negri djadi seneng kombali.

 Pang Lok Thiau menjahoet: Soedara poenja timbangan samoewa baik; tapi barangkali Maha Radja tida socka toeroet, kerna sering-sering kaloe orang kasih taoe atoeran jang baik, Maha Radja tida pertjaja baiknja. Kaloe kita orang kasih masoek soerat, tantoe Radja kasih Louw Kie priksa. Dia poen memang ditjinta sekali oleh Maha Radja; tantoe tida bergoena kita bikin apa-apa. Maka itoe kita-orang samoewa soedah diam sadja, tida maoe berbantah sama Radja.

 Bwee Kwee dengar bagitoe. lantas bangoen dengan goesar dan berkata: Sekarang njata sekali pada saja, jang soedara-soedara samoewa maoe ikoetin sadja Radja poenja kahendak dan maoe toetoep sadja itoe kansin-kansin poenja rasia. Saja sendiri sadja jang tinggal beda dari itoe maka bagitoe lama baroe bisa naik pangkat. Kaloe bagitoe soedara-soedara samoewa tida perdoeli ditjela orang, samadjoega maoe bilang: biar orang maki, asal kita tinggal senang.

 Habis bilang bagitoe, Bwee Kwee lantas kasih slamat tinggal dan teroes djalan poelang.

 Sasoedahnja Bwee Kwee pergi, Pang Lok Thian lantas berkata pada sekalian sobatnja: Itoe Bwee Kwee poenja hati ada kras sekali: baiklah kita traoesa kasih ingat lagi apa-apa padanja, sebab baroesan dia soedah djadi goesar.

 Tong Tjien menjaboet: Bwee Kwee satoe orang jang pake hati soetji sekali. Kaloe ada apa-apa dan kita tida kasih ingat padanja, siapa lagi jang nanti kasih ingat! Kaloe kita, sekalian sobat, taoe satoe sama lain poenja adat, tantoe djadi baik. Kamoedian samoewa lantas brangkat poelang.

 Bwee Kwee tempo sampe di roemahnja, masih djoega dia marah-marah, dan berkata-kata sendirian, jang sebab dia djadi poenggawa, sabrapa boleh dia maoe djaga boewat Radja poenja kabaikan, kendati boleh djadi mati, dia poen soeka hati. Dia ada bagitoe sakit hati, sampe dia tida maoe makan.

 Pada hari besoeknja, tempo Bwee Kwee trima dia poenja pangkat, samoewa poenggawa kasih slamat padanja dan satoe sama lain saling oendang datang di pesta.

 Pada satoe hari Bwee Kwee datang di Tan Djit Sing poenja pesta dan ada banjak djoega lain-lain tetamoe. Tempo lagi doedoek makan minoem. Tan Djit Sing menanjak pada Bwee Kweee: Apa soedara taoe besoek Louw Kie poenja hari tahon, dan bikin pesta toetoep oemoer 60? Ini hari Maha Radja banjak kasih persen apa-apa padanja. Apa soedara soeka djoega toeroet kita-orang pergi di pestanja?

 Bwee Kwee menjahoet: Tantoe sekali saja maoe pergi. Di mana kita orang nanti menoenggue satoe sama lain?

 Tan Djit Sing bilang Paling baik kita orang masing-masing pergi sadja di astana Sinsiang dan bertemoe di sitoe.

 Sekalian orang jang ada di sitoe, samoewa bilang baik. Sahabisnja makan-minoem. masing-masing lantas brangkat poelang dari astana Tan Djit Sing.

 Pada hari besoknja, Maha Radja ada kasih prentah, segala kantoor biar ditoetoep, kerna Louw Kie poenja hari tahon, dan samoewa orang boleh pergi di pestanja. Sekalian poenggawa trima itoe prentah, samoewa tida dateng di kantoor dan rata samoewa pergi di Louw Kie poenja pesta. Rame sekali melerot-lerot djoli, koeda dan kreta, dan barang-barang jang orang menganter tida poetoesnja ka astana Louw Kie. — Jang samboet sekalian tetamoe di astananja Louw Kie, ija itoe Oeij Siong.

 Tempo samoewa orang soedah koempoel, Tong Tjien berkata: Kenapa Bwee Kwee blon dateng? - Dia lagi berkata bagitoe, lantas dateng penoenggoe pintoe mengadep pada Oeij Siong dan bawak satoe nenampan barang-barang anteran serta thiapnja (kaartjis).

Oeij Siong trima itoe thiap dan libat itoe barang-barang anteran tida lain adanja melinkan mishoa dan goela-batoe. Hatinja Oeij Siong ada goesar, tapi moekanja tertawa dia bilang pada sekalian orang: Tjoba lihat ini Bwee Kwee poenja anteran bagoes sekali!

— Habis bilang bagitoe, dia lantas panggil Bwee Kwee poenja orang dan bilang : Ini barang kami tida brani trima: mari kita-orang pergi sadja sama-sama mengadep pada Sinsiang, kasih oendjoek ini anteran.

 Tempo sampe di depan Louw Kie dan dia kasih oendjoek itoe anteran. Louw Kie bilang pada Oei Siong: Trima sadja ini anteran, sebab Bwee Kwee sa-orang miskin; dan kaoe pergi sadja kombali rawatin trima tetamoe.

 Tida lama lagi Bwee Kwee lantas dateng masoek di astana dan dapet lihat segala barang ada bagoes-bagues dan aloes sekali : sekalian tetamoe ada koempoel. Oeij Siong lantas samboet dengen hormat pada Bwee Kwee dan adjak doedoek sembari berkata : Saja poenja bapa-angkat sering-sering poedji losiansing poenja kapintaran.

 Bwee Kwee menjahoet: Itoe ada terlaloe brat boewat saja. Kamoedian dia lantas menanjak pada Oeij Siong: Taidjin poenja oemoer ini tahon toetoep brapa?

Oeij Siong menjahoet: Saja poenja oemoer 54.

Bwee Kwee lantas berkata: Sinsiang poenja oemoer ini tahoen baroe 60, tjoema lebih toewa dari taijdjin 6 tahoen sadja: bagaimana boleh djadi pernah bapa? Ija itoelah ini djaman sekarang orang tiada timbang tail dan kati mana ada lebih berat, melingken orang inget siapa kaja dan perpangkat besar, itoe sadja teroetama, tida perdoeli maski ada langgar atoeran.

Oeij Siong denger itoe, boekan patoet dia poenja merasa maloe, sampe tida bisa boeka moeloet lagi.

Sekalian tetamoe lantas disilaken doedoek. Tempo semoewa seodah doedoek, ada jang berkata pada Bwee Kwee, jang dia (Bwee Kwee) dateng ada lat sekali, dan dari itoe patoet misti minoem lebih banjak dari jang lain. Bwee Kwee menjahoet: Saja kaloe dateng di mana pesta hari tahon dan lain-lain pesta kasoekaan, memang saja soeka minoem banjak. Tapi kaloe di tempat orang kamatian saja tida sekali bernapsoe minoem (.'.)

(.'.) Brangkali kaloe di dalem pesta hari tahon orang seboet-seboet perkataan mati djadi bikin koerang enak sama jang poenja hari tahon dan sanak-soedaranja Sekalian tetamoe denger bagitoe samoewa pada menengok lihat Oeij Siong. Oeij Siong poenja moeka itoe waktoe djadi poetjet dari maloe dan dari kaliwat maloenja dia lantas djadi marah. Dia panggil orangnja jang toenggoe pintoe, lantas bilang: Sekarang maski siapa djoega dateng mengentar, djangan ditrima lagi, soepaja djangan kadatengan lagi orang jang tida taoe diri seperti ini.

Bwee Kwee merasa dirinja jang diseboet itoe; dia lantas djadi goesar dan bangoen dari korsi, menoendjoek pada Oeij Siong sembari berkata: Kaoe sa-orang sama djoega gladak! Kaoe kira kami ini sa-orang apa, maka koea bagitoe brani koerangadjar? Kami dateng di sini melinken sebab pandeng Baginda Maha Radja, beokan boewat tjampoer sama kaoe jang sama djoega binatang. Kaloe kami tida bikin habis kaoe samoewa kansin, kami tida maoe djadi manoesia lagi!

Sekalian tetemoe lihat Bwee Kwee dan denger dia poenja omongan begitoe kras dan Oeij Siong soedah djadi marah, samoewa djadi diam. Tjoema Tan Djit Sing jang lantas menghadep dan berkata pada Bwee Kwee: Brangkali soedara soedah djadi mabuk: baiklah kita-orang poelang sadja.

Bwee Kwee menjahoet: Banjak trima kasih, jang soedara ada bagitoe tjinta; tapi ini satoe gladak ada bagitoe koerangadjar, bagaimana saja boleh tahan?

Tan Djit Sing lantas sadja pegang tangannja Bwee Kwee, toentoen ka loewar biar dia naek djoli dan pergi poelang. Kemoedian Tan Djit Sing balik masoek kombali dengen ingetan, maoe bitjara sama Oeij Siong. soepaja djangan dia. djadi goesar. Tempo dia mengadep pada Oeij Siong, segala tetamoe soedah boedjoek djoega pada Oeij Siong, soepaja djangan djadi goesar. Habis itoe, samoewa tetamoe lantas kasih slamat tinggal, dan Oeij Siong anter sampe di loewar kasih slamat jalan. Sameowa teroes berangkat poelang.

Oeij Siang lantas masoek ka dalem astana dengen marah-marah dan riboet memaki dengan soewara kras. ltoe tempo Louw Kie lagi doedoek minoem, dilajanin oleh banjak nona-nona jang bertandak dan njanji boewat bikin Lonw Kiei poenja plesir. Tempo dia denger soewaranja Oeij Siong jang riboet mertaki, dia djadi kaget dan lantas soeroeh panggil Oeitj Siong itoe. Oeitj Siong satelah dateng, Louw Kie lantas tanjak katanja: Anakkoe! ada perkara apa, maka koea riboet bagitoe?

Oeij Siong menjahoet: Bwee Kwee poenja kalakoean tida patoet sekali! Tadi dia soedah maki-maki pada entia dan bilang entia poenja kelakoen boesoek sekali.

Habis bilang bagitoe, lantas dia kasih taoe samoewa, moelain dari ditanjak oemoernja sampe pengabisan. Louw Kie tempo denger bagitoe, lantas djadi marah dan bilang: Boleh ada ini perkara? Kami jang pake hati baik, itoe Bwee kwee brani maki-maki? Betoel dia sama djoega satoe binatang. Kami maoe lihat sama dia! Dia rasa dia pinter? Dia tida taoe di mana dia poenja kamatian! Nanti kami kasih tjoba sama dia! Betoel djoega orang poenja pribahasa: Orang ada niatan boenoeh matjan, tapi matjan memang inget maoe makan orang. Anak koe traoesah tjape hati. Nanti kami bikin tjilaka sama dia. Sekarang mari kita-orang doedoek minoem.

Oeij Siong lantas doedoek dan berdami boewat dapet akal, bgaimana boleh bikin tjilaka sama Bwee Kwee. Sasoedahnja makan-minoem, dia orang lantas masoek tidoer.

Sampe besoknja pagi, samoewa poenggawa pergi mengadep pada Maha Radja. — Sebab tida ada perkara apa-apa, samoewa lantas poelang kmebali sadja. Blon sabrapa lama Louw Kie poelang ka astananja, lantas orangnja jang djaga pintoe dateng kasih taoe, jang di loewar ada Baginda Radja poenja soeroehan minta bertemoe. Louw Kie lantas pergi kaloewar, samboet itoe soeroehan. Itoe orang soeroehan Radja bertemoe pada Louw Kie lantas berkata sembari tertawa: Baginda panggil Sinsiang, maoe adjak main tjatoer (tioki) di Tianglokthian. Harep Sinsiang lekas dateng di sana, sebab Baginda Radja soedah menoenggoe.

Lauw Kie bilang: Kaoe djalan lebih doeloe dan toenggoe di sana; sebentar kami lantas dateng.

Itoe soeroehan lantas djalan djalan pergi dan menoenggoe di pintoe Kraton datengnja Louw Kie. Tempoe itoe soeroehan Radja soedah pergi, Louw Kie lantas masoek di kamar toelis, toelis satoe thiap dan lantas masoekin di sakoe badjoenja: kamoedian teroes dia naik djoli pergi ka Kraton. Sasampenja di pintoe Kraton dia lantas bertemoe itoe soeroehan jang tadi, dan lantas dia di adjak masoek bertemoe Radja Tianglokthian. Radja lihat dia dateng, lantas berkata: Ini hari kabetoelan lagi seneng, tida perkara apa-apa; baik kita orang main main tjatoer boewat plesir sedikit.

Habis bilang bagitoe Baginda lantas soeroeh orangnja kasih korsi pada Sinsiang. Sinsiang lantas doedoek dengen bilang trima kasih dan lantas moelain main. Dengen sengadja Sinsiang bikin mainnja djadi kalah sampe doewa kali. Baginda lantas tanjak: Ini hari Sinsiang kenapa main seperti orang jang tida seneng? Apa sebabnja?—

Louw Kie bangoen, lantas berloetoet dan berkata : Hamba lagi pikiran perkara negri dan pendoedoek negri: maka itoe hamba poenja hati ada koerang seneng aken main. Hamba moehoen sadja Hongsiang tida djadi ketjil hati. — Ini sekarang hamba ada bawak djoega satoe pangadoean dan harep Honsiang soeka priksa. Hari kemarin hamba dapet trima satoe laporan dari wates Tattan, terseboet dalem Kraton poenja poenggawa ada jang kongkol sama orang Tattan. Sebab hamba blon dapat katrangannja ini perkara, maka sampe sekarang hamba baroe masoek lapor. Hamba soedah soeroeh orang oesoet-oesoet ini perkara, dan sekarang soedah dapet satoe katerangan jang boleh bikin orang heran sekali. Di mana Hongsiang poenja pinggir mata ada diam itoe Kaosin itoelah hamba boewat pikiran, maka hamba main djadi kalah sadja.

Sri Baginda denger itoe lantas djadi kaget dan berkata: Sinsiang! kaoe ada satoe poenggawa jang paling besar. Kaloe kaoe dapet taoe ada perkara bagitoe roepa, kenapa tidak lapor tadi pagi, soepaja kita boleh lantas boenoeh itoe Kansin?

Louw Kie menjahoet: Tadi pagi djoega hamba soedah taoe trang ini perkara: tapi hamba masih pikir lebih djaoeh lagi, sebab itoe orang djahat ada bersobat baik sama poenggawa jang besar-besar. Maka itoe hamba tida lapor tadi pagi. Sekarang Hongsiang maoe taoe itoe orang, hamba tida berani toetoep lagi.

Sembari bilang begitoe, Louw Kie lantas kaloewarken itoe thiap jang tadi dia toelis dan serahken pada Radja. Tempo Radja soedah batja soerat itoe, lantas sadja djadi goesar dan berkata: Kami kira dia satoe orang jang baik, maka itoe kami angkat dia djadi Lipouw-Tokipsoe. Kami tida njana jang dia brani kongkol sama orang Tattan. Kaloe boekan Sinsiang kasih taoe sekarang, jang tantoe kami tiada taoe dia orang djahat.

Itoe waktoe djoega Maha Radja lantas maoe soeroeh tangkep dan lantas boenoeh orang djahat itoe. Tapi Loue Kie berkata: Djangan Hong-siang bikin begitoe doeloe toenggoe doeloe sampe besok pagi. Kaloe sekalian ponggawa dateng pengadep, biar Hongsiang kasih prentah pada Lipouw-Siangsi Tan Djit Sing, soepaja dia pergi bawak bala tantara poekoel negri Tattan; sebab dari wates soedah dateng soerat minta bantoean. Kaloe soedah di kasih prentah begitoe, jang tantoe itoe orang djahat nanti madep pada Hongsiang boewat tahan itoe pekara; di sitoe baroe Hongsiang hoekoem sama dia. Begitoe djadi kalihatan ada dia poenja dosa, menjegah kahendak Radja.

Maha Radja djadi soeka hati sekali, lantas soeroeh Louw Kie itoe bangoen, dan lantas moelain main kembali. Sasoedahnja main sedikit lama, Louw Kie lantas pergi poelang, Pada hari besoknja, di waktoe pagi, sekalian poenggawa masoek di astana Radja, aken bertemoe dan oendjoek hormatnja pada Radja, sebagimana adat jang sari-sari.

Maha Radja tempo dateng di tempat pengadepan lantas doedoek dan menanjak apa samoewa poenggawa soedah koempoel.

Tempo satoe poenggawa kasih taoe, jang samoewa soedah berkoempoel, Maha Radja lantas berkata: Kamaren kami trima satoe laporan dari wates Tattan, terseboet itoe orang Tattan berontak. Sekarang kami angkat Lipouw-Siangsi Tan Djit Sing djadi kapala prang boewat poekoel negri Tattan dan Totjhat-ie Pang Long thian djadi komisaris prang. Kaoe berdoewa kami kasih koewasa di atas ini perkara. Maka lantas kaoe-orang misti brangkat sama-sama soldadoe. Itoe doewa orang denger diprentah bagitoe, badannja lantas djadi lemas dan goemetaran, sebab dia boekan poenggawa prang dan tida mengarti perkara atoer soldadoe. Di sitoe lantas ada satoe orang dateng madep pada Maha Radja, dan berkata: Hongsiang! hamba moehoen djangan bikin bagitoe, Hamba ada poenja atoeran traoesa pake bala-tantara, dan itoe roesoeh di Tattan nanti djadi brenti.

Sembari bilang bagitoe, orang itoe lantas berloetoet dan berkata: Hamba, Bwee Kwee, jang berpangkat Lipouw-Tokipsoe, kasih katerangan pada Hongsiang. Dari doeloe kala boenkoa melinken atoer perkara negri; boekoa bekerdja dalem prang. Bagimana itoe boenkoa boleh mengarti perkara prang? Sekarang di wates Tattan soedah kasih lapor minta bantoean, sebab ada roesoeh di sana. Tapi itoe orang di sana soedah roesoeh dari sebab terpaksa, kerna Hongsiang terlaloe pertjaja sama kansin, jang soedah robah Radja doeloe poenja atoeran dan kasih brenti itoe perkara kasih toeloeng bras pada orang Tattan. Maka itoe djadi timboel karoesoehan. Hamba rasa lebih baik kasih kaloewar wang boewat toeloeng bras, dari pada kasih kaloewar wang boewat bala-tantara jang digoenaken poekoel itoe negri. Kaloe itoe orang Tattan soedah dapet toeloengan bras, tentoe dia djadi taloek kombali. Hamba harep Hongsiang nanti trima ini permintaan, soepaja jadi kabaikannja negri, dan Hong-siang lantas priksa, apa sebab maka Louw-Kie soedah brani robah atoeran Maha Radja jang doeloe. Kaloe Hongsiang priksa itoe, hamba rasa tentoc itoe Louw Kie dan Oeij- Siong misti terboenoeh.

Malia Radja deuger bagitoe, lantas djadi goesar pada Bwee Kwee dan berkata: Kaoe jang blon bisa membela negri, kaoe brani bitjara jang Sinsiang ada djahat? Radja loe soedah bikin itoe atoeran kasih toeloeng bras pada orang Tattan, itoe soedah djadi dari sebab itoe tempo tida ada poenggawa jang satia boewat tjegah itoe perboewatan jang salah. Sekarang kami ada beroenteeng dapet ini Sinsiang jang satia hati, jang kasih mengarti itoe perkara ada salah, maka perkara itoe dirobah. Orang bilang jang kaoe ada kongkol sama itoe orang Tattan; sekarang kami kira itoe perkara ada betoel, una ka kaoe bitjara bagitoe roepa. Sekarang kami misti hoekoem padamoe boewat bikin takoet jang lain.

Maha Radja habis bilang bagitoe, lantas prentali orang hoeka Bwee Kwee poenja pakean dan lantas serahken Bwee Kwee pada legodjo, soepaja lantas diboenoeh mati. Tempo diboeka dia poenja pakean, Bwee Kwee djadi tertawa besar dan bilang Hamba djadi Hongsiang poenja poenggawa selamanja ada dengen satia; sekarang hamba trima ini hoekoeman dengen segala socka hati, dan hamba nauti lantas troes di a herat kasih taoe ini perkara samoewa pada Radja jang doeloe.

Habis bilang bagitoe, Bwee Kwee lantas berkata pada Louw Kie: Kaoe, kansin! kaoe bisa toetoep Radja poenja mata, tapi tida nanti bisa djoestain Toehan Allah. —Kemoedian Bwee Kwee itoe lantas triak, katanja: Sekarang hamba pergi Tjoemah sajang Hongsiang poenja karadjaän nanti djatoeh di tangan lain orang.

Habis bilang bagitoe dia lantas kasih slamat tinggal jang pengabisan pada Paug-Lok-Thian dan Tan Djit Sing. Sasoedahnja itoe dia lantas dibawak dan dipotong kapalanja.

Tempo Bwee Kwee soedah dibawak pergi, Maha Radja lantas menanjak pada Pang-Lok-Thiau dan Tau Djit Sing, katanja: Mengapa kaoe orang tida lekas pergi atoe soldadoe? Apa kaoe maoe bitjara apa-apa lagi, maka kaoe tinggal sadja berloetoet?

Itoe doewa orang lantas menjahoet: Hamba sekola dari ketjil tida sekali beladjar dari perkara prang. Kaloe hamba trima ini prentah, brangkali nanti boleh djadi kapiran. Maka itoe hamba moehoen Hongsiang poenja timbangan.

Maha Radja lantas berkata: Kaoe doewa orang tiada toeroet prentah, patoet misti dapet hoekoeman djoega; tapi sebab kaoe orang soedah bekerdja lama, sekarang kami kasih lepas sadja dari kave orang poenja pangkat.

Itoe doewa orang memanggoet bilang banjak trima kasih dan teroes djalan poelang.

Maha Radja lantas berkata pada Louw Kie: Sinsiang tjoba oendjoek satoe orang: siapa jang boleh pergi di Tattan boewat poekoel itoe negri ?

Louw Kie bilang: Oan Hoe Siang jang sekarang pegang pangkat pengponwsilong ada sampe pinter,

Radja trima itoe perbilangan, dan lantas prentah Dan Hoe Siang bawak tantara pergi di wates Tattan. Sasoedahnja itoe, samoewa poenggawa lantas boebar poelang.

Tempo kaloewar dari astana Radja, Pang-Lok-Thian dan Tan Djit Sing bitjara berdoewa, katanja: Lantaran kita orang berdoewa poenja perkara. Bwee Kwee soedah djadi terboenoeh mati patect kita orang rawatin majitnja, boewat djadi satoe tanda dari kita-orang poenja tjinta.

Tempo ada di djalan, dia orang bertemoe sama legodjo jang habis boenoeh Bwee Kwee. Dia orang lantas tanjak, itoe Bwee Kwee poenja majit ada di mana. Itoe legodjo menjahoet: Ada di sana, lagi dioeroesin oleh satoe boedak toewa.

Pang-Lok-Thian dan Tan Djit Sing denger bagitoe, lantas dia bitjara berdoewa doewa sembari djalan. Tan Djit Sing berkata: Bwee Kwee tida ada poenja sanak-soedara di sini ; patoet kita orang misti bikin betoel, kasih masoek majitnja dalem peti dan tjari tempat sepi boewat taroek peti itoe.

Pang-Lok-Thian menjahoet: Saja poenja ingetan, paling baik ditaroek di itoe klenteng (mesigit) jang bernama Siangkoksi.

Tan Djit Sing menjaloet: Saja poenja pikiran djoega bagitoe. Sekarang biar kita orang pergi di itoe klenteng, boewat bitjara pada itoe hweshio jang djaga di sana, soepaja boleh kirim itoe peti mati di sitoe.

Sasampenja di itoe klenteng, dia orang ditrima oleh hweshio dengen segala soeka hati dan lantas dia orang berdoewa pergi tjari Bwee Kwee poenja boedak. Di djalan dia orang bertemoe sa-orang toewa jang berlari-lari dengen menangis. Dia orang lantas tanjak orang itoe, katanja: Apa kaoe boedaknja Bwee Kwee?

Itoe orang menjaloet: Betoel.

Dia orang lantas tanjak kombali: Apa kaoe poenja loïa soedah dimasoekken di peti?

Itoe orang toewa menjahoet: Soedah. Tjoema hamba ada ingetan mane kirim itoe peti di Siangkoksi. Maka itoe hamba dateng di sini.

Pang-Lok Thian lantas kata: Kita orang soedali bitjara sama itoe weshio dan atoer itoe perkara. Sekarang lekas kaoe pegi ambil petinja kaoe poenja loïa dan bawak masoek di dalem itoe klenteng, soepaja menoenggoe sampe kaoe poenja Kongtjoe Bwee Liang Giok djadi besar, dan boleh ambil itoe.

Itoe boedak bilang Banjak trima kasih aken loïa poenja katjintaän. Hamba poenja ingetan djoega bagitoe.

Pang-Lok-Thian bilang: Kaoe lekas pergi atoer itoe: kerna kami berdoewa soedah dapet prentah, jang sekarang djoega misti pergi dari sini. Dari itoe kita orang djadi tiada bisa boewat sembajangin. Kaloe kaoe soedah atoer beres, lekas misti poelang di Siangtjioe, kasih taoe hal itoe pada Hoedjin dan Kongtjoe; djangan kaoe tinggal lama di sini.

Itoe boedak menjaboet: Samoewa hamba. mengarti baik.

Dari sitoe lantas dia orang berpisal: Pang-Lok-Thian dan Tan Djit Sing masing-masing poelang ka roemahnja, benahin dia poenja harta banda dan teroes poelang ka kampoengnja.

Itoe boedak toewa bawak dia poenja loïa poenja peti mati, kirim dalem itoe klenteng, dan sasoedahnja selese, lantas dia brangkat poelang ka Siangtjioe. Tapi sebab dia sa-orang soedah ada oemoer dan hatinja bagitoe sedih dari sebab dia poenja loïa soedah mati, djoega misti djalan sendirian bagitoe djaoeh kasian sekali — satoe tempo dia dapet sakit dan mati di perdjalanannja.

Tempo Louw Kie soedah poelang dari astana Radja, dia dapet ingetan, jang sekarang betoel Bwee Kwee soedah mati, tapi di Siang-tjioe masih ada anak-bininja; kaloe marika itoe tida dibikin abis, tantoe di blakang kali djadi timboel lagi moesoeh. Dia lantas toelis satoe prentah palsoe dengen pake nama Radja boewat tangkep anak-istrinja Bwee Kwee. dan kasih soerat itoe pada ampat poenggawa jang misti pergi menangkep dia-orang. Itoe 4 poenggawa trima itoe soerat, teroes brangkat djalan ka Siangtjioe.

Sasampenja poenggawa-poenggawa itoe di Siangtjioe, dia orang mengadep pada Tikoan di sana, sa-orang bernama Tan Ho alias Boen Pik. Sablonnja bitjara apa-apa, itoe 4 orang bilang Kita orang ada bawak perkara rasia; dari itoe kita minta soepaja segala boedak di sini disoeroeh pergi di loewar.

Sasoedahnja segala hoedak pergi kaloewar, itoe 4 poenggawa lantas kasih oendjoek soerat jang dia-orang bawak pada itoe Tikoan. Tan Ho trima itoe soerat, djadi kaget dan berkata: Itoe Bwee Liang Giok satoe orang jang kesohor pinter sekali di sini dan ada poenja banjak sobat. Kaloe kita orang maoe pergi tangkep sama dia sekarang, saija selempang dia tida ada di roemah, dan kaloe satoe kali djadi gagal, tantoe dia lantas dapet taoe dau teroes pergi lari. Mana lebih baik besok pagi-pagi kita orang pergi dengen bawak banjak orang boewat tangkep sama dia? Bagitoe tantoe dapet.

Itoe 4 orang menjahoet: Bagimana taijdjin poenja ingetan, saja toeroet.

Tikoan lantas menanjak pada itoe 4 soeroehan. Bwee Kwee soedah tjegah maoenja Radja dalem perkara apa, maka diboenoeh mati. Itoe 4 soeroehan lantas kasih taoe samoewa Bwee Kwee poenja hal.

Tempo dia orang bitjara bagitoe, dia orang tida kira, jang ada satoe boedak bernama Tan Lioe soedah denger itoe rasia samoewa, dan ini Tan Lioe satoe orang jang moeloet botjor sekali. Tempo habis denger orang bitjara, Tan Lioe ada merasa gatel badannja, dan inget maoe pergi mandi. Dia lantas djalan ka logwar dan kasih taoe sama penoenggoe pintoe, soepaja pintoe djangan dikontji doeloe, sebab dia maoe pergi mandi. Di djalan dia bertemoe sama sa-orang bernama Touw Sin. Ini Touw Sin tanjak sama dia, katanja Taisiok sampe sekarang baroe kaloewar, apa ada perkara apa?

Tan Lioe menjahoet: Tida ada perkara apa-apa tjoema saja maoe pergi mandi, sebab badan ada berasa gatel.

Touw Sin bilang Sekarang masih siang; baiklah kita pergi doeloe di waroeng arak dan minoem sedikit.

Tan Lioe bilang baik dan lantas pergi sama-sama masoek di waroeng arak. Sembari doedoek minoem, dia orang omong-omong. Touw Sin tanjak: Ini hari ada dateng soeroehan dari Kota Radja, ada apa perkara?

Tan Lioe menjahoet: Baik kita minoem sadja, traoesa perdoeli itoe perkara.

Itoe Touw Sin kata: Di dalem ini satengah boelan saja poenja djagaän. Kaloe saja dapet taoe ada perkara jang besar, saja boleh lantas koempoel temen boewat toenggoe prental.

Tan Lioe lantas kata: Kaoe pegang kerdjaän, betoel ati-ati sekali! Tapi ini satoe perkara djangan sekali-kali kaoe kasih taoe sama lain orang.

Itoe Touw Sin menjahoet: Kaloe taijsiok kasih taoe, tantoe saja tida boeka itoe rasia.

Tan Lioe bilang Ini hari itoe soeroehan dateng maoe tangkep Bwee Kwee poenja anak-bini. Kita poenja loïa djandji, maoe tangkep besok pagi-pagi. Dari itoe kaoe misti sadia sadja temen-temen, dan menoenggoe di loewar. Djangan kapiran!

Touw Sin lantas berkata: Bwee Kwee baroe naik pangkat. Dia dapet perkara apa, maka sampe bagitoe tjilaka?

Tan Lioe menjahoet: Radja maoe soeroeh Tan Djit Sing dan Pang Lok Thian djadi kepala prang dan pergi poekoel Tattan. Bwee Kwee soedah tjegah Radja poenja maoe, sebab itoe doewa orang boekan poenggawa prang dan tida bisa bekalai, dan sebab Bwee Kwee bermoesochan djoega sama Louw Kie, lantas Radja soeroch boenoch sama dia. Dia poenja mait sekarang ada di kirim di Siang-koksi. Sekarang ini 4 soeroehan dateng, maoe tangkep Bwee Kwee poenja anak bini, soepaja boleh di hoekoem djoega.

Itoe Touw Sin denger bagitoe, djadi kaget dan merasa sakit hati, tapi dia tertawa sadja dan berkata: Baik sekali taijsiok soedah kasih tape ini perkara saja nanti sadia temen-temen ini malem djoega boewat menoenggoe. Kaloe tida, tantoe djadi kapiran.

Sahabisnja dia minoem, lantas dia orang berdoewa kaloewar dari itoe waroeng arak. Itoe Tan Lioe pesen lagi satoe kali, jang ini rasia djangan sekali terboeka, sebab boleh djadi dapet hoekoeman. Kamoedian dia lantas pergi mandi.

Itoe Touw Sin ada sa-orang jang doeloe hari ada dapet perkara berkalai dan soedah poekoel satoe orang sampe mati. Itoe perkara ada djadi, tempo Bwee Kwee doedoek pegang prentah. Bwee Kwee soedah lihat, jang dia satoe orang baik, soedah boenoeh orang tida dengen sengadja, lantas kasih toeloeng sama dia, sampe dia tida dapet hoekoeman. Djoega Bwee Kwee soedah kasih satoe soerat sama dia boewat dia boleh masoek kerdja di Siang tjiochoe. — Maka tempo dia dapet denger perkaranja Bwee Kwee, dia djadi inget maoe bales Bwee Kwee poenja boedi. Tempo dia soedah berpisah sama Tan Lioe, lantas sadja dia lari pergi di roemahnja Bwee Kwee. Sasampenja di sitoe dia bertemioe penoenggoe pintoe, jang lantas dia tanjak katanja: Apa Kongtjoe ada di roemah? Penoenggoe pintoe menjahoet: Kongtjoe sama Hoedjin lagi doedoek mengomong didalem.

Touw Sin denger begitoe, lantas lari masoek ka dalem. Tempo bertemoe sama Hoedjin dan Kongtjoe jang lagi doedoek, lantas sadja dia berloctoet dan berkata: Hamba bernama Touw Sin dateng membri taoe, ada satoe perkara jang perloe sekali.

Hoedjin djadi terkedjoet sedikit dan lantas soeroeh dia bangoen dengen berkata: Ada perkara apa? Kage boleh lantas tjerita sadja

Touw Sin menjahoet: Hoedjin! soenggoel ini sekali tjilaka betoel! Apa orang dari Kota Radja, tida ada jang kirim soerat, maka Hoedjin tida dapet kabar? Loïa sekarang ini soedah meninggal doenia terboenoeh mati. dari sebab Louw Kie kaniaja.

Hoedjin dan Kongtjoe mendenger itoe kabar djadi kaget sekali dan moelain menangis. Dia orang menanjak: Kaoe dapet itoe kabar dari mana?

Touw Sin bilang Tadi tengahri ada 4 soeroehan dateng pada Tikoan dau tinggal di sitoe. Hamba ada poenja satoe sobat baik bernama Tan Lioe; tadi dia soedah bitjara sama hamba di waroeng arak, jang Lola soedah dikaniaja, terboenoeh mati di Kota Radja, sebab brani tjegah Radja poenja maoe, tempo Radja prentah Tau Djit Sing dan Pang Lok Thian djadi kapala prang wat poekoel Tattan tambali lagi Loïa ada bermoesochan sama Louw Kie. Sekarang itoe kansin kirim itoe 4 orang dateng di sini boewat tangkep hoedjin sama hoedjin sama kongtjoe. Baiknja kita poenja Tikoan soedah tahan sama dia orang; besock pagi-pagi baroe dia orang maoe dateng di sini boewat menangkep. Hamba sa-orang jang doeloe soedals trima Loïa pocuja toeloengan, mendenger itoe kabar, lantas djalan boeroe-boeroe dateng di sini boewat kasih taoe hal itoe pada hoedjin dan kongtjoe. Sekarang paling baik lekas pergi lari, kaloe tida, tantoe dapet tjilaka.

Hoedjin dan Kongtjoe lantas berloetoet di depan Touw Sin dan berkata: Biarlah kaoe trima jang kita, anak dan ema, bilang banjak trima kasih! Kaloe tida kave dateng kasih taoe, tantoe kita orang dapet tjilaka besar.

Touw Sin lantas berkata: Hoedjiu dau kongtjoe djangan bikin bagitoe. Paling baik biar lautas tjari pikiran di mana misti pergi, soepaja ini rasia djangan sampe djadi terboeka.

Hoedjin lantas berpikir dan bilang : Kami ada poenja satoe soedara lelaki jang sekarang tinggal di Shoatang. Paling baik kami pergi di sana.

Habis itoe, lantas dia bilang sama LiangGiok Anakkoe! kaoe baik pergi sadja di Gitinkoan, tinggal di sana sama kaoe poenja bakal mertoewa. Di sana biar kage tinggal menoenggoe; brangkali kaoe boleh beroen toeng oewat dapet pangkat.

Touw Sin bilang: Itoe samoewa betoel sekali; tapi misti lekas lantas brangkat pergi.

Hoedjin lantas panggil dia poenja orang-orang dan bilang Sekarang kami maoe pergi. Kaoe orang-orang soeka toeroet poen baik; kaloe tida, bawaklah kaoe orang masing-masing poenja diri sendiri.

Hamba-hambanja samoewa lantas sadja dandan dan maoc toeroet sama Hoedjin.-Hoedjin lantas panggil dia poenja satoe boedak lelaki moeda nama Hic Tong dan kata: Kaoe ikoet sama Kougtjoe pergi di Gitinkoan. Di djalan kaoe bisa-bisa bawak diri. Kaoe berdoewa orang angkat soedara sadja.

Sabentar lagi lantas satoe sama lain kasih slamat tinggal dan slamat djalan dan lantas brangkat pergi masing-masing.

Sampe besocknja pagi itoe Tikoan kasih prentah orang-orangnja dan adjak itoe 4 orang soeroehan boewat pergi tangkep Bwee Liang Giok anak dan ema. Tempo sampe di roemah Bwee-Liang-Giok. dia orang lihat pintoe roemah ada terkoentji; dia prentah orang ketok itoe pintoe, tapi tida ada jang saeotin. Komoedian lantas sadja dia prentah boeka dengon paksa. Sasoedahnja pintoe terboeka, di dalem roemah tida kalihatan ada satoe manoesia. Itoe 4 soeorohan lantas djadi marah dan Kita orang misti masoek geledah di dalem, tida misti tinggal di loewar sadja.

Itoe Tikoan berkata: Ini perkara soedah djadi lain dari mistinja ada.

Itoe 4 soeroehan menjahoet: Djadi lain atawa tida, kita orang misti masoek priksa.

Tikoan dan itoe 4 soeroehan lantas masoek dan doedoek di korsi, Tikoan lantas panggil Touw Sin dan berkata padanja: Kaoe pergi masoek ka dalem, tjati koeliling dan lekas misti balik kombali.

Touw Sin trima prentah, teroes masoek ka dalem dan dapet Lihat samoewa pintoe kamar ada tinggal terboeka dan tida ada orang: dia lantas balik ka loewar dan kasih taoe ada bagitoe roepa. Itoe Tikoan djadi kaget sekali, dan itoe 4 soeroehan lantas berkata: Mari kita orang pergi masoek ka dalem dan tjari sendiri itoe orang.

Bagito djoega lantas dia orang masoek rame-rame, tapi tida bertemoe satoe orang. Itoe Tikoan bilang pada itoe 4 orang: Kita orang misti preksa dia orang poenja tetangga, baroe ini perkara, boleh dapet katerangannja.

Habis bilang bagitoe, dia lantas kasih prentah panggil sekalian tetangganja Bwee Liang-Giok dan kapala kampoengnja. Samoewa orang itoe lantas dateng dengen lekas dan lantas dipreksa. Tikoan berkata: Apa kaoe djadi kepala kampoeng di sini? dan kaoe orang tetangganja Bwee Liang Giok ?

Itoe orang samoewa menjahoet: Betoel.

Tikoan lantas menanjak lagi: Apa kaoe orang taoe, itoe orang-orang di roemah Bwee Liang Giok ka mana perginja ?

Itoe orang-orang menjahoet: Hamba bagimana boleh taoe dia orang pergi ka mana?

Tikoan berkata lagi: Kami boekan tanjak dia orang pergi di mana. Kaoe toeh taoe dari kapan moelain tida ada orang di roemah ini.

Satoe orang lantas menjahoet: Hamba kira soedah ada satengah boelan tida ada orang kaloewar-masoek di sini.

Itoe Tikoan lantas berkata pada itoe 4 orang soeroehan: Apa taijdjin soedah denger ini orang-orang poenja pengakoean? Boekan saja poenja salah: tempo sablon taijdjin dateng, Liang-Giok soedah pergi. Maka saja harep kaloe taijdjin poelang, biar taijdjin bitjara baik boewat saja; saja nanti kasih djalan prentah koeliling boewat tangkep dia-orang.

Itoe 4 orang denger itoe, lantas tertawa dan berkata: Ha ha taijdjin poenja bitjara bagoes sekali! Saja kira itoe orang-orang jang tadi dipriksa, memang taijdjin sendiri soedah adjarin boewat mengakoe bagitoe, Soepaja ini perkara djadi glap. Dari itoe Bwee Liang Giok, dia lari atawa tida, tautoe saja tida nauti bikin tajjdjin poenja soesah. Tapi toeroet saja poenja pendapetan dia blon lama pergi dari sini, sebab di dalem roemah ada banjak tanda jang oendjoek hal itoe : korsi dan medja masih bresih, dan makannan masih ada katinggalan dan masih baik. Ini rasia maoe menangkep. njata taijdjin sendiri jang boeka, soepaja Liang Giok boleh lari. Saja nanti bilang sadja pada Sinsiang, jang memang taijdjin ada tjinta sama Liang Giok, dari sebab dia sa-orang pinter.

Itoe Tikoan lantas menjahoet: Bagimana boleh dibilang saja jang soedah kasih lari ?

Itoe soeroehan bilang: Kaloe boekan taijdjin jang kasili lari, kenapa kamaren ditahan, tempo kita orang maoe dateng menangkep? Sekarang ada kalihatan djoega jang memang taijdjin sengadja atoer ini orang-orang boewat mengakoe bagitoe.

Itoe Tikoan lantas berkata: Sekarang biarlah kita orang poelang sadja, soepaja boleh berdami di roemah.

Habis bilang bagitoe, dia lantas kasih prentali boewat toetoep roemahmja Bwee Liang Giok. Kemoedian dia orang, samoewa lantas poelang ka roemahinja itoe Tikoan. Satelah sampe di roemah, itoe Tikoan lantas kaloewarken 100 tail mas, kasih pada itoe 4 soeroehan dengan meminta soepaja dia berampat kasih toeloengan, djangan sampe dia dapet soesal. Itoe 4 orang trima itoe mas dan trima permintaännja itoe Tikoan. Itoe waktoe djoega dia orang lantas minta perabot toelis dan toelis soerat laporan, seboet jang tempo dia orang blon dateng di Siang Tjioe, Bwee Liang Giok dan iboenja soedah lama tida ada di sitoe. Kemoedian dia orang lantas brangkat poelang ka Kota Radja. Sasoedahnja itoe 4 orang poelang, itoe Tikoan djadi marah dan berkata: llai! siapa djoega jang soedah bocka ini rasia, maka Liang Giok bisa lari! Kaloe goewa dapet taoe siapa orang itoe, tantoe goewa kasih hoekoeman brat !

Salagi Tikoan itoe berkata kata bagitoe, Tan Lioe kabetoelan lagi ada di sitoe dia djadi kaget sekali dan merasa mengkirik bocloe badannja, dalem hati dia berkata: Beroentoeng tadi goewa tida kasih taoe, jang ini rasia Touw Sin jang boeka: kaloe Touw Sin terhoekoem, goewa djoega tantoe dapet hoekoeman. Ah, sekarang goewa maoe inget sadja, jang kabelakangan goewa tida brani sembarang bitjara lagi.

Touw Sin dapet taoe itoe 4 soeroehan soedalı poelang dan bawak bagitoe banjak wang soewapan, lantas berpikir: Kaloe bagini goewa rasa tida bisa tinggal lebih lama lagi di sini: goewa selempang Tan Lioe jang memang moeloet botjor. nanti bikin ini perkara kataoean dan goewa lantas djadi hilang djiwa. Ah, goewa poen memang atsal orang Shoatang sebab Bwee Kwee soedah toeloeng, maka goewa kerdja di sini; sekarang Bwee Kwee poenja hociljin spedah lari ka Shoatang, baiklah goewa toeroet semboeni sadja di sana.

Sasoedalja dia pikir bagitoe, lantas teroes sadja dia pergi minggat ka Shoatang.

Bwee Liang Giok sama hoedaknja jang nama Hie Tong soedah sampe di Gitinkoan dengen prave. Itoe tockang praoc berkata: Siangkong sekarang soedah sampe di Gitinkoan; boleh naik sadja, ka darat. Bwee Liang Giok bilang: Toeloeng tjarii kita tempat mondok: nanti kita orang kasili kaoe persen.

Itoe toekang praoe bilang baik dan lantas tjari roemah boewat mondok: sasoedahnja dapet, dia lantas balik kombali ka praoe, kasih taoe tempat soedah sadia, dan lantas adjak Bwee Liang Giok dan llie Tong pergi ka sana, dengen bawain dia orang poenja barang-barang sampe di roemah makan. Sasoedalinja sampe di roemah makan, dia lantas oendjoek jang poenja roemah makan pada Bwee Liang Giok dan berkata: Ini jang poenja roemah makan ada sa-orang baik, Siangkong boleh mondok di sini dengen senang hati.

Sasoedahnja Bwee Liang Giok selese bitjara dari bajaran makan dan mondok, lantas dia masoek di satne kamar: dia panggil itoe toekang praoe, lantas bajar sewan praoenja dau kasih persen djoega. Toekang praoe bilang trima kasih, lantas pergi ka praoenja.

Kemoedian Bwee Liang Giok lautas menanjak pada toekang roemah makan, katauja: Apa Tikoan di sini boekan orang She Houw?

Toekang roemah makau menjalioct: Betoel, dia sa-orang She Houw.

Bwee Liang Giok lantas menanjak lagi: Bagimana dia poenja kalakoean?

Toekang roemah makan lantas berkata: Apa siangkong ada pernah sanak atawa sobat baik sadja sama Tikoan di sini?

Bwee Liang Giok pikir, kaloe dia bilang bersanak sama ini Tikoan, tantoe ini toekang roemah makan tida nanti maoe bilang apa-apa. Dari itoe dia lantas berkata: Boekan sanak, melinken atsal orang dari satoe kampoeng sadja. Sekarang kita ada liwat di sini, apa kita boleh dapet bertemoe pada dia atawa tida?

Toekang roemah makan lantas gojang kapala dan bilang Kaloe siangkong tjoemlah kenalan sadja sama dia. djangan djadi goesar dari saja poenja bitjara. Saja rasa baik siangkong djangan pergi kaloe pergi djoega, nanti boleh djadi menjesel.

Bwee Liang, Giok lantas tanjak: Bagimana boleh bagitoe?

Toekang roemah makan menjahoet: Ini Tikoan sadari dia dateng di sini, salamanja dia trima orang jang kaja-kaja sadja; kaloe orang ada perkara, misti pake oewang djoega: tida sekali dia pegang atoeran baik. Kapan hari ada sa-orang menginep di sini; ini orang mengakoe ada djadi Tikoan poenja kaponakan. Tapi tempo dia pergi ketemoein, Tikoan tiada unoe akoe sama dia, sebab dia orang miskin. Siangkong boleh pikir sendiri: sama dia poenja kaponakan dia bikin bagitoe: apa lagi sama orang lain, jang tjoema atsal tinggal sakampoeng sadja.

Bwee Liang Giok lantas berkata: „Bagitoe?" Tapi di hatinja dia ada satengali pertjaja, satengah tida. Kamoedian dia lantas doedoek makan sama-sama Hie Tong dan sembari makan dia berkata pada Hie Tong itoe: Soedara soedah denger itoe omongan toekang roemah makan? Saja rasa dia djoesta. Masa saja poenja mertoewa boleh ada hati bagitoe, sampe tida maoe kenal keponakannja? Tida ada itoe atoeran.

Hie Tong menjahoet: Lebih baik kita pertjaja dari tida pertjaja. Djaman sekarang segala poenggawa poen lihat dewang sadja, tida soeka pegang atoeran betoel.

Bwee Liang Giok lantas berkata: Kaloe bagitoe, djadi lebih baik kita traoesah ketemoein?

Hie Tong menjaloet: Tida boleh tida, tapi misti pake akal.

Bwee Liang Giok lantas berkata: Soedara poenja ingetan akal bagimana?

Hie Tong menjahoct: Socuggoch ini perkara ada socsah sekali. Kita tida boleh pertjaja, sabagimana omonguja toekang roemah makan. Tapi kaloe kita pergi ketemoein sadja, brangkali dia betoel orang djahat; boleh djadi dia tangkep kita dan kirim ka Kota Radja. Kita tautoc lantas dapet tjilaka, sebab, kita poen memang orang pelarian. Bagimana saja poenja ingetan, paling baik kongtjoe poenja pakean kasih saja pake, saja poenja pakean kongtjoe pake. Saja nanti gantiin kongtjou pergi ketemoe pada iui Tikoan. Di sitoe baroe kita boleh taoc dia ada sa-orang baik atawa jahat. Kongtjoe traoesa madep sama-sama, tapi lihat sadja dari djaoeh. Sasoedahnja dia abis bitjara bagitoe, lautas dia-orang pergi masoek tidoer. ― Besoeknja pagi Hie Tong berkata lagi: Kongtjoe misti toeroet itoe akal: kaloe tida, maski kita tinggal satoe tahon di sini, tantoe tida bergoena.

Kongtjoe denger bagitoe, apa boleh boewat, dia lantas salin pakeau. Dia pesen toekang roemali makan biar djaga baik dia orang poenja barang-barang, sebab dia orang maoe pergi bertemoe Tikoan. Toekang roemah makan bilang itoe djangan diselempangin.

Bwee Liang Giok dan Hie Tong lantas kaloewar dari itoe roemah makan. Hie Tong djalan doeloean, Kongtjoe toeroet dari blakang, dan sebab Kongtjoe ada djalan dengen hati sedih, dia soedah jadi katinggalan oleh Hie Tong itoe. Hie Tong tempo bebalik, lihat Kongtjoe katinggalan djaoeh, lantas dia brenti boewat menoenggoe dan diam di hadepan satoe waroeng obat. Hatinja ada inget jang dia poenja perkara ada lebih banjak tjilaka dari baik-nja dan lantas inget djoega kaloe sampe bakal jadi tjilaka, dia maoe ratjoenin diri saja. Dari itoe dia lantas masoek di itoe roemah obat dan minta bli sedikit warangan, katanja, boewat ratjoeuin tikoes. Tempo dia kaloewar dari roemali obat, lantas dia bertemoe sama Kongtjoe jang djalan soedal sampe di sitoe.

Kongtjoe lihat lia, lautas tanjak dia pergi membli apa di waroeng obat; tapi Hie Tong itoe bilang sadja tiada bli apa-apa tjoema menoenggoe sadja sampe Kongtjoe dateng.

Dia orang berdoewa lantas djalan kombali bersama-sama. Sasampenja di depan roemah Tikoan. Hie Tong lantas soeroeh Kongtjoe toenggoe djaoch-djaoeh di loewar, dan dia lantas kasih taoe pada orang jang toenggoe pintoe, jang dia, Bwee Liang Giok dari Siangtjioe, maoe minta bertemoe pada Tikoan. Penoenggoe pintoe lantas masoek kasih taoe dan balik kombali serta bilang jang Tikoan minta Kongtjoc masoek ka dalem.

Tempo itoe Kongtjoe palsoc masoek, dia lantas bertemoe pada Tikoan. Salagi membri hormat dengen berloetoet, dia berkata, jang dia minta bertemoe djoega pada dia poenja bakal mertoewa prampoewan. Tikoan menjahoet: Mantoekoe soedah dateng dari tempat bagitoe djaoeh, tantoe tjape sekali ; bangoen dan doedoeklah di korsi. Sabentar boleh bertemoe sama kamoe poenja gakboe (mertoewa prampoewan).

Hie Tong lantas docdoek, dan tempo dia lihat moekanja Houw Loan, hatinja lantas berkata: Boleh djadi ini orang sa-orang djahat adanja.

Houw Loan menanjak: Mantockoe! kamoe poenja bapa soedah dapet pangkat lipouwtokipsoe, bagimana dia di Kota Radja, ada slamet baik?

Hie Tong denger itoe, dia lantas bikin tingkah sedih sekali dan sembari menangis dia kasih taoe jang Bwee Kwee soedah dapet tjilaka.

Houw Loan djadi kaget sedikit, lantas menanjak : Dapet tjilaka dari apa?

Hie Tong menjahoet: Tempo saja poenja bapa, trima itoe pangkat blon brapa lama, Baginda Radja lantas angkat Tan Djit Sing dan Pang Lok Thian djadi kapala prang dan prentah dia berdoewa hawak soldadoe pergi poekoel negri Tattan. Itoe tempo saja poenja bapa maoe tjegah itoe perkara, sebab inget itoe doewa orang boekan boekoa (poenggawa prang): Maha Radja lantas djadi goesar dan soeroeh boenoeh saja poenja bapa, dan Radja kirim djoega soerat preutah ka Siangtjive boewat tangkep saja. Maka itoe saja lari dan ini hari sampe di sini. Saja mintalah gakhoe taijdjin (mertoewa) soeka trima sama saja.

Houw Loan denger bagitoe, lantas sadja moekanja djadi lain, dan dia lantas berkata: Kita orang djadi poenggawa misti bisa djoendjoeng orang jang saätasan kita, dan misti sobat sama orang jang kaja-kaja, maka baroe kita boleh djadi beroentoeng. Kaloe tida bagitoe, apa goena kita dapet peladjaran? Kamoe poenja bapa memang salamanja mane bilang, jang dia pake hati betoel! Maka itoe sekarang ini kapalanja djadi terpisah dari badan.

Hie Tong menjahoet: Saja minta gakhoe djangan tida enak hati dari hal saja poenja bapa saja hareplah biar gakhoe inget sadja kasian pada saja, jang sekarang soedah piatoe dan ada di dalem soesah.

Houw Loan menjahoet: Kami tida bisa toeloeng sama kamoe, sebab kami poenją pangkat masih ketjil dan tida sampe koewat dalem ini perkara.

Hie Tong menjahoet: Kaloe gakhoe tiada soeka trima, apa boleh boewat, saja maoe pergi sadja di tempat lain.

Louw Loan lantas berkata: Bagoes betoel kamoe poenja tjerita Kamoe poen satoe sakitan. ― Kami poenja anak prampoewan kami tida maoe kasih sa-orang jang soedah bernama boesoek boewat mantoe, itoe soedah pasti. Tapi sekarang kamoe dateng di sini banjak sekali orang lihat. Kaloe sekarang kamoe pergi dan di blakang hari Maha Radja minta kami serahken kamoe padanja, di mana kami nanti tjari? Djangan kamoe djadi sakit hati pada kami. Kamoe misti trima sadja kamoe poenja peroentoengan.

Hie Tong lantas menanjak: Sekarang gak-hoe maoe bikin bagimana sama saja?

Houw Loan weujahoet: Kamoe menangis djoega tiada nanti toeloeng. Sekarang kami tida maoe bikin apa-apa, tjoema kami maoe kirim kamoe ka Kota-Radja, serahken pada Sinsiang. Dari itoe tinggal bagimana Sinsiang poenja soeka. Kamoe dapet tjilaka dalem ini perkara dari kamoe poenja bapa sendiri.

Habis bilang bagitoe, Houw Loan lantas sadja kasih prentah pada orangnja boewat tangkep itoe llie Tong, bawak masoek di boewi, dan dia berkata djoega pada hambahnja: Kamoe misti djaga baik-baik ini orang. Nanti kaloe kamoe bawak dia di Kota Radja, tantoe kamoe dapet persen.

Hambanja lantas rante dan bawak itoe kongtjoe palsoe kaloewar boewat masoek di boewi. Bwee Liang Giok dapet lihat itoe dari djaoel, lantas pergi ikoetin sampe ka deket pintor pemboewian. Dia tiada taoe apa sebab djadi bagitoe, dan dia poenja hati djadi merasa sedih sekali. Boewat dateng samperin, dia tida brani. Hie Tong, tempo dapet lihat sama dia, lantas kasi satoe tanda dengen kitjapan mata, soepaja dia pergi lari tapi dia masih tinggal bingoeng sadja mengawasin, sampe Ilie Tong dibawak masoek dalem boewi. Tempo Hie Tong sampe di dalem. lantas sadja makan itoe ratjoen, jang dia soedah bli di waroeng obat dan lantas dia mati.

Jang djaga pemboewian lantas kasih laporan, jang Hie Tong soedah mati, sebab makan ratjoen. Houw Loan denger bagitoe, lantas djadi goesar sama itoe orang jang djaga pemboewian dan lantas kasih hoekoem ket pada marika itoe satoe orang 40 rotan, sebab dia orang koerang ati-ati. Kamocdian dia pesen sama samoewa oranguja. soepaja toetoep itoe rasia dari hal itoe kamatian di dalem boewi.

Hambah-hambahnja Houw Loan lantas kasih masoek di peti itoe majitnja Hie Tong dan gotong maoe koeboerken.

Bwee Liang Giok tempo lihat itoe peti mati kaloewar, dia lantas ikoet, dan hatinja inget: tempo Ilie Tong masoek di waroeng obat, tantoe dia soedah bli ratjoen. ― Sasoedahnja itoe majit dikocboer dan samoewa orang soedah poelang, dia lantas berloetoet di depan koeboeran sembari menangis dan berkata: Ja soedarakoe! Sadari kita ketjil, siang malem, salamanja kita blon taoe berpisah. Soenggoeh saja tida kira sekali, jang soedara pocuja hati ada bagitoe bela pada saja Saja inget, jang kita ada bagini melarat, brangkali di blakang hari boleh djadi beroentoeng dan saja maoe bales soedara poenja tjinta hati. Tida kira jang ini hari bertemoe saja poenja mertoewa bagitoe djahat sampe bikin soedara terpaksa misti mati. Patoetnja saja jang misti mati; tapi soedara soedah pikoel itoe katjilaka-an bocwat saja. Kita orang socdah tiada pertjaja itoe toekang roemah makan poenja bitjara tapi soedara poenja hati ada lebih pinter dan soedah inget lebih doeloe boewat gautiin saja poenja diri. Saja, Bwee Liang Giok, kaloe di blakang kali bisa beroentoeng, mauti bikin. baik soedara poenja koeboeran. Sa-aude saja beroentoeng bisa dapet anak, saja nanti kasil boewat djadi socdara poenja toeroenan.

Bwee Liang Giok menangis ada bagitoe sedih, sampe sa-ande ada orang lihat, jang satoe kongtjoe nangisin dia poenja boedak sampe bagitoe, tantoe djadi menoeroet sedih. Sasoedahnja konjang menangis, Bwee Liang Giok lantas tandain koeboeran itoe dan lantas teroes berdjalan pergi. Dia pocuja hati djadi bagitoe bingoeng, sampe tida brani dateng lagi di roemah makan boewat ambil dia poenja barang-barang; dia teroes sadja djalan mengetanin, sampe di pinggir satoe kali. Sasampenja di sitoe, dia liliat ada satoe praoe tambangan dau di dalem itoe praoe ada doewa orang toewa berdoedoek. Itoe toekang praoe lantas berkata padanja: Kaloe sobat maoe pergi di langtjioe, boleh toeroet naik di saja poenja praoe.

Itoe doewa orang toewa jang ada di dalem praoe, dia djoega toeroet berkata, katanja: Sobat traoesa selempang: saja ada kenal baik ini toekang praoe.

Bwee Liang Giok jang lagi berhati bingoeng sekali, tida taoe di mana dia misti pergi, lantas toeroet sadja naik di praoe itoe, oendjoek hormatnja pada itoe doewa orang toewa dan adjar kenal,

Itoe toekang praoe menanjak: Apa sobat soeka soeroeh saja bli bras boewat akan nanti malem?

Bwee Liang Giok bilang Ini malem saja tida maoe makan.

Sabentar lagi itoe praoe teroes brangkat dan tempo sampe di tengali djalan, itoe toekang praoe kaloewarken makanan boewat itoe doewa orang toewa. Itoe orang-orang toewa adjak Bwee Liang Giok makan sama-sama, tapi Bwee Liang Giok bilang sadja banjak trima kasih dan tida mage makan. Itoe doewa orang toewa lantas berkata sembari tertawa: Saja mengarti! Brangkali sobat ada koerang dewang, maka sobat bagitoe. Sobat djangan takoet: ocwang makan nanti saja jang bajarin. Marilah kita orang makan sama-sama!

Bwee Liang Giok lantas berkata: Kita orang baroe sekali tace bertemoe, dan sobat ada bagitoe manis boedi. Kaloe saja tida maoe, saja djadi koerang trima.

Habis bilang bagitoe, dia lantas doedoek toeroet makan sembari omong-omong. Tida lama toekang praoe lantas kasih taoe, jang sekarang soedah sampe di Tangtjioe dan maoe minta sewa-an praoe. Bwee Liang Giok bilang Ini hari saja tida membawak oewang; saja minta tempo lain hari sadja.

Toekang prane menjahoet: Sobat soedah naik saja poenja praoe deugen seneng sekali serta dapet makan-minoem dan banjak djoega soedah prentah sama saja; kaloe sekarang sobat tida ada oewang, sobat poenja badjoe sadja kasib saja satoe.

Bwee Liang Giok denger bagitoe, moekanja lantas djadi merah dari sebab merasa terlaloe maloe. Tapi, apa boleh boewat, dia lantas boeka bailjoenja satoe dan kasihken pada itoe toekang praoe.

Toekang praoe lihat itoe badjoe, lantas berkata Ini badjoe tida ada harganja; saja tida bisa trima. Itoe doewa orang tocwa lihat bagitoe, lantas berkata pada itoe toekang praoe: Kamoe kombaliken sadja itoe badjoe; saja nanti bajar kamoe poenja oewang.

Bwee Liang Giok trima ko bali itoe badjoe, lantas bilang banjak trima kasih pada itoe doewa orang toewa jang bagitoe banjak toeloeng padanja. Itoe orang-orang toewa lantas bilang Sekarang biarlah kita naik ka darat; kerna kaloe sobat mane masoek di kota Hangtjioe, baik sekarang salagi masih sijang.

Bwee Liang Giok lautas berkata: Saja tida bisa pergi di roemah sobat boewat oendjoek kahormatan, maka itoe saja bikin itoe di sini sadja. Itoe doewa orang toewa berkata: Ah, sekali poen sobat soeka dateng, saja poen tida bisa trima, kerna saja poenja tempat djelek sekali. Sasoedalja bagitoe, lantas doewa orang itoe brangkat djalan.

Bwee Liang Giok djalan berpisah sendirian sembari sapoe aer matanja, kerna inget Hie Tong poenja tjilaka. Tempo mata-hari soedah moelain toeroen, dia masoek di dalem kota Tangtjioe tapi dia tida brani masoek di roemah makan, sebab dia tiada poenja oewang. Dia djalan sadja ka sana-sini sampe hari djadi malem. Itoe waktoe dia bertemoe satoe klenteng, namanja Sioeamsi, dan di samping itoe klenteng ada satoe poehoen besar. Bwee Liang Giok, tida taoe di mana misti pergi, lantas doedoek sadja di bawah itoe poehoen sampe waktoe tengah malem. Dalem hati dia berpikir dan berkata: Tempo goewa poenja bapa masih ada, goewa ada seneng sekali; ini tempo ada bagini tjilaka, tida poenja roemah tangga, ema dan anak djadi berpisah dan lagi Louw Kie ada prentah dengen kras boewat tangkep goewa anak dan ema. Kaloe goewa dapet katangkep, tantoe sekali Louw Kie keniaja. Baiklah sekarang ini sedeng tida ada orang, goewa boenoeh sadja diri sendiri.

Dengen inget bagitoe, dia menangis dengen perlahan dan boeka dia poenja angkin; kamoedian lantas dia gantoeng dirinja di itoe poehoen besar jang ada di sitoe.

Di itoe waktoe dalem itoe klenteng Sioeamsi kabetoelan ada satoe hweshio dapet sakit proet, sebab paginja ada orang sembajang dan dia soedah makan terlaloe hanjak. Ini hweshio bangoen dan teroes djalan ka loewar boewat boewang aer. Di djalan dia kena bentoer satoe apa di bawah poeloen, sampe dia djadi kaget dan djatoeh. Tempo dia bangoen dan meraba-raba, dia kena raba badan orang jang lagi tergantoeng di itoe pochoen. Dengen kaget dia lantas triak panggil temenuja. Hweshio-hweshio jang lain samoewa lantas kaloewar dan tanjak sama dia, kenapa dia triak bagitoe. Dia menjahoet: Tjoba kamoe lihat itoe di poehoen ada sa-orang gantoeng diri.

Tempo soedah dia-orang lihat, lantas dia-orang lari masoek ka dalem kasih taoe pada lweshie kepala jang diseboet Tiang Lo hiweshio. Itoe Tiang Lo denger hal tjilaka itoe lantas sadja ikoet pergi ka loewar. Tempo dia dateng, orang soedah toeroenken badan jang tergantoeng itoe. Pembatja tantoe taoe djoega, jang badan itoe boekan lain, hanja badan Bwee Liang Giok. Sekarang itoe hadan soedah djadi kakoe. Doewa hiweshio angkat dia, lantas taroek di satoe korsi dan lantas ditjekok dengen obat oleh itoe Tiang Lo hweshio. Itoe obat toeroen tiada sabrapa lama, Bwee Liang Giok lantas inget kombali dan berkata: goewa maoe mati sebab soesah sekali.

Itoe hweshio-hweshio lautas berkata: Ha! dia hidoep kombali Itoe Tiang Lo lantas dateng deket dan berkata pada Bwee Liang Giok Kamoe sa-orang jang bagitoe moeda, kenapa ingetan bagitoe pendek? Kita orang di sini tida sangkoetan apa-apa sama kamoe, mengapalah kaoe maoe bikin kita orang dapet soesah ?

Bwee Liang Giok satelah denger orang bitjara, lantas boeka kombali matanja dan dapet lihat di depannja ada satoe hweshio serta bebrapa kambrat di belakangnja. Dia lantas berkata Saja atsal orang djaoeh dan disoeroeh ikoetin koeli-koeli, jang pikoel barangnja saja poenja toewan, pergi ka Kota Radja.nSebab saja koerang ati-ati, tempo liwat di Saniang-koan, itoe koeli-koeli soedah lari sama-sama itoe barang-barang. Dari itoe saja djadi tida brani poelang, sebab saja poenja toewan ada bengis sckali. Saja inget sereba salah; boekan maoe bikin Tiang Lo tjilaka, tapi saja soedah soesah tinggal di doenja. Sekarang Tiang Lo soedah bikin saja hidoep kombali, di mana saja misti pergi? Doewit sakepeng djoega saja tiada poenja, Saja rasa lebih baik mati sadja dari hidocp bagini soesah.

Itoe Tiang Lo hweshio lihat Bwee Liang Giok poenja pakean betoel djelek, tapi Bwee Liang Giok poenja tingkali dan bitjara seperti satoe orang jang sopan; maka itoe dia Lantas berkata: Kalne bagitoe, biarlah kamoe tinggal sadja di sini sama-sama kita orang.

Bwee Liang Giok tida baujak bitjara lagi, lantas toeroet sadja sama hweshio itoe masoek ka dalem klenteng. Sasoedahuja di dalem, Tiang Lo adjak dia doedoek saina-sama dan lantas tanjak bagini: Tadi kamoe bilang tida maoe poelang kombali ka kamoe poenja kampoeng, sebab takoet ketemoein kamoe peenja toewan. Kamoe poenja toewan itoe siapa?

Bwee Liang Giok menjahoet: Saja poenja teewan satoe soedagar.

Itoe Tiang Lo lantas bilang: Tjoba kamoe bilang biar trang. Nanti kita soeroeh orang jari dia, dan bitjara sendiri sama dia dari kamoe poenja perkara. Tantoe dia tida nanti hoekoem sama kamoe.

Bwee Liang Giok berkata: Boewat Tiang Lo poenja ingetan saja bilang banjak trima kasih. Kaloe Tiang Lo bertemoe saja poenja toewan, tantoe dia nanti trima. Tiang Lo poenja bitjara. Tapi kaloe saja ikoet dia poelang dan di blakang kali dia inget jang dia poenja barang ilang bagitoe banjak, tantoe dia lantas hoekoem djoega sama saja. Dari itoe saja minta Tiang Lo poenja hati kasian, soepaja saja boleh noempang tinggal di sini saja. Di blakang kali kaloe saja boleh beroentoeng, tantoe saja tida nanti loepa Tiang Lo poenja boedi.

Tiang Lo menjaHoet: Di sini memang roemah toapikkong segala orang boleh boewat noempang tinggal, apa lagi kamoe sa-orang jang lagi ada di dalem soesah. Tapi kamoe bisa bekerdja apa? sebab kita tida bisa piara kamoe, kaloe kamoe tinggal berdiam sadja.

Bwee Liang Ciok berkata: Tempo saja ikoet saja poenja toewan, saja poenja kerdja tiada lain, melinken menjapoe dan merawatin poehoen-poehoen kembang.

Tiang Lo lantas berkata: Kaloe bagitoe, kamoe biasa kerdja enteng; tantoe kamoe mengarti soerat djoega. Itoe ada kertas dan pit (pena Tjina); tjoba kamoe toelis apa-apa sedikit. kasih kita lihat.

Bwee Liang Giok lantas ambil itoe kertas. toelis bebrapa soerat besar dan lantas kasihken pada itoe Tiang Lo. Tiang Lo trima itoe kertas dan lihat jang di toelis itoe ada 4 letter, boeninja: Sioe am sian si (nama dari itoe klenteng; dia lantas alem, jang itoe teelisan bagues sekali. Kamoedian dia lantas minta taoe Bwee Liang Giok poenja nama, she dan kampoeng. Bwee Liang Giok kasih taoe, jang dia sa-orang she Ong, nama Hie Tong, atsal dari Tianglam, Siangtjioehoe. Itoe Tiang Lo lantas berkata: Baiklah! Sekarang biar kamoe tinggal sadja di sini, rawatin kita poenja poehoen-poehoen kembang dan menjapoe, kaloe ada kotor.

Bwee Liang Giok tida sekali brani teledor atawa melantjoNg, selamanja dia djaga baik kerdjaännja.

Pembatjakoe tantoe bloen taoe siapa adanja itoe Tiang Lo hweshio. Ini hweshio ada sa-orang bangsawan, dan ada poenja satoe soedara lelaki. Dia sendiri poenja kasoekaan beladjar perkara prang, adenja soeka beladjar soerat. Sadari masih moeda dia soedah moelain djadi poenggawa: bermoela dia dapet nama boethamhoa, kamoedian naik sampe djadi sampian tjongping dan pergi poekoel negri Tattan. Dalem peprangan itoe sering-sering dia menang, sampe namanja djadi tersohor. Sasoedahnja Mala Kadja lihat dia sa-orang pinter sekali, lantas Radja angkat lagi sama dia djadi djendral dari samoewa bala tantara dalem karadjaän Tjina. Blakang kali dia diangkat lagi djadi pingpouwsiangsi dan misti tinggal di Kota Radja. Tempo dia tinggal di sitoe, dia dapet lihat jang Maha Radja terlaloe pertjaja sama Louw Kie jang soedah bikin banjak kaniajaän pada poenggawa-poenggawa jang satia hati. Djoega latinja ada inget jang dia sendiri soedah boenoeh banjak sekali orang dalem paprangan, sampe merasa sekarang ini lebih baik dia djadi hweshio, soepaja brangkali boleh angkat dirinja dari dalem dosa-dosanja. Maka itoe dia soedah tinggalken dia poenja kadoedoekan dan sekalian harta-bandanja dan teroes djadi hweshio di itoe klenteng Siocamsi. Dia poenja nama Tan Djit Ko alias thian Tjong dan sekarang dia pake nama Hiangti.

Dia poenja ade ija itoe Tan Djit Sing alias Tjong Tjhe, jang berpangkat Lipouw Siangsi di Kota Radja.

Kira soedah doewa boelan lamanja Bwee Liang Giok tinggal di itoe bio, ada pada satoe hari, sedeng itoe Hiangti hweshio lagi lihat kembang, dateng hweshio jang djaga pintoe kasih taoe, di loewar ada Djiloïa (ija itoe Hiangti poenja soedara) minta bertemoe. Hiangti bloen menjahoet, lantas ada panggil padanja katanja : Soedara ! ini hari saja dateng boewat bertemoe.

Hiangti dengen tertawa dia lantas adjak soedara itoe masoek ke dalem dan doedoek minoem the. Itoe waktoe semoewa hweship jang ada di itoe klenteng lantas dateng madep membri hormatnja pada Tan Djit Sing itoe. Sasoedahnja dia orang moendoer koembali. Hiangti lantas menanjak pada soedaranja, katanja : Dari kapan soedara poelang dari Kota Radja.

Tan Djit Sing menjahoet ; Baroe hari kemaren. Saja denger soedara ada di ini klenteng saja lantas dateng di sini. Tadinja saja inget maoe adjak saja poenja anak binik dateng di sini, tapi saja pikir brangkali djadi koerang baik.

Hiangti lantas berkata kembali : Soedara dateng poen soedah sampe, boewat apa bikin soesah orang prampoewan.

Salagi dia orang berdoewa doedoek bitjara, Bwee Liang Giok ada doedoek di samping boewat toenggoe brangkali ada prentah apa-apa.

Hiangti berkata: Saja tida poetos boewat pikiran, jang salamanja soedara ada di Kota Radja sama djoega satoe kambing deket pada matjan, tida sama seperti saja tinggal di sini : maski tempat ada djelek, tapi hati tinggal senang. Soedara sekarang soedah poelang, itoe ada baik sekali. Ini hari kita orang bertemoe, kita bersoedara djadi koempoel kembali. Betoel begitoe?

Tan Djit Sing berkata itoe betoel sekali. Sekarang soedara ada hidoep dengan senang, saja soeka hati sekali ; tapi saja sendiri, saja rasa tiada ada poenja peroentoengan boewat bisa begitoe. Saja inget betoel djoega sebagimana tadi soedara soedah bilang. Tempo saja memangkoe pangkat, boekan sekali saja tiada ati-ati. Dari sebab itoe kansin Louw Ki poenja gosokan. Maha Radja soedah angkat saja djadi ponggawa prang. Bwee Kwee itoe tempo madjoe bitjara pada Maha Radja boewat tjegah hal itoe, sampe dia dapet hoekoeman mati di boenoeh dan saja di lepas dari pangkat. Maka itoe saja djadi poelang. Itoe perkara ada satoe katjilakaän, tapi ada djoega baiknja boewat kita orang.

Sedeng dia bitjara begitoe, dia dapet lihat poehoen-poehoen kembang dan lantas dia berkata: Soedara poenja poehoen-poehoen kembang bagoes-bagoes sekali. Siapa jang rawatin itoe? Di roemah itoe poehoen-poehoen samoewa roesak. Apa sodara soeka kasih pindjem itoe orang boewat rawatin?

Hiang Tie lantas tertawa dan kata : Soedara bilang itoe poehoen-poehoen bagoes, saja lantas djadi inget satoe apa, dan sekarang saja maoe kasih tjerita. Saja tida njana jang saja boleh dapet satoe anak moeda bernama Ong Hie Tong, atsal orang dari lain tempat. Dari sebab dia poenja melarat, dia djadi tinggal di sini. Itoe poehoen-poehoen samoewa dia jang bikin betoel, dan dia ada mengarti djoega dari perkara soerat. Ini anak ada pinter : sajang sekali dia bloen dapet toeloengan, sa-ande dapet, tantoe dia boleh dapet pangkat djoega. Kaloe soedara maoe bikin betol soedara poenja kebon kembang boleh sekali soedara pake sama dia.

Habis bilang begitoe Hiang Tie lantas panggil Hie Tong dan berkata : Ini kami poenja soedara. Sekarang kamoe toeroet sadja pergi tinggal sama dia dan toeroet baik-baik dia poenja prentah.

Hie Tong lantas djadi sedih dan kata: Saja lebih soeka menoeroet sadja pada Tiang Lo.

Hiang Tie bilang Kaloe kamoe toeroet kami poenja soedara, itoe poen sama djoega. Apa lagi kami tiada maoe tinggal lama lagi di sini.

Sasoedahnja Hie Tong trima prentahnja Hiang Tie itoe. Tan Djit Sing lantas soeroeh Hie Tong itoe ambil pakeannja.

Hiang Tie lantas kasih taoe jang Hie Tong tida poenja apa-apa, dan minta biar soedaranja sadja bikinin pakean.

Tan Djit Sing bilang baik dan lantas kasih slamet tinggal pada soedaranja itoe. Dia djalan ka loewar, teroes naik djoli dan Hie Tong toeroet padanja. Satelah sampe di roemah, Tan Djit Sing masoek ke dalem, dan dengen tertawa dia berkata pada istrinja : Saja ini hari pergi ke itoe klenteng Sioeämsi boewat bertemoe saja poenja soedara, lantas saja ada dapet satoe anak moeda.

Istrinja lantas menanjak : Loïa maka bagitoe soeka hati. Loïa dapet orang apa?

Tan Djit Sing menjahoet : Hoedjin kaloe lihat itoe anak, tantoe toeroet djoega soeka hati. Itoe tempo Tan Djit Sing ada poenja doewa anak: satoe Kongtjoe dan satoe Siotjia (anak lelaki dan prampoewan). Ini anak-anak lihat bapanja bagitoe girang hati, sebab dapet satoe orang, lantas dia orang kapingin lihat orang itoe. Salagi dia orang kasih taoe kapinginnja itoe, Hie Tong soedah dateng diadjak masoek oleh Ong Tjeng, satoe boedak dari Tan Djit Sing. Ong Tjeng itoe lantas kasih Hie Tong kenal pada Hoedjin, Kongtjoe dan Siotjia serta soeroeh Hie Tong oendjoek hormatnja. Tempo Hie Tong membri hormat pada Siotjia, hatinja ada merasa heran, kerna lihat itoe Siotjia bagoes sekali.

Hoedjin di dalem hatinja ada poedji roepanja Hie Tong dan lantas djoega berkata pada Tan Djit Sing: Loïa! apa ini dia itoe orang jang Loïa seboet? Betoel roepanja baik.

Tan Djit Sing bilang: Betoel. Ini anak boekan sadja roepanja baik, tapi soeratnja djoega bagoes, dan dia pande sekali rawatin kembang-kembang.

Habis bilang bagitoe, dia lantas berkata: pada Hie Tong, katanja: Kamoe sekarang soedah tinggal di sini, tjoba sabentar atawa besoek kamoe toelis satoe soerat katerangan jang kamoe soedah djoewal diri sendiri: dari rewangnja kamoe boleh lantas trima.

Hie Tong menjahoet: Saja di sini tjoemah sendiri sadja, saja maoe bikin apa sama itoe oewang ?

Tan Djit Sing denger bagitoe, lantas berkata : Kaloe kamoe tidak maoe ja soedah.

Kamoedian Tan Djit Sing lantas panggil Ong Tjeng dan berkata: Kamoe poengoet sadja ini orang boewat anak dan kamoe rawatin sama dia; kaloe maoe bikinan pakean, kamoe boleh minta sama Hoedjin. Kamoe ambil satoe kamar, kasih boewat dia sendiri.

Ong Tjeng denger bagitoe, djadi soeka hati sekali. Dia lantas berkata pada Hie Tong : Ha ! kamoe denger? Loïa soedah kasihken kamoe pada kita boewat anak. Mengarti? Sekarang kamoe misti panggil kita empe, ja? Mengarti? Empe memang tiada poenja anak, kamoe taoe? Kamoe djadi beroentoeng sekali! Mengarti? Nanti kaloe kamoe soedah besar, kamoe taoe? empe nanti kawinin kamoe. Enak sekali! kamoe taoe? Di sini poen memang Loïa ada piara banjak anak-anak prawan jang bagoes. Kamoe mengarti? Empe nanti pilih satoe jang bagoes boewat kamoe poenja bini. Mengarti? Kaloe kamoe soedah dapet anak, kamoe taoe? kamoe djadi boleh samboeng empe poenja toeroenan. Mengarti? Sebab kendati anak boleh poengoet, kaloe tjoetjoe djadi tjoetjoe betoel-betoel. Kamoe taoe? Empe nanti ......

Bloen habis Ong tjeng itoe bitjara banjan, Hoedjin lantas berkata: Tjeng, kami soedah djadi pengang koeping doewa-doewa. Besoek sadja kami denger lagi sama kamoe.

Ong Tjeng denger bagitoe, lantas berkata pada Hie Tong: Kamoe mengarti apa Hoedjin bilang? Mengarti? Kaloe bitjara sama Hoedjin jangan banjak-banjak. Mengarti? Itoe kamoe misti inget, djangan loepa, ja? Mengarti? Mari sekarang kita ketemoein kamoe poenja Pe'm. Kaloe kamoe menoeroet dia poenja kata, kamoe taoe? tantoe dia rawatin kamoe baik-baik. Mengarti? Dia nanti bikinin kamoe pakean, kamoe taoe? Dia nanti tjoetji-in kamoe poenja pakean baik-baik. Mengarti?

Siotjia denger bagitoe, lantas tertawa berkakakan dan berkata : Beloen habis Tjeng? kaloe besoek terlaloe lama, nanti sebentar sadja kita orang denger kamoe poenja bitjara.

Ong Tjeng lantas tertawa dan lantas toentoen tangannja Hie Tong, jang lantas ikoet sama dia pergi ke roemahnja. Tempo soedah sampe, Ong Tjeng lantas berkata pada bininja : He ! kamoe taoe? Saja soedah dapet ini satoe anak lelaki. Mengarti?

Bloen sampe bininja Ong Tjeng berkata apa-apa, Hie Tong soedah madep padanja dan membri hormat. Prampoewan toewa itoe lantas berkata pada lakinja : Ini anak dari mana? Bagaimana boleh djadi kita poenja anak ?

Ong Tjeng menjahoet: Loïa soedah kasihken pada kita boewat anak. Mengarti? Beroentoeng sekali boewat kita poenja hari toewa, kamoe taoe?

Habis itoe, dia lantas adjak Hie Tong ka kebon kembang dan kasih satoe kamar boewat dia tinggal di sitoe.

Hie Tong soenggoeh tinggal di sitoe, dia tida taoe roemah itoe Tan Djit Sing poenja. Dia poenja hati pikirin sadja dia poenja perkara, sampe tida bisa tidoer. Dia inget jang iboenja pergi di Shoatang tida sekali ada kabar-kabarnja. Besoeknja pagi, tempo dia baroe kaloewar dari kamar, Ong Tjeng dateng padanja dengen bawak kertas merah, dan berkata : Anakkoe! kamoe misti toelis ini thiap. Mengarti? Loïa maoe pake ini hari boewat pergi ketemoe sama sekalian poenggawa di sini dan sobat-andenja, kamoe taoe?

Hi Tong lantas menanjak: Toelis nama siapa dalem ini thiap?

Ong Tjeng lantas balik menanjak, katanya:

Kamoe kata apa?

Hi Tong menjahoet: Loïa siapa namanja?

Ong Tjeng lantas gojang kepala dan berkata: Ah, betoel kamoe anak bodo sekali! sampe Loïa poenja nama kamoe tida taoe! Kita poenja Loïa, ija itoe Hiang Ti hweshio poenja ade. Kamoe taoe? Hoe Hiang Ti dia poenja nama Tan Djit Ko, Mengarti? Doeloe dia berpangkat besar sekali, sampe djadi djenderal prang. Kamoe taoe? Blakang kali dia tinggalken kadoedoekannja, lantas dia djadi hweshio dan pake nama Hiang Ti. Mengerti? Kita poenja Lïoa bernama Tan Djit Sing alias Tjong Tje, dan kapan hari dia berpangkat lipouw siangsi, Mengerti? Hoedjin-nja orang she Gouw, Mengerti? Kontjoe namanja Tjoe Sing dan Siotjia namanja Hing Goan. Mengerti? sekarang empe soeda kasih taoe semoewa, kamoe misti inget baik-baik, djangan loepa kembali. Mengerti?

Sasoedanja Hi tong manggoet, lantas sadja Ong Tjeng itoe pergi.

Bwee Liang Giok atawa Hi Tong palsoe lantas moelain toelis itoe thiap. Sembari menolies dia ada merasa sedih sekali; kerna dia sama bapanja, jang dia memang taoe ada bersobat baik sekali sama Tan Djit Sing. Di dalem hati Hi Tong berkata : Pada ini Tan Djit Sing goewa ada pernah empe, dan dari sebab dia poenja perkara, goewa poenja bapa soedah djadi terboenoeh mati. Sekarang goewa ada tinggal di roemahnja, tapi goewa bloen taoe bagimana dia poenja adat. Dari itoe lebih baik sekarang ini goewa, toetoep sadja goewa poenja rasia, djangan kasih doeloe dia taoe goewa ini sabetoelnja siapa.

Sasoedahnja habis dia toelis itoe thiap semoewa, dia lantas simpen itoe di latji medja dan dia doedoek diam berpikir sendiri.

Sabentar lagi Ong Tjeng dateng dan tempo lihat dia lagi doedoek diam, lantas sadja berkata padanja: He, anak! kenapa kamoe tida toelis itoe thiap? Kamoe bikin apa?

Hie Tong menjahoet: Itoe thiap soedah habis saja toelis.

Ong Tjeng djadi bingoeng dan berkata: Bagitoe lekas? apa betoel soedah abis? Tjoba ambil, kasih empe lihat.

Hie Tong ambil itoe thiap lantas kasih pada Ong Tjeng. Ong Tjeng lihat itu thiap, lantas djadi girang hati sekali dan berkata: O, kamoe toelis ini thiap bagoes sekali! Bagoes sekali! Kamoe taoe? ― Kamoedian lantas dia bawak itoe thiap pada Tan Djit Sing.

Tan Djit Sing lihat itoe thiap, lantas menanjak, katanja: Apa betoel ini thiap Hie Tong jang toelis sendiri?

Ong Tjeng menjahoet: Betoel, Hie Tong jang toelis itoe, hamba lihat sendiri.

Tan Djit Sing lantas berkata: Betoel itoe anak bisa sekali menoelies. Blakangan kali nanti perlahan-perlahan kami toeloeng padanja.

Ong Tjeng denger jang anaknja dialem, dia djadi soeka hati sekali dan lantas kaloewar pergi bertemoe pada Hie Tong: dia berkata: Anakkoe! tadi Loïa lihat kamoe poenja soerat, dia alem sekali, kamoe taoe? dan dia bilang nanti perlahan-perlahan dia kasih toeloeng sama kamoe. Mengarti? Dari itoe kamoe misti kerdja dengen ati-ati sekali. Mengarti?

Kamoedian Ong Tjeng itoe lantas pergi djoega tjari bininja, kasih taoe Hie Tong maoe ditoleoeng oleh Loïa.

Tempo soedah liwat satoe boelan lamanja. Tan Djit Sing soedah pergi mertamoe sana-sini pada samoewa sobatnja dan dia soedah trima djoega sobat-sobatnja dateng mertamoe padanja. Pada satoe hari dia inget maoe bikin betoel dia poenja paseban di kebon kembang, dan lantas panggil djoega toekang-toekang boewat kerdja. Sebab dia sa-orang bekas satoe poenggawa, djadi gampang sekali dia prentah apa-apa; dalem satoe boelan sadja samoewa soedah djadi baroe. Kamoedian dia lantas soeroeh Hie Tong bikin betoel itoe kebon kembang sampe djadi baik.

Tempo tahoen soedah ganti baroe doewa boelan lamanja, adalah pada satoe hari Tan Djit Sing kabetoelan lagi seneng hati, dia lantas pergi ka itoe kebon dan dapet lihat samoewa poehoen-poehoen di sana soedah djadi bagoes sekali, dan sebab Hie Tong ada berdiri tida djaoeh dari padanja, dia lantas tanjak Hie Tong itoe, katanja : Apa itoe bwehoa soedah megar samoewa?

(Misih ada samboengannja.)

Tempo Hie Tong bilang, jang smoewa bwehoa soedah megar, Tan Djit Sing lantas berkata : Sekarang kamoe pergi atoer bikin sedia : hari besok kami maoe dateng di sini boewat bikin sedikit plesir dengan makan-minoem.

Hie Tong lantas bikin itoe peseban dan kebon djadi lebih bresih lagi dan lantas kasih taoe pada koki, soepaja dia sedia makanan boewat besoek.

Sampe besoeknja pagi, tempo makanan semoewa soedah sedia. Tan Djit Sing serta anak-istrinja dateng di kebon itoe, masoek dan doedoek dalem peseban dan lihat itoe bwehoa, jang samoewa soedah megar, bagoes sekali. Tan Djit Sing lantas berkata pada istrinja : Apa sari-sari kaloe ini bwehoa megar, ada bagini djoega bagoesnja ?

Hoedjin menjahoet : Ini tahoen dia ada banjak lebih bagoes dari jang soedah-soedah Brangkali sebab sekarang ada dirawatin oleh itoe Hie Tong jang bisa sekali.

Tan Djit Sing tertawa sedikit dan lantas doedoek makan-minoem serta anak-istrinja dengan segala soeka hati. Tapi sebentar lagi, selagi dia orang masih makan, Tan Djit Sing ada kalihat seperti orang jang kesal hati. Istrinja lantas berkata padanja : Ini hari kita orang makan-minoem di ini kebon, enak sekali; tapi Loïa poenja moeka ada seperti orang jang kesal. Loïa ada inget apa, maka bagitoe?

Tan djit Sing lantas tarik napas dan berkata : Hoedjin tantoe tida taoe. Ini hari djigoeĉ tjhetjap (tanggal 10, bolean kadoewa); maka itoe saja dapet inget, tempo tahoen jang soedah di djigoeć tjapdji (tanggal 12, boelan kadoewa) saja sama Pang Lok Thian dapet lepas dari pangkat dan pada itoe hari Bwee Kwee dapat hoekoeman mati. Sekarang kita dan anak-anak plesir makan-minoem di sini dengan enak hati, tapi tida taoe Bwee Kwee poenja anak istri ada di mana dan bagaimana adanja. Bwee Kwee soedah terhoekoem dari sebab saja poenja perkara : dari itoe sakedar saja inger dia poenja perdjalanan, saja djadi sedih. Sekarang saja inget maoe sembajangin dia di bawah ini poehoen Bwehoa, boewat satoe tanda tjinta hati padanja.

Habis bilang itoe, Tan Djit Sing lantas menjeboet, katanja : Soedarakoe Bwee Kwee ! tempo kamoe hidoep, kamoe ada pake hati bagitoe baik ! Sekarang kamoe soedah meninggal, tantoe kamoe djadi satoe dewa. Biarlah kamoe poenja anak-istri bisa dateng di sini, soepaja saja nanti boleh rawatin sama dia! Kaloe soedara poenja anak blakang hari bisa dapet pangkat, biarlah dia bisa bales soedara poenja sakit hati.

Hoedjin denger itoe, lantas berkata : Loïa poenja hati ada bagitoe baik, tantoe Toehan Allah nanti kaboelken itoe permintaan.

Hie Tong dapet denger, jang Tan Djit Sing bitjara sama istrinja, lantas dia djoega inget kembali pada bapanja dan djadi sedih sekali dalem hati : dia pergi berdiri di bawah satoe poehoen kembang dan menangis di sitoe.

Tan Djit Sing serta Hoedjin dan Kongtjoe tida dapet lihat Hie Tong menangis, tapi Hing Goan Sietjia dapet lihat itoe dan lantas kasih taoe pada Tan Djit Sing, katanja: Entia, tjoba lihat, itoe Hie Tong kenapa dia menangis di sitoe?

Tan Djit Sing Tempo lihat itoe, lantas sadja panggil Hie Tong naik ka paseban dan berkata : Kami di sini lagi plesir, kenapa kamoe menangis di sitoe?

Hie Tong menjahoet : Hamba barosean denger Loïa dan Hoedjin bitjara dari perkara Bwee Taij Djin dapet tjilaka, hamba poenja hati djadi sedih sekali : sebab itoe tempo hamba djoega ada di Kota Radja dan soedah lihat dia dengen kasian. Banjak orang baik-baik jang toeroet djoega sakit hati dalem itoe perkara. Hamba inget kasian sama Bwee Taij Djin itoe, maka hamba djadi menangis. Hamba moehoen sadja soepaja Loïa tida djadi goesar.

Hoedjin lantas berkata pada Tan Djit Sing : Kaloe bagitoe kita orang traoesa goesar sama ini Hie Tong. Dia poen sa-orang jang taoe soerat dan taoe adat; dari itoe tantoe dia mengarti djoega sama itoe perkara Bwee Kwee.

Tan Djit Sing denger istrinja bilang bagitoe, lantas pesen sadja pada Hie Tong, katanja : Lain kali, kaloe kita orang lagi plesir, djangan kamoe bikin bagitoe lagi.

Hie Tong bilang baik dan lantas pergi toeroen dari peseban.

Hing Goan siotjia, jang memang bermata tadjem, lihat kalakoe-an Hie Tong bagitoe, lantas pikir jang kalakoe-an itoe ada heran sekali, dan dia moelain timbang-timbang : apa boleh djadi kalakoe-an bagitoe roepa soedah timboel dari sebab mengarti soerat? Betoel Hie Tong poenja tingkah ada seperti tingkah orang sopan, boekan seperti tingkah boedak boedak, tapi itoe djoega bloen boleh djadi sebab aken menangis sedih sampe bagitoe boewat Bwee Kwee poenja perkara.

Salagi Siotjia pikir bagitoe, Tan Djit Sing lantas prentah satoe boedaknja, katanja : Besoek kamoe misti sadia di sini satoe medja boewat sembajang : kita orang maoe sembajangin Bwee Kwee di moeka ini poehoen Bwehoa.

Kamoedian Tan Djit Sing itoe lantas menjeboet pada itoe poehoen kembang, katanja: Kaloe itoe Bwee Liang Giok anaknja Bwee Kwee boleh djadi beroentoeng mendapet pangkat, boewat bikin bagoes kembali bapanja poenja nama, kami minta biar besoek kamoe djadi lebih bagoes dari ini hari.

Habis bilang bagitoe, Tan Djit Sing lantas poelang sama-sama anak istrinja ; hambanja lantas sadia-in medja boewat sembajang.

Hie Tong lihat itoe medja boewat sembajangin bapanja, lantas sadja dia sembajang lebih doeloe, berloetoet dan menangis dengen sedih. Tempo hari soedah djadi malem, dia lantas masoek tidoer. ― Itoe malem ada toeroen hoedjan angin besar sekali, sampe itoe kembang (bwehoa) semoewa djadi rontok.

Hie Tong tempo bangoen pagi dan lihat itoe kembang samoewa soedah rontok, dia djadi sakit hati sekali, sampe membanting dirinja sendiri dan djadi kalenger. Tempo dia inget kembali, dia lantas tarik napas dan berkata : Ja, goewa poenja bapa bagitoe tjilaka sekali peroentoengannja, sampe maoe disembajangin brangkali misti djadi oeroeng?

Kamoedian dia lantas djalan aken kasih taoe hal itoe pada Tan Djit Sing. Tempo sampe di depan pintoe astana, dia bertemoe sama satoe boedak prampoewan dan lantas kasih taoe, jang dia maoe minta bertemoe pada Tan Djit Sing. Itoe boedak prampoewan lantas masoek pergi kasih taoe ; kamoedian lantas dateng kombali dan adjak Hie Tong masoek ka dalem. Tempo hie Tong mengadep pada Tan Djit Sing dia lantas kasih taoe, jang itoe bwehoa samoewa soedah rontok, sampe tida satoe jang tinggal.

Tan Djit Sing denger bagitoe, lantas dia pergi di itoe kebon kembang dan lihat itoe bwehoa jang soedah rontok samoewa. Hatinja poenja kata: Soedara Bwee Kwee ! kamoe bagitoe tida beroentoeng sekali, sampe saja maoe sembajangin soedara tida bisa trima? —

Habis bagitoe, lantas dia tarik napas dan inget tida maoe lagi tjampoer sama orang dan niat maoe djadi hweshio sadja, dan sebab berdongkol sekali dalem hati, dia lantas sadja kasih prentah pada orangnja, soepaja sadia satoe pikoelan boewat pikoel barang-barang, kerna dia niat aken lantas pergi moembara koelilingan boewat tjari satoe tempat jang sepi dan enak boewat tinggal.

Hoedjin lihat bagitoe, djadi heran sekali dan lantas tanjak padanja : Loïa prentah itoe orang sadia pikoelan bagitoe, maoe apa ?

Tan Djit Sing berkata : Hoedjin apa tida taoe, jang kamaren saja soeroeh sadia medja sembajang ? Saja poenja ingetan maoe sembajangin Bwee Kwee ; tapi semalem soedah toeroen hoedjan angin, bikin roesak itoe bwehoa. Bagimana saja poenja ingetan, di doenia poenja perkara hati baik dan hari djahat sama sadja harganja di mata Allah. tida goena itoe Bwee Kwee soedah pake hati baik sama manoesia. Maka itoe saja poenja ingetan djadi enteng dan niat maoe djadi hweshio sadja, soepaja terpisah dari segala perkara doenia dan tinggal hidoep berbakti pada Allah dengen seneng hati.

Hoedjin denger bagitoe, lantas diam sadja. Hatinja ada goesar sama Tan Djit Sing poenja adat, kerna Hoedjin inget, kaloe bagitoe, anak dan bini moerah sadja dalem hati Tan Djit Sing, maka dengen gampang boleh ditinggalken sadja. Hoedjin tida bisa mengarti, bagimana orang bisa hidoep seneng, kaloe tida sama-sama dengen anak bini. Kongtjoe dan Siotjia, doewa-doewa lantas dateng deket pada bapanja dan berkata : Hoedjan dan angin memang misti ada di doenia, boewat apa entia boewat seselan ? Apa lagi itoe Bwee Taij Djin sama ini bwehoa ada lain sekali. Ini hari itoe kembang soedah jadi roesak, lain tahoen dia boleh djadi kembali. Masa dari sebab kembang poenja perkara, lantas entia djadi inget maoe tinggal roemah tangga?

Tan Djit Sing menjahoet : Entia poenja ingetan soedah pesti maoe pergi meombara : tiada boleh dirobah lagi. — Hoedjin! kamoe ada ini anak di sini boewat merawatin ; dari itoe traoesa boewat pikiran pada saja. Tjoema saja inget ini anak prampoewan bloen djadi orang (bloen kawin). Hoedjin djadi dia poenja ema: dari itoe Hoedjin sadja tjari satoe orang jang patoct boewat mantoe. Lain dari itoe, tiada jang saja boewat brat lagi.

Sekalian hambahnja lihat, jang Tan Djit Sing kras sekali maoe pergi, samoewa djadi menangis. Siotjia dan Kongtjoe lantas berloetoet di hadepan Tan Djit Sing itoe dan berkata: Doeloe tempo entia tinggal di Kota Radja, tida satoe hari jang saja tiada boewat kangenan. Sekarang kita orang soedah djadi koempoel, patoet kita orang bikin seneng-seneng saben hari bersama-sama. Saja tida njana sekali dari sebab perkara kembang entia djadi lantas ada ingetan boewat djadi hweshio. Sekarang saja minta biarlah entia bernanti doeloe: saja maoe minta-minta pada Toehan Maha Koewasa biar itoe bwehoa berkembang kombali dalem ini sedikit hari.

Tan Djit Sing denger itoe, lantas djadi tertawa dan kata: Kamoe poenja hati bagitoe tjinta sama entia, sampe made minta biar bwehoa berkembang lagi? Baik! Sekarang entia kasih tempo tiga hari. Kaloe dalem itoe tiga bari kamoe poenja perminta-an tida mendjadi, entia maoe lantas pergi. Setaoe entia tinggal di hoetan, setaoe tinggal di goenoeng, biar poen mati, tiada entia boewat penasaran.

Sabentar lagi Siotjia lantas prentah boedaknja sadia medja boewat sembajang di

kebon kembang. Kamoedian Siotjia itoe lantas sembajang, berloetoet di hadepan medja sembajang itoe dengen menjeboet: Ja. Toehankoe Allah! kasian sekali jang Bwee Kwee soedah dapet perkara terpitenah orang, sampe anak istrinja djadi terlantar. Kaloe Bwee Liang Giok di blakang kali boleh djadi beroentoeng, saja moehoen biarlah Toehan kasih ini poehoen bwehoa berkembang lagi satoe kali di dalem ini tiga hari. Kaloe itoe Bwee Liang Giok tida ada peroentoengannja jang baik, lantas saja poenja bapa maoe pergi djadi hweshio. Dari itoe saja moehoen Toehankoe poenja koernia dan pertoeloengan.

Sasoedahnja sembajang, Siotjia kasih prentah pada Hie Tong, katanja: Kaloe beroentoeng ini poehoen bisa berkembang lagi sekali, kamoe lekas-lekas kasih taoe padakoe.

Sasoedahnja Hie Tong bilang baik, Siotjia lantas brangkat poelang. Tempo Hic Tong melihat jang di itoe kebon tiada ada lain orang lagi, lantas dia sembajang di hadepan itoe medja sembajang, berloetoet dengen menangis dan berkata: Ja, Allah! hamba Bwee Liang Giok, sekarang ada bagini poenja tjilaka, sampe baroe sadja beroentoeng tinggal di sini, lantas Tan Djit Sing ada ingetan maoe pergi djadi hweshio dari sebab perkara kembang. Hamba mintalah, ja Toehankoe jang maha koewasa! soepaja ini poehoen dikasih berkembang kombali. Kaloe sampe Tan Djit Sing pergi, tantoelah hamba tida bisa tinggal lagi di sini. Mintalah Toehankoe poenja kasian.

Habis itoe, Bwee Liang Giok lantas bangoen dan teroes masoek di kamarnja. Di sitoe dia lantas menangis lagi dengen pikirin emanja jang tida sekali ada terkabar apa-apa. Dia rasa, emanja itoe tantoe tiada taoe sang anak bagimana ada. Hatinja Bwee Liang Giok ada djadi sedikit seneng tempo dia inget, beroentoeng dia bloen ada poenja anak bini jang toeroet dalem dia poenja soesah. Kamoedian, sasoedahnja sedihnja djadi ilang, dia lantas berkata di hatinja: Itoe Ilouw Loan poenja anak goewa bloen taoe lihat roepanja dan bloen taoe denger djoega dari hal adatnja. Kaloe lihat Louw Loan ada berhati boesoek bagitoe, anaknja djoega brangkali tida terlaloe baik. Tapi ini Hing Goan Siotjia jang amat manis dan haloes, roepanja ada bagitoe bagoes, dan ada pinter djoega. Ai! goewa, Bwee Liang Giok. kaloe di blakang kali bisa beroentoeng dapet pangkat, brangkali boleh beroentoeng djoega berlaki bini sama dia. Tapi boleh djadi sabloen goewa dapet pangkat, dia soedah kawin lebih doeloe sama lain orang. — Ah, bagimanalah sadja goewa poenja peroentoengan.

Pada besoeknja Bwee Liang Giok pergi preksa itoe poehoen bwehoa; tapi ini poehoen boekan sadja tida berkembang kombali, hanja djadi tambah roesaknja. Sampe kadoewa harinja poehoen itoe masih tinggal bagitoe djoega, sampe Bwee Liang Giok poenja hati djadi merasa sakit sekali. Pada itoe waktoe ada dateng Siotjia poenja soeroehan boewat tanjak sama dia, apa itoe bwehoa soedah berkembang lagi atawa tida, Bwee Liang Giok lantas kasih taoe, jang itoe poehoen bloen berkembang lagi. Bwee Liang Giok inget, jang sekarang soedah kadoewa hari dan poehoen itoe bloen moelain berkembang, dia lantas berloetoet kombali dengen menangis dan meminta pada Toehan Maha Koewasa. Sasoedahnja itoe, lantas dia masoek kombali dalem kamarnja.

Kata jang poenja tjerita ini. bidadari dari itoe bwehoa (bwehoasin) dapet hati kasian pada Bwee Liang Giok dan lantas pergi toeloeng minta pada Tochan Maha Koewasa, soepaja permintaan Bwee Liang Giok ditrima. Maha Toehan lantas trima permoehoenannja bidadari itoe dan lantas kasih prenta padanja, jang ini malam djoega samoewa poehoen kembang di kebonnja. Tan Djit Sing misti dikasih kaloewar kembang. Sasoedahnja bidadari itoe dapat prentah bagitoe, lantas sadja dia djalanken kerdjaännja itoe.

Pada waktoe ampir pagi, sedang Bwee Liang Giok kabetoelan mendoesin dari tidoernja, dia ada djadi kaget dari sebab membaoein wanginja kembang. Dia lantas bangoen dan pake-pake dan teroes pergi lihat, kaloe-kaloe itoe bwehoa berkembang kombali. Tempo dia sampe dalam kebon, hatinja djadi girang sekali, kerna itoe poehoen-poehoen samoewa soedah kaloewar kembang. Dia lantas berloetoet dan bilang banjak-banjak trima kasih pada Toehan Maha Koewasa. Dari dia poenja soeka hati, tempo mata hari moelain trang, lantas dia toelis satoe sair di tembok jang ada deket pada satoe poehoen bwehoa. Maksoednja sair itoe maoe bilang sabagimana jang ada dalam sair ini:

  Poehoen hwehoa kate beserta tinggi
 Dengen koernia Toehan dapet emboen waktoe pagi,
 Maski kembangnja rontok, ija berkembang lagi
 Sabagimana di djaman doeloe blon skali taoe djadi(.)

Sasoedahnja dia toelis itoe sair lantas dia petik satoe kembang dan bawak itoe boewat kasih taoe jang samoewa poehoen kembang soedah berkembang kembali. Tempo sampe di depan roemah Tan Djit SIng dia bertemoe pada satoe boedak prampoewan, jang

________

(.) Hal itoe bwehoa soedah berkembang doewa kali di dalam satoe moesim, itoelah jang djadi sebabnja, maka tjerita ini diseboet namanja ..„Djie Touw Bwee“. lantas berkata padanja: Hlie Tong! kamoe maoe apa? Hoedjin dan Siotija blon bangoen.

Hie Tong kasih oendjock itoe kembang jang dia petik, dan berkata: Toeloeng kasih taoe pada Siotjia, itoe pochoen bwehoa samoewa soedah berkembang kombali.

Boedak prampoewan itoe djadi bingoeng seperti ada koerang pertjaja, tapi dia trima itoe kembang dan lantas lari masoek kadalam kamar Siotjia dengan tertawa. Siotjia jang lagi doedoek dengan kesal hati pikirin perkara bapanja, tempo dapat baoein wanginja kembang, lantas menengok dan dapat lihat boedaknja memegang satoe bwehoa. Boedak prampoewan itoe dengan tertawa sadja, sabagimana biasanja boedak-boedak kaloe ada bawa kabar baik, lantas berkata pada Siotjia: Tjoba siotjia lihat! Apa ini boekan barang heran sekali? Ini hari poehoen bwehoa samoewa soedah berkembang kombali.

Siotjia lihat kembang itoe, hatinja djadi girang sekali dan berkata: Apa Hie Tong jang kasih kembang ini pada kamoe?

Itoe boedak prampoewan bilang: Betoel Hie Tong jang kasih. Dia kata, siotjia jang pesan sama dia, misti bawak kembang ini.

Siotjia lantas berkata: Kamoe satoe boedak braNi bitjara djoesta bagitoe?

Itoe boedak menjahoet: Hie Tong sekarang ada toenggoe di loewar. Masa hamba brani djoestain siotjia!

Siotjia dengar itoe, hatinja. ada satengah pertjaja, satengah tida pertjaja, Dia Kaloewar ketemoein Hie Tong dan padatja: Betoel ini bwehoa dari Kebon?

Hie Tong bilang: Betoel sekali, Siotjia! samoewa itoe poehoen soedah berkembang kembali.

Siotjia lantas berkata: Sekarang kamoe pergi! sadja toenggoe di kebon. Nanti kami Kasih taoe hal ini pada loia dan tantoe kamoe nanti dapet persen.

Sasoedahanja Hie Tong pergi, Siotjia lantas bawak itoe kembang pergi madep pada bapanja dalam kamar dan lantas membri slamat.

Tan Djit Sing Lantas menanjak katanja: Anakoe kasih slamat apa?

Siotjia berkata.: Entia taoe? Toehan Allah soedah kaboelken kita, orang poenja permoehoenan. Bwehoa soedah kasih kembang kombali.

Tan Djit Sing bilang: Apa betoel bagitoe?— Kemoedian lantas sadja dia pake-pake dan sembari tertawa dia ambil itoe kembang dengen menanja: Anakkoe soedah ambil kembang ini dari mana?

Siotja lantas bilang: Dari kita poenja kebon. Hi Tong kasih taoe, boekan sadja satoe, tapi samoews poehoen soedah berkembang kombali. Tan Djit Sing lantas adjak anak-istrinja pergi ka kebon boewat lihat itoe kembang.

Sasampenja dia orang di itoe kebon, dia. orang lihat betoel sekali samoewa poehoen soedah berkembang kombali. Kongtjoe dan Siotjia lantas madep pada iboe bapanja membri slamet dengen hormat, dan bilang Sekarang, sebab ini poehoen soedah berkembang kombali, entia poenja hal boewat pergi djadi hweshio misti dioeroengken.

Tan Djit Sing menjahoct: Anakkoe! boekan sadja entia poenja ingetan bagitoe; tapi dari sebab tida taoe Bwee Kwee poenja anak sekarang ada di mana, itoe djoega bikin entia poenja hati tida bisa seneng.

Hoedjin lantas berkata: Kita orang boleh soeroeh sadja orang tjari, dan kaloe bertemoe, biar dibawa di sini.

Tan Djit Sing bilang, jang istrinja poenja kata itoe ada betoel sekali. Kemoedian dia berkata pada Hie Tong: Sekarang ini bwehoa soedah berkembang kombali biarlah kamoe sadia satoe medja dan barang-barang boewat sembajang, kerna kami maoe sembajangin Bwee Kwee.

Sasoedahnja samoewa sadia, Tan Djit Sing dan anak-anaknja lantas sembajang di sitoe.

Tempo orang lagi sembajang, Hie Tong pergi sedikit djaoeh dan toeroet berloetoet, sembajang dari sana. Siotjia dapet lihat itoe, lantas bilang pada entianja: Entia tjoba lihat itoe Hie Tong poenja tingkah di sana.

Tan Djit Sing lihat Hie Tong poenja kalakoean, lantas djadi goesar sedikit; dia lantas panggil Ilie Tong itoe dan berkata padanja: Kamoe bagitoe koerangadjar, brani adjok-adjokin kami sembajang?

Hie Tong menjahoet: Boekan sekali saja adjokin Loïa, tapi dari sebab saja poenja bapa mati dalem tahoen jang soedah, betoel pada hari ini, saja djadi toeroet sembajang dari sana dengen inget sama dia.

Hoe Djin denger itoe, lantas berkata pada Tan Djit Sing: Kaloe bagitoe, djangan Loïa boewat ketjil hati sama Hie Tong. Saja merasa djadi kasian sama dia.

Tan Djit Sing lantas tertawa dan berkata pada Hie Tong: Kamoe ada poenja perkara bagitoe? Sekarang kami kasih kamoe ini doewa mangkok sajoer, soepaja kamoe boleh sembajangiu kamoe poenja bapa.

Hie Tong trima sajoer itoe dengen bilang banjak trima kasih dan lantas dia pergi sembajangin bapanja. Sasoedahnja dia sembajang, dia masoek dalem kamarnja, ambil sapotong papan dan toelis di sitoe bapanja poenja nama hoewat dia hormatin waktoe sore dan pagi. Dia simpen papan itoe haik-baik dalem peti pakeannja.

Sasoedahnja itoe, dia pergi madep kombali pada Tan Djit Sing laki dan istri boewat bilang trima kasih lagi sakali.

Tida lama sasoedahnja itoe, Tan Djit Sing lantas toeroen dari peseban, pergi djalan-djalan dalam kebon. Di sitoe dia dapat pikiran, dan berkata: ada ini kembang, patoet kita-orang misti bikin saïrnja. Komoedian lantas dia berkata pada anakuja lelaki: Anakkoe! lama sekali entia tinggal di Kota-Radja; dari itoe entia tida taoe kamoe poenja peladjaran di sini bagimana ada. Sekarang ini poehoen berkembang kombali, tjoba kamoe bikinin saïr.

Baroe Tjoen Sing bilang baik, Tan Djit Sing lantas menengkok, lihat di tembok ada soerat; dia dekatiu, lantas lihat itoe saïr jang tadi Hie Tong toelis. Sasoedahnja lihat lantas dia alem sekali itoe toelisan dan menanja pada anaknja: Apa ini saïr kamoe jang toelis?

Tjoen Sing bilang, jang dia beloen bikin apa-apa. Maka Tan Djit Sing lantas berkata pada Hie ong: Kamoe jang djaga ini kebon, tentoe kamoe taoe siapa jang toelis ini sair. Kamoe misti bilang teroes terang.

Hie Tong menjaoet: Hamba tida sekali brani djoesta pada Loïa. Hamba lihat ini poehoen kedjadian heran begini, hamba djadi bergerak hati boewat toelis itoe sair.

Tan Djit Sing memanggoet-manggoet kapalanja, lantas panggil anaknja lelaki dan berkata padanja: Anakkoe, tjoba kamoe lihat ini sair. Apa kamoe bisa samboengin? Entia kepengin taoe kamoe poenja kapinteran dalem perkara soerat.

Habis bilang begitoe, lantas sadja dia printal Hie Tong, soepaja ambil perabot toelis dalem peseban. Tempo Hie Tong pergi dan maoe ambil itoe, Hoedjin dan Siotjia kabetoelan ada di peseban itoe; dia orang menanja pada Hie Tong, katanja: Hie Tong! kamoe ambil itoe hoewat apa?

Hie Tong menjahoet: Loïa maoe soeroeh Kong Tjoe toelis sair di kebon.

Habis bilang begitoe, Hie Tong lantas bawak perabot itoe. Tempo Hie Tong baroe pergi, Siotjia lantas berkata pada iboenja: Boetjhin, tjoba kita orang pergi lihat Tjoen Sing toelis sairnja poehoen.

Hoedjin bilang baik dan lantas brangkat sama sama Siotjia. Sesampenja di kebou, dia lihat Tjoen Sing socdah samboong itoe sairan jang ada di tembok. Samboengan itoe bagini maksoednja :

  

  Antara bwehoa roepa roepa jang idjo paling bagnesnja,
  Tjalang banjak timpah menimpah seperti djodi Loeroenannja.
  Sebab orang soedjoed hati, djadi katrima permoehoenauaja.
  Dikoerniaken kembong ini jang djadi kadoewa kalinja.

Sasoedahnja Tjoen Sing toelis sair itoe. Tan Djit Sing lihat lantas djadi tertawa dan berkata: Ha! ha! kaloe ala kembang bagoes, kita tida bikinin sair, boekan jadi sia-sia kembang itoe?

Sedeng dia bilang begitoe, dia dapet lihat anak prampoewannja dan istrinja dateng mengamperin. Dia lantas berkata pada istrinja: Baroesan saja lihat kembang, saja dapet lihat itoe di tembok ada sair. Hoedjin taoe siapa jang toelis itoe? Saja tida kira itoe Hie Tong bisa toelis begitoe; maka itoe saja soedah panggil anak kita dan soeroeh dia samboeng.

Habis itoe, dia lantas berkata pada anaknja prampoewan: Anakkoe! sekarang kamoe kabetoelan ada di sini, tjoba kamoe samboeng sair ini. Entia taoe kamoe bisa, dari itoe entia kapengin lihat.

Siotjia bilang: Itoe ada koerang patoet, sebab saja satoe orang prampoewan.

Tan Djit Sing bilang Ah, tida djadi apa, sebab dalem kita pocnja kebon sendiri. Jain orang tiada nauti lihat.

Siotjia lantas toeroct bapanja poenja maoe, dan toelis satoe patal sair di tembok itoe. Boeninja sair itoe maoe bilang begini:

Ini bwehoa, jang memang bagnes dan bertjaja,
Soedah rontok, berkembang lagi dengen Allah ponja koernia.
Toehan tida loepaken toeroenan orang hati setia,
Maka bwehoa berkembang lagi dengen begoes dan moelja.

Sasoedahnja Tan Djit Sing lihat itoe sair jang Siotjia toelis, lantas dia berkata pada istrinja: Hoedjin! patoet kita soeka hati, sebab sebab kita poenja anak-anak ada sampe pinter dalem perkara soerat.

Kamoedian dia lantas soeroeh Hie Tong bawak kombali itoe perabot toelis. Sasoedahnja Hie Tong pergi hawak perabot itoe, Tan Djit Sing lantas berkata pada istrinja: Bagimana saja poenja lihatan, llie Tong satoe anak jang pinter sekali. Dari itoe djangan dia disamain deugen boedak-boedak jang lain.

Hoedjin berkata: Betoel itoe anak boleh pake." Saja rasa di blakang kali dia nanti boleh beroentoeng djoega.

Sasoedahnja itoe dan sahabisuja pesen Ilie Tong, misti jaga kebon baik-baik, Tan Djit Sing lantas brangkat poelaug serta anak istrinja.

Dari wates itoe hari selamanja Hie Tong djaga baik sekali dalem kebon. Tempo sampe di shagoeé (boelan katiga) ada pada satoe hari Ilie Tong inget dalem hati, jang orang tjerita tempat tinggaluja itoe satoe tempat jang rame sekali. Dari sebab pada hari itoe kabetoelan dia lagi sempat, dia lantas niat aken pergi djalan-djalan sedikit, dan lantas djoega dia keloewar dari kebon.

Di itoe waktoe Hing Goan Siotjia kabetoelan ada berkata-kata dalem hatinja: Bebrapa kali kami socdah lihat Hie Tong menangis bikin kami djadi tjemboeroelian, barangkali dia ada toeroenan dari Bwee Kwee. Itoe tempo lagi kami poenja bapa sembajang di kebon, dia djoega toeroet sembajang, dan lagi dia poenja itoe toelisan jang di kebon ada begitoe bagoes. Itoe semoewa bikin kami djadi heiran.

Boekan sadja Siotjia itoe djadi heiran, tapi boewat fikiran sahari-hari. Toeroet perasaännja Tjocihoan, ja itoe Siotjia poenja boedak prampoewan, Siotjia itoe ada simpen djoega satoe rasia dalem hati; kerna Tjoeihoan itoe sering kali lihat Siotjia ada manis boedi pada Ilie Toug. Betoel Siotjia memang saorang jang manis boedi, tapi manisnja pada Hie Tong itoe ada sedikit lain. Kaloe orang lelaki lihat itoe, lelaki itoe tida nanti bisa bedain dari Siotjia poenja adat manis jang biasa; tapi Tjoeihoan, satoe orang prampoewan, ada lebih mengerti dan lebih bisa lihat orang prampoewan poenja hati. Seringkali Tjoeihoan itoe tertawanin Siotjia dengen diam-diam, dan seringkali djoega dia bilang-bilang pada Siotjia, jang Ilie Toug itoe tentoe satoe kongtjoe jang menjaroe dengen tiada lain maksoed, melinken aken bertemoe pada Siotjia. Kaloe dia bitjara perkara begitoe, selamanja dia lantas di maki-maki: tapi sebab soeka ganggocin orang, Tjoeihoan itoe maski di maki djoega, besoek dia dateng kombali dengen ganggoeannja. Tambah lagi dia berani bikin begitoe, sebab dia taoe, maski Siotjia poenja moeloet memaki, sabenernja Siotjia soeka djoega denger, kaloe dia bitjara dari hal Hic Tong Dari sebab Tjoeihoan itoe soeka bitjara pada Siotjia dari hal Ilic Tong begini atawa Hic Tong begitoe, lantas Hie Tong poenja roepa jang jang baik djadi djoega berbajang sadja di mata Siotjia.

Sedeng Siotjia lagi doedoek berpikir, dengen sakoenjoeng-koenjoeng Tjoeihoan dateng dan berkata padanja: Siotjia lagi pikirin apa pikirin itoe orang poenja kesalahan?

Siotjia djadi terkedjoet dan menengok. Tempo dia dapet lihat boedaknja itoe, lantas sadja dia berkata: Koerang adjar! kamoe begitoe brani? siapa itoe jang kamoe kata itoe orang?

Tjoeihoan lantas berkata sembari tertawa: Ah, apa Siotjia beloen lihat lie Tong poenja kelakoean? Kaloe begitoe, hamba misti kasih taoe djoega sama Siotjia. Itoe He Tong sedari dia dateng tinggal sama kita di sini, soedah satengah tahoen lamanja, beloen satoe kali kelihatan jang dia tertawa atawa bersoeka hati: selamanja dia sedih dan menangis sadja. Apa Siotjia mendoesin aken hal itoe? Bagimana hamba poenja penglihatan, tentoe dia ada poenja sakit hati kaliwat dalem perkara apa-apa. Ini hari sedeng kita lagi sempat, tjoba mari kita-orang priksa dalem dia poenja kamar.

Siotjia lantas boewang moeka dan berkata: Kamoe gila? Kami satoe anak prawan, bagimana bolih bikin kerdjaän begitoe?

Tjoeihoan lantas berkata: Kaloe Siotjia takoet, biarlah hamba sendiri nanti pergi. Tapi sekarang Siotjia lagi sempat, apa tida maoe djalan-djalan di kebon?

Siotjia tida bilang apa-apa, tapi lantas bangoen dan djalan kaloewar. Tjoeihoan lantas ikoet dari blakang dengen bawak kerandjang ketjil tempat kembang. Tempo dia-orang sampe di kebon kembang, Siotjia djalan-djalan di sitoe sembari petik satoe-doewa kembang jang soedah megar. Tempo dia maoe taroek kembang-kembang itoe di kerandjang jang Tjoeihoan bawak, dia lihat Tjoeihoan itoe tida ada dan kira Tjoeihoan lagi pergi panggil Ilie Tong. Begitoe Siotjia poenja kira; tapi Tjoeihoan boekan pergi panggil Hie Tong: dia taoe Hie Tong tida ada di kamarnja, kerna dia ada lihat Hie Tong pergi kaloewar, dan dari sebab itoe maka dia soedah adjak Siotjia aken tjoba priksa Hie Tong poenja kamar. Tempo Siotjia maoe taroek kembang di kerandjang ketjil, Tjoeihoan itoe lagi ada di kamar Hie Tong, priksa segala apa dan boeka djoega Hie Tong poenja peti pakean jang kabetoelan tida terkontji. Tjoeihoan lihat di peti itoe tida ada lain, melainken ada banjak soerat-soerat serta sedikit pakean. Di atas medja, dekot peti itoe, ada satoe papan jang ditoelisin soerat dan di depan papan itoe ada teratoer sedikit makanan. Tjoeihoan tida mengarti betoel apa maksoednja itoe, kerna dia tida dapet taoe, jang saben hari, kaloe Hie Toug maoe makan salamanja dia sembajang doeloe. Tjoeihoan lantas ambil papan itoe dan bawak pada Siotjia dengan berkata: Tjoba Siotjia lihat, ini papan ditoelisin soerat apa?

Siotjia tempo lihat papan itoe dan batja toelisannja, dia lantas dapet taoe, jang itoe Ilie Tong sasoenggoehnja ada palsoe, sabetoelnja Bwee Liang Giok anaknja Bwee Kwee. Sebab Siotjia poenja hati ada djadi kaget (boleh djoega kita tambahin: dan djadi girang sekali), dia lantas sadja djalan poelang dengen bawak Ilie Tong poenja papan itoe dan lantas kasih lihat itoe pada Tan Djit Sing. Hoedjin djadi kaget dan merasa heran sekali, tapi Tan Djit Sing lantas berkata: Kaloe bagitoe, itoe Hie Tong ada Bwee Kwee poenja anak? Ha! memang saja poenja hati ada tjemboeroean bagitoe. Baik sekarang kita panggil sama dia dan priksa, soepaja dapet taoe hal ini dengan pasti.

Siotjia lantas berkata: Saja rasa baik djangan ditanjak doeloe. Baik kita soeroeh Sedang disunting

Tjoei Hoan pergi doeloe padanja boewat pantjing-pantjing sama dia. Kaloe soedah terang, baroe entia panggil dan priksa sama dia.

Hoedjin berkata: Anakkoe poenja kata betoel sekali bagitoe ada lebih enak boewat kita.

Tan Djit Sing lantas panggil dan prentah Tjoeihoan boewat pantjing-pantjing perkara Hie Tong itoe.

Tjoeihoan trima prentah itoe, lantas sadja djalan pergi ka kebon.

Waktoe tengah hari Bwee Liang Giok atawa Hie Tong palsoe, jang pergi ka loewar aken djalan-djalan sedikit, merasa peroetnja laper; maka lantas dia brangkat poelang. Tempo dia sampe di pintoe kebon, dia bertemoe pada Ong Tjeng jang bawak makanan satoe piring dan lantas kasih padanja. Dia trima piring itoe, bilang banjak trima kasih dan teroes pergi bawak makanan itoe ka kamarnja. Sasampenja di kamar, dia betoelin makanannja, jang bekas dia pake sembajang. Sedeng lagi doedoek makan, Hie Tong itoe ada djadi kaget, kerna dia dapet lihat dia poenja papan bersoerat tida ada. Dia lantas tjari japan itoe di sana-sini, tapi tida bisa dapet, sampe dia jadi menangis. Pada waktoe itoe ada satoe orang prampoewan berdiri di moeka pintoe kamarnja. Tempo Bwee Liang Giok lihat prampoewan itoe, dia lantas sapoe ajeroja mata dan menanjak: Entji, kamoe maoe apa?

Tjoeihoan gojang kepala dan berkata: Hai! kamoe satoe orang boleh bikin orang tjilaka besar!

Bwee Liang Giok jang memang lagi bingoeng hati, sebab papannja hilang, dapet denger perkataan bagitoe, djadi merasa takoet dan lantas bangoen membri hormat dengen menanjak, katanja; Entji! kamoe bilang saja bikin orang tjilaka besar, apa artinja?

Tjoeihoan berkata: Kamoe bilang, kamoe Hie Tong, —tapi Hie Tong apa? Apa kamoe kira orang tida taoe, jang kamoe Bwee Kwee poenja anak jang sekarang lagi ditjari dengan kras dan maoe ditangkep? Sekarang kamoe tinggal semboeni di sini, kaloe itoe kansin dapet taoe, apa Loïa djoega tida nanti dapet tjilaka besar? Kamoe soedah bikin djoesta pada Loïa dengan mengakoe bernama Hie Tong-Hie Tong sadja bagitoe. Betoel kamoe koerang ati-ati!

Bwee Liang Giok dengar bagitoe, dia djadi kaget sekali, sampe badannja antero djadi goemetaran. Dia lantas sadja berloetoet dan berkata pada Tjoeihoan: Ai, Entji saja mintalah sabrapa boleh biar entji toeloeng sama saja. Sampe mati saja tida nanti loepa entji poenja baik.

Tjoeihoan lantas berkata: Ai, kongtjoe! bangoen! djangan bagitoe! —Baroesan kongtjoe bilang sampe mati djoega tida nanti loepa saja poenja kabaikan, itoe saja harep biar kongtjoe ingat betoel-betoel. Sekarang dengerlah saja maoe bilang apa-apa pada Kongtjoe.

Sasoedahnja Bwee Liang Giok bangoen, Tjoeihoan lantas berkata: Apa jang tadi saja soedah berkata pada kongtjoe, itoe tida lain, melainken main-main sadja. Tadi pagi saja sama Siotjia soedah dateng di sini boewat lihat kembang, lantas dapet lihat kongtjoe poenja sapotong papan jang bersoerat. Siotjia lantas ambil itoe dan kasih taoe pada Loïa. Sekarang Loïa soedah taoe jang kongtjoe sabetoelnja Bwee Liang Giok, dan Loïa prentah saja dateng di sini boewat panggil kong-tjoe dateng padanja.

Bwee Liang Giok lantas berkata dengen perlahan: Loïa panggil sama saja? Djangan-djangan dia tiada inget perkara jang doeloe, dan lantas tangkep sama saja, troes kirimken pada Louw Kie. Kaloe bagitoe tentoe saja lantas tjilaka

Tjoeihoan berkata: Kongtjoe poenja ingetan salah sekali. Loïa salamanja pake hati baik; tentoe sekali dia tida nanti ada ingetan boewat kaniaja pada kongtjoe.

Bwee Liang Giok denger bagitoe, lantas sadja dia toeroet sama Tjoeihoan masoek mengadep pada Tan Djit Sing.― Tan Djit Sing kabetoelan lagi doedoek serta anak-istrinja, lihat Bwee Liang Giok dateng, lantas sadja dia bangoen dan dengen tertawa dia djalan sedikit boeat samboetin. Dia berkata: Bwee Liang Giok, kamoe ada saja poenja hiantit (kaponakan)! Ha! baroe ini hari, saja orang toewa, terlepas dari hati tjemboeroean!

Bwee Liang Giok lantas dateng deket dan membri hormat, dan Tan Djit Sing lantas toentoen dia masoek ka dalem. Sasampenja di dalem, Bwee Liang Giok lihat istrinja Tan Djit Sing bangoen, lantas dia berkata : Saja minta ompe dan pe'm biar berdoedoek sadja, soepaja saja boleh oendjoek kahormatan dengen berloetoet.

Tan Djit Sing lantas tjegah maoenja Bwee Liang Giok dengen berkata: Djangan hiantit bikin bagitoe. Empe poen ada harep djangan hiantit djadi ketjil hati, jang empe soedah tida kenalin lebih doeloe.

Bwee Liang Giok teroes djoega berloetoet dengen kerkata: Apa jang empe poenja kata, itoe ada terlaloe brat boewat saja djoendjoeng: sebab saja, saorang jang blon dikenal, soedah ditrima dan dikasih tinggal di sini dengen amat baik. Aken itoc saja bilang banjak-banjak trima kasih; saja tiada nanti loepa empe dan pe-m poenja boedi jang amat baik.

Tan Djit Sing lantas angkat dia. soepaja bangoen, dan Hoedjin lantas panggil Hing Goan siotjia dan berkata: Anakkoe! marilah kamoe ka sini, oendjoek hormat pada ini Bwee kongtjoe, jang sama djoega kamoe poenja soedara.

Siotjia lantas dateng deket dan oendjoek hormat pada Bwee Liang Giok; kamoedian teroes dia masoek dalem. Tau Djit Sing serta Hoedjin lantas adjak Bwee Liang Giok doedoek dan minoem the. Sedeng minoem the, Tan Djit Sing berkata: Hiantit kamoe poenja bapa naek pangkat di Kota-Radja empe tida sekali kira dia boleh kena Louw Kie kaniaja Empe di sini selamanja ingat sadja sama itoe perkara. Sekarang beroentoeng jang kita-orang bisa bertemoe satoe sama lain.

Bwee Liang Giok denger bagitoe, hatinja djadi merasa sedih sekali dan dia lantas tjeritain semoewa dia poenja perkara. Tan Djit Sing dan Hoedjin denger itoe, doewa-doewa lantas gojang kapala dan berkata: Betoel kasian sekali! Sekarang biarlah hiantit toekar pakean.

Habis bilang bagitoe, Tan Djit Sing lantas panggil anaknja lelaki dan berkata: Anakkoe! ini Bwee-kongtjoe sama djoega kamoe poenja soedara. Tjoba kamoe adjak sama dia ka kamar dan kasih kamoe poenja pakean boewat dia toekar.

Tjoen Sing lantas dateng, adjak Bwee Liang Giok ka kamarnja dan kasili dia poenja pakean.

Sekalian boedak-boedaknja Tan Djit Sing, samoewa lantas dapet taoe, jang itoe Hie Tong sabenarnja Bwee Liang Giok. Ong Tjeng tempo dapet taoe hal itoe, lantas sadja dia lari poelang dan berkata pada bininja: Kita poenja anak, ini hari soedah kataoeän rasianja oleh Siotjia, jang dia sabenarnja boekan Hie Tong, tapi Bwee Liang Giok. Saja kira sekarang Loïa nanti poengoet mantoe sama dia, dan kita-orang djadi beroentoeng sekali!

Bininja berkata: Samoewa saja soedah taoe. Tapi kamoe poenja oemoer soedah lima poeloeh lebih, bloen djoega kamoe taoe atoeran? Sekarang Hie Tong soedah diakoe kaponakan oleh Loïa, masa dia maoe djadi kita poenja anak lagi? Itoe traoesa kita harep.

Tempo Tjoen Sing soedah adjak Bwee Liang Giok ka kamar, Tan Djit Sing lantas berkata pada istrinja: Saja lihat ini Bwee Liang Giok satoe anak jang pinter sekali dan baik kalakoeännja. Saja pikir baik kita boewat mantoe sadja sama dia; tapi kita toenggoe doeloe sampe dia soedah dapet pangkat, baroe kita kawinin. Bagimana Hoedjin poenja ingetan?

Hoedjin berkata: Loïa poenja ingetan betoel sekali. Hati saja ragem dalem ini perkara apa lagi itoe anak ada toeroenan bangsawan, djoega romannja tjakep. Tapi itoe sair jang dia toelis di kebon, apa boekan sair boleh poengoet? Baiklah kita oedji doeloe sedikit kapinterannja.

Tan Djit Sing memanggoet dan berkata jang istrinja poenja ingetan baik sekali. Salagi dia misih berdoedoek, dia lantas lihat Bwee Liang Giok dateng kombali dengen soedah toekar pakean; dan itoe waktoe lantas dia adjak doedoek makan.

Selagi doedoek makan, Tan Djit Sing berkata pada samoewa boedaknja: Sekarang kamoe orang semoewa misti panggil „Kongtjoe“ pada ini kami poenja kaponakan; djangan kamoe panggil Ilic Tong" lagi.

Sasoedahnja selesih makan minoem, Tan Djit Sing lantas berkata pada Bwee Liang Giok: Empe lihat Hiantit poenja toelisan bagoes sekali. Tjoba empe nanti kasih satoe bongkot tjerita dan Hiantit biar karang tjerita itoe sebagimana pantesuja.

Bwee Liang Giok lantas berkata: Saja memang soeka sekali boewat atoer-atoer perkara soerat bagitoe. Tapi saja poenja atoeran brangkali tida bagitoe baik.

Tan Djit Sing lantas berkata dengen tertawa: Ah, boewat apa Hiantit bilang begitoe! Kaloe Hiantit bikin, empe rasa tantoe nanti djadi bagoes.

Kemoedian lantas Tan Djit Sing soeroeh djoega anaknja toeroet karang itoe tjerita, dan dia lantas kasih satoe kepala tjerita, jang tjeritanja misti lantas dikarang oleh Bwee Liang Giok dan Tjoen Sing berdoewa.

Bwee Liang Giok dan Tjoen Sing, masing-masing lantas pergi di medja toelis, dan tida dengen pikir-pikir lagi, lantas sadja dia orang menoelis dengen tjepet dan lantas djadi.

Tan Djit Sing djadi soeka hati sekali, dan tempo dia lihat itoe doewa karangan, dia berkata : Betoel bagoes sekali karangan ini! — Sembari bilang bagitoe, Tan Djit Sing ada inget jang Tjoen Sing poenja karangan ada sedikit koerang baik. Kemoedian dia lantas berkata pada doewa anak itoe: Kamoe poenja karangan ada sampe baik; tapi kamoe misti teroes djoega beladjar lagi, soepaja tambah lagi pengartian.

Sasoedahnja itoe, Bwee Liang Giok dan Tjoen Sing djadi sama sadja dengen orang bersoedara : siang malem, selamanja dia orang berdoewa ada bersama-bersama sadja. Tida lama sahabisnja Tan Djit Sing lihat karanganja Bwee Liang Giok, dia teroes masoek kasih taoe pada istrinja, jang dia soedah oedji betoel Bwee Liang Giok poenja pengartian, dan sekarang ada tetep ingetan maoe ambil Bwee Liang Giok itoe boewat mantoe. Habis bilang begitoe, lantas dia soeroeh istrinja atoer sadja bikin persadiaän boewat mengawinin. Tempo Tan Djit Sing bitjara begitoe, dia poenja boedak nama Tjocihoan ada denger dengen trang semoewa omongannja. Ini Tjoeihoan lautas sadja pergi di kamarnja Hing Goan Siotjia, dan dengen tertawa haha-hihi dia membri slamet.

Hing Goan tengok padanja, lantas, berkata: Apa ini? Kamoe dateng lagi dengen betingkah-tingkah bagini, kasih slamet apa? Tjoeihoan lantas berkata; Baroesan Loïa ada bitjara sama Hoedjin, jang Siotjia soedah dikasih bertoenangan sama Bwee Kong Tjoe. Saja dapet denger itoe, maka saja dateng kasih slamet.

Siotjia denger itoe, moekanja lantas djadi merah dan lantas bentak Tjoeihoan itoe, katanja: Banjak sadja kamoe poenja moeloet! Siotjia, maski tingkahnja seperti marah, hatinja ada merasa seneng sekali, sebab dia memang kira jang Bwee Liang Giok itoe boekan orang sembarang-barang. Tjoeihoan melihat jang Siotjia tida maoe ladenin sama dia, lantas sadja dia pergi ka loewar dengen ingetan maoe kasih taoe pada Bwee Liang Giok hal bertoenangan itoe. Tempo sampe di depan pintoe kamarnja Bwee Liang Giok, dia dapet lihat Bwce Liang Giok lagi doedoek bengong; dia lantas masoek dengen perlahan dan tepok poendaknja Bwee Liang Giok sembari berkata: Kongtjoe lagi pikirin apa? Kongtjoe terkedjoet lantas menengok pada Tjoeihoan. dan berkata: Kamoe dateng lagi maoe apa?

Tjoeihoan menjahoet: Saja sengadja dateng di sini boewat kasi slamet pada Kongtjoe, sebab ada kabar baik.

Kongtjoe lantas bangoen dan dengen mesem dia berkata: Kabar baik bagimana jang kamoe maoe kasih taoe?

Tjoeihoan lantas berkata: Dasar kongtjoe poenja peroentoengan bagoes, bintang terang! Loïa dan Hoedjin maoc kawinken kongtjoe sama Siotjia.— Apa tida patoet, kaloe sekarang saja dateng kasih slamet pada kongtjoe?

Kongtjoe denger bagitoe, hatinja djadi soeka sekali. Tapi sebab dia lihat Tjocihoan poenja tingkah genit-genittan, dia lantas marah dau berkata: Soedah saja soedal trima kamoe poenja boedi baik! Sekarang kamoe pergi sadja masoek ka dalem, saja selempang nanti Kongtjoe Tjoen Sing lihat kita lagi omong berdoewa, dan saja djadi maloe.

Tjoeihoan lantas kata: Saja soedah kasih taoe hal itoe dan sedali kasih slamet djoega. Sekarang kongtjoe maoe kasih persen apa pada saja? Kongtjoe lantas berkata: Di belakang kali tentoe saja nanti persen apa-apa pada kamoe.

Tjoeihoan djadi soeka hati sekali, dan berdjandji, kaloe ada apa-apa sedikit, dia nanti lantas kasih kabar pada Bwee Liang Giok. Kamoedian dia lantas pergi dari sitoe.

Tjoen Sing, jang memang tida taoe berpisah sama Bwee Liang Giok, lantas dateng di kamar dan doedoek sama-sama Bwee Liang Giok itoe.

Itoe waktoe Tan Djit Sing ada doedoek di dalem sama-sama istrinja dan dia berkata, jang hatinja girang sekali, sebab lihat Tjoen Sing dan Bwee Liang Giok ada roekoen sekali. Sedeng dia lagi doedoek bitjara, lantas dateng orangnja jang djaga pintoe kasih taoe, jang di loewar ada Tihoe dan Tikoan maoe bertemoe padanja. Tan Djit Sing lantas berkata: Ini doewa poenggawa dateng di sini, tantoe ada perkara apa-apa jang koerang enak. Habis bilang bagitoe, dia lantas pergi ka loewar, bertemoe pada doewa poenggawa itoe dan lantas saling mengoendjoek hormat satoe sama lain. Sasoedahnja semoewa berdoedoek. Tan Djit Sing lantas berkata : Taijdjin berdoewa dateng di sini ada kabar apa ?

Tihoe lantas berkata: Saja dateng bri taoe, jang ini pagi ada orang berkoeda dateng dari kota-Kadja membri kabar, jang Maha Radja soedah kasil keloewar satoe soerat titah, jang nanti dateng di sini terbawak oleh Sinsiang Lonw Kie dan Hanlim-i Tong Tjin. Itoe orang jang berkoeda bilang, Sinsiang, minta biar taijdjin trima itoe titah di roemah nama Pengsantong.

Tan Djit Sing berkata: Baik, saja nanti pergi ka sana. Tapi saja nanti toekar pakean doeloe, baroe kita orang pergi sama-sama.

Tihoe lantas berkata: Sinsiang soedah pesen, biar taijdjin berpake sadja sebagimana ada sekarang.

Tan Djit Sing lantas berkata: Kaloe ada pesenan bagitoe, baiklah. Kamoedian dia lantas sadja toeroet naik djoli dan brangkat pergi.

Anak-istrinja Tan Djit Sing denger bagitoe, djadi kaget sekali dan selempang ada perkara apa-apa. Dia-orang lantas kasih prentah satoe boedaknja boewat pergi lihat dan denger-denger.

Sasampenja Tan Djit Sing dan itoe doewa poenggawa di roemah Pengsantong, lantas dia-orang menoenggoe di sitoe. Tida lama lagi lantas dateng Sinsiang serta Hanlim-i teriringken dengen sogala kabesarannja. Satelah dia-orang berdoewa toeroen dari djoli, Tan Djit Sing lantas berloetoet, dan Sinsiang Louw Kie lantas moelain batja soerat titah Maha Radja di depan Tan Djit Sing itoe. Boeninja soerat itoe begini:

Kami, dengen rahmat Toehan Allah, Maha Radja jang bertachta, membri titah dengen ini.

Kami taoe, jang memang sekalian radja dari tempo doeloe memegang prentah ada dengen toeloeugannja sekalian poenggawa negri dan poenggawa prang, maka negri boleh djadi beres. Tapi sadari kami doedoek atas tachta karadjaän, sekalian poenggawa negri tida bisa atoer baik perkara negri, sekalian poenggawa prang tida kakoewatannja.

Sadari itoe negri-negri di sabelah Ilir dan Koelon seringkali menjerang negri kita, banjak kali dia soedah bikin kita poenja negri djadi roesak. Kapan hari kami soedali kirim Siusiang Louw Kie sama Pengponw-ioesilong Hoan Hoe Sien bawak bala tantara pergi di wates negri boewat djaga moesoeh di sitoe; tapi moesoeh dengan pake bekakas api, soedah petjahken kita-orang poenja kota dan tangkep itoe Hoan Hoe Sien serta lain-lain hoeloebalang, bawak marika di tangsinja, iket pada tiang tiang dan panahin marika itoe sampe djadi mati. Katjilakaän itoe soedah traoesa dibitjarain lagi.

Kami ada ingat mao kasih hoekoem sama Tan Djit Sing, dari sebab dia soedah tida menoeroet kami poenja prentah pergi bawak bala tantara dan poekoel   

negri Tattan. (1) Tapi Sinsiang Louw ie soedah kasih toeloeng sama dia dengen kasih taoc, jang dia ada poenja anak prampoewan nama Hing Goan. Maka sekarang kami kasih perseu satoe prangkat pakean dan satoe giokpipe pada ling Goan itoe dan kasih prentah pada Tan Djit Sing, soepaja dia soeroeh anaknja itoe toeroet djalannja Ong Tjianw Kocu (2) pada tempo doeloe. Tan Djit Sing boleh ambil dari Kas-Negri doewa. riboe tail oewang perak boewat beli 40 prampoewan aken pengikoetnja dia poenja anak, jang misti pergi ki Tattan, soepaja negri djadi akoer dan prang djadi brenti. Satrimanja ini prentah lling Goan itoe misti lantas brangkat; kaloe tiada, lantas Tan Djit Sing serta saïsi roemah uanti dapet hoekoem jang berat sekali.

(1) Tan Djit Sing soedah taoc dihoekocm: dia dilepas dari pangkatnja. Tentoe lantaran Louw Kie djoega poenja perboowatan, maka djadi ada perkara ini.

(2) Itoe Ong Tjiauw Korn satoe orang prampoewan jang soedah di socroch pergi hohoan, ja itoe: pergi kapada moesoel boewat bikin brenti perkara prang dengeu serahken dia poenja diri sendiri boewat djadi moesoeh poenja istri atawa goendik. Tan Djit Sing denger boeninja soerat titah itoe, lantas membri hormat dan teroes baagoen. Hatinja poenja marah, melainken Allab jang taoe. Dia dateng madep pada Louw Kie dan berkata: Di Kota-Radja ada sampe banjak poenggawa! Kenapa Sinsiang tida maoe pilih satoe atawa doewa boewat pergi prang menolak mocsoeh? Sekarang saja poenja anak prampoewan di kasih prentah misti pergi pada moesoeh. bockan djadi bikin maloe kifa-orang poenja Radja? Apa lagi saja poenja anak itoe satoe prampoewan jang begitoe lemah; masa dia bisa menolak moesoeh?

Louw Kie lantas berkata: Sabagini soedah djadi. itoe dari sebab saja soedah tocloeng sama sinshe. Kaloe tida saja poenja toeloengan, tentoe sinshe soedah dapet hoekoeman. Itoe perkara hohoan memang dari doeloe soedah ada: maka itoe traoesa di boewat maloe. Sekarang saja minta bertemoe moeka sama sinshe poenja anak, soepaja saja boleh lantas poelang dan kasih lapoeran pada Maha Radja.

Tan Djit Sing poenja hati ada sakit tida terkata; tapi terpaksa dia misti toeroet prentah itoe. Dia lantas madep membri hormat pada Tong Tjin dan bitjara sedikit. Komoedian dia orang bertiga lantas naik djoli dau berangkat ka roemah Tau Djit Sing. Sasampenja di sana marika itoe toeroen dari djoli dan masoek ka dalem roemah. Tan Djit Sing soeroe tetamoenja berdoedoek, lantas teroes masoek ka dalem dan soeroeh orangnja pergi panggil Siotjia boewat kasih lihat dirinja pada Louw Kie. Orangnja itoe teroes masoek kasih taoe itoe perkara pada Hoedjin. Di sitoe Hoedjin baroe taoe, jang Maha Radja ada kasili prentah biar anaknja pergi hohoan. Hatinja djadi panas sekali tambahan lagi anakuja misti pergi madep di loewar. Dari dia poenja marah, lantas dia sendiri maoe pergi ka loewar mati-matian, boewat hebat Louw Kie sapoewas hati. Siotjia lihat bagitoe, lantas tjegah padanja serta bilang: Boe tjhin djangan bikin bagitoe. Ini satoe kausin, dia ada trima titah dari Radja. Kaloe Boetjhin bikin apa-apa sama dia, kita saisi rocmah nanti dapet tjilaka. Lebih baik saja sendiri pergi ketemoein itoe kansin. Saja mati, tida djadi mengapa, asal sadja iboc-bapa tinggal slamet dan dapet nama baik.

Hoedjin denger bagitoe, lantas djadi nangis sedih sekali bersama-sama Hing Goan. Bwee Liang Giok dan Tjoen Sing dateng dari blakang, lihat hal itoe, tapi dia orang tida bisa toeloeng apa-apa, melinken toeroet nangis sadja. Itoe waktoe Siotjia lantas pergi ka loewar. Tan Djit Sing tempo lihat anaknja keloewar, lantas dia berkata: Anakkoe! mari ketemoein ini Sinsiang dan ini empe Tong Tjin. Siotjia lantas dateng membri hormat pada marika itoe. Louw Kie tempo lihat Siotjia, lantas dia berkata pada Tan Djit Sing: Sinshe poenja ini anak prampoewan betoel bagoes sekali!

Sasoedahnja membri hormat, Siotjia lantas berkata pada Louw Kie, katanja: Louw Sinsiang itoe soldadoe dan hoeloebalang, jang ada di wates negri, ada bagitoe poenja banjak, tida djoega bisa menangin moesoeh; apa lagi saja sa-orang prampoèwan, bagimana bisa tolak moesoeh itoe?

Louw Kie menjahoet: Siotjia! kamoe ada bagoes sama djoega bidadari. Kaloe sadja. kamoe kaloewar dari wates, bertemoe pada moesoeh, tantoe bala-tantaranja lantas moendoer dau negri djadi seneng. Siotjia denger perkataännja Louw Kie bagitoe, lantas sadja djadi marah dan berkata: Louw Sinsiang poenja tjerita itoe ada bagoes sekali! Saja tiada sajang saja poenja diri sakoedjoer, tjoema sajang Maha Radja soedah kasih pangkat tinggi dan kasih gadji besar boewat hidoep pada sa-orang kansin, jang tida bisa membela pada Radja, melinken bisa hidoep sadja dengen tida poeuja maloe. Sekarang saja salagi hidoep tida bisa makan kansin poenja daging, nanti, maski saja soedah mati, saja tida nanti loepa itoe perkara.

Tan Djit Sing lihat anaknja bagitoe, lantas berkata: Anakkoe! ini perkara ada Radja kita misti menoeroet sadja. Kamoe soedah bertemoe pada Sinsiang, sekarang masoek sadja ka dalem.

Louw Kie berkata dalem hatinja: Di depan goewa poenja mata itoe anak soendel brani koerangadjar bagitoe? — Kemoedian lantas dia bangoen dan berkata pada Tan Djit Sing: Sinshe poenja anak saja soedah priksa. Sekarang misti menoenggoe sadja, sampe itoe 40 prampoewan boewat pengikoet soedah sadia. Di sitoe misti lautas brangkat. Habis bilang bagitoe, lantas dia kasih slamet tinggal dan teroes brangkat pergi, teriring oleh samoewa pengikoetnja.

Tempo dia orang moelain brangkat, Tan Djit Sing pegang tangaunja Tong Tjin, minta dia tinggal doeloe sebentarau, kerna dia maoe bilang apa-apa. Sasoedalja Tong Tjiu tinggal sendiri sadja, Tan Djit Sing lantas berkata: Saja sama soedara ada bersobat baik sekali. Kaloe ada perkara apa-apa, kita orang misti berdami. Marilah kita orang masoek kombali dan berdoedoek di dalem roemah.

Sasoedahnja masoek dan berdoedoek serta Tong Tjin, Tan Djit Sing lantas panggil Bwee Liang Giok dan Tjoen Sing dateng mengadep. Itoe doewa Kongtjoe lantas dateng mengadep, membri hormat pada Tong Tjin dan lantas doedoek di pinggir. Dengen tarik napas Tan Djit Sing berkata pada Tong Tjin: Soedara! kita-orang bergoeroe dari ketjil, tida lain pengarepan melinken kapingin dapet nama bagoes, soepaja anak bini boleh djadi senang. Kapan hari soedara poen taoe bagimana iteo perkara kansin maoe kaniaja sama saja, sampe Bwee Kwee terbeenoeh mati dan anak-istrinja djadi terlantar. Sekarang saja poenja. anak prampoewan disoeroeh pergi hohoan, tantoe sekali dia tiada nanti bisa hidoep di sana. Saja poenja hati antjoer sekali, melihat anak sama djoega pergi mati.

Tong Tjin tarik napas, lantas berkata: Itoe katjilakaan, samoewa ada perboeeatannja Louw Kie. Hah! soedah soedara poenja anak prampoewan peroentoenganaja begitoe, apa maoe dikata! Maha Radja poenja prentah tiada boleh dibantah. Soedara trima oentoeng saidja, djangan terlaloe toeroetin hati jang eakit.

Salagi Tong Tjin bitjara bagitoe, dia dapet lihat Bwee Liang Giok dan Tjoen Sing menangis; dia lantas berkata pada Tan Djit Sing: Saja taoe soedara melinken ada satoe anak lelaki. Kenapa Sekarang ada ini doewa kongtjoe?

Tan Djit Sing luitas berkata: saja poenja anak lelaki tjoemah satoe. Sekarang tiada ada lain orang, saja boleh djoega tjerita sama soedara. Ini satoe ada Bwee Kwee poenja anak jang bernama Bwee Liang Giok. Habis bilang lantas Tan Djit Sing tjeritain Bwee Liang Giok poenja hal dari bermoela sampe abisnja.

Tong Tjin denger bagitoe, lantas dia berkata pada Bwee Liang Giok: Hiantit djangan ketjil hati, jang empe soedah tida kenalin.

Bwee Liang Giok lantus bangoen membrihormat, dan Tong Tin lantas berkata pada Tan Djit Sing, katanja: Saja tida taoe, apa soedara poenja anak prampoewan soedah ada toenangan atawa beloen.

Tan Djit Sing lantas menangis dan berkata: Beloen ada. Saja poenja ingetan maoe ambil ini Bwee Liang Giok boewat mantoe. Saja tida kira jang saja poenja niatan tida boleh mendjadi.

Tong Tjin herkata: Tida lain, melinken barangkali boekan djodonja, maka djadi mendapet ini perkara.

Sasoedahnja bitjara bagitoe, Tong Tjin membri slamet tinggal dan troes brangkat pergi— Tan Djit Sing masoek ka dalem, lihat anak-istrinja menangis sedih, dia djoega lantas djadi sedi sekali dan toeroet menangis sama-sama, dengen jalan kaloewar-masoek sareba salah.

Hoedjin lihat itoe doewa Kongtioe masoek sembari menangis, dia lantas berkata pada Bwee Liang Giok : Hiantit, mari sini! pe'm maoe bitjara sedikit. Pe'm soedah bicara sama empe boeat kasih kawin hiantit sama Hing Goan. Tida njana sekarang ini boleh dapet perkara bagini! Tapi kendati hiantit beloen djadi kawin, boleh terpandeng soedah berlaki-bini djoega. Kaloek Hing Goan brangkat dari sini, biarlah hiantit dan Tjoen Sing anter sampe di wates boewat tandanja orang laki dan bini. Hiantit traoesa boewat maloe lagi.

Bwee Liang Giok denger Hoedjin poenja perkataän bagitoe, dia djadi nangis sedih sekali dan berkata: Tentoe sekali saja maoe anter Siotjia sampe di wates. Tapi itoe kansin barangkali tiada kasih saja toeroet pergi sama-sama.

Hoedjin berkata: Pe-m djoega rasa bagitoe; tapi ada satoe akal. Pe-m nanti akoe, hiantit ini pe-m poenja kaponakan dan djadi soedara misan sama Hing Goan. Empe nanti pergi bitjara sama Louw Kie, minta soepaja hiautit boleh toeroet sama-sama.

Bwee Liang Giok deuger Hoedjin seboet namanja Louw Kie, hatinja djadi merasa geregeten sekali dengen menangis dia berkata: Saja tiada taoe apa djoega saja poenja dosa pada itoe kansin, maka sampe djadi bermoesoehan bagini. Bermoela dia soedah kaniaja saja poenja bapa blakang kali dia bikin saja, anak dan ema, djadi berpisah, dan sekarang baroc saja ada tempat menedoeh, empe dan pe-m bagitoe tjinta sampe soedah kasih Siotjia djadi saja pocuja toenangan, lantas dia bikin dengen akalnja, sampe Maha Kadja kasih ini prentah dengen paksa, jang Siotjia misti pergi hohoan, dan saja laki dan bini misti djadi tertjere. Dari saja poenja sakit hati, sampe di acherat djorga tiada nanti bisailang.

Itoe waktoe Tan Djit Sing datang di sitoe, lantas berkata: Tadi empe soedah kata maoe bitjara sama Louw Kie, soepaja hiantit dan Tjoen Sing boleh tocroct Iling Goan pergi sama-sama. Iliantit misti pandeng empe poenja moeka dan kasih hormat djoega pada itoe Louw Kie, dan di perdjalanan djangan bitjara sembarangan, soepaja djangan kita orang nanti dapat soesah lagi.

Itoe waktoe Hoedjin lantas panggil Hing Goan dan berkata padanja: Sekarang kamoc sama Bwee Liang Giok berdoewa misti berloetoet sama-sama hadepan Allah, boewat bikin satoe tanda, jang kamoe, maski poen blon kawin, soedal djadi laki-bini.

Siotjia lantas berloetoet dan berkata, pada Bwee Liang Giok: Lantaran saja poenja perkara, socdará djadi mengikoet soesali misti djalan bagitoe djaoch bocwat menganter; tantoe sekali saja tida nanti bisa bales soedara poenja boedi baik.

Kongtjou dengen berloetoet lantas berkata sembari menangis: Saja harep soedara biar inget sadja djaga diri baik-baik. Menoeroet atoeran, saja poen memang misti anter sama soedara.

Sasoedahnja berkata-kata bagitoc, Kongtjoe dan Siotjia lantas bangoen, dan lihat sekalian orang jang ada di sitoe, samoewa rata menangis sedih, sama djoega orang kamatian.

Louw Kie jang soedah kaloewar dari roemah Tan Djit Sing, sasampenja di roemah jang dia tinggal, dia dapet lihat samoewa poenggawa di sitoe rata menganter barang-barang padanja, dan lantas sadja dia trima samoewa anteran itoe.

Tong Tjin kaloewar dari rocmah Tan Djit Sing, poelang ka tempatnja, dia djoega dapet lihat banjak orang menganter barang-barang padanja tapi tida satoe jang dia trima, melinken dia bilang sadja banjak trima kasih.

Di dalem itoe kota, di mana Tan Djit Sing tinggal, itoe waktoe ada djadi riboet sekali; sebab Tikoan di sitoe kasih prentah bocwat koempoel 40 anak prawan, jang boewat anter Hling Goan Siotjia, dan orang-orang di sitoe samoewa tida soeka, jang anaknja diambil bagitoo, sampe djadi banjak jang lantas. kasih kawin anaknja dengen terboeroe-boeroe, soepaja djangan terambil. Tapi dalem sedikit hari sadja, soedah djadi sedia djoega banjak anak-anak prawan, dan berkoempoel di kan toornja Tihoe. Tihoe lantas pilih 40 jang baik-baik roepanja, toelis masing masing poenja nama di sapotong kertas dan lantas bawak toelisan itoe pada Lonw Kie. Anak-anak jang tida diambil, samoewa lantas dipoelangken pada iboe bapanja.

Lonw Kie trima itoe soerat, lantas berkata: Kamoe bawak ini soerat pada Tan Djit Sing, kasih taoe padanja itoe anak-anak samoewa soedah sadia, dan kami kasih tempo di dalem ini 2 hari Iling Goan misti lantas brangkat.

Tihoe trima itoe prentah, lantas pergi karoemah Tan Djit Sing serahken itoe soerat nama-namanja anak prawan, dan kasih taoe pada Tan Djit Sing samoewa prentahnja Sinsiang.

Tan Djit Sing menjahoet: Taijdjin pocuja bitjara samoewa saja soedah mengarti. Tapi sablon anak saja brangkat, saja maoe bertomoe doeloe pada Sinsiang. Biarlah sekarang kita orang pergi sama-sama pada Sinsiang deugen bawak soerat ini.

Kemoedian dia orang berdoewa lantas brangkat pergi boewat bertemoe pada Louw Kie. Tempo soedah madep pada Louw Kie, Tan Djit Sing berkata: Tadi ini Taijijin soedah kasih taoe pada saja Sinsiang poenja printah, jang di dalem tempo 2 hari anak saja misti brangkat berdjalan djaoeh. Saja laki-bini poenja hati tida bisa tega, jang anak saja djalan sendiri dari itoe saja minta Sin-siang poenja toelocngan, soepaja saja poenja anak lelaki dan saja poenja satoe kaponakan boleh toeroct anter sampe di wates negri, Hareplah Sinsiang boleh trima saja poenja permintaän.

Sembari tertawa Louw Kie berkata: Djangan kata doewa orang maoe pegi toeroet, lebih banjak poen boleh sekali.

Tan Djit Sing lantas serahken itoe soerat dari nama-nama anak prawan dengen ber-kata Ini soerat biar Sinsiang simpen sadja, soepaja Sinsiang boleh kasih pada Radja Tattan.

Louw Kie trima itoe soerat dengen bilang baik. Tan Djit Sing dan Tihoe lantas kasih slamet tinggal dan teroes pergi brangkat poelang

Tan Djit Sing sasampenja di roemah, lantas panggil itoe 40 anak prawan dateng padanja dan adjak masoek ka dalem boewat bertemoe sama Hoedjin dan Siotjia. Itoe anak-anak prawan samoowa mengadep dengen berloetoet dan menangis. Dia orang berkata: Saja samoewa misti toeroet Siotjia pergi hohoan. Kita orang miuta biar Siotjia inget, jang kita samoewa ada orang dari satoe kampoeng. Kaloe brangkali kita orang di blakang kali ada salah apa-apa, hareplah

Vol 9 Siotjia soeka membri ampoen dengen inget jang kita orang samoewa socdah djadi seperti anak piatoe.

Dengen menangis Siotjia lautas angkat samoewa anak anak prawan itoe dan berkata: Kamoe semoewa dengen saja ada sama djoega dapet satoe peroentoengan tjilaka ini; di antara kita satoe sama lain tida ada beda satoe apa.

Itoe waktoe maski Siotjia bitjara sama anak-anak prawan itoe, matanja ada melihat sadja pada Bwee Liang Giok, dan hatinja berkata: Kenapa kami poenja djodo ada begini tjilaka Sekarang kami misti pergi di lain negri tentoe. sekali kami tida nanti bisa bertemoe lagi laki kami poenja moeka.

Begitoe Siotjia itoe djadi merasa sedih sekali dan djadi menangis.

Hoedjin lihat itoe anak prawan, oemoer 14 15 tahoen, semoewa rata menangis, lantas dia berkata: Orang poenja anak semoewa di bikin begini roepa, masa Toehan Allah tiada nanti bales djahatnja itoe kansin Louw Kie! Habis berkata begitoc, dia lantas boedjoekin semoewa anak prawan itoe.

Tempo sampe pada kadoewa harinja, Lonw Kie, TongTjin dan samocwa poenggawa lateng di roemah Tan Djit Sing, dan disamboet dengen hormat oleh Tau Djit Sing itoe, teroes diadjak doedoek. Louw Kie lantas kasih prentah pada samoewa pengikoetuja, seepaja angkat samoewa Siotjia poenja barang-barang dan kasih preutah pada oranguja, soepaja kasih taoe pada Siotjia, jang dia misti toekar lain pakcan dan misti lantas brangkat.

Siotjia dapet itoe prental, lantas berkata pada orangnja Sinsiang: Kamoe pegi kasih taoe pada Sinsiang, jang kami belon made ganti laiu pakean; nanti kaloe soedah sampe di wates negri. di sitoe baroe kami maoe.

Baroe Louw Kie mendenger itoe, Tong Tjin lantas tertawa dan kerkata: Ini Siotjia boleh dibilang baik sekali ingatannja, sebab kalee dia bikin bagitoe. djadi tida bikin maloe sama kita poenja negri: boekan seperti itoe bangsa kansin jang waktoe pagi ingat poetih, sore lantas ingat itam, tiada lain, melinkan boewat seneng diri sendiri dengan tiada perdoeli namanja djadi hoesoek.

Lonw Kie denger itoe, ada merasa dirinja jang dikatain itoe; batiuja djadi marah sekali tapi dia tida bisa bilang apa-apa. Maka lantas sadja dia kasih prentah pada Tan Djit Sing, jang sekarang anakuja misti brangkat.

Tempo mane brangkat djalan, Siotjia pesen dengan menangis dan bisik-bisik pada Tjoen Sing, katanja: Sekarang entji maoe berangkat pergi. Eutji larep kamoe rawatin baik-baik sama kita poenja iboe-bapa. Ini Bwee Liang Giok satoe orang jang melarat, entji harep kamoe samain dia dengan soedara betoel dan sore-pagi hiboerin dia, soepaja djangan hatinja terlaloe antjoer.

Tjoen Sing berkata: Tantoe sekali saja nanti bikin bagitoe; entji traoesa boewat koewatir.

Saisi roemah samoewa lantas rata menangis seperti orang kamatian. Achir-achir Siotjia serta samoewa pengikoetnja lantas brangkat djalan. Tjoeihoan djoega toeroet pergi sama-sama.

Sasampenja di pintoe kota, sekalian poenggawa di sitoe jang anter Louw Kie, samoewa lantas membri slamet djalan dengen hormat pada Louw Kie itoe, dan masing-masing teroes balik poelang ka roemalinja.

Louw Kie dan Tongtjin lantas djalan teroes mengiringken Siotjia. Tempo sampe di satoe djalan tjagak, Louw Kie lantas berkata pada Tong Tjin: Taijdjin sadja pergi anter ini Siotjia pergi hohoan, soepaja negri djadi akoer; saja maoe balik poelang ka Kota-Radja.

Tong Tjin bilang baik, dia-orang lantas djalan berpisah.

Sasoedalinja Tong Tjin dan Siotjia serta pengikoetnja djalan bebrapa hari, dia-orang sampe di satoe tempat dan Siotjia dapet lihat satoe kota. Dia menanjak pada pengikoetnja apa namanja kota itoe dan apa namanja itoe peseban jang tinggi.

Orang menjahoet: Itoe kota namanja Hantankoan dan itoe peseban namanja Tiongtaij. Ini Tiongtaij soedah berdiri dari tempo djaman karadjaän Hantiauw, radja Kongboe. Itoe radja soedali bertemoe di peseban itoe sama saorang bernama Jauw Ki.

Siotjia denger begitoe, lantas panggil Bwee Liang Giok jang lantas dateng dan menanjak ada kabar apa. Siotjia lantas bilang Saja minta soedara toeloeng kasih taoe pada Empe Tong Tjin. jang saja kepingin brenti doeloe saharian di itoe kota Hantankoan boewat lihat-lihat itoe poseban Tiongtaij.

Bwee Liang Giok bilang baik dan lantas pergi minta pada Tong Tjin sebagimana Siotjia soedah bilang. Tong Tjin lantas toeroet permintaannja dan lantas soeroeh poenggawa di kota itoe bikin bersih satoe tempat pondokan. Tikoan dari itoe kota Hantankoan trima itoe prentah, lantas bikin sadia satoe tempat. Siotjia serta semoewa pengikoetnja lantas mondok di sitoe.

Sampe pada besoeknja pagi Siotjia soeroeh hambanja kasih taoe pada itoe Tikoan, biar dia sadiain barang-barang boewat sembajang, sebab dia maoe bikin sembajang di itoe peseban Tiongtaij. Sasoedahnja sedia barang-barang itoe, Siotjia lantas naek djoli. Tong Tjin, Bwee Liang Giok, Tjoen Sing dan lain-lain pengikoet, semoewa naek koeda pergi ka itoe Tiongtaij. Sesampenja di sitoe, dia orang dapet lihat jang di sitoe ada satoe bio, dan semoewa hweshio jang ada di sitoe keloewar samboet dia orang, adjak masoek ka dalem. Sesampenja di dalem, Siotjia lihat di medja Toapekkong soedah sedia barang boewat sembajang dan lantas sadja dia orang semoewa sembajang di sitoe. Sasoedahnja sembajang, Siotjia menanjak pada satoe orangnja, katanja: Apa di atas soedah sedia semoewa?

Orangnja menjahoet, jang semoewa soedah sedia. Siotjia lantas berkata sama sekalian itoe anak-anak prawan, katanja: Kamoe semoewa toenggoe sadja di sini sabentaran; saja mane naek ka tinggi boewat sembajang. — Siotjia lantas bilang pada liweshio, dia misti djangan kasih satoe orang naik di atas, Tong Tjin djoega misti menoenggoe di bawali, melingken Bwee Liang Giok dan Tjoen Sing sadja misti toeroet, naik ka atas. Sasampenja di atas, Siotjia menanjak pada Bwee Liang Giok: Soedara! kita poenja roemah tangga ada di sabelah mana?

Bwee Liang Giok menjahoet: Kita poenja roemah ada di sabelah Wetau-Kidoel.

Siotjia lantas madep ka sabelah itoe dan berloetoet dengen berkata. Iboe dan bapakoe jang ada di roemah! biar trimalah, jang sajadi sini membri hormat.

Sasoedahnja dia bangoen, dia melihat pada Bwee Liang Giok dan lantas sadja dia menangis. Dia maoe bitjara apa apa, ada rasa koerang enak dari sebab Tjoen Sing ada bersama-sama. Dia dapet satoe ingetan, lantas dia berkata pada Tjoen Sing: Tjoba soedara pergi toeroen panggil itoe semoewa anak perampoewan naek ka sini.

Tjoen Sing denger begitoe, lantas sadja dia mengerti, jang tentoe soedaranja maoe bitja- apa-apa pada Bwee Liang Giok, tapi merasa koerang enak dari sebab dia ada di sitoe; maka dia inget baiklah dia tinggal di bawah sedikit lama, soepaja soedaranja boleh bitjara dengen seneng. Sasoedahnja Tjoen Sing toeroen, Siotjia lantas berkata pada Bwee Liang Giok: Kongtjoe! barangkali Kongtjoe maoe bitjara apa apa, sekarang sedeng kita ada berdoewa sadja. Kongtjoe djangan maloe-maloe. dan tjobalah bitjara kasih saja denger. Kita berdoewa soedali terseboet borlaki-bini, tapi beloen djadi sebagimana jang misti. Kaloe di sini kita tiada bitjara apa jang maoe di bitjarain, barangkali kita tida nanti dapet tempat lagi boewat bitjara.

Bwee Liang Giok denger begitoe, lantas djadi sedih dan berkata: Siotjia! saja membri hormat.

Hing Goan herkata. Ini tempo masih djoega kongtjoe maoe bitjara, dari bri hormat? Kaloe ada apa-apa jang maoe dibitjarain, misti lekas kongtjoe bitjara. Kongtjoe taoe saja poenja hati? Saja tjinta sama kongtjoe Sekarang, apa kata misti berpisah dan saja misti pergi seperti mati, saja kapengin kongtjoe bilang apa-apa, boewat saja genggam dalem ingatan. Adoeh, Kongtjoe saja poenja hati antjoer sekali!

Habis Siotjia bilang bagitoe, lantas toeroen ajer-matanja.

Satoe barang jang kita sajang sering kali kita tida rasa sajang. Tapi kaloe barang itoe terhilang, di sitoe baroe kita rasain betoel kita poenja sajang, dan sajang itoe djadi berlipet-lipet. Bwee Liang Giok memang tjinta pada Siotjia, dan dia takoet sekali nanti tida dapet Siotjia itoe boewat bini. Sekarang itoe Siotjia soedah dikasihken boewat bininja, tapi Siotjia itoe misti djadi lain orang poenja bini betoel-betoel. Maka dia pandeng Siotjia itoe seperti bininja, jang sekarang bakal mati. Tida heran, jang Bwee Liang Giok poenja tjinta pada Siotjia sekarang ini ada tambah sapoeloeh lipet. Dia inget Siotjia poenja adat manis sekali, hatinja baik sekali dan roepanja bagoes sekali. — Sekarang ini Siotjia ada menangis di depannja; tapi itoe ajer mata jang toeroen, tiada bikin Siotjia djadi djelek, hanja soedah bikin Siotjia poenja moeka djadi panas dan merah dan bertambah tjahaja terang. Bwee Liang Giok lihat sama djoega satoe bidadari, lebih bagoes dari jang sari-sari. dan dia poenja tjinta djoega djadi berlipet lagi 100 lipet besarnja.

Dia denger Siotjia berkata ada tjinta sama dia, kapalanja lantas merasa maboek. Dia tiada bisa tahan lagi dia poenja ajer mata, lantas toeroet Siotjia menangis, dan dengen soewara sedih sekali dia berkata: Siotjia ! banjak trima kasih aken Siotjia poenja tjinta. Adoeh saja poenja hati loemer! Siotjia! saja pandeng Siotjia sama djoega saja poenja djiwa Saja tjinta pada Siotjia lebih dari tjintain diri sendiri. Saja poenja hati saänteronja, soedah Siotjia jang poenja. Saja tidak nanti loepa sama Siotjia poenja hati-boedi, sama Siotjia poenja roepa dan Siotjia poenja. soewara. Saja soempah, sampe mati djoega saja tidak nanti kawin sama lain orang. Siotjia sekarang pergi ka lain negri, kaloek soedah sampe di sana, tantoe Siotjia nanti. djadi istrinja radja di sana. Saja sakit hati sekali, jang saja dapet peroentoengan bagini roepa, lebih brat dari dibakar idoep-idoep. Apa maoe kata! soedah Toehan Maha Koewasa poenja maoe. Saja rasa, saja tidak nanti bisa hidoep lama lagi. Nanti, pada waktoe kita-orang pisah boewat salamanja, di sitoe tantoe saja mati. Maski saja tidak boenoel diri, saja poenja djiwa nanti kaloewar sendirinja. Saja harep sadja, biar Siotjia loepa-loepain sama saja, djangan ingat-ingat, soepaja Siotjia boleh seneng dan seger badan. Kaloe Siotjia poenja hati boleh seneng dan badan tinggal waras, kendati Siotjia ada di tangan lain orang dan saja sendiri djadi mati, saja poenja djiwa nanti seneng. Siotjia traoesah koewatirin lagi saja poenja diri, sebab saja soedah lebih soeka mati sadja, dan tantoe nanti mati.

Siotjia dengar Kongtjoe amat tertinja berkata-kata bagitoe, ajer-matanja lantas moelain kembali toeroen dengen deras: dia lantas pegang Bwee Liang Giok poenja tangan, dan berkata: Kongtjoe! kongtjoe sudah inget salah sekali. Apa saja nanti bisa loepa sama kongtjoe? Saja poenja ema, jang kaloewarin saja poenja kapala, dia djoega tida nanti bisa bikin saja loepa sama kongtjoe. Saja poenja ma-bapa soedah soeka kasihken saja pada kongtjoe; saja sendiri ada amat tjinta pada kongtjoe. Saja hidoep djadi kongtjoe poenja orang saja mati djoega nanti djadi kongtjoe poenja setan. Apa kongtjoe kira saja nanti serahken saja poenja diri pada Radja Tattan? Saja djandji, saja soempah pada kongtjoe, saja nanti lepasken saja poenja djiwa boewat bales kongtjoe poenja tjinta hati. Tapi kongtoe satoe anak laki-laki dan toeroenan orang besar, tida patoet ada poenja ingetan pendek. Kontjoe poenja orang-toewa soedah kena orang kaniaja, hal itoe tantoe Toehan Allah taoe. Kaloe satoe manoesia terlaloe melarat, biasanja di blakang kali dia boleh djadi seneng.

Dari itoe saja harep, kongtjoe djangan pake pikiran pendek. Kaloe betoel kongtjoe tjinta sama saja, saja harep kongtjoe trima saja poenja pertjintaän. Saja kirim saja poenja orang-toewa sama kongtjoe, soepaja kongtjoe soeka toeloeng lihat-lihat. Kongtjoe pergi sadja tinggal sama-sama dia, dan di sana kongtjoe boleh berladjar lebih banjak lagi dalem perkara soerat. Saja harep, jang kongtjoe di blakang hari boleh beroentoeng dapet pangkat jang besar dan boleh bales kongtjoe poenja sakit hati pada orang. Saja soedah tida beroentoeng bisa teroes berlaki-bini sama kongtjoe di doenia ini. Saja poenja djiwa nanti dowain kongtjoe dan toenggoe kongtjoe di dalem acherat.

Sapandjang berkata-kata bagitoe, Siotjia ada pegangin sadja Bwee Liang Giok poenja tangan kiri, Bwee Liang Giok tida merasa dia sendiri poenja tangan kanan ada bergerak. Tapi Siotjia, sahabisnja berkata-kata, ada merasa Bwee Liang Giok peloek pinggangnja dengan perlahan, maka lantas dia djatoehken kepalanja ka Bwee Liang Giok poenja poendak kiri dan peloek dengan tangan kiri Bwee Liang Giok poenja leher sembari nangis sedih sekali, bikin basah poendaknja Bwee Liang Giok dengan ajernja mata. Bwee Liang Giok poeter kapalanja sendiri ka samping dan lantas mandiin dengan ajernja mata Siotjia poenja moeka, jang dia tjioemin sembari menangis sedih sekali.

Sasoedahnja tinggal bagitoe sedikit lama, dan sasoedahnja bales tjioem moekanja Bwee Liang Giok dengan merasa tjinta sekali, Siotjia lantas moendoerin badannja dengan perlahan, teroes tjaboet dia poenja toesoek konde dari kapala, kasihkcu itoe kapada Bwee Liang Giok dengan berkata: Kongtjoe! ini barang ada barang jang di sajang sekali oleh kongtjoe poenja bini; siang-malem ada di kapalanja. Saja kasih ini pada kongtjoe, harep kongtjoe socka simpen boewat satoe tanda mata.

Sembari kasih itoe toesoek konde pada Bwee Liang Giok, Siotjia bitjara dengan sedikit saïr, jang boeninja ada oendjoek hati sedih. Kongtjoe trima itoe toesoek konde, lantas tantjep di kapala sendiri, dan berkata: Banjak-banjak trima kasih aken Siotjia poenja tjinta. Saja djocndjoeng di kapala, Siotjia poenja pembrian.

Habis bilang bagitoe, Bwee Liang Giok djorga lantas moelai bitjara dengan sair, jang boeninja oeudjoek sedih dan tjinta hati. Baroe habis dia bersaïr, dia lantas lihat Tjoen Sing serta anak-anak prawan samoewa naik ka atas. Sasampenja di atas, semoewa anak-anak prawan itoe lantas sembajang. Kamoedian semoewa lantas toeroen ka bawah dan teroes poelang ka tempatnja mondok.

Sampe pada hari besoknja, Tong Tjin lantas kasih prentah boewat brangkat, dan samoewa lantas brangkat djalan. Tempo soedah djalan sedikit djaoeh, dia-orang bertemoe satoe orang toenggang koeda. Orang itoe toeroen dari koedanja, berloetoet di depan Tong Tjin dan berkata: Hamba ada di bawah prentahnja Tjongpeng jang bernama Tjin Kim, dateng di sini boewat samboet loïa.

Tong Tjin lantas soeroe dia bangoen dan soeroe dia toeroet djalan sama-sama. Sembari djalan Tong Tjin tanjak padanja: Kamoe poenja loïa soedah pegang pangkat di sini brapa lama? Apa dia soedah dapet kabar apa-apa dari loewar negri dan soedah sedia djoega rangsoem?

Itoe orang menjahoet: Hamba poenja loïa baroe satengah boelan pegang pangkat di sini. Sedari Pengpouw Hoanhoesin meninggal, kita poenja rangsoem semoewa soedah kena dirampok moesoeh, dan boewat soldadoe poenja makanan sekarang ini tiada tjoekoep banjaknja. Tapi sekarang saja poenja loïa soedah berdami boewat akoer dengan berdjandji nanti kasih Siotjia pada itoe Radja Tattan. Sekarang itoe Radja Tattan soedah taroek di wates negri lima hoeloebalang serta bala tantarnja dia-orang menoenggoe boewat trima ini Siotjia. Ini ada satoe soerat namanja lima hoeloebalang itoe.

Tong Tjin trima soerat itoe, lantas tanjak: Dari sini sampe di wates misih ada brapa djaoeh lagi?

Itoe orang menjahoet: Dari sini sampe di sana kira ada 40 paal lagi.

Tong Tjin lantas berkata: Kamoe pergi djalan lebih doeloe, kasih taoe pada kamoe poenja loia, jang kami minta disadiain tempat dan biar dia kasih taoe sama itoe hoeloebalang Tattan, lamanja lagi hari dia orang lantas boleh trima ini Siotjia.

Itoe orang lantas naek koeda dan poelang kasih taoe hal itoe pada dia poenja loïa.

Tong Tjin teroes djalan dengen perlahan dan pada satoe sore dia lantas bertemoe Tjin Kim dan lain-lain poenggawa jang dateng samboet padanja. Dia-orang lantas masoek ka kota dan dianterken ka satoe tempat jang soedah disediaken. Sasoedahnja masoek ka dalem, Tong Tjin lantas berkata pada Bwee Liang Giok dan Tjoen Sing: Tjoba mari kita kaloewar katemoein lagi itoe Tjin Kim, soepaja lihat bagimana kalakoeannja.

Sasampenja di loewar dia-orang bertemoe pada Tjin Kim, lantas dia-orang adjak masoek doedoek di dalem. Sasoedahnja berdoedoek, Tong Tjin berkata: Tadi di djalan kita-orang soedah bertemoe sama taijdjin: sekarang taidjin anter kita-orang membikin banjak soesah sadja.

Tjin Kim berkata: Ha! Taijdjin ada dateng di sini serta pengikoet bagitoe banjak, tapi saja tida bikin apa-apa melinken bikin ini sedikit makanan boewat kita-orang semoewa, boewat satoe tanda sadja jang saja membri hormat.

Tong Tjin bilang banjak-banjak trima kasih aken itoe. Kamoedian Tjin Kim lantas menanjak padanja, siapa adanja itoe doewa Kongtjoe.

Tong Tjin toendjoek pada Tjoen Sing dan berkata: Ini Kongtjoe ada Siotjia poenja soedara, dan itoe Kongtjoe ada Siotjia poenja Soedara misan.

Tjin Kim lantas oendjoek hormatnja pada itoe doewa Kongtjoe, dan berkata, jang dia enak bati sekali dapet kenal sama dia orang.

Habis itoe lantas samoea doedoek makan bersama-sama, dan sahabisnja makan, Tjin Kim lantas brangkat poelang.

Sampe pada harian, jang Siotjia misti kaloewar dari wates dan misti masoek di lain negri, dia lantas toekar pakean, toeroet pakeannja orang di lain negri itoe. Dengen sedih dia lantas naek di djoli, dan samoewa orang anter padanja dengen menangis. Tempo Siotjia sampe di loewar wates, dia lantas dapet lihat, jang banjak orang lelaki dan prampoewan dateng madep padanja. Orang-orang itoe berkata: Hamba samoewa diprintah oleh hamba poenja Radja dateng mengadep boewat samboet pada nionio (permesoeri).

Siotjia lantas toeroen dari djoli dan maoe lantas kasih slamet tinggal jang pengabisan pada Bwee Liang Giok dan Tjoen Sing. Hatinja Siotjia itoe antjoer sekali, sama djoega sapotong katja jang djatoeh dengen kras ka atas batoe; tapi dia inget, kaloe dia kasih slamet tinggal dengen sedih, Bwee Liang Giok barangkali nanti djadi kalenger atawa mati. Maka Siotjia pikir, lebih baik dia bikin Bwee Liang Giok djadi marah atawa sakit hati sedikit, soepaja tidak terlaloe merasa sedih. Maka itoe dia lantas tertawa dan berkata pada Bwee Liang Giok dan Tjoen Sing: Soedara! sekarang saja soedah sampe di sini, soedara berdoewa boleh poelang kombali sadja dan bilang pada kita-orang poenja orang-toewa, jang saja harep dia-orang djangan boewat pikiran lagi sama saja. Saja harep sadja soedara berdoewa lekas boleh beroentoeng dan bisa bales kita-orang poenja sakit hati. Slamet tinggal!

Sahabisnja bilang bagitoe, Siotjia tahan saboleh-boleh dia poenja ajer-mata jang maoe kaloewar; tapi ajer-mata itoe tida loepoet kaloewar djoega. Itoe waktoe lantas ada saorang dateng padanja dengan toentoen satoe koeda toenggang. Orang itoe berkata: Hamba minta nionio naek di ini koeda.

Tempo Siotjia maoe naek, itoe orang jang bawak koeda maoe angkat dia boewat naek di koeda itoe. Tapi Siotjia lantas djadi goesar dan berkata: Binatang apa kami poenja badan misti kasih kamoe pegang?

Itoe orang lantas moendoer, dan Siotjia lautas melihat pada Bwee Liang Giok seperti maoe minta dia poenja toeloengan. Bwee Liang Giok, lihat bagitoe lantas mengarti, dan lantas dateng kasih Siotjia naek di koeda itoe. Tjocihoau serta itoe 40 anak prawan, samoewa naek djoega di koeda dan lantas brangkat djalan.

Bwee Liang Giok tida djadi goesar, jang Siotjia soedah kasih slamet tinggal padanja dengen tertawa, sebab dia mengerti Siotjia poenja ingetan. Dan sebab dia mengerti itoe, hatinja djadi poedji sekali Siotjia poenja tjinta padanja, dan dia djadi merasa begitoe tjinta pada Siotjia, sampe tempo dia lihat Siotjia brangkat, dia lantas roeboeh ka tanah dan kalenger.

Baroe Bwee Liang Giok roeboeh, Tjoen Sing djoega lantas djatoeh dan lantas toeroet kalenger sama sama.

Tong Tjin lihat begitoe, lantas angkat, kasi toeloeng pada dia orang. Sasoedahnja dia orang berdoewa inget kombali, Tong Tjin berkata: Kongtjoe djangan terlaloe nangis: Siotjia soedah pergi djaoeh. Biarlah sekarang kita orang balik ka Kota, soepaja lantas kita boleh brangkat poelang.

Hing Goan Siotjia teriringken pengikoetnja, ada djalan dengen menangis; tapi dia lihat terang, jang dia ada di samboet dengen segala tanda kabesaran. Sasoedahnja djalan bebrapa hari, dia lantas bertemoe satoe goenoeng, dan dari atas koeda dia lantas menanjak pada sa-orang, katanja: Ini goenoeng di depan, apa namanja?

Satoe soldadoe menjaoet: Ini goenoeng namanja Holan-Shoa.

Siotjia lantas menanjak lagi: Di tinggi goenoeng itoe ada apa?

Itoe soldadoe bilang: Di tinggi itoe goenoeng ada satoe batoe jang tertoelis namanja Lie Ling; djoega ada satoe bio dari sa-orang nama Souw Boe.

Siotjia memang soedah taoe itoe doewa orang Lie Ling dan Souw Boe, poenja perkara; tapi dia lantas menanjak pada itoe soldadoe, katanja: Kenapa maka kamoe poenja Radja bikin bio boewat itoe doewa orang?

Itoe soldadoe menjaoet: Sebab itoe doewa orang ada setia hati, djadi kita orang poenja Radja bikin itoe bio boewat tanda kahormatan padanja berdoewa.

Selagi mengomong begitoe, dia orang soedah sampe di depan itoe bio. Siotjia toeroen dari koeda, teroes masoek ka dalem bio itoe. Di sitoe dia dapet lihat ada satoe gambarnja Souw Boc; dia lantas mengadep dan membri hormat pada gambar itoe. Sasoedahnja dia keloewar dari bio itoe, teroes dia brangkat djalan lagi.

Sasoedahnja djalan lagi bebrapa hari lamanja, Siotjia bertemoe satoe kali besar sekali dan lautas tanjaken, apa namanja kali itoe. Satoe orang lantas bilang, jang kali itoe bernama Heksoci-ho.

Itoe anak anak prampoewan denger begitoe, lantas dia orang menanjak, katanja: Doeloe Ong Tjianw Koen soedali boewang dirinja dan bangkenja anjoet moedik, apa boekan di kali ini?

Itoe orang jang tadi di tanjak, lantas menjaoet: Betoel Ong Tjiauw Koen itoe soedah boewang dirinja di ini kali.

Hing Goan lantas soeroe orang orangnja bawak dia poenja peti pakean semoewa di pinggir kali itoe. Sasoedahnja pakean pakean itoe di bawak, Siotjia lantas berkata pada semoewa prampoewan pengikoetuja: Ini pakean semoewa baik kita boewang sadja di kali, sebab kita tiada nanti pake lagi.

Sasoedalinja boewang itoe pakean, semoewa lantas pergi ka persinggahan, tempat mondok. Sampe pada besoeknja pagi, Siotjia dan pengikoetnja lantas brangkat djalan lagi. Di tengah djalan dia dapet lihat ada satoe goenoeng dan di atas goenoeng itoe ada kelihatan satoe soehoenan, seperti satoe bio bangoennja. Maka Siotjia lantas menanjak, siapa poenja itoe bio jang ada di atas.

Satoe soldadoe lantas berkata: Bio itoe ada bio dari Ong Tjiauw Koen nionio.

Siotjia lantas berkata: Barangkali kamoe salah. Doeloe hari poen Han Ong soedal prentah Ong Tjiauw Koen pergi hohoan; tapi dari sebab dia poenja tjinta pada Han Ong, dia soedah lantas boewang dirinja di kali, sampe djadi mati, dan majitnja soedah anjoet moedik. Lantaran itoe patoet kamoe poenja Radja djadi sakit hati; kenapa maka sekarang Tjiauw Koen itoe di bikinin bio?

Itoe soldadoe lantas berkata: Saja minta nionio djangan bitjara koewat-koewat, sebab itoe Tjianwkoen-nionio ada angker sekali. Dari sebab dia poenja aloes masih tinggal di doenia ini, sering kali dia soedah mendjelma. Hamba poenja Radja dapet tape hal itoe, djadi merasa kasian padanja, dan ingat dia itoe njata berhati setia; maka itoe dia soedah dibikinin satoe bio, dan semoewa orang di sini menghormatin sekali pada bio itoe.

Siotjia denger bagitoe, lantas berkata pada itoe anak anak prawan samoewa: Itoe Tjiawkoen ada permeisoeri dari radja doeloe kala. Kerna sekarang dia bagitoe angker, biarlah kita orang pergi ka dia poenja bio dan soedjoed padanja.

Kamoedian dia-orang samoewa lantas naik ka itoe goenoeng, dan satelah sampe di hadepan pintoe bio, dia-orang disamboet oleh satoe prampoewan toewa jang djaga di sitoe. Samoewa lantas toeroen dari koedanja, teroes masoek ka dalem bio itoe. Di sitoe dia-orang dapet lihat Tjiauwkoen poenja gambar jang bagoes sekali, sampe kalihatan seperti orang hidoep dan ada terapit kiri-kanan dengen doewa gambar lain-orang jang satoe pegang pipe jang lain memegang sendjata. Siotjia lantas madep gambar itoe, berloetoet sembari menangis, kasih taoe semoewa kasoesahannja dan minta Tjjauwkoen poenja toeloengan, soepaja dia dapet satoe alamat jang baik. Itoe anak-anak prawan djoega samoewa menangis dan kasih taoe dia-orang poenja soesah. Habis itoe, lantas Siotjia kasih taoe pada itoe prampoewan jang djaga bio, jang dia serta semoewa anak-anak prawan pengikoetnja menginep di sitoe, dan minta disadiain tempat. Kamoedian dia lantas kasih printah pada sekalian pengikoetnja jang lain lain, jang dia orang semoewa misti pergi menoenggoe di kaki goenoeng.

Pada waktoe malem, sedeng Siotja lagi tidoer, dia dapet impian Tjianwkoen dateng dan berkata padanja begini: Kami ini Ong-Tjiauwkoen, kasih taoe sama kamoe jang sebab kami inget kamoe maoe pake hati poetih bresih, kami nanti toeloeng anterken kamoe poelang kombali ka negri sendiri, hingga boleh bertemoe sama kamoe poenja iboe-bapa dan laki. Tapi sabagimana jang ada sekarang di dalem kamoe poenja hati, itoe kamoe misti pegang kras, djangan sekali robah. Kamoe sendiri misti taoe apa jang kamoe misti bikin.

Sahabisnja Tjiauwkoen kasih mimpi pada Hing Goan, dia lantas berkata pada satoe hambanja bagini: Ini Tan Hing Goau kaloe día mengerti baik apa jang kami printah, lantas kamoe misti toeloeng padanja, bawak pergi di Taij binghoe, taroek sama dia di kebon kembangnja Tje Pekhoe. Kaloe dia tida mengerti kami poenja printah, kamoe misti kasih kabar pada kami. Sekarang kamoe misti djaga sama dia.

Tempo Hing Goan mendoesin,dia ada inget betoel semoewa Tjiauw koen poenja pesenän, tapi dia tida bisa mengerti. Selagi dia berpikir begitoe, semoea pengikoetnja lantas bangoen, kerna soedah siang. Sahabisnja dia orang makan, tempo lagi maoe brangkat pergi, Siotja lantas dapet lihat, jang di depanja ada satoe goenoeng. Dia lantas tanjak apa namanja goenoeng itoe. Satoe orang lantas kasih taoe, jang goenoeng itoe bernama Pokthiansan, dan pada tempo doeloe Ong Tjiauwkoen taoe pergi di sitoe dan panggil satoe boeroeng, soeroeh dia bawak soerat. Siotjia denger begitoe, lantas berkata pada semoewa anak prawan pengikoetnja: Marilah sekarang kita orang pergi ka goenoeng itoe; kaloe Toehan Allah ada kasian, barangkali kita djoega bisa kirim soerat sama boeroeng. Semoewa anak prawan itoe lantas memanggoet dan bersedia aken berangkat. Orang orang Tattan jang iringken Siotjia, lihat itoe, semoewa lantas menjegal dengen berkata: Ini goenoeng tida sama seseperti goenoeng jang lain lain; menoesia poen tida taoe pergi di sitoe, sebab ada banjak sekali binatang liar, apa lagi djalanannja ada begitoe soesah: kaloe djatoeh, lantas tida nanti katoeloengan lagi: maka hamba moehoen djangan nionio pergi ka sitoe.

Siotjia denger begitoe, lantas djadi goesar dan berkata: kamoe brani tjegah kami poenja niatan? Lain kali kaloe kamoe brani lagi bikin begitoe, kamoe nanti dapet hoekoeman. Itoe orang-orang jang tadi maoe menjegah lantas djadi merasa takoet, sebab inget jang Siotjia itoe bakal djadi Radjanja poenja permeisoeri. Dia-orang lantas sedia koeda dan Siotjia lantas brangkat djalan. Sebentaran sadja soedah sampe di kaki goenoeng Pokthiansan. Di sitoe Siotjia lantas kasih printah, jang semoewa pengikoetnja misti menoenggoe di sitoe, melinken itoe 40 anak prawan sama Tjoeihoau misti toeroet dia naik ka atas. Betoel djalannja soesah dan litjin sekali, tapi dia-orang semoewa naik djoega sampe ka atas.

Sasampenja di atas goenoeng itoe, Siotjia lantas dapet lihat ada satoe djoerang jang dalem sekali. Dia lihat itoe, hatinja lantas djadi merasa sedih dan inget, jang semalem Tjianwkoen soedah kasih satoe alamat. Dia inget, jang dirinja satoe kali soedah dikasih pada Bwee Liang Giok, tida sekali-kali dia nanti maoe djadi istrinja Radja Tattan: dia lebih soeka mati dari misti hidoep begitoe. Di sitoe Siotjia lantas menangis, seboet iboe-bapanja dan Bwee Liang Giok, dengen bilang slamet tinggal jang pengabisan. Kamoedian dia lantas berkata pada sekalian anak anak prawan jang toeroet dia. Sekarang saja tiada bisa hidoep lagi sama-sama kamoe; slamet tinggal!

Habis bilang bagitoe, lantas sadja Siotjia lompat boewang diri di itoe djoerang jang amat dalem. Semoewa pengikoetnja memboeroe aken pegang, tapi tida kaboeroe. Dengen menangis dan goemeter hati samoewa lantas boeroe-boeroe toeroen kasih taoe hal itoe pada lima hoeloebalang Tattan jang iringken dia-orang. Itoe hoeloebalang denger bagitoe, samoewa djadi kaget sekali dan lantas memaki-maki, katanja: Kamoe semoewa orang-orang jang tida goena sekali! Apa sebab kamoe tiada djaga baik, sampe itoe nionio bisa boewang dirinja Sekarang kami misti boenoeh kamoe orang-orang satuoewa.

Sembari bilang begitoe, dia-orang rata menjaboet pedang. Maka sekalian anak-anak prawan itoe djadi takoet sekali dan dengen menangis dia-orang berkata: Loïa djangan bagitoe marah doeloe: maski loïa boenoeh saja samoewa, loïa poen tiada nanti bisa terlepas dari loïa poenja salah. Paling baik sekarang ini kita-orang misti berdami sadja dan tjari akal jang baik.

Itoe lima hoeloe-balang memang ada merasa takoet nanti dimarahin oleh radjanja; tempo dibilang jang dia orang tiada nanti terlepas dari salahinja, samoewa djadi merasa takoet lagi, hingga lantas sadja hilang marahnja dan dia-orang lantas menanjak: Kamoe-orang ada poenja akal apa? Tjoba lekas kasi taoe.

Anak-anak prawan itoe lantas berkata: Bagimana saja poenja ingetan, jang sekarang itoe Siotjia soedah mati, kita misti pake akal bagini: Saja semoewa poenja nama soedah ditoelis dalem itoe soerat jang sekarang ada sama loïa, itoe loïa soedah taoe; tapi ada satoe jang tida tertoelis di sitoe, namanja Tjoeihoan, roepanja bagoes dan oemoernja ampir sama dengen Siotjia. Paling baik sekarang ini kita- orang djadiken dia Hing Goan Siotjia: kaloe kita-orang bikin bagitoe, rasia ini tantoe nanti djadi tertoetoep.

Itoe lima hoeloe-balang denger anak-anak prawan itoe poenja bitjara, ada rasa atoeran itoe samoewa ada baik sekali. Dia-orang soedah maoe boenoeh anak-anak prawan itoe, itoe melinken dari sebab binggoeng-hati dan tida taoe misti berboewat bagimana, hingga lantas sadja menoeroet pada amarah. Sasoedahnja denger hal akal jang baik itoe, dia-orang djadi seneng sekali, dan lantas sadja beremboek rame-rame aken toetoep rasia jang besar itoe. Kamoedian lantas dia-orang kasih tape pada Tjoeihoan itoe misti djadi Hing Goan Siotjia. Tjoeihoan tida bisa membilang apa-apa, lantas menoeroet sadja. Kamoedian dia-orang lantas brangkat djalan teroes, dan sasoedahnja herdjalan bebrapa hari, dia-orang lantas sampe di kraton negri Tattan dan samoewa anak-anak prawan itoe lantas dipanggil masoek ka dalem. Radja Tattan libat itoe Tjoeihoan, ada djadi soeka hati sekali dan lantas kawin padanja. Itoe anak-anak prawan jang lain lantas dipersenken pada poenggawa-poenggawa.

Hing Goan Siotjia tempo melompat di itoe lobang jang dalem, dia tida merasa lagi jang dirinja hidoep. Tempo dia inget kombali, dia lihat dirinja soedah ada di kebon kembang. Dia tida taoe kebon itoe siapa poenja, djoega dia tida dapet lihat djalanan, sebab itoe waktoe ada malem. Dia lantas sadja doedoek di satoe batoe dan menangis.

Pembatjakoe taoe siapa jang poenja itoe kebon, dimana sekarang Iling Goan ada doedoek menangis? Ini kebon ada di Taijbinghoe, jang poenja bernama Tje Pekhoe dan sekarang ada di Kota-Radja memegang pangkat Holam-togisoe. Istrinja sa-orang she The, dan dia tjoemah ada poenja satoe anak prampoewan bernama Ien Ing, oemoernja 16 tahoen. Ini Siotjia satoe anak prawan jang pinter sekali dalem perkara soerat. Pada waktoe Hing Goan ada doedoek dalem kebon kembang, ini len Ing kabetoelan ada di peseban dalem kebounja itoe, lagi sembajang pada Toewan Allah dengen meminta-minta, soepaja dia poenja iboe, jang sekarang ada sedikit koerang enak-badan, biar sigra djadi waras kombali.

Sasocdahnja sembajang, pada tempo maoe brangkat poelang, Ien Ing dapet denger soewara orang menangis. Dia lantas meraudek dan berkata pada boedaknja prampoewan nama Tjoen Hiang, katanja: Tjobak kamoe denger, apa itoe boekau soewara orang menangis?

Tjoen liang menjahoet: Ah, baik kita poelang sadja lekas-lekas. Itoe soewara tentoe soewara setan, sebab di sini tida ada orang. Siotjia lantas berkata: Masalah ada setan di kebon ini!—— Kamoedian lantas dia panggil boedak-boedaknja jang lelaki dan soeroeh pergi priksa.

Itoe boedak-boedak lantas pergi memeriksa dengen bawak api dan tempo dapet lihat seorang prampoean di atas baroe, dia-orang lantas sadja treak, katanja: Ada Onwli-tjhia!1) Toba lihat itoe Dia poenja kepala ada doewa boentoetnja! Pakeanja djoega lain sekali!2)

Siotjia denger bagitoe, lantas djadi kaget dan teroes lari sama-sama pengikoetnja masoek ka iboenja poenja kamar.

Hoedjin djadi kaget dan menanjak: Ada apa maka kamoe bagitoe ribet?

Tjoenbiang lantas bilang: didalem kita poenja kebon kembang ada satoe Ouwle-thjia lagi doedoek menangis.

Hoedjin lantas berkata: Ah, kamoe djoestak!

Siotjia lantas menjahoet: Betoel ada itoe: saja djoega dapet lihat.

Hoedjin denger bagitoe, lantas bangoen dan

__________

1) Ouwlitjhia, ja itoe saroepa binatang prampoean jang soedah djadi siloeman dan bisa meroepa orang.

________

2) Hing Goan Siotjia poen ada berpake tjara orang Tattan. Di kepalanja ada doewa boeloe-boeroeng jang pandjang sekali. kasih prentah pada samoewa boedak lelaki aken bawak segala gaman-sendjata serta api dan ikoet dia pergi ka kebon. Sasampenja di kebon, Hoedjin dan Sio jia menoenggoe di peseban; sekalian boedak-boedak pergi mengamperin ka itoe hatoe, di mana ling Goan ada doedoek. Timpo dia-orang lihat satoe prampoewan, lantas sadja dia orang maoe kemplang. Hing Goan Siotjia lihat bagitoe, tjepet dia berkata pada boedak-boedak itoe: Saja ini bockan setan, tapi saorang jang melarat sekali. Saja minta djangan kamoe poekoel, tapi kasih saja bitjara doeloe.

Habis bilang bagitoe, Hing Goan lautas bangoen mengadep pada itoe boedak-boedak, dan boedak boedak lantas pergi kasih taoe pada Hoedjin, jang dia soedah lihat satoe prampoewan, tapi boekannja setan, melinken pakeannja ada lain roepa.

Hoedjin lantas berkata: Tjoba kamoe pergi panggil dia dateng di sini.

Itoe boedak-boedak lantas adjak Hing Goan Siotjia mengadep pada loedjin. Hing Goan lantas toeroet boedak-bocdak itoe pergi mengadep dan oendjoek hormatnja pada Hoedjin dengen berloetoet. Dia berkata: Saja ini satoe anak jang amat lemah dan bersangsara.

Sekalian jang ada di sitoe lihat pakeannja Hing Goan ada lain matjein, samoewa lantas tertawa. Hoedjin lihat Hing Goan tingkah lakoenja ada baik, lia lantas rasa Hing Goan itoe boekan anak sa-orang hina; maka lantas dia soeroel bangoen. Hing Goan lantas bangoen teroes oendjoek hormatuja pada Ien Ing Siotjia. Hoedjin lantas kasih printah pada boedak-boedaknja, soepaja kontji piutoc baik-baik dan lantas dia-orang boleh pergi tidoer. Kamoedian Hoedjin lantas berkata pada anaknja dan pada Hing Goan: Marilah kita orang masoek doedoek di dalem roemah.

Sasoedahnja masoek dan berdoedoek, Hoedjin lantas mintak Hing Goan Siotjia kasih taoe namanja, atsalnja dan bagimana sebabnja, maka dia ada di kebon pada waktoe malem hari: djoega mengapa pakeannja ada lain roepa bagitoe.

Dengen menangis Hing Goan lantas berkata Saja orang she Ang, nama Goat Ing, atsal orang dari Tintjioe, di blakang kali pindah tinggal di langtjioc. Saja poenja bapa bernama Djit Sing, bekerdja pada sa-orang jang berpangkat Oensaj. Itoe tempo Radja ada printah boewat tjari 40 anak prawan aken ikoct Hing Goan Siotjia pergi hohoan, dan saja kena katarik di sitoe. Betocl saja anak saorang miskin, tapi saja taoe djoega atoeran maka, apa boleh boewat, saja djadi menoeroet pergi. Tempo saja sampe di bilangan Tattan, saja dapet inget, Ong Tjiauwkoen poenja perdjalanan jang doeloe hari. Saja poenja hati djadi bagitoe sedih, sampe lantas sadja saja boewang diri di satoe lobang jang dalem sekali. Dengen toeloengan Tjiauwkoen-nionio saja tida djadi mati, tapi lantas ada di sini dalem hoedjin poenja kebon.

Hoedjin denger itoe samocwa lantas dia menjahoet, katanja: Orang jang pake hati baik, salamanja mendapet sadja toeloengan. Kamoe poenja hal ada bikin njata jang kamoe saorang baik. Sekarang kamoe soedah sampe di kami poenja rocmah, kamoe boleh tinggal sadja di sini sedikit hari. Kami nanti soeroeh orang tjari kamoe poenja iboe-bapa dan kasih taoe ini perkara. Tentoe sekali dia-orang nanti dateng di sini bocwat ambil sama kamoe.

Hing Goan lantas berkata: Banjak trima kasih aken hoedjin poenja hati-boedi. Tapi kaloe hoedjin soeroeh tjari saja poenja iboe-bapa, tantoe sekali rasia saja djadi terboeka. Saja takoet nanti lantas dapet salah dari. Maha Radja.

Hoedjin lantas tertawa dan berkata pada Ien Ing, jang Goat Ing itoe anak prampoewan berpinter sekali. Kamoedian dia lantas kata pada Hing Goan atawa Goat Ing palsoe: Sekarang kamoe poenja peroentoengan soedah djadi bagini, biarlah kamoe tinggal tetep sadja disini. Kami poenja laki sekarang ini ada di Kota-Radja, memegang pangkat Hoe Togisoe. Kami saorang she The dan soedah beroemoer 45 tahoen, tapi tidak ada poenja anak lelaki, melinken ada ini sadja satoe anak prampoewan bernama Ien Ing. Kaloe sekarang kamoe maoe tetep tinggal di sini, biarlah kami poengoet sadja kamoe boewat anak. Kaloe di blakang hari, kami dapet taoe kamoe poenja iboe-bapa di mana ada, kami nanti.soeroeh orang anterken kamoe padanja. Bagimana sekarang kamoe poenja ingetan?

Goat Ing lantas bangoen dan berkata: Banjak trima kasih aken hoedjin pocnja hati-boedi. Tapi saja saorang hina, saja rasa tida pantes djadi hoedjin poenja anak.

len Ing denger bagitoe, lantas dia bangoen dan berkata: Bagimana iboe saja poenja ingatan, saja minta djangan soedara tampik.

Goat Ing denger bagitoe, lantas sadja dia berloetoet di depan Hoedjin aken tandanja jang dia trima di poengoet anak. Hoedjin djadi soeka hati sekali dan lantas angkat Goat Ing itoe, socpaja dia bangoen.

Sasoedahnja bangoen, Goat Ing lantas oendjoek hormatnja pada Ien Ing dan akoe dia soedara. Hoedjin lihat bagitoe, lantas menanjak pada Goat Ing, katanja: Kamoe poenja oemoer soedah brapa?

Goat Ing lantas kasih taoe, jang dia poenja oemoer soedah 17 tahoen, Hoedjin lantas berkata kaloe bagitoe kamoe ada lebih toewa satoe tahoen dari Ien Ing; dia misti panggil kamoe entji.

Habis bilang bagitoe, Hoedjin lantas soeroe Ien Ing adjak Goat Ing masoek kasih lain pakean boewat toekar. Kadoewanja itoe lantas sadja masoek ka dalem.

Tong Tjin, Bwee Liang Giok dan Tjoen Sing sasoedalinja tinggal sedikit hari di wates negri, semoowa lantas brangkat poelang. Pada satoe hari dia-orang dapet lihat saorang toenggang koeda jang dateng dari depan, dan roepauja orang itoe seperti hamba dari pemarentah. Maka Tong Tjin lantas soeroe Bwee Liang Giok dan Tjoen Sing pergi moendoerka blakang. Sasoedahnja itoe Kongtjoe berdoewa moendoer, orang jang toenggang koeda itoe lantas sampe ka depan Tong Tjin dan kasih taoe jang dia ada bawak soerat titah dari Maba-Radja.

Tong Tjin lantas berloetoet dan samboet soerat titahnja Mala-Radja itoe. Dia lihat soerat itoe boeninja bagini: Kami, dengen rahmat Allah, Baginda Radja jang bertachta, membri titah dengen ini pada Hanlim-i Taijbaksoe Tong Tjin, jang dia sekarang boleh poelang kombali ka Kota-Radja dan pegang kombali pakerdja-annja.

Dan jang dari sebab Lipouw-Siangsi Tan Djit Sing sekarang soedah tertangkep dan dimasoekken di boewi lantaran anakuja prampoewan soedah brani maki-maki pada Sinsiang Louw Kie, kami bri titah djoega pada Tong Tjin, jang dia misti serahken pada ini orang jang bawak soerat, itoe anak dan itoe kaponakannja Tan Djit Sing, jang soedah toeroet anter Hing Goan pergi hohoan.

Tong Tjin sasoedahnja batja soerat titah itoe, dia lantas berkata pada itoe soeroehan Radja: Itoe anak dan kaponakannja Tan Djit Sing berdoewa soedah poelang lebih doeloe ka langtjioe. Dari sebab saja ada dapet sakit, djadi saja soedah brangkat poelang belakangan. Sekarang baik kamoe pergi ka Tangtjioe dan lantas boleh tangkep doewa orang itoe.

Itoe soeroehan Radja denger bagitoe, lantas sadja naik koeda kombali dan teroes pergi ka langtjioe. Tong Tjin lantas balik sedikit ka blakang, ketemoein Bwee Liang Giok dan Tjoen Sing, dan lantas berkata pada dia- orang: Hiantit taoe itoe orang tadi bawak prentah apa?

Tjoen Sing menjahoet: Saja beloen taoe; harep empe soeka mengabarin.

Tong Tjin lantas berkata: Tempo Louw Kie soedah poelang dan sampe di Kota-Radja, dia soedah lantas mengadoe pada Maha Radja, jang hiantit poenja soedara soedah maki-maki pada dia. Maha-Radja soedah djadi bagitoe goesar, sampe soedah soeroe tangkep hiantit poenja iboe-bapa dan masoekken di pendjara. Dan itoe prentah jang dateng tadi, dia itoe boewat tangkep hiantit berdoewa. Empe rasa kaloe hiantit berdoewa tidak semboeni, tantoe nanti dapet tjilaka.

Tjoen Sing dau Bwee Liang Giok denger bagitoe, djadi kaget sekali dan lantas peloek badannja Tong Tjin dengen menangis, minta soepaja ditoeloengin sabolih-bolih. Tong Tjin lihat bagitoe, dia djoega lantas djadi sedih, tapi berkata: Hiantit berdoewa menangis sadja, itoe tiada goena. Paling baik lekas pergi lari. Empe tida bisa toeloeng sama hiantit berdoewa.

Tjoen Sing dan Bwee Liang Giok lantas berkata: Hai! dimanalah tempat sekarang jang saja boleh pergi!

Tong Tjin lantas berkata: Trimalah inin empe kasih hiantit sedikit wang boewat hiantit berdoewa bekel di djalan. Lekas hiantit pergi lari sadja. Orang jang baik poen, maski di mana djoega, salamanja nanti dapet toeloengan. Djangan takoet!

Tjoen Sing dan Bwee Liang Giok trima itoe wang, lantas berloetoet membri slamet tinggal, dan teroes brangkat pergi lari. Sasoedahnja itoe Kongtjoe berdoewa pergi, Tong Tjin djoega lantas brangkat poelang. Sasoedahnja sampe di Kota-radja, lantas dia mengadep pada Maha Radja dan kasih lapoer jang Hing Goan Siotjia soedah sampe di Tattan, dan pada sabeloennja dia sendiri (Tong Tjin) brangkat poclang, Tjoen Sing dan dia poenja soedara misan soedab poelang lebih doeloe.

Maha Radja berkata: Kami rasa doewa orang itoe tiada nanti bisa lari ka mana; nanti poen dia-orang tantoe ketangkep djoega. Sekarang hambakoe boleh pegang kombali sadja kamoe poenja pekerdja-an.

Tempo Tong Tjin moendoer dari badepan Mala Radja, dia lantas pergi di roemah pendjara boewat tengokin Tan Djit Sing laki dan istri. Di sitoc dia kasih taoe pada Tan Djit Sing segala hal jang dia soedah bikin. Tan Djit Sing serta istrinja denger bagitoe, doewa-doewa djadi sedih sekali dan bilang banjak trima kasih pada Tong Tjin aken dia poenja hati-boedi dan toeloengan. Sasoedahnja kaloe war dari roemah pendjara, Tong Tjin lantas poelang ka roemah sendiri.

Salamanja Tan Djit Sing ada dalem pendjara, dia ada didjaga oleh sekalian sobat-sobatnja; dari itoe dia tiada dapet tambah tjilaka lagi.

Tjoen Sing dan Bwee Liang Giok ada djalan minggat siang dan malem, seperti boeroeng jang tiada ampoenja sarang. Pada satoe hari dia-orang sampe di Shoatang, dan dari sebab dia-orang tiada kenal djalan, lantas dia-orang djadi kesasar masoek di satoe djalanan sepi. Tempo hari moelai djadi malem dia-orang ada bertemoc pada doewa orang djahat jang dengen membawak sendjata dateng memboeroe padanja. Dari sebab dia-orang djadi takoct, lantas sadja dia-orang boewang sekalian barang-barangnja dan teroes lari sampe djatoeh berdoewa-doewa. Itoe rampok-rampok lantas poengoet sekalian barang jang ditinggalken itoe, dan tempo lihat itoe doewa Kongtjoe djatoeh, lantas dia-orang dateng hampirin dan boeka pakeannja kongtjoe-kongtjoe itoe, sampe masing-masing tinggal satoe tjelana sadja di badan. Sasoedahnja rampok- rampok itoe pergi, itoe doewa Kongtjoe lantas bangoen dengen menangis dan merasa dingin amat. Bwee Liang Giok lautas berkata pada Tjoen Sing: Hah! kita poenja peroentoengan poen soedah sampe tjilaka! Sekarang kita bertemoe djoega ini rampok-rampok jang lantas ambil kita poenja pakean dan wang samoewa. Sekarang kita tiada ada poenja lagi sakepeng, tjara bagimana sekarang ini kita boleh djalan lebih djaoeh lagi?

Tjoeu Sing menjahoet: Ha! lebih baik kita-orang pergi mati sadja soedah!

Bwee Liang Giok tiada kasih taoe pada Tjoen Sing, hal dia soedah dapet satoe toesoek konde dari Hing Goan, aken djadi tanda mata, dan sekarang djoega toesoek konde itoe masih ada padanja, tiada kena diambil oleh perampok, sebab tempo dia (Bwee Liang Giok) djatoch, dengen tjepet dia soedah sesepken toesoek konde itoe ka dalem tanah, dan soedah angkat kombali, tempo itoe doewa perampok soedah pergi.

Kamoedian Bwee Liang Giok dan Tjoen Sing berdocwa itoc lantas djalan sadja menoedjoe ka kidoel dengen menangis. Sasoedahnja djalan sedikit lama, dia-orang lantas bertemoe satoe bio, jang pintoenja tertoetoep, dan di depan itoe bio ada satoe kali. Di itoe kali dia-orang lihat ada banjak sekali praoe djaga-djaga, jang bagoes dan moewat banjak soldadoe. Sebab tjape, Bwee Liang Giok dan Tjoen Sing itoe teroes djalan ka samping bio dan tidoer di sitoe. Tapi sedeng enak dia-orang tidoer, dia-orang djadi bangoen dengen terkedjoet, sebab denger soldadoe-soldadoe treak berkata ada maling. Dari dia-orang poenja kaget, doewa-doowa lantas lari, satoe kawetan, satoe ka koelon.

Itoe soldadoe-soldadoe lihat dia-orang lari, samoewa lantas memboeroe. Bwee Liang Giok, dari sebab djatoeli, lantas kena di tangkep dan di-iket, dibawak ka pinggir kali dan dinaekken di praoe. Itoe soldadoe-soldadoe lantas kasih taoe pada dia-orang poenja kapala, jang orang soedah dapet tangkep satoe maling. Bwee Liang Giok ada merasa sanget takoet, sampe antero badannja djadi goemeteran dan lantas djatoeh berloetoet di depan poenggawa jang ada di sitoe. Itoe poenggawa berkata padanja: Kaoe sa-orang tida sekali taoe adat! Kami ini ada satoe poenggawa jang misti pergi di Kota-Radja : apa kaoe kira kami ada bawak banjak wang, maka kaoe maoe dateng mentjoeri?

Deugen menangis Bwee Liang Giok berkata: Boansing moehoen tajjdjin soeka denger boansing poenja bitjara.

Itoe poenggawa denger bagitoe, lantas djadi goesar dan berkata: Apa kaoe kata, bangsat? Kaoe kira kaoe orang pantaran apa, maka brani seboet diri sendiri dengen perkataan boansing.?

Bwee Liang Giok menjahoet: Boansing saorang dari Kanglam, dan bersama-sama satoe soedara boansing maoe pergi tjari boansing poenja sanak, tapi di djalan boansing soedah bertemoe rampok dan dirampas semoea boansing poenja pakean dan wang. Ini malem boansing sampe di sini, dan dari sebab kali

Itoe perkataan boansing: artinja orang jang diperanakken belakangan; siapa pake perkataan itoe dia ada pandeng dirinja sama pantaran dengen orang jang bitjara sama dia. wat tjape, boansing soedah noempang tidoer di samping itoe bio. Boansing tida kira taijdjin poenja praoe ada belaboeh di sini, Orang djaga-djaga socdah tangkep boansing dengen kirain pentjoeri. Boansing sekarang madep di sini, minta taijdjin poenja kaädilan, soepaja boansing djangan sampe dapet maloe.

Itoe poenggawa ada djadi merasa herau, oleh kerana Bwee Liang Giok itoe masih djoega pake perkataän boansing aken seboet diri sendiri maka poenggawa itoe lantas berkata: Apa kaoe toeroenan dari sa-orang jang berpangkat? Boeat dapet taoe hal itoe kami tiada maoe denger kaoe poenja bitjara, sebab boleh djadi kaoe berdjoesta; maka itoe sekarang kami maoe tjoba tjari taoe kaoe poenja pengertian.

Bwee Liang Giok berkata: Kaloek tajjdji soeka kasih persen apa-apa, boansing nanti bikin apa jang tajjdjin prentah.

Itoe poenggawa lantas soeroe orangnja ambil perabot toelis. Sasoedahnja perabot itoe dateng, Bwee Liang Giok lantas bangoen, trima itoe samoewa dan berkata: Sekarang boansing ada sedia aken trima taijdjin poenja prentah.

Itoe poenggawa lantas kasih satoe kapala tjerita dan soeroe Bwee Liang Giok karang tjerita itoe. Bwee Liang Giok trima itoe lantas moelain menoelis. Sasoedahnja selesih Bwee Liang Giok menoelis, itoe poenggawa lantas batja karanganja itoe deugen soeka hati sekali dan lantas kasih prentah pada orangnja soepaja ambil pakean boewat kasih pada Bwee Liang Giok. Sasoedahnja Bwee Liang Giok toekar pakean, dia lantas mengadep lagi pada itoe poenggawa. Sembari bilang banjak trima kasih, dia lantas made berloetoet. Tapi itoe poenggawa tjegah, tiada kasih dia berloetoet, dan dengen tertawa poenggawa itoe berkata: Kaloo kami belon lihat kaoe poenja karangan, kami tiada kira jang kaoe ada orang pinter sekali.

Bwee Liang Giok meujaoct: Boansing satoe moerid sekola jang sekarang ada di dalem soesah dan soedah trima taijdjin poenja kamoerahan, patoet boansing misti berloetoet.

Itoe poenggawa tiada djoega kasih dia berloetoet, hanja lantas adjak doedoek bersama-sama. Sasoedalinja Bwce Liang Giok doedoek, dia lantas ditanjak namanja siapa dan atsal dari mana.

Bwee Liang Giok menjahoet: Boansing bernama Bok Ing, atsal dari Siangtjioehoe.

Itoe poenggawa denger bagitoe lantas menanjak, katanja: Kaloek bagitoe, kaoe tentoe kenal sama Bwee Liang Giok anakuja Bwee Kwee?

Bwee Liang Giok denger bagitoe lantas djadi kaget dan berkata: Boansing kenal djoega sama dia; tapi sadari bapanja dapet tjilaka, dia soedah pergi dan tida kataocän dimana adanja sekarang ini. Kaloek taijdjin ada soekak, boansing moeloen dapet taoe, sekarang ini boansing ada di depan siapa.

Itoe poenggawa menjahoet: Kami poenja nama Pang Lok Thian, atsal dari Hoajanghoe dan sekarang ada pegang pangkat Togisoe. Doeloe orang djahat socdah kaniaja kami serta Tan Djit Sing berdoewa, sampe kami berdoewa dapet lepas dari pangkat. Tapi baroe ini kita poeuja Radja soedah panggil kami kombali dan soeroeh pegang pangkat ini. Sekarang kita-orang soedah bertemoe di sini, kami mintak biar kaoe toeroet sadja sama kami.

Sasoedahnja bitjara bagitoc, Pang Lok Thian lantas moelai geger dia poenja orang-djaga, katanja: Maling kaoe-orang tidak bisa tangkep, tapi kaoe soedah tangkep orang baik. Lagi sekali kaoe bikin bagitoe, kami nanti kasih hoekoem.

Bwee Liang Giok maskipoen dia soedah mendapet satoe tempat jang seneng disitoe, hatinja tida sekali seneng, dia inget sama Tjoen Sing, jang tida ketaoeän ka mana perginja.

Pada besoeknja Pang Lok Thian panggil itoe Bwee Liang Giok jang sekarang soedah pake nama Bok Ing. Sembari tertawa Pang Lok Thian berkata: Bok Ing ! kaoe saorang jang pinter sekali; maka kami ada rasa, sajang sekali kapinteranmoe itoe, kaloek tida tergoenaken. Kami ada banjak sobat-sobat orang besar; kami niat toeloeng bitjara sama dia-orang, soepaja kaoe dapet satoe pangkat dan tida djadi sia-sia kaoe poenja pangertian.

Selagi dia berkata bagitoe, Pang Lok Thian itoe ada denger orang riboet-riboet. Dia lantas tanjak orang-orang jang riboet itoe, kenapa dia-orang bagitoe.

Orang oranguja lantas kasi taoe, jang baroesau ada dateng satoe praoe dengen moewat satoe poenggawa, jang bilang bernama Tje Pekhoe, berpangkat Totjhat-ï, atsal orang dari Tajbinghoe, dateng mintak bertemoe pada Pang Lok Thian itoe. Pang Lok Thian denger begitoe, lantas tertawa dan berkata pada Bok Ing: Ini Tje Pekhoe ada kami poenja moerid. Nanti kaloek ia dateng di sini, kami maoe bitjara apa apa boewat kasi toeloeng sama kaoe.

Tiada lama lagi Tje Pekhoe dateng di praoenja Pang Lok Thian itoe, teroes di adjak doedoek. Sasoedahnja berdoedoek, Pang Lok Thian lantas menanjak, katanja: Hiankhe! bagimana, ada baik djoega? Ha! sekarang Hiankhe soedah dapet itoe pangkat di Holam; Hiankho djadi sama djoega satoe boelan jang terang sekali! Saja djoega toeroet soeka hati dalem hal itoe. Tje Pekhoe menjaoet: Saja dapet ini pangkat, semoewa soedah djadi dari Loïnsoe (.'.) poenja toeloengan; selamanja djoega saja tida nanti loepa hal itoc. Sekarang Lofnsoe dapet kombali pegang pangkat di Kota-Radja, itoe mendjadiken saja soeka hati sekali. Sajang saja misti pergi di lain tempat, tida bisa ada bersama sama.

Pang Lok Thian berkata: Hiankhe sa-orang pinter, maka Radja socdah kasi itoe pangkat. Hiankhe tentoe taoe djoega, maski kita berdjaoeh, kaloek hati ada bertjinta, ada sama seperti deket.

Tje Pekhoe lantas berkata: Banjak trima kasi aken Loinsoe poenja perbilangan itoc. Sahabisnja bilang begitoc, Tje Pekhoe itoe lantas bisikin satoe hambanja dan hamba itoe teroes pergi ka praoenja sendiri. Kamoedian Pang Lok Thian lantas menanjak pada Tje Pekhoe, katanja: Apa Hiankhe, tempo maoe brangkat dari Kota-Radja, soedah bertemoe djoega pada Sinsiang Louw Kie?

Tje Pckhoe menjaoet: Saja soedah bortemoe djoega dan kasi slamet tinggal padanja.

———————

(.'.) Dengen itoe perkataän Tje Pekhoe berbahasa pada Pang Lok Thian. Artinja perkataan itoe: orang toewa, jang soedah lepas boedi dengen kasi pertoendjoekan jang baik. Selagi ia orang berdoewa doedoek bitjara begitoe, lantas dateng itoe Tje Pekhoe poenja orang jang tadi di bisikin: ia berloetoet depan Pang Lok Thian, sembahken satoe nenampan berisi barang barang, dan berkata: Hamba poenja Loia sembaliken ini barang dengen memintak soepaja Taijdjin soeka trima.

Itoe waktoe Tje Pekhoe lantas bangoen dan berkata: Saja harep Loïusoc soeka trima ini sedikit barang, aken satoe pertandaän sadja, jang saja membri hormat.

Pang Lok Thian, jang memang tida sekali soeka trima barang anteran, melihat hal itoe, ada djadi koerang enak dan lautas sadja berkata: Saja trima ini barang dengen banjak trima kasi. Tapi sebab saja tiada sedia barang aken membales anteran ini, biarlah barang ini djoega saja kasiken semoewa pada Hiankhe boewat satoe pertandaän djoega.

Tje Pekhoe lantas tertawa dan berkata: Kaloek Loïnsoe tida soeka trima ini anteran, apalah saja boleh boewat! Sekarang saja maoe bitjara sedikit boewat mintak Loinsoe poenja toeloengan. Di dalem saja poenja kerdjaän ada koerang satoe orang boewat pembantoe. Loinsoe jang ada kenal banjak orang, tjobaklah toeloeng oendjock satoe orang, jang boleh saja pake.

Pang Lok Thian berkata: Ha! boleh sekali! Kaloek lain perkara barangkali saja tida bisa toeloeng; kaloek boewat oendjoek saorang pinter boewat pembantoc, saja ada kenal satoe orang. Tapi orang ini ada beradat sedikit tinggi; saja tida taoe, apa Hiankhe boleh pake atawa tida.

Tje Pekhoe lantas menanjak: Apa itoe orang ada di praoe ini?

Pang Lok Thian memanggoet dan lantas prentah orang panggil Bok Ing. Sasoedahnja Bok Ing dateng dengen membri hormat, Pang Lok Thian lantas berkata: Bok Ing! ini ada kami poenja moerid jang bernama Tje Pekhoe, dan sekarang baroe maoe pegang pangkat di Holam. Dia ada perloe pakei satoe orang boewat membantoe dalem pakerdjaännja; kami rasa kaoe tentoe beleh pegang pakerdjaäu itoe.

Beloen sampe Bok Ing menjaoet, Tje Pekhoe soedah lantas sadja berkata padanja: Loinsoe soedah kasi taoe pada saja hal sobat poenja kapinteran; maka itoe saja minta, soepaja sobat nanti socka bantoe pada saja dalem kerdja-an.

Bok Ing lantas berkata: Saja poenja pengertian tjetek sadja, dan betoel saja di sini dengen tida kerdja apa apa, tapi saja takoet nanti tida bisa pegang Taijdjin poenja kerdja-an dau djadi bikin kapiran Taijdjin poenja perkara.

Pang Lok Thian lantas berkata: Ah! kaoe traoesah bitjara begitoe! Kami taoe, jang kaoe boleh pikoel itoe kerdja-an.

llabis bilang begitoe, Pang Lok Thian itoe lantas berkata pada Tje Pekhoe: Sekarang Hiankhe boleh sedia sedia sadja boewat trima ini Bok Ing dalem Hiankhe poenja praoe.

Sasoedahnja itoe, Tje Pekhoe lantas kasi prentah apa apa sedikit pada orangnja. Tida lama kamoedian dari itoe, dia lantas bangoen aken kasi slamet tinggal pada Pang. Lok Thian, dan lantas adjak itoe Bok Ing bersama sama. Tempo ia maoe brangkat djalan, Pang Lok Thian bitjara padanja sedikit dengen bisik bisik, katanja: Ini Bok Ing, maski ia sa-orang miskin, saja minta djangan Hiankhe sia sia sama dia.

Tje Pekhoe menjaoet: Saja nanti toeroet baik baik Loïnsoe poenja pesenan.

Sasoedahnja berkata begitoc, Tje Pekhoe itoe lantas teroes poelang ka praocnja; Pang Lok Thian lantas ambil sedikit oewang dan kasiken pada Bok Ing, dengen berkata: Sebab kami satoe poenggawa jang tida kaja, djadi tiada ada pocuja lain apa apa; dari itoe kami kasi ini sadja pada kaoe boewat seperti satoe pertanda-an sadja.

Bok Ing lantas berkata: Boansing soedah trima banjak Taijdjin poenja hati boedi baik; sekarang Taijdjin kasi Boansing ini, patoet Boansing tiada boleh trima; tapi kaloe Boansing tampik, tentoe Tajjdjin djadi tida enak hati. Dari itoe tiada lain, melingken Boansing misti trima dengen banjak trima kasi sadja.

Sahabisnja Bok Ing bilang begitoe, lantas sa-orang dateng kasi taoe padanja, jang Tje Pekhoe maoe brangkat. Pang Lok Thian lantas soeroe satoe hambanja bawak keloewar Bok Ing poenja peti pakean. Kamoedian Pang Lok Thian lantas adjak Bok Ing minoem dan bri slamet djalan padanja, Bok Ing berkata: Boansing menerima banjak sekali Tajdjin poenja boedi baik dan kamoerahan; Boansing tiada taoe sampe kapan nanti Boansing baroe bisa membales aken itoe.

Pang Lok Thian tertawa lantas berkata: Tje Pekhoe ada sa-orang di bawah prentah Radja, hingga tentoc sekali ia tiada bisa tinggal lebih lama; dari itoe biarlah sekarang kaoe toeroet sama ini orangnja jang dateng samboet sama kaoe. Slamet djalan!

Bok Ing lantas membri hormat dan slamet tinggal; kamoedian lantas ia brangkat pergi. Tempo ia sampe di praoenja Tje Pekhoe, ia di trima oleh Tje Pekhoe dengen baik; kamoedian Tje Pekhoe itoe lantas prentah orangnja boewat djalanken praoe pergi ka Holam, dan lantas ia orang brangkat. Paug Lok Thian poenja praoe djoega itoe waktoe lantas brangkat djalan ka Kota-Radja.

Tjoen Sing jang soedah lari dengen ketakoetan, soedah teroes sadja lari sabisa bisa; tempo soedah sedikit djaoch, ia sampe di satoe tempat jang banjak roempoet dan poehoen poehoen oetan, dan lantas sadja ia masoek semboeni di sitoe. Tempo ia lihat tida ada orang dateng soesoel, baroe ia keloewar kombali. Ta lihat lihat pada Bwee Liang Giok, tapi tida ada; ia tida taoe di mana ia soedah moelain djadi berpisah. Hatinja djadi sedih sekali dan takoet, sebab inget, sekarang ini dirinja tinggal sendirian sadja. Sasoedalinja lama berpikir, ia lantas inget, jang tempo doeloe bapakuja ada pocnja satoe sobat baik di Shoatang, sa-orang she Oeij jang doeloe soedah taoe pegang pangkat Kioekangto di Kangsaij, dan sekarang soedah tida pegang pangkat itoe. Maka ia berkata di hatinja: Sekarang orang itoe tentoe ada di roemahuja sendiri. Baiklah kami pergi tjari sama dia, kaloc inget sama kami poenja orang toewa, tentoe dia nanti trima sama kami.

Sasoedahnja djadi sijang, dia lihat-lihat kombali ka sana-sini; tapi Bwee Liang Giok tiada djoega ada. Dengen tetep ingetan seperti tadi dia soedah niat, lantas sadja Tjoen Sing itoe djalan pergi dari sitoe. Sasampenja di dalem kota, dia bertemoe sama satoe orang toewa, jang lagi berdiri di pinggir djalan. Dia madep membri hormat pada orang toewa itoe dan lantas berkata: Empe! saja maoe tanjak barangkali empe taoe di mana roemahnja itoe orang she Oeij jang doeloe berpangkat Kioekangto di Kangsaij.

Itoe orang toewa menjahoet: Kaoe tanjak dia kaoe maoe apa?

Tjoen Sing berkata: Saja maoe bertemoe sama dia, sebab dari doeloe saja ada bersobat baik padanja.

Itoe orang toewa lantas berkata: He! sobat djangan gegabah! Ini hari beroentoeng sobat bertemoe sama saja sa-orang toewa: kaloek bertemoe lain orang, tentoe sobat djadi dapet soesah djoega.

Habis bilang bagitoe, orang toewa itoe lantas tjeritaken pada Tjoen Sing semoewa perkaranja itoe Kioekangto, bahoewa dia itoe sekarang ini telah mendapet socsah, kerana pitenah orang. Dan orang toewa itoe berkata djoega, baik Tjoen Sing djangan mengakoe ada bersobat pada Kioekangto itoe, kerana bolih djadi djoega nanti di ganggoe orang.

Tjoen Sing denger tjerita itoe, lantas bilang banjak trima kasi pada itoe orang toewa; tapi teroes djoega dia pergi tjari roemahnja Kioekangto itoe. Sasoedahuja dapet dia tjari roemah itoe, dia lihat pintoenja roemah ada tertoetoep dan ada di tempelin sapotong soerat, jang kasih taoe roemah itoe ada ditoetoep oleh Pemarentah dan sekarang maoe didjoewal. Sasoedahnja Tjoen Sing lihat soerat itoe, di hatinja dia berkata, jang orang she Oeij itoe tentoe socdah djadi tjilaka lantaran dianiaja oleh Louw Kie djoega. Kamoedian, dengen poetoes harepan aken dapet toeloengan, dia lantas djalan teroes. Sasampenja di loewar kota, dia dapet lihat satue kali jaug besar sekali. Dengen sedih hati dia lantas inget, jang sekarang ini dirinja ada amat melarat, dan iboe-bapanja ada dalem pendjara, dan soedaranja soedah pergi hohoan. Maka dengen merasa kapingin mati sadja, Tjoen Sing itoe moelain menangis, hingga ampir seperti anak ketjil.... Dia berloetoet di pinggir kali, seboet iboe-bapanja dengen berkata slamet tinggal pada marika itoe, dan lantas sadja dia boewang dirinja ka dalem kali.

Itoe waktoe di kali itoe kabetoelan ada satoe praoe toekang tangkep ikan. Di dalem itoe praoe ada doedoek orang jang poenja praoe itoe, jaitoe sa-orang prampoewan toewa sama dia poenja satoe anak prawan bernama Giok Tjia. Sedeng lagi menggajoe djalanken praoenja, prampoewan toewa itoe dapet lihat ada satoe barang jang anjoet, dan lantas dia berkata pada anaknja: Giok Tjia! tjobak kaoe lihat, apa itoe jang anjoet? Nah, pegang ini penggajoe dan dajoeng baik-baik. Sasoedahnja berkata begitoe lantas prampoewan toewa itoe ambil dia poenja djala dan lantas tebar itoe barang jang anjoet, jang lantas termasoek dalem djalanja itoe. Dengen girang prampoewan itoe tarik djalanja tjepet-tjepet, sampe dia sendiri ampir djatoeh ka dalem kali dari bratnja itoe djala. Dia lantas soeroeh anaknja ka-pinggirken praoe itoe, soepaja anaknja itoe bolih bantoein dia menarik djala. Sasoedahnja praoe ada di pinggir kali, dan itoe djala soedah naik di praoe, Giok Tjia lantas berkata dengen kaget: Boetjhin! boekannja ikan! bangke orang! Ah, baiklah kita boewang sadja di kali, biar dia anjoet!

Itoe prampoewan toewa djadi kaget sekali, tapi lantas berkata: Ah ! kendati bangke djoega, kita misti priksa doeloe. Kaloek betoel ini orang soedah mati, biarlah soedah: tapi kaloek masih boleh hidoep kombali, kita misti toeloeng sama dia.

Habis bilang bagitoe, prampoewan toewa itoe rabah-rabah itoe badan jang kakoe, dan dapet taoe, misih ada djoega napasnja sedikit. Dia lantas berkata pada anaknja: He ! tjoba kaoe lihat Ini orang tjakep sekali dan masih moeda djoega! Nanti boetjhin pergi ambil obat boewat tjoba kasih dia minoem: barangkali sadja dia boleh hidoep kombali.

Sasoedahnja bilang bagioe, prampoewan itoe lantas ambil obat semangkok dan soeroeh anaknja doedoekken itoe orang satengah mati, dan lantas dia tjekokken obatnja itoe. Tida lama sasoedahnja itoe obat toeroen, orang jang ampir mati itoe lantas moelain tarik napas dan melek, serta lihat jang dirinja ada doedoek dalem praoe, dan di depannja ada doewa orang prampoewan. Dia lantas berkata: Tantoe ma jang soedah toeloeng sama saja, sa-orang jang soedah tida kepingin hidoep lebih lama lagi.

Itoe prampoewan toewa djadi girang sekali dan berkata: Ja; tapi marilah masoek ka dalem goeboek-praoe lebih doeloe. — Kamoedian lantas dia panggil anaknja dan berkata: Giok Tjia! tjobak kaoe pergi ambil pakeannja kaoe poenja entia!

Sasoedahnja Tjoen Sing masoek ka dalem goeboek praoe, dan itoe pakean jang disoeroeh ambil soedah dateng, dia lantas toekar pakean dan mengadep kasih hormat pada itoe prampoewan toewa dengen maoe berloetoet. Ito prampoewan toewa lihat bagitoe, lantas tjepet tjegah sama dia, dan berkata: Kita-orang ada toekang tangkep ikan sadja, dan tiada pake itoe adat berloetoet-loetoet bagitoe.

Tjoen Sing berkata: Ma soedah toeloeng saja poenja djiwa, patoet saja membilang banjak trima kasih.

Itoe prampoewan toewa lantas tertawa dan berkata: Ah, kaloek maoe bilang trima kasih, bilanglah sadja sama moeloet. Tapi sekarang tida perloe lagi, sebab saja soedah taoe. Baiklah kaoe kasih taoe sadja, kaoe ini orang dari mana dan bernama siapa.

Jang ditanjak itoe menjahoet: Saja sa-orang dari Kanglam, Siangtjiochoe; saja poenja nama Tan Tjoen Sing, dan saja poenja bapa ada sa-orang berpangkat. Dari sebab dia memoesochan sama orang besar, sekarang dia ada ditoetoep dalem pendjara, dau lantaran itoe, saja sendiri soedah. misti djalan minggat. Saja djalan sampe di satoe tempat, saja lantas pertomoe orang djahat jang lantas rampok samoewa saja poenja wang dan barang-barang. Kamoedian, sebab saja tidak taoe lagi di mana misti pergi, lantas sadja dapet ingetan pendek.

Itoe prampoewan toewa berkata: Kaloek bagitoe, sobatkoe ini satus kongtjoe, sebab anak dari orang berpangkat.

Tjoen Sing berkata: Hal ini tempo saja hagini roepa, saja rasa tiada pikoel lagi itoe nama.

Itoe prampoewan lantas berkata: Kendati bagimana djoega, kaloek kongtjoe tinggal satoe kongtjoe djoega. Toeroet kongtjoe poenja kata, jaug sekarang ini kongtjoe ada bagitoe soesah, saja rasa tentoe kongtjoe ka trima, kaloek saja minta biar kongtjoe tinggal sadja di sini. Saja poen satoe orang toewa jang tjoemah tinggal berdoewa sadja sama ini saja poenja anak prampoewan bernama Giok Tjia, jang baroe beroemoer 15 tahoen, beloen ada toenangan. Ini hari saja soedah poengoet sama kongtjoe dari dalem kali, saja rasa tentoe kongtjoe ada berdjodo pada saja pocnja anak. Apa lagi saja inget, pada tempo hoelan jang soedah, ada sinshe, jang bisa melihatin dan biasa trima oepahan satoe gantang bras, tempo saja soeroe lihat peroentoengannja saja poenja anak, sinshe itoe soedah minta lima gantang, sebab dia kata, saja poenja anak prampoewan ini oentoengnja bagoes dan di belakang kali boleh djadi bini orang berpangkat. Saja bilang pada itoe sinshe: saja satoe toekang tangkep ikan, bagimaua boleh dapet mantoe orang berpangkat, tapi itoe sinshe kata, di dalem 100 hari ini, dengen tida dikira, saja nanti dapet satoe mantoe, anak sa-orang besar. — Ini hari saja soedah dapet kongtjoe di dalem djala, apa boekan Toehan Allah soedah tantoeken ini perkara djodo? semoewa teroes sekali sama itoe sinshe poenja kata, dan saja lihat kongtjoe poenja roepa, saja rasa tentoe sekali di belakang kali kongtjoe nanti berpangkat. Maka sekarang kaloek kongtjoe tida tjela, jang saja satoe toekang tangkep ikan dan tida tampik anak saja jang djelek, saja maoe kasihken dia boewat kongtjoe poenja bini. Lantas kongtjoe boleh tinggal di sini dengen seneng dan boleh tjari lebih banjak lagi pengartian. Kaloe kongtjoe di belakang kali soedah berpangkat, lantas kongtjoe boleh bawak pada Radja segala hal perboewatan moesoeh, soepaja dia boleh terboenoeh. Bagitoe boekan betoel? Sekarang bagimana kongtjoe poenja ingetan?

Tjoen Sing denger bagitoe, ada djadi kaget djoega; tapi lantas dia berpikir dan berkata didalem hati: Ini hari goewa ada di dalem soesah bagini besar, ini orang, anak dan ema, soedah toeloeng sama goewa, sampe goewa tida djadi mati. ........ Baiklah sekarang goowa toeroet sadja permintaännja: apa lagi anakuja itoe poenja roepa bockan seperti anak dari satoe toekang ikan. Tapi goewa kapengin sampe goewa soedali dapet pangkat, baroe goewa maoe kawin.

Sasoedahnja Tjoen Sing itoe tetep dia poenja pikiran, lantas dia berkata pada itoe orang toewa, bagini: Saja soedah trima ma poenja toeloengan dan katjintaän bagitoe besar; tentoe sekali saja tiada bisa tampik ma poenja permintaän. Tapi sekarang ini saja beloen boleh kawin; sebab saja poenja iboe-bapa lagi ada di dalem soesah. Maka saja minta tempo sadja, sampe iboe-bapa saja poenja perkara soedah selesih di sitoe baroe saja maoe kawin.

Itoe prampoewan toewa denger jang Tjoen Sing trima permintaännja, ada djadi soeka hati sekali, dan lantas berkata: Nanti saja. panggil Giok Tjia, soepaja dia madep membri hormat pada kongtjoe, boewat tandanja jang sekarang ini ada seperti soedara dan di belakang kali boleh djadi laki-bini. Habis bilang bagitoe, prampoewan toewa itoe lantas pergi ka boentoet praoe dan berkata di sitoe pada Giok Tjia: Anakkoe! mari kita ka moeka, soepaja kaoe bertemoe pada itoe kongtjoe boewat bri hormat padanja dan akoe dia seperti soedara.

Giok Tjia itoe, dari sebab soedah denger emanja poenja bitjara pada Tjoen Sing dengen terang satoe persatoc, dia djadi ada merasa maloc; maka dia berkata pada emanja: Ah, apa, perloenja djoega saja ketemoein itoe kongtjoe!

Ewanja lantas tertawa dan berkata: Ah, anakkoe! kaoe soedah bagini besar, belon djoega mengerti apa-apa? Kita poenja praoe ada ketjil sadja; dari itoe boetjhin rasa baiklah kane ketemoein sadja. Kaloe soedah djadi kenal, boekan tida maloe-maloe lagi?

Giok Tjia menjahoet: Bagimana saja boleh angkat soedara sama orang jang tida dikenal?

Dengen tertawa dan berkata: „Ah, troesah kaoe maloe!" emanja itoe lantas tarik sadja Goktjia poenja tangan dan bawak dia pergi ketemoe pada kongtjoe.

Tempo Gioktjia sampe di depan kongtjoe, itoe kongtjoe lantas berkata: Soedara! tadi gakboe (mertoewa prampoewan) soedah prentah, jang kita berdoewa misti berloetoet pada Toehan Allah aken tanda kita-orang djadi toenangan.

Dengen toendoek sadja dan tida bilaug satoe apa, Giok Tjia lantas toeroet kongtjoe berloetoet, soedjoed pada Toehan Maha Koewasa. Kamoedian kongtjoe lantas madep pada dia poenja mertoewa, berloetoet di hadepannja dan berkata: Gakboo! saja madep membri hormat seperti satoe mantoe.

Sang mertoewa djadi soeka hati sekali dan dengen doewa tangan dia angkat mantoenja, soepaja bangoen. Kamoedian dia lantas berkata pada anaknja: Giok Tjia ! sekarang kaoe sama kongtjoe soedah djadi boekan orang lain; dari itoe traoesah maloe-maloe lagi. Dan sekarang, sebab kita-orang poenja proet soedah laper, lekaslah kaoe kaloewarken makanan.

Sasoedalinja Giok Tjia atoer makanan, dia lantas maoe pergi kombali ka belakang. Tapi iboenja pegang dia poenja tangan dan berkata: Boetjhin sengadja bikin. biar kaoe satoe sama lain adjar bertjinta dan tida maloe! Kenapa maoe pergi?

Giok Tjia tida bisa moendoer lagi, lantas sadja dia toeroet makan bersama-sama iboenja dan kongtjoe. Salagi doedoek makan, kongtjoe poenja hati ada merasa enak, sebab melihat Giok Tjia poenja roepa ada bagoes sekali. Dari hal Giok Tjia satoc anak toekang ikan, itoe kongtjoe tida ambil poesing. Tapi baroe dia inget bagitoe, dia lantas inget djoega jang soenggoeh dia soedah bertoenangan, dia belon taoe toeuangannja itoe anak siapa dan she apa. Sebab dia poenja hati djadi koerang enak, maka itoe dia lantas menanjak pada mertoewanja, katanja: Gakboe! sebab saja poenja hati ada koesoet sekali, saja soedah jadi koerang adat, sampe gakboe (mertoewa lelaki) dan gakboe poenja she saja belon dapet taoe.

Mertoewanja lantas berkata: Kaoe poenja mertoewa lelaki bernama Tjioe Tiauw Sing...

Baroe sadja si mertoewa berkata begitoe, itoe kongtjoe lantas berkata: Ha, bagoes! sekarang tiada salah!

Sasoedahnja hari djadi malem dia orang semoewa lantas pergi masoek tidoer.

Pada hari besoeknja, itoe kongtjoe poenja mertoewa berkata pada sang mantoe: Mantoekoe! kemaren kaoe berkata, sampe perkaranja kaoe poenja orang-toewa soedah selesih, baroe kaoe maoe kawin. Tapi gakboe rasa baik lain talioen sadja kita tjari satoe hari jang baik dan lantas mantockoe kawin.

Kongtjoe menjahoet: Itoe saja tida braui trima, sebab saja poenja iboc-bapa brangkali masih ada di dalem soesah. Saja djadi orang poenja anak, saja rasa tiada boleh bikin bagitoe.

Mertoewa denger bagitoe, lantas poetoesken sadja itoe bitjara, sebab dia tida bisa paksa.

Tempo tahoen soedah ampir linjap samoewa toekang-toekang ikan simpen dia-orang poenja djala masing-masing, kerua samoewa maoe dapet tahoen baroe. Giok Tjia berkata pada emanja: Boetjhin sekarang kita djoega simpen sadja kita-orang poenja djala lain orang samoewa soedah angkat poenjanja.

Emanja Giok Tjia tida meujahoet; kerana lantaran bitjaranja Giok Tjia, sang boctjhin itoe djadi berpikir; dia berkata dalam hati: Goewa poenja mantoe tinggal di ini praoe, sampe sekarang ini soedah tiga boelan lebih lamanja, dan sering-sering goewa lihat dia sama Giok Tjia soeka bertjanda. Kaloek tinggal sadja bagitoe dan orang banjak lihat, tentoe djadi banjak tjeritaan orang. Goeewa rasa baiklah goewa nunta sadja katentoewan Allah. — Habis inget bagitoe baroe prampoewan itoe sahoetin anaknja, katanja: Lain orang soedali simpen djalanja, biar dia-orang simpen Boetjin maoe ambil doeloe perpertjobaän dengen minta-minta toeloengan Allah. Boetjhin maoe tjoba menebar tiga kali ka dalem kali: kaloek ada dapet ikan jang besar, lantas lain tahoen kaoe misti kawin. Kaloek di dalem itoe tiga kali tebar, tida dapet ikan besar, biarlah, bagimana lagi sadja kita nanti berdami perlahan-perlahan.

Habis bilang bagitoe, itoe prampoewan lantas ambil djalanja dan teroes pergi ka kepala praoe, boewat menebar di sitoe. Giok Tjia lantas pergi ka boentoet praoe dan moelai dajoeng praoe itoe. Tjoen Sing lihat toenangannja mendajoeng, lautas dia tertawa berkikikan dan berkata: Soedara! marilah kasih saja gantiïn mendajoeng; kerana soedara tentoe soedah tjape.

Sembari tertawa, Giok Tjia menjahoet: la masa kongtjoe bisa! Saja baroe moelain, masalah tjape!

Tjoen Sing berkata: Segala apa orang misti peladjarin doeloe, baroe bisa. Di mana ada orang bisa apa-apa dengen tida berladjar doeloe? Kaloek saja tida maoe beladjar, dan tinggal sadja doedoek diam batja soerat, tentoe tida nanti boleh bisa mendajoeng.

Sembari bilang bagitoe, itoc Tjoen Sing lantas dekettin toenangannja, ambil dia poenja dajoeng dan lantas moelai mendajoeng. Tapi baroe sadja dia pegang dajoeng itoe, praoe lantas sadja djadi ampir tebalik. Dengen kaget dan dari sebab takoet Tjoen Sing nanti djatoeh ka kali, Giok Tjia tjepet toebroek dan peloek toenangannja itoe dengen berkata : Orang mondajoeng, kasih djalan praoe, misti toeroet aloeäu aer! — He! baik saja soedah pegang sama kongtjoe: kaloe tidak tentoe soedah lantas djatoeh djoega ka kali.

Tjoen Sing tida bisa kata apa lagi, lantas sadja dia tertawa berkakakan sama-sama toenangannja.

Tempo praoe baroe miring, emanja Giok Tjia djadi kaget dan lantas menengok ka blakang. Itoe waktoe betoel sedeng Giok Tjia lagi toebroek dan peloek Tjoen Sing. Sang cina itoe lantas berkata dengen perlahan : Ha!... tapi ah! biarnja-lah! dia berdoewa poen sedengnja moeda... Memang sedenguja soeka bertjinta-tjintaan!

Giok Tjia dan Tjoen Sing denger sang ema itoe bersoewara kaja bengbara, lantas djadi merasa maloe. Giok Tjia lautas berkata: Boetjhin mari kasih saja itoe djala! saja maoe menebar di sini!

Itoe prampoewan toewa ada denger djoega anaknja minta djala, tapi dia soedah teroes djoega menebar lagi sekali. Sasoedahnja menebar, dia menengok, dan dapet lihat anak dan mantoenja poenja moeka ada seperti orang jang bogel. Dalem hati prampoewan toewa itoe: He ! sekarang goewa misti djaga dengen lihat ati-ati sedikit.

Tempo prampoewan toewa itoe tarik djalanja, dia lantas lihat ada di dalem djala itoe satoe ikan jang diseboet Kimsikli-hi, besarnja kira ada brat doewa kati satengah. Prampoewan itoe djadi girang sekali dan lantas soeroeh anaknja kapinggirken dia-orang poenja praoe. Sembari soeroeh anaknja itoe, dia lantas simpen djalanja. Tida lama lagi dia-orang poenja praoe soedah lantas ada di pinggir kali.

Itoe waktoe Tjoen Sing dateng di kepala praoe dan berkata pada mertoewanja: Gakboe! ini ikan taroek dikerandjang sadja; saja nanti pergi djoewal.

Sasoedahnja sí mertoewa itoe masoekken itoe Kimsikli-hi ka dalem kerandjang, dia lantas berkata, pada Tjoen Sing: Kongtjoe djoewal ini ikan djangan itoeng kati. Kaloek orang tanjak brapa harganja, hargain doewa roepiah, tapi djangan didjoewal koerang dari satoe roepiah doewa poeloeh sen. Kaloek soedah lakoe doewitnja biar kongtjoe beliken hio, lilin dan sioekim.

Tjoen Sing bilang baik dan lantas bawak naek ka darat itoe ikan dalem kerandjang, aken didjoewal.

Itoe prampoewan toewa lihat Tjoen Sing djalan bawak itoe kerandjang, lantas berkata pada anaknja: Giok Tjia! tjoba lihat itoe kongtjoe! dia lain sekali dengen toekangtoekang ikan, ja? Boetjin rasa kaloek sadja peroentoengannja dateng, tentoe dia boleh lantas berpangkat, dan kaoe lantas djadi orang jang diseboet hoedjin! Ha ha ha!

Giok Tjia tida menjahoet, melinken tertawa sadja dan lantas pergi ka pinggir praoe, melihat pada praoe-praoe jang lain, tapi tida dapet taoe ada dateng lagi di tempat itoe satoe praoe orang berpangkat. Di kepala ini praoe ada doedoek satoe lelaki moeda jang diseboet „kougtjoe" dan bernama Kang Kwe, anak dari satoe orang bernama Kang Lian dan berpangkat tihoe di dalem kota jang deket di sitoe. Ini kongtjoe Kang Kwe, dari sebab, ada rasa dirinja anak orang besar, tingkahnja ada olo-olo sekali. Dia ada tinggal di lain tempat jang sedikit djaoeh dari tempat bapanja; tapi itoe waktoe, dari sebab soedah deket tahoen baroe, dia soedah dateng boewat bertemtoe orang toewanja, dan sekarang dia maoe brangkat poelang kombali. Dari sebab, tempo maoe naik praoe, Kang Kwe ini soedah minoem banjak, dia ada merasa sedikit poesing; maka itoe dia doedoek besender di korsi jang ada di kepala praoe, dan sebab matanja ada melihat ka sana-sini, dia lantas dapet lihat djoega pada Giok Tjia jang kabetoelan lagi balik belakang padanja. Tempo melihat itoe Giok Tjia, kongtjoe itoe lantas berkata: Ini prampoewan pantesnja bagoes. Sajang dia balik belakang, bikin goewa tida dapet lihat moekanja.

Habis berkata bagitoe, kongtjoe itoe soeroeh orangnja ambil panah dan lantas lepas satoe paser dengen toedjoeken ka ajer di pinggir Giok Tjia poenja praoc. Giok Tjia, jang lagi pikirin hal Tjoen Sing pergi djoewal ikan, dapet denger ada apa-apa djatoeh ka ajer, dia lantas menengok dan dapet lihat sa orang, jang berpake seperti satoe kongtjoe, doedoek di kepala praoe dengen tertawa berkakakan. Giok Tjia itoe ada rasa, barang jang djatoeh itoe tentoe soedah dilempar dengen sengadja oleh itoe lelaki jang sekarang ada tertawa; maka lantas sadja dia djadi marah dan moelai memaki-maki. —

Kang Kwe, betoel tida denger soewara orang memaki, dia ada lihat djoega Giok Tjia poenja tingkah serta moeloet jang bergerak-gerak seperti orang mengomel. Dengen seneng hati lantas sadja Kang Kwe itoe tertawa semangkin keras dan berkata: Hai! ini prampoewan bagini bagoes! Djangan kata dia maki, biar dia potong, goewa poen masih soeka hati djoega.

Habis bilang bagitoe, Kang Kwe itoe lantas berkata kata pada semoewa orangnja: He! kaoe-orang pergi bawak ini wang perak 50 tail ka itoe prampoewan bagoes poenja praoe; kasih ini wang padanja dan bilang jang kami maoe minta dia boewat goendik, dan kaloe dia poenja ma-bapa soekak kasih, nanti kami kasih tambah lagi, sebab kami satoe orang jang tida sajang sama wang. Kaloek ma-bapanja tida maoe kasih, kaoe tinggalken sadja ini wang di itoe praoe dan lantas rampok sadja itoe anak prampoewan, bawak di sini.

Itoe orang orang jang di prentah, lantas toeroen di satoe praoe ketjil dan teroes berdajoeng pergi. Tempo itoe orang orang soedah brangkat, ada dateng mengadep pada itoe Kang Kwe ija poenja satoe boedak prampoewan toewa. Ini boedak berkata: Kongtjoe djangan main gila! Kita di sini masih ada deket kota dan ada banjak poenggawa poenggawa jang besar. Kaloe ma-bapanja itoe anak prampoewan soeka kasiken anaknja itoe, tentoe ija orang nanti dateng anterken ka sini. Kaloe barangkali dia orang tida soeka kasi, baik djangan di paksa atawa di rampok, sebab kita orang boleh djadi dapet tjilaka, dan kaloe Loïa dapet taoe, tentoe ija djadi goesar djoega pada Kongtjoe.

Itoe Kang Kwe denger begitoe, lantas sadja membentak dengen berkata: Apa ini!? Kaoe satoe andjing toewa brani banjak moeloet? Kaloe kami kerdja apa apa selamanja kaoe soeka sadja tjampoer tape! Ini perkara masa boleh djadi apa? Kaloe sampe orang besar dapet taoe, kami nanti bilang sadja, jang ma-bapanja itoe anak soedah trima oewang pandjer lebih doeloe, dan sekarang kami maoe ambil, bawak poelang. Djangan lagi satoe kali kaoe brani koerang ajar begitoe! Pergi kaoe!

Itoe boedak toewa tida brani bilang apa apa lagi, dan lantas sadja pergi ka belakang. Itoe waktoe lantas Kang Kwe kasi prentah pada orangnja soepaja brenti-in praoe boewat menoenggoe.

Itoe orang orang jang di soeroe bawak doewit, sesampenja di praoe Gioktjia, lantas sadja ija orang naek. Emanja Gioktjia lihat begitoe, lantas berkata: Kaoe orang dateng maoe apa? Saja tida ada poenja ikan boewat djoewal.

Itoe orang orang jang banjak lantas berkata: Kita orang dateng boekan maoe beli ikan.

Emanja Gioktjia lantas berkata: Kaloe boekan maoe beli ikan, kaoe orang maoe apa?

Itoe orang orang menjaoet: Kita ada orang orangnja tihoe di sini poenja anak jang bernama Kang Kwe. Ini Kongtjoe kabetoelan liwat di sini, ija soedah dapet lihat, jang kaoe ada poenja satoe anak prampoewan jang roepanja bagoes. Sekarang kita dateng dengen Kongtjoe poenja prentah, boewat mintak kaoe poenja anak djadi goendiknja, dan ija soeka kasi ini oewang perak 50 tail. Kita rasa kaoe satoe orang toewa djadi beroentoeng sekali; maka baiklah kaoe lantas trima oewang ini.

Itoe prampoewan toewa toekang ikan djadi bengong, tapi lantas berkata: Kaoe orang soedah dateng dari mana? Barangkali pada sijang hari ini kaoe socdah lihat setan! Saja poenja anak prampoewan soedah ada lakinja; dari itoe baik kaoe orang lantas pergi sadja dan djangan lagi brani tjerita gila di sini.

Itoe orang orangnja Kang Kwe denger begitoe, ada djadi merasa dengen tentoe, jang itoe prampoewan toewa tida maoe kasiken anaknja. Ija orang satoe sama lain lantas sadja saling kasi mata, hingga jang sa-orang lantas limparken itoe oewang perak ka dalem praoe, dan jang lain lain lantas teroes tangkep Gioktjia, bawak pindah ka lain praoe, Gioktjia triak mintak toeloeng dengen sakoewat koewatnja, dan berkata pada orang jang tangkep dia: Hai! sijang sijang hari kaoe brani rampok anak dan bini orang? Nanti kami poenja laki mendakwa, lantas kaoe orang dapet tjilaka.

Itoe orang orang jang merampok tida maoe denger satoe apa, dan teroes sadja berdajoeng pergi.

Emanja Gioktjia lihat begitoe, lautas triak menangis dengen bedjingklah djingklah dan bergoelingan. Sekalian orang jang ada di praoe praoe ikan jang lain, denger ada roesoeh roesoeh dan prampoewan toewa itoe menangis begitoe, semoewa lantas dateng dan menanjak pada prampoewan itoe, kenapa ija menangis begitoe. Itoe prampoewan toewa lantas tjeritaken perkaranja satoe per-satoe pada marika itoe, sembari menangis. Itoe orang orang denger tjerita itoe, semoewa djadi warah sekali dan berkata: Ini perkara tida patoet sekali! Sijang sijang hari orang brani rampok orang baik baik pocnja anak!?

Kamoedian dia orang semoewa lantas berempoek boewat pergi soesoel itoe praoc jang bawak Giok Tjia. Tapi antara marika itoe adalah sa-orang jang pinter djoega; dia berkata: Nanti doeloe! djangan kaoe-orang roesoel dan djangan pergi soesoel ka sana.

Kaloek kita-orang semoewa pergi ka praoenja, bangsat itoe nanti berkata jang kita, toekang ikan, maoe rampok sama dia. Bagimana saja poenja ingetan, baik kita-orang toenggoe sadja sampe Giok Tjia poenja laki poelang di sini; baroe kita-orang berdami rame-rame.

Sekalian temen-temennja denger bitjaranja itoe, semioewa lantas berdiam dan inget bitjara itoe ada betocl sckali. Maka oeroenglah dia-orang menjoesoel Giok Tjia jang dirampok itoe. Itoe sa-orang jang tadi bitjara menanjak pada itoe prampoewan toewa, di mana mantoenja pergi, dan itoe prampoewan lantas kasih taoe, jang dia poenja mantoe lagi pergi djoewal ikan.

Sekalian toekang-toekang ikan itoe lantas berkata: Kaloek bagitoe sabentar djoega dia tentoe poelang. Baiklah kaoe djangan menangis.

Tjoen Sing djalan membawak ikan dalem kerandjang, ada bertemoe saorang toewa, jang menanjak padanja, apa dia maoe djoewal ikannja itoe, dan brapa harganja. Tjoen Sing lantas brenti dan bilang: Memang saja poenja ini saekor ikan saja maoe djoewal; harganja doewa roepiah, tapi sabetoelnja maoe didjoewal satoe roepiah-doewa poeloeh sen.

Di tempat itoe kabetoelan ada banjak orang berkoempoel; Ini orang banjak denger Tjoen Sing ponja omong bagitoe, samoewa djadi tertawa dan kata: Barangkali masih boleh koerangan lagi!

Tjoen Sing lantas gojang tangannja dan kata: Tida boleh koerang lagi, sebab saja poenja mertoewa pesen bagitoe.

Sekalian jang mendenger, lantas tertawa lagi dan berkata: O, inilah orang jang amat berhati bener! Ha ha ha!

Itoe orang toewa jang menanjak paling doeloe, tida bitjara lagi, lantas beli sadja ikan itoe salarga jang Tjoen Sing minta.

Sasoedahnja djoewal ikan itoe, Tjoen Sing lantas belandja dan teroes djalan poelang kombali ka praoe. Baroe dia sampe di pinggir kali, dia dapet lihat ada banjak toekang-toekang ikan berkoempoel dan ampir semoewa menggape-gape memanggil dia. Dia lihat bagitoe, dia lantas djadi tertawa, sebab kira orang banjak itoe main-main sama dia. Tapi tempo baroe dia sampe, itoe orang banjak-banjak lantas rata berkata: Kaoe poenja bini soedah di reboet oleh kongtjoe anak tihoe di sini.

Tjoen Sing denger bagitoe lantas djadi bingoeng; kamoedian dia lantas berkata: Kaloek bagitoe, sobat-sobat toli misti toeloeng! Kenapa sobat-sobat berdiam dan lihatin sadja?

Itoe orang banjak berkata: Memang kitaorang inget maoe toeloeng, tapi sebab bapanja djadi tihoe di sini, djadi kita-orang koerang brani.

Tjoen Sing lantas berkata: Djangan kata baroe satoe anak tihoe! biar anak radja djoega, kaloek melanggar atoeran, tantoe nanti dapet hoekoeman. Sekarang baik kita-orang pergi sadja pada Tetok-koenboen dan bikin pengadoean padanja.

Sekalian toekang-toekang ikan lantas berkata: Kaloek kongtjoe pergi mengadoe di sitoe, misti berati-ati, sebab di astana itoe Tetok ada banjak soldadoe djaga-djaga dan di moeka astana itoe ada banjak mariam.

Tjoen Sing berkata: Itoe semoewa tida mengapa. Saja minta sobat-sobat toeloeng djaga sadja saja poenja praoe dan barang-barang.

Kamoedian Tjoen Sing itoe lantas adjak dia poenja bakal mertoewa naik ka darat dan teroes djalan masoek ka kota. Tempo diaorang sampe di dalem kota, hari soedah djadi sore; tapi maski bagitoe, dia-orang teroes djoega berdjalan. Tempo dia sampe di satoe prapatan, di sitoe dia lantas bertemoe saorang berpangkat besar, jang lagi djalan dengen teriring banjak tanda kahormatan dan kabesarannja, serta di depan ada sepasang ting besar. Pada itoe ting ada tertoelis, boeninja: Telok koenboen. Tjoen Sing lihat itoe, lantas berkata pada bakal mertoewanja: Gakboe! ini orang besar jang lagi djalan, ja itoe Tetok-koeboen, jang kita maoe pergi tjari. Sekarang baik kita menoenggoe sadja di sini, sampe dia dateng, dan lantas kita-orang boleh madep kasih masoek pengadoeän.

Tempo dia-orang menoenggoe soedah lama sedikit dan sekalian tanda kabesaran jang djalan di moeka Teto: soedah liwat, Tjoen Sing lantas dapet lihat satoe djoli. Sama-sama bakal mertoewanja dia lantas dateng mengamperi dan berloetoet di hadepan djoli itoe, dan itoe prampoewan lantas berkata: Hamba moehoen taijdjin poenja toeloengan, kerna sijang-sijang hari orang soedah rampok hamba poenja anak prampoewan jang soedah bertoenangan, dari dalem hamba poenja praoe ikan.

Sekalian pengikoetnja itoe Tetok lihat marika itoe dateng berloetoet bagitoe, lantas maoe poekoel itoe orang berdoewa; sebab kaloe orang besar djalan, tida sekali orang boleh tjegat. Tetok-koenboen lihat bagitoe, lantas larang, soepaja orangnja tida memoekoel, dan lantas djoega dia soeroeh toeroenken djolinja. Orang-orang jang membawak api, lihat djolinja Tetok brenti, samoea lantas dateng di tempat itoe boewat bikin terang.

Tetek berkata pada Tjoen Sing: Mana kaoe poenja soerat pengadoean?

Dengen menangis Tjoen Sing menjaboet: Ini perkara baroe sekali hamba dapet, dan belon hamba sampe toelis soerat pengadoean.

Tetok lihat Tjoen Sing itoe dan denger bitjaranja, lantas berkata dalem hati: Ini orang poenja tingkah dan bitjara, boekan seperti satoe toekang ikan. Kamoedian dia lantas berkata pada Tjoen Sing: Tjoba kaoe angkat kaoe poenja moeka kami maoe bilang apa-apa.

Tjoen Sing berkata: Taijdjin! hamba tida brani bikin itoe. +)

Itoe Tetok lantas berkata: Kami kasih kaoe permisi boewat bikin itoe.

Tjoen Sing lantas angkat moekanja dan Tetok lihat Tjoen Sing poenja moeka, lantas berkata dalem hati: He! satoe toekang ikan ada bagini matjemnja? Heran sekali!— Kameodian Tetok itoe lantas menanjak: Kaoe dakwa siapa? Bagimana seedah djadi, maka sijang-sijang hari, dia soedah rampok orang prampoewan jang soedah ada lakinja? Itoe prampoewan kaoe poenja apa? Dan siapa int prampoewan jang ada sama-sama kaoe? Tjoba kaoe bilang satoe persatoe dengen betoel, soepaja kami boleh priksa. Siapa djoega kaloea bersalah, misti dapet djoega hoekoeman. Kaoe misti bitjara betoel sekali: kaloe kaoe brani djoesta, kaoe sendiri nanti terhoekoem dan tida nanti ampoen.

Toekang-toekang ikan jang banjak dan jang memang bodo sekali, ada djoega jang soedah toeroet sama Tjoen Sing, kerna inget kapengin taoe perkara itoe nanti djadi bagimana, dia-orang denger Tetok poenja bitjara, lantas ada jang berkata-kata pada temen-temen, katanja: Tadi kita soedah bilang pada Tjoen Sing, dia misti ati-ati. Sekarang dia soedah teroes sadja. mengadep bagitoe. Kaloe dia tida bisa bitjara, dia poenja bini boleh djadi hilang dan dia sendiri, boleh dapet tjilaka lagi.

Saorang lain di antara marika itoe berkata: Memang di doenia ini orang miskin djangan setori sama jang kaja djangan berbantah sama orang berpangkat. Sekarang dia sendiri maoe tjari soesahnja, apa kita boleh bikin?

Tjoen Sing denger Tetok menanjak, lantas menjahoet: Taijdjin ! hamba kasih katerangan. Tempo hamba poenja praoe ikan lagi berlaboeh di pinggiran kali, ada dateng satoe praoe orang berpangkat, dan jang doedoek dalem itoe praoe, ja itoe kongtjoe bernama Kang Kwe, anakuja tihoe di sini. Dia dapet libat hamba poenja bini, lantas dia soedah soeroe 10 boedak-boedaknja pergi rampok dan bawa ka praoenja. Hamba moehoen taijdjin poenja toeloengan dengen lekas, sebab kaloe tinggal lama, hamba poenja bini tentoe dapet banjak kasangsaraän. Ini prampoewan jang toeroet hamba berloetoet di sini, ada hamba poenja mertoewa emanja hamba poenja bini jang dirampok itoe.

Tetok lantas berkata: Ila! tentoe itoe kongtjoe soedah rasa dirinja anak satoe tihoe, maka bikin perkara djahat bagini! Dia soedah rampok kaoe poenja bini, sekarang dia soedah bawak di mana ? –– Kami nauti lantas kirim orang boewat tangkep itoe Kang Kwe dan kaoe boleh ambil poelang kaoe poenja bini.

Belon sampe Tjoen Sing menjahoet, mertoewanja lantas berkata: Dia rampok hamba poenja anak, bawak di praoenja sendiri dan praoe itoe masih ada di kali, belon brangkat berlajar pergi.

Tetok denger bagitoe, lantas bri prentah pada 5 orang pengikoetnja, katanja: Kaoe ampat orang misti pergi di itoe praoe, tangkep itoe Kang Kwe sama semoewa boedak-boedaknja dan bawak pergi di kami poenja astana.

Djaga baik, djangan sampe dia lari. Kaoe saorang pergi panggil Tihoe biar dateng di kami poenja astana.

Itoe lima orang dapet prentah, itoe waktoe djoega lantas brangkat. Kamoedian itoe Tetok lantas berkata lagi pada orangnja jang lain: Ini orang jang bawak pengadoean, kaoe pergi bawak di kami poenja astana.

Habis bilang bagitoe, itoe Tetok lantas brangkat djalan teroes, poelang ka astananja. Hatinja Tetok ada merasa soekak bertjampoer goesar: dia merasa soeka hati, dari sebali dia dapet itoe toekang ikan, jang boekan seperti toekang ikan adanja, hingga dia rasa tantoe dalem perkara itoe misti ada lagi lain perkara, dia merasa goesar, sebab inget itoe Kang Kwe soedah bagitoe koerangadjar, sampe brani rampok orang poenja bini. Sasoedahnja sampe dalem dia poenja astana, sekalian orangnja lantas pasang api terang- terang, sebab taoe Tetok itoe maoe prikesa perkara.

Itoe ampat orang jang di prentah pergi tangkep Kang Kwe, tempo sampe di pinggirnkali, dia-orang lantas dapet lihat, jang betoel di sitoe ada satoe praoe orang berpangkat, dan denger djoega, bahoewa di praoe itoe ada soewara orang menangis. Di sitoe dia-orang lantas treak pada orang jang ada di itoe praoe, katanja: Hei! siapa ada disitoe?

Itoe orang di prace lantas berkata: Kaoe siapa, dan maoe apa?

Itoe ampat orang lantas berkata: Kita diprentah oleh Tihoe boewat panggil Kongtjoe doeloe sebentaran, sebab ada bitjara jang perloe.

Itoe Kang Kwe poenja: orang lantas kasih taoe hal itoe pada dia poenja kongtjoe. Pada itue waktoe itoe Kane Kwe lagi boedjoekin Giok Tjia soepaja maoe sama dia. Dia denger jang dia dipanggil, lantas dia berkata: Ah, bagini hari goewa poenja bapa panggil poelang, masa dia ada bitjara perloe apa djoega! Tjoba kaoe panggil itee orang soeroehan: kami maoe tanjak apa-apa sama dia.

Boedaknja lantas pasang djembatan dan panggil itoe ampat orang dateng di praoe. Sasoedahnja itoe ampat orang dateng di praoe, jang satoe lantas menanjak: Mana Kongtjoe?

Satelah boedaknja Kang Kwe oendjok dia poenja kongtjoe, itoe ampat orang lantas sadja kaloewarken rante dan lantas rante itoe Kang Kwe. Itoe kongtjoe djadi kaget dan marah sekali, sampe dia berdjingklak-djingklak; tapi tidak oeroeng dia dirante djoega.

Sekalian boedak-boedaknja kongtjoe itoe lantas riboet dau berkata-kata: He, mengapa kaoe-orang brani rante ini kongtjoe? Dia ada anaknja Tihoe! Kaloek dia ada perkara, bapanja nanti boleh preksa. Kenapa kaoe brani lantas rante sadja bagitoe?

Itoe ampat orang soeroehan Tetok, mendenger itoe boedak-boedak bitjara bagitoe, lantas berkata: Kita-orang ini ada di bawah prentah Tetok-koenboen, dan datang di sini boewat tangkap kaoe-orang samoewa, jang soedah brani rampok orang poenja anak prampoewan.

Kamoedian itoe boedak-boedak samoewa lantas dirante satoe per satoe. Habis itoe, itoe ampat soeroean Tetok lantas tanjak di mana adanja itoe anak prampoewan jang soedah dirampok. Giok Tjia denger riboet-riboet dan samoewa orang dirante-ranteïn, dia lantas kira dengen tantoe, jang dia poenja laki soedah pergi mengadoe. Maka dengen menangis dia lantas dateng mengadep pada itoe ampat soeroehan, dan berkata. Saja jang soedah dirampok oleh ini kongtjoe.

Itoe ampat orang lihat Giok Tjia, betoel dia ada dalem soesah dan menangis, tapi roepanja tinggal bagoes djoega. Di-orang lantas berkata Kaoe poenja laki soedah mengadoe, dan kita poenja taijdjin sekarang maoe priksa ini orang semoewa; djoega misti toeroet pergi mengadep sama-sama.

Kamoedian ampat orang itoe lantas iringken isi praoe itoe naik ka darat boewat madep pada Tetok-koenboen.

Itoe satoe orang, jang disoeroeh panggil Tihoe, soedah ketemoe Tihoe itoe di tengah djalan, kerna itoe Tihoe kabetoelan lagi djalan meronda. Dia lantas kasih taoe, jang Tetok-koenboen minta Tihoe itoe dateng di astananja sekarang djoega. Tihoe denger panggilan itoe, hatinja djadi kaget sekali ; dia lantas soeroeh sekalian pengikoetnja pergi poelang, dan dia sendiri lantas pergi ikoet itoe orang soeroehan. Di dalem djoli Tihoe itoe berpikir-pikir, tapi tida bisa taoe, dia dipanggil ada perkara apa. Maka itoe dia bikin moeka manis dan menanjak pada itoe orang soeroehan, brangkali taoe, dia dipanggil boewat perkara apa.

Itoe soeroehan menjahoet: Loïa poenja kongtjoe soedah rampok orang poenja bini. Sekarang lakinja itoe prampoewan soedah mengadoe hal itoe pada Tetok-koenboen. Sekarang djoega brangkali Loïa poenja kongtjoe soedah ada di sana dan dipreksa.

Tihoe denger bagitoe, lantas sadja moekanja djadi poetjet dari kaget dan lantas tarik napas dengen berkata: Hai! itoe anak betoel binatang! Dia bikin perkara bagitoe, boleh djadi tjilaka kita samoewa!

Sasampenja Tihoe itoe di astana Tetokkoenboen, tida sampe lama lagi, anaknja lantas dateng di sitoe dengen terante. Dia lihat anaknja, hatinja djadi goesar sekali, sampe dia gigit-gigit gigi. Kang Kwe lihat bapanja, lantas minta-minta soepaja bapanja toeloengin dia. Tapi itoe Tihoe, dari sebab sanget marah, lantas tendang anaknja itoe dan maki semoewa boedak-boedaknja.

Emanja Giok Tjia, tempo lihat anaknja dateng, lantas sadja toebroek dan pelok anaknja itoe dengen menangis. Dia berkata: Bagimana, anakkoe! apa kaoe poenja badan tida koerang apa-apa? Kaoe misti bilang sebetoelnja sadja.

Giok Tjia denger itoe, moekanja lantas djadi merah dari sebab maloe. Dia berkata: Boetjhin kenapa tanjak begitoe? Maski saja mati djoega, saja tida nanti serahken saja poenja diri boewat djadi bernama boesoek.

Tjoen Sing denger begitoe, hatinja djadi soeka sekali dan bilang banjak-banjak trima kasih kapada Allah. Itoe waktoe lantas ada prentah dari dalem astana, jang panggil Tihoe masoek mengadep. Tempo dateng hadepan Tetok, itoe Tihoe lantas oendjoek hormatnja. Tetok lantas berkata: Tihoe kaoe taoe, jang kaoe ada ampoenja salah?

Tihoe menjahoet: Saja taoe.

Tetok lantas berkata: Kami lihat kaoe poenja perkerdja-an ada sampe baik; tapi kaoe poenja anak tida begitoe. Soedah brapa lama dia dateng di sini?

Tihoe menjahoet: Saja poenja anak baroe hari kemaren dateng di sini. Kemaren djoega saja soedah soeroeh dia poelang kombali sama dia poenja praoe. Saja tida kira itoe anak ada sama djoega satoe binatang, sampe brani bikin perkara begini roepa. Betoel saja trima saja poenja salah, tapi saja moehoen taijdjin poenja kasihan dan pertoeloengan.

Tetok lantas berkata dengen tertawa; Kaloe kaoe soedah trima kaoe poenja salah, baiklah kami nanti toeloeng. Sekarang kaoe toenggoe sadja di sitoe.

Tihoe membilang banjak-banjak trima kasih dan lantas berdiri menoenggoe di pinggir.

Habis itoe, Tetok lantas kasih prentah boewat panggil masoek sekalian orang jang teritoeng dalem perkara itoe, aken dipriksa.

Tjoen Sing, Giok Tjia dan emanja, Kang Kwe dan sekalian boedak-boedaknja, semoewa lantas masoek mengadep dan berloetoet di depan Tetok-koenboen.

Tetok-Koenboen lantas moelain memariksa dan berkata pada Giok Tjia: Apa kaoe jang soedah di rampok orang?

Giok jTia menjaoet: Betoel: hamba jang soedah dirampok itoe.

Tetok berkata kombali: Kami ada jang pegang prentah di sini; dari itoe kaloe kami tanjak apa-apa, kaoe misti bilang teroes-terang dengen tida maloe-maloe: kaoe poen satoe prampoewan anak orang baik-baik. — Kami nanti djatoehken hoekoem dengen menimbang pada Kedjahatan jang orang telah perboewat. Dari itoe kami misti taoe betoel kaoe poenja hal. Apa itoe kongtjoe soedah rampas djoega kahormatannja kaoe poenja badan? Bilang jang betoel djangan kaoe takoet atawa maloe sama kaoe poenja laki. Kaloe itoe kongtjoe soedah bikin djahat, kami nanti kasih hoekoeman berat padanja, dan dari sebab kaoe dipaksa, kami nanti toeloeng bitjara sama kaoe poenja laki, soepaja dia tida goesar, dan kami nanti soeroeh anterken kaoe dongen djoli poelang ka praoe.

Giok Tjia poenja moeka djadi merah kombali: dia berkata: Hamba brani soempah di hadepan taijdjin dan di depan Toehan Allah, jang hamba bitjara betoel, Hamba ada amat sakit hati pada itoe kongtjoe, dan sanget hamba kepengin, biar tajdjin kasih hoekoem jang berat; tapi maski sanget ingin hal itoe, hamba misti mengakoe djoega, jang badan hamba tida terampas kahormatannja.

Tetok memanggoet, lantas menengok pada Kang Kwe, dan berkata; Kaoe begitoe brani berboewat djahat? Sedeng deket ini kota, kaoe soedah brani djoega kirim orang boewat rampok orang ampoenja bini? Kaoe taoe, apa hoekoemannja perkara itoe?

Kang Kwe menjaoet: Itoe prampoewan hamba soedah beli dengen 300 tail wang perak. Lebih doeloe dia soedah trima 250 tail, dan sekarang hamba soedah tambah lagi 50 tail. Tempo hamba beli ini prampoewan, orang tida bilang jang dia soedah berlaki. Ini hari orang soedah pake akal, tiada lain maksoed, melainken boewat pedajaken hamba poenja wang. Ini orang toewa soedah ambil ini orang moeda toekang ikan, dan akoe dia mantoe, semoewa itoe melinken boewat bikin soesah sama taijdjin dan boewat bikin tjilaka sama bamba. Sekarang hamba tida maoe paksa sama dia. Hamba moehoen sadja taijdjin poenja keadilan, soepaja hamba dapet poelang kombali hamba poenja wang 250 tail, jang orang soedah trima.

Tetok denger begitoe, lantas djadi goesar dan tepok medja serta mennjentak, katanja: Gladak besar! sampe di sini djoega, kaoe maoe bitjara djoesta? Sekarang kami maoe tanjak sama kaoe. Kaoe bilang, kaoe soedah beli dengen baik ini prampoewan boewat 300 tail perak. Siapa jang soedah djadi kaoe poenja djomblang? dan itoe 250 tail wang kaoe soedah serahken sama siapa? Kaloe kaoe soedah beli, tentoe ada soerat katerangan; mana dia soerat itoe?

Kang Kwe denger begitoe, badannja lantas djadi goemetaran; sampe sedikit lama baroe dia bisa menjahoet; dia bilang: Itoe soerat ada di hamba poenja roemah. Jang soedah serahken itoe wang, dia itoe hamba poenja ini boedak berampat, dan dia orang djoega jang soedah djadi djomblang. Hamba moehoen taijdjin preksa sadja orang berampat ini.

Tetok-koenboen denger begitoe, lantas djadi tertawa dan lantas berkata: Ha. gladak! betoel kaoe brani sekali bikin banjak akal! Sekarang kami tida nanti kasih ampoen lagi!

Kamoedian Tetok itoe lantas menanjak pada itoe 4 boedak jang Kang Kwe oendjoek. Apa kaoe berampat jang soedah djomblangin ini kongtjoe sama itoe anak toekang ikan?

Itoe ampat boedak menjahoet: Betoel: hamba berampat jang soedah djadi jomblang.

Tetok lantas djadi goesar dan berkata: Hih! apa kaoe kira kami tida taoe, jang kaoe, sebab rasa ada djadi orangnja ini tihoe, lantas brani bikin kaniaja sama orang? Kaloe kami tida priksa kaoe dengen kras, tentoe kaoe tida nanti mengakoe betoel!

Kamoodian Tetok itoe lantas prentah 4 orangnja, soepaija djepit itoe ampat boedak poenja tangan.

Tempo dia-orang berampat di djepit, samoewa lantas djadi kelenger. Satoe orang lantas ambil ajer dan siramin kepalanja. Sasoedahnja dia-orang inget kombali, dia-orang lantas di tanjak, apa sekarang maoe mengakoe betoel-betoel, atawa tida.

Dia-orang menjaoet: Hamba tida bisa mengakoe lain; sebab apa jang hamba soedah bilang, itoe ada sabetoelnja.

Tetok lantas awasin moekanja orang berampat itoe. Sasoodahnja lama sedikit, dia lantas kasih prentah pada orangnja. soepaja djepit lagi marika itoe lebih kras. Tapi pertjoemah dia orang tinggal djoega tida maoe mengakoe lain. Tetok lantas berkata: Betoel ini ampat orang bantahan sekali! Sekarang traoesah djepit lagi, tapi poekoel dia orang masing-masing 20 rotan.

Selagi dia-orang di-rangket, ada satoe dari berampat itoe jang triak, berkata maoe mengakoe sabetoelnja. Tetok lantas kasih prentah brenti memoekoel itoe satoe jang tadi triak lantas di priksa, dan dia mengakoe begini: Hamba poenja kongtjoe di itoe tempo ada sedikit maboek. Dia lihat di satoe praoe ikan ada satoe prampoewan bagoes, lantas sadja dia soeroeh hamba, 10 orang, pergi bawak wang 150 tail dan minta prampoewan itoe pada emanja boewat mendjadi goendik, dan kaloe emanja itoe tida maoe kasihken, kita-orang misti rampok sadja anak prampoewan itoe. Kita-orang soedah pergi di itoe praoe dan minta itoe anak prampoewan: tapi emanja tida maoe kasih; maka hamba samoewa lantas sadja rampok anak itoe dan bawak ka kongtjoe poenja praoe. Samoewa hamba soedah tjeritaken dengen betoel sekali. . . . . hamba moehoen taijdjin poenja kasian, soepaija hamba poenja kongtjoe tida di hoekoem, kerna dia belon bikin djahat sama anak prampoewan itoe. Apa jang hamba soedah berboewat salah, hamba moehoen biarlah taijdjin soeka ampoenin.

Tetok djadi marah sekali dan berkata: Lebih doeloe kami tanjak, kaoe-orang tida mengakoe betoel sampe di kompes djoega, kaoe orang masih tinggal bantahan sadja dan sebrapa boleh maoe toetoep kaoe poenja toewan poenja rasia! Betoel kaoe orang djahat sekali!

Habis bilang begitoe, Tetok lantas kasih prentah pada orangnja, boewat poekoel itoe boedak-boedak samoewa, masing-masing 30 rotan. Sasoedahnja orang-orang itoe di poekoel, Tetok lantas berkata padanja: Kaloe lain kali kaoe orang brani lagi bikin perkara begini, kami nanti hoekoem sampe kaoe djadi mati. Moendoerlah!

Kamoedian Tetok lantas maoe menanjak pada Kang Kwe. Kang Kwe itoe, baroe sadja di panggil sa-antero badannja lantas djadi goemeteran dari takoet, dan lantas sadja dia berkata: Hamba taoe dan trima hamba poenja salah. Hamba moehoen taijdjin poenja kasian di belakang hari hamba tida nanti brani-brani lagi perboewat perkara begini roepa.

Tetok tertawa, dan lantas berkata: Tida brani perboewat lagi perkara begini roepa, itoe baik sekali; tapi tentoe kaoe bisa perboewat kerdja-an djahat jang lain. Sekarang kaoe soedah taoe kaoe poenja dosa, kami tanjak kaoe bagimana sekarang? kaoe maoe trima kombali kaoe poenja 250 tail perak, atawa maoe djoega itoe anak prampoewan?

Kang Kwe tida bisa bilang apa-apa, melingken minta-minta ampoen sadja aken salahnja samoewa

Tapi Tetok goijang kepala, dan berkata: Kami tida bisa kasih ampoen sama satoe gladak.

Kamoedian Tetok itoe lantas prentah orangnja, boewat poekoel Kang Kwe itoe 20 rotan, dan lantas orang moelain poekoel. Tihoe jang memang masih ada di sitoe, lihat anaknja di poekoel, hatinja djadi merasa sedih sekali; tapi dia terpaksa madep pada Tetok dan berkata dengen hormat: Saja poenja anak jang bagitoe djahat, saja tida bisa trima dia poelang kombali. Saja harep taijdjin kasih dia hoekoem jang brat.

Apatah goenanja hal itoe? hoekoeman poen telah di poetoesken!

Tetok lantas berkata: Kami taoe jang tihoe poenja ingetan maoe mintain ampoen. Bapa memang misti tjinta anaknja; tapi tikoe soedah bilang, biar kami kasih hoekoem jang brat. Kami kasih hoekoem padanja dengen 20 rotan, itoe ada hoekoem dari negri. Sekarang kami kasih dia 20 rotan, dia misti trima dari kaoe.

Tihoe kaget sekali tapi tida bisa bilang apa-apa. Tempo itoe 20 rotan soedah djatoeh di badannja Kang Kwe, Tetok poenja orang moelain kombali hebat Kang Kwe itoe 20 kali dengen rotan.

Sasoedahnja itoe, Tetok lantas berkata pada Tihoe: Sekarang kaoe misti bawak poelang itoe anak; tapi kaoe misti kasih adjaran jang baik. Kaloek di belakang kali dia brani bikin lagi perkara jang tida patoet, kaoe djoega nanti toeroet dapet salah dan tida nanti dapet ampoen.

Tihoe membri hormat dengen bilang banjak trima kasih, dan lantas pergi poelang bawak anaknja.

Sasoedahnja Tihoe pergi, Tetok lantas berkata dengen manis pada Tjoen Sing, Giok Tjia dan emanja: Apa kaoe soeka hati trima kami poenja poetoesan?

Pembatjakoe barangkali ada jang koerang mengarti, mengapa Tetok menanjak dengen manis bagitoe. Maka dia menanjak bagitoe, sebab dia soeka hati melihat Tjoen Sing dan Giok Tjia, laki-bini, bagitoe bagoes adanja.

Tjoen Sing dau Giok Tjia menjahoet: Taijdjin djangan kata kita berdoewa tidak soeka hati dan bilang banjak trima kasih aken taijdjin poenja toeloengan, ― kita-orang poenja nenek-mojang jang soedah mati, dia djoega bilang banjak trima kasih. Tida lain hamba boleh membales taijdjin poenja hati boedi, melinken hamba maoe bikin taijdjin poenja gambar seperti satoe toapekkong dan soedjoetin sore dan pagi.

Tetok lantas tertawa dan berkata dalem hati: Ini orang tentoe boekan toekang ikan adanja; tapi sebab goewa orang soedah toewa mata lamoer, baiklah goewa kasih dia-orang tinggal sampe besoek, soepaja boleh priksa lagi.

Habis inget bagitoe, Tetok lantas berkata pada Tjoen Sing: Kaoe bertiga misti menoenggoe di sini sampe besoek pagi, kerana kami maoe priksa lagi apa-apa. Kamoedian Tetok itoe lantas prentah orangnja, misti djaga baik tiga orang itoe, dan djangan bikin soesah. Habis itoe, lantas dia masoek ka dalem astananja.

Tempo Tetok baroe poelang dan beloen priksa itoe Kang Kwe, di dalem dia poenja astana ada doedoek berkoempoel tiga orang prampoewan kasatoe Tetok poenja hoedjin, kadoewa dija poenja anak prampoewan bernama Insian, dan katiga Bwee-Kwoe poenja hoedjin. Tempo dija-orang lihat Tetok poelang, tjoemah masoek sebentaran dan lantas kaloewar kombali, Insian Siotjia lantas berkata: Segala orang kapingin sadja dapet pangkat boewat mendjadi senang tapi kaloe soedah berpangkat, tjapenja besar sekali: sampe begini waktoe poen masih maoe priksa perkara.

Sabentar lagi tiga prampoewan itoe lantas denger, di loewar ada orang di poekoel dan triak nangis. Insian lantas panggil boedaknja, dan soeroeh intip, boewat dapet taoe Tetok lagi priksa perkara apa. Baroe boedak itoe pergi ka loewar, Tetok soedah masoek.

Ini Tetok-koenboen ada saorang she Khoe, namanja Sau, alias Giankouw. Doeloe dija pegang pangkat totjhat-i di Kota-Radja; tapi sebab dija tida akoer sama Louw Kie, dija lantas diangkat djadi Tetok-koebocu di tempat itoe. Dija poenja hoedjin saorang she Pang, ja itoe Pang Lok Thian poenja soedara moeda. Dija-orang laki-istri tida ada poenja lain anak, melinken itoe sadja satoe anak prampoewan, jang bernama Insian dan beloen bertoenangan. Lain dari itoe ada lagi Tetok poenja kaloewarga, jaitoe satoe soedara prampoewan, jang soedah kawin sama Bwee Kwee dan sekarang soedah dapet satoe anak lelaki bernama Liang Giok.

Sadari di Siangtjioe soedah berpisah sama anaknja, itoe Bwee Kwee poenja hoedjin soedah dateng pada soedaranja dan noempang tinggal di sitoe, dan sampe sekarang ini soedah satoe tahoen lamanja. Sering-sering ini Bwee-hoedjin bitjara sama soedaranja, jang Liang Giok pergi lari tjari Houw-Loan, bakal mertoewanja tida sekali terkabar apa-apa, dan dari itoe dija rasa baik, kaloe disoeroeh saorang pergi lihat. Tapi Tetok salamanja bilang Kaloe Liang Giok pergi di sitoe, tantoe sekali Honw-Loan trima, dan sekarang brangkali lagi beladjar teroes dalem perkara soerat: dija poen tantoe ada ingetan kapingin berpangkat. Boewat apalah kita soeroeh orang tengok?

Dari sebab Tetok bilang bagitoe, Bwee-hoedjin djadi tida boewat pikiran lagi.

Tempo Tetok soedah habis priksa orang, dan dia masoek ka dalem, itoe tiga orang prampoewan masih ada doedoek berkoempoel, dan Tetok lantas toeroet doedoek sama-sama di sitoe. Bwee-hoedjin lantas menanjak katanja: Soedara tadi priksa perkara apa, maka ada jang dirangket?

Tetok itoe lantas tjeritaken perkara jang dipriksa olehnja tadi, dari bermoela sampe pada achirnja.

Soedaranja lantas berkata: Ada perkara bagitoe roepa? Itoe bikin orang sakit hati sekali!

Insian lantas menanjak: Apa bagoes roepanja itoe prampoewan jang Kang Kwe rampok?

Tetok memanggoet dan bilang: Soenggoeh dia satoe anak toekang ikan, roepanja sama kaoe tida berbeda. Dia poenja laki djoega, maski pakeannja djelek, ada tjakep sekali roepanja.

Sahabisnja Tetok bilang bagitoe, lantas sadja dia djadi tertawa. Hoedjin lantas berkata: Loïa bagitoe alem roepanja, kenapa tida disoeroeh dia ka dalem, soepaja kita-orang dapet lihat?

Tetok menjahoet: tida soesah. ― Sebab saja lihat orang doewa itoe beroepa baik dan omongnja beres, tida seperti toekang ikan, saja soedah soeroeh dia-orang menoenggoe di loewar sampe besoek pagi, boewat priksa dia-orang poenja atsal.

Bwee-noedjin lantas berkata: Boewat apa disoeroeh toenggoe sampe besoek? Priksa sekarang sadja, dan bawak di sini, soepaja kita-orang boleh lihat dari belakang kain pintoe. Kaloek betoel marika itoe toekang ikan, soeroeh poelang sadja, djangan bikin dia-orang soesah.

Tetok lantas sadja soeroe panggil itoe tiga orang toekang ikan masoek ka dalem.

Tjoen Sing, jang ada di loewar sama-sama Giok Tjia dan emanja, ada berpikir dan berkata dalem hati: Itoe Kang Kwe dan lain-lain, samoewa soedah disoeroe poelang. Kenapa kita disoeroeh menoenggoe? betoelnja kita-orang djoega poelang sadja: maoe dipriksa apa lagi?

Salagi dia berpikir bagitoe, lantas ada saorang dateng dan adjak dia bertiga masoek ka dalem. Emanja Giok Tjia djadi kaget dan berkata: Dibilang nanti besoek maoe dipriksa, kenapa sekarang soedah dipanggil ?

Tjoen Sing berkata: Ini malem atawa besoek, itoe sama sadja, Gakboe traoesah takoet: kita-orang poen tida ampoenja dosa. Kita denger sadja Taijdjin poenja priksaän.

Sasoedahnja bilang bagitoe dia-orang bertiga lantas toeroet itoe soeroehan masoek ka dalem. Sasampenja di dalem, dia-orang lantas madep pada Tetok, membri hormat, dan berloetoet.

Tetok lantas berkata pada itoe prampoewan toewa toekang ikan: Kami boekan maoe priksa apa, melinken ada kira sadja, barangkali ada djoega rasia apa-apa.

Itoe prampoewan toewa menjahoet: Hamba tiada taoe, taijdjin kira ada rasia apa. Hamba moehoen biar taijdjin priksa sadja.

Tetok lantas berkata: Ini anak prampoewan, apa kaoe peranakken sendiri, atawa kaoe poengoet lain orang poenja anak?

Itoe prampoewan toewa menjahoet: Boekan hamba boleh poengoet, hanja hamba peranakken sendiri.

Tetok lantas berkata lagi: Itoe kaoe poenja mantoe, apa memang dari ketjil soedah tinggal dalem kaoe poenja praoe, atawa baroe dia dateng?

Itoe prampoewan toewa djadi sedikit bingoeng dan tinggal diam sedikit lama, sebab dia ada merasa koerang brani boewat seboet Tjoen Sing poenja hal. Tetok poenja orang lantas gebah padanja, katanja: He! kenapa taijdjin tanjak, kaoe tida lantas menjahoet?

Sebab digebah bagitoe, itoe prampoewan toewa djadi goegoep, dan lantas berkata: Ini mantoe, saja soedah dapet dari dalem djala.

Tetok denger bagitoe lantas nengok ka dalem dengen tertawa berkakakan dia berkata pada soedaranja: Sekarang kita dapet lagi satoe perkara jang besar.

Kamoedian Tetok itoe lantas menanjak pada itoe prampoewan toewa: Bagimana kaoe boleh dapet ini mantoe dari dalem djala? Dia saorang dari mana? dan siapa namanja?

Ini prampoewan toewa menjahoet: Dia orang she Tan atsal dari Iangtjioe. Bapanja soedah djadi orang besar, tapi sekarang ada di dalem pendjara. Dari sebab merasa terlaloe soesah, anak ini soedah dapet pikiran pendek, dan boewang dirinja dalem kali. Kabetoelan hamba lagi mendjala, hamba kena angkat sama dia. Sebab dia tida poenja tempat boewat tinggal, lantas dia soeka djadi hamba poenja mantoe, dan boekan hamba paksa.

Tetok denger bagitoe, lantas berdiam dan berpikir dalem hati. Dia poenja soedara prampoewan lantas berkata dari dalem: Soedara kenapa bingoeng? Tjoba priksa itoe lelaki, tentoe lantas dapet katerangan.

Tetok lantas moelai priksa Tjoen Sing, katanja: Tempo kami priksa kaoe poenja perkara, kami ada rasa, jang tentoe ada djoega rasia satoe apa. Sekarang kaoe poenja mertoewa soedah mengakoe bagitoe kaoe misti bitjara teroes-terang dari kaoe poenja hal sendiri.

Tjoen Sing denger begitoe, dia djadi merasa tida nanti bisa semboeni lagi, maka lantas dia berkata: Tentoe sekali hamba misti bilang dengen betoel. — Habis bilang begitoe dia lantas kasih taoe jang dia poenja nama Tan Tjoen Sing, dan lantas tjeritaken dia sendiri poenja hal semoewa: bermoela dari tempo dia berdoewa sama Bwee Liang Giok pergi anter Hing Goan Siotjia, teroes sampe pongabisannja.

Beloen sampe Tetok menanjak apa-apa lagi, lantas kodengeran soewara orang prampoewan nangis. Jang menangis itoe, ialah Bwee Kweet poenja hoedjin, jang soedah denger, bahoewa Bwee Liang Giok tida ketaoeän ka mana perginja. Sembari menangis dia dateng di loewar, peloek pada Tjoen Sing, dan berkata: Hiantit! kaloek bagitoe, kaoe sama saja poenja anak Bwee Liang Giok soedah djadi iper! Sekarang ini saja poenja anak tida katahoeän ka mana perginja, saja djadi sedih sekali.

Giok Tjia sama emanja lihat bagitoe, djadi bingoeng dan tida mengarti terang perkara itoe. Tjoen Sing djoega ada djadi sedikit kaget.

Tetok lantas bangoen dari korsi dan berkata pada soedaranja: Soedara djangan bagitoe sedih. Biarlah kita tanjak ini Tjoen Sing lebih terang.

Habis bilang bagitoe, Tetok lantas angkat Tjoen Sing dengen berkata: Hiantit ! bangoen!

Sasoedahnja Tjoen Sing bangoen, Tetok lantas berkata: Kami ini Khoe San; ini prampoewan, kami poenja soedara, ada Bwet Liang Giok poenja cina.

Tjoen Sing lantas membri hormat dan berkata „beroentoeng sekali jang ini hari saja bertemoe sama empe,“— kamoedian dia lantas maoe berloetoet. Tapi Tetok lantas tjegah itoe, dan berkata: Djangan bikin bagitoe. Sekarang pergilah kaoe toeroet sama ini empe poenja orang, boewat toekar pakean.

Habis bilang bagitoe, Tetok ito lantas prentah satoe boedak, soepaja adjak Tjoen Sing pergi di kamar dan kasih pakean jang baik.

Tetok poenja soedara lantas angkat prampoewah toewa dengen berkata: „Tje'm bangoenlah!“ — Giok Tjia djoega diangkat, dan lantas toeroet bangoen.

Itoe prampoewan toewa denger dirinja di akoe tje'm, hatinja djadi girang sekali, dan Bwee-hoedjin lantas adjak dia dan Giok Tjia masoek di kamar dan kasih dia-orang pakean bagoes, boewat toekar pakeannja. Sasoedahnja dia-orang toekar pakean, lantas dia-orang kaloewar membri hormat pada Tetok poenja hoedjin dan Insian Siotjia. Kamoedian dia orang samoea lantas doedoek mengomong.

Tempo Tjoen Sing soedah toekar pakean, dia dateng madep membri hormat pada Tetok, dan Tetok lantas toentoen dia masoek ka dalem boewat bertemoe pada Hoedjin. Tempo Tjoen Sing sampe di dalem, dia lantas berkata pada Bwee-hoedjin: Saja harep pe'm tiada djadi ketjil hati, jang baroe sekarang saja dateng aken membri hormat, sebab saja tiada taoe pe'm ada disini.

Bwee-hoedjin berkata: Pe'm djoega tiada taoe, hiantit ada di tempat ini. Beroentoeng sekali jang sekarang kita dapet bertemoe.

Kamoedian dari itoe, Tjoen Sing lantas oendjoek hormat pada Khoe-hoedjin dan Insian Siotjia, dan lantas doedoek sama-sama.

Sasoedahnja Tjoen Sing doedoek, Bwee-hoedjin lantas berkata: Pe'm poenja anak Bwee Liang Giok, dia pergi di Gitinkoan tjari Houw Loan, dia poenja bakal mertoewa. Bagimana maka dia boleh djatoeh di hiantit poenja roemah dan djadi bertoenangan sama hiantit poenja entji, itoe pe'm tida sekali mengarti. Tjobaklah hiantit kasih tjerita jang terang.

Tjoen Sing lantas berkata: Sekarang pe'm seboet itoe Houw Loan, saja djadi amat sakit hati, kerana dia satoe orang djahat sekali, sama djoega binatang alas.

Bwee-hoedjin lantas menanjak: Kenapa bagitoe?

Tjoen Sing lantas tjerita, jang Houw Loan soedah maoe bikin tjilaka sama Bwee Liang Giok, dan Hie Tong soedah membela sampe mendjadi mati. Teroes-meneroes Tjoen Sing itoe tjeritaken perkara Bwee Liang Giok sampe abisnja. Bwee-hoedjin tempo habis denger itoe semoewa, hatinja djadi sakit sekali, sampe dia lantas djatoeh kalenger. Sekalian jang ada di sitoe djadi kaget dan lantas angkat dia dan kasih minoem obat. Sasoedahnja inget kombali, Bwee-Hoedjin lantas berkata: Ja anak! kaoe poenja ema kira, jang kaoe sekarang ini lagi adjar teroes perkara soerat! Tida njana sekali itoe Houw Loan ada bagitoe djahat, tida sekali inget perkara doeloe. Baik djoega ada itoe Hie Tong bagitoe baik, sampe soedah gantiin kaoe poenja diri mati di pemboewian. Kaloe tida, tentoe kaoe soedah djadi binasa. Kaoe baroe beroentoeng bisa dateng di langtjioe dan maoe dipoengoet mantoe oleh Tan Djit Sing jang amat baik itoe, lantas kaoe kena lagi Louw Kie kaniaja! Ja anak! kenapa kaoe poenja peroentoengan bagitoe tjilaka amat! Sekarang ini, kaoe poenja ema tida taoe ada di mana, kaoe hidoep atawa mati! Ja anak!― ja anak!

Sekalian jang ada di sitoe, samoewa lantas boedjoekin Bwee-hoedjin jang menangis itoe. Bwee-hoedjin lihat soedaranja laki-bini ada manis pada Tjoen Sing, dia lantas berkata pada Tetok itoe: Saja maoe ada bitjara sedikit, tapi tida taoe soedara poenja ingetan bagimana.

Tetok lantas berkata: Kaloe entji maoe bilang apa-apa, bilanglah sadja; saja tentoe nanti toeroet.

Bwee-hoedjin berkata: Saja inget, ini Tjoen Sing, betoel anak orang besar; tapi di sini dia ada sendirian sadja dan ada moesoeh besar maoe bikin tjilaka; dari-itoe baiklah soedara poengoet dia boewat anak, kasih dia pake she Khoe dan bolih tinggal di ini roemah. Kaloe bagitoe, kendati soedara tida ada anak lelaki, melainken ada anak prampoewan sadja, tida djelek kalihatannja.

Kamoedian Bwee-hoedjin itoe lantas samboeng omongnja dengen berbisik, katanja: Di belakang kali, kaloe Tjoen Sing soedah dapet pangkat, biar kita ambil dia boewat mantoe.

Tetok laki istri denger bagitoe, djadi soeka sekali dalem hati. Tapi dia-orang lantas berkata: Masa Tjoen Sing maoe kasih, dirinja kita boewat anak?

Tjoen Sing mendenger itoe, lantas berkata: Boekan saja tiada maoe, tapi saja tida brani trima, sebab terlaloe brat saja djoendjoeng; kaloek saja tinggal di sini, dapet makan sädja, itoe soedah baik sekali.

Tetok lantas berkata dengen tertawa: Kaloe kaoe djadi empe poenja anak, empe saorang toewa djadi beroentoeng sekali; dari itoe djangan kaoe tampik hal ini.

Bwee-hoedjin melihat Tetok dan Tjoen Sing sama rata maoenja, lantas berkata: Hiantit ! biarlah sekarang sadja hiantit akoe ema dan bapa.

Tjoen Sing lantas dateng di depan Tetok dan Hoedjin, berloetoet membri hormat, dan akoe marika itoe bapa dan ema. Kamoedian dia lantas bangoen dan teroes membri hormat pada Bwee-hoedjin dengen akoe dia ko (bibi.) Sasoedahnja itoe, lantas sekalian jang ada di sitoe doedoek makan dan minoem.

Tetok kasih prentah pada boedak-boedaknja semoewa, jang dia-orang misti panggil najnaj (njonja) pada itoe prampoewan toewa toekang ikan; dan sebab dia bininja sa-orang she Tjioe, lantas orang seboet dia Tjioe-najnaj.

Ini Tjioe-najnaj, tempo dia doedoek adepin medja makan, jang moewat banjak sekali makanan enak, dia poenja hati djadi enak sekali: dia berkata di hatinja. Ini hari djadi ada begini seneng, tida lain melingken goewa soedah terbawak oleh goowa poenja anak. Kaloe tida bagitoe masa ini ini orang-orang besar maoe adjak goewa makan sama-sama? — Betoel sekali omongnja itoe sinshe jang soedah melihatin peroentoengannja Giok Tjia. Kaloek goewa taoe bakal bagini, djangan kata dia ininta oepah 5 gantang, biar 10 gantang djoega goewa tentoe kasih!

Tetok berkata pada Tjoen Sing: Anakkoe sekarang tinggal di sini, baiklah kaoe toekar kao poenja she. Kaloe di belakang kali djadi njata kaoe poenja orang-toewa tida koerang apa-apa, kaoe boleh toekar kombali kaoe poenja she itoe. Bagimana kaoe poenja ingetan?

Tjoen Sing menjahoet: Apa djoega entia prentah, tentoe sekali saja nanti toeroet.

Tetok lantas berkata: Entia rasa baik kaoe pake nama Khoe Kwe alias Tjoen Sing, sebab kaoe soedah dateng di sini lantaran Kang Kwe poenja perkara.

Tjoen Sing toeroet apa jang Tetok bilang, dan lantas pake itoe nama.

Sasoedahnja makan, masing-masing lantas masoek dalem kamar.

Pada besoknja pagi, sedeng Tetok lagi doedoek di loewar, bitjara sama Tjoen Sing, ada satoe boedak keloewar dari dalem dan kasih taoe, jang Hoedjin mintak dia-orang berdoewa dateng di dalem. Tempo dia-orang sampe di dalem, Hoedjin lantas kasih taoe padanja, jang Tjioe-najnaj maoe pergi di loewar kota, boewat ambil barang-barangnja di praoe, dan boewat kasih slamet tinggal sama sekalian sobat-sobatnja.

Tetok lantas berkata pada Tjioe-najnaj: Kaloek tje'm maoe pergi kaloewar kota, saja nanti soeroeh sadia djoli serta penganter.

Sasoedahnja sadia djoli itoe, Tjioe-najnaj: lantas doedoek di dalemnja dan lantas brangkat djalan dengen teriringken banjak tanda kahormatan. Di dalem hati Tjioe-najnaj itoe berkata: Hola! goewa tida kira jang ini hari goewa bolih djadi bagini seneng sama djoega satoe dewa! ha ha ha!

Salagi Tjioe-najnaj masih ada di djalan, sekalian toekang-toekang ikan jang ada di praoe-praoe di pinggir kali, ada mengomong satoe satoe sama lain; jang saorang berkata: Kemaren itoe prampoewan toewa soedah pergi mendakwa, apa jang soedah djadi, kita-orang beloen taoe.

Saorang lain menjahoet: Kemaren saja soedah ikoet, dan lihat tempo dia dipriksa. Itoe Kang Kwe soedah dapet poekoel 40 rotan, sekalian boedaknja saorang 30 rotan. Tapi prampoewan toewa sama anak-mantoenja tida dikasih poelang, disoeroeh menoenggoe doeloe. Saja niat maoe poelang sama-sama marika itoe; maka itoe saja soedah menoenggoe djoega. Tapi tiada lama lagi dia-orang bertiga lantas dipanggil masoek ka dalem astana dan tinggal di sitoe lama sekali. Ada perkara apa lagi, itoe saja tida taoe. Saja menoenggoe merasa kesal, lantas saja djalan sadja poelang sendiri.

Salagi toekang-toekang ikan itoe misih mengomong dia-orang lantas dapet lihat satoe djoli jang dateng dengen teriring tanda-tanda kabesaran, dan tempo djoli itoe soedah deket, dia-orang lantas denger soewara orang berkata dari dalem djoli, katanja: Brenti! brenti di sini!

Sebentar lagi sekalian toekang ikan itoe djadi bengong mengawasin satoe prampoewan toewa, jang kaloewar dari djoli dengen pakean bagoes dan kembang-kembang di kepalanja, dan teroes naik di praoe ikan jang emanja Giok Tjia poenja, dengen teriring sekalian pengikoetnja. Satoe dari toekang-toekang ikan itoe berkata: Saja lihat ini prampoewan sama djoega Giok Tjia poenja ema. Apa betoel dia? He! tjoba kaoe lihat!

Satoe prampoewan lantas berkata: Memang dia! Kamoedian sekalian toekang-toekang ikan itoe lantas minggirken praoenja dan lantas naik ka darat. Itoe waktoe Tjioe-najnaj djoega naik kombali ka darat dan serahken dia poenja barang-barang pada pengikoetnja, jang misti membawak itoe.

Satelah itoe tokang-toekang ikan soedah lihat tegas Tjioe-najnaj poenja moeka, semoewa lantas berkata dengen semoewa girang: Oho! ini hari kaoe djadi begini rebo?

Beloen sampe Tjioe-najnaj menjahoet, lantas dateng saorang prampoewan toewa kasih slamet padanja dengen berkata: Slamet oentoeng bagoes! Hai! betoel kaoe poenja peroentoengan bagoes sekali, jang kaoe di hari toewa djadi bagini seneng!

Tjioe-najnaj menjahoet: Ah, saja ini tida lain, melinken terbawak sadja oleh saja poenja mantoe! Saja lihat kaoe ini saorang baik sekali; dari itoe sekarang saja kasih ini saja poenja praoe pada kaoe boewat satoe pertandaan sadja: kaoe lantas boleh pake ini praoe boewat dapet pengidoepan,djangan kaoe pake lebih lama lagi itoe kaoe poenja praoe jang soedah roesak.

Itoe prampoewan djadi soeka hati sekali dan bilang banjak-banjak trima kasih pada Tjioenajnaj itoe. ― Komoedian Tjioe-najnaj lantas kasih slamat tinggal sama samoewa sobat-sobatnja dan teroes berangkat poelang ka-astananja Tetok. Di sitoe dia serta anak-mantoenja tinggal berkoempoel dengan senang sekali. Tjoen Sing lantas moelain kombali teroesken peladjarannja dengan radjin.

Bwee Liang Giok jang sekarang ada pake nama Bok Ing, sadari dia ikoet sama Tje Pekhoe, salamanja dia ada djaga baik sakali Tje Pekhoe poenja segala kerdjaän soerat, dan sebab dia djaga baik bagitoe, Tje Pekhoc djadi terseboet mengarti sekali pegang kawadjiban pangkatnja, sekalian orang ketjil hormatin sekali padanja. Tje Pekhoe itoe djadi sajang sekali sama Bok Ing itoe. Tapi kaloe Tje Pekhoe kasih persen apa-apa, Bok Ing salamanja tida maoe trima, sebab hatinja tida terlaloe soeka sama barang-barang persenan. Dari sebab Tje Pekhoe itoe ada sajang pada Bok Ing, lantas dia ingat maoe boewat mantoe; dia poen ada poenja satoe anak prampoewan jang bernama Ien Ing. Tapi dia rasa ada koerang enak, kaloe dia sendiri misti bitjara hal itoe pada Bok Ing; dari itoe dia kapingin dapet satoe orang boewat toeloeng bitjara.

Pada satoe hari, boedaknja Tje Pekhoe jang djaga pintoe, kasih taoe pada Tje Pekhoe, jang ada dateng Maha Radja poenja soerochan. Tje Pekhoe lantas soeroeh sadia-sadia boewat trima itoe soeroehan Radja. Sasoedahnja sadia, Tje Pekhoe lantas pergi kaloewar dan trima soeratnja Maha Radja jang dibawak oloh soeroehan itoe, Boeninja soerat itoe ada minta Tje Pekhoe dateng di Kota-Radja, kerna Maha Radja maoe bitjara sendiri sama dia.

Itoe waktoe djoega Tje Pekhoe lantas serahken pekerdjaannja pada lain poenggawa, jang misti gantiin dia dalem sedikit tempo. Komoedian dia lantas toelis satoe soerat pada istrinja jang ada di Taijbinghoe. Soerat itoe aken dibawak oleh Bok Ing sendiri. Di dalem soerat itoe, Tje Pekhoe ada toelis djoega, jang dia ada niatan, boewat ambil Bok Ing itoe djadi mantoenja. Sasoedahnja toelis soerat itoe, Tje Pekhoe lantas panggil Bok Ing dan berkata padanja : Hiankhe! sebab sekarang kami misti pergi ka Kota-Radja, kami minta biar kaoe pergi sadja lebih doeloe ka Taijbinghoe, bawak ini soerat pada kami poenja istri, dan lantas kaie tinggal menoenggoe di sana. Sampe kami kirim soerat panggil kaoe, baroe kaoe dateng kombali pada kami.

Bok Ing menjahoet: Boansing rasa taijdjin pergi toeh tida lama: paling lama doewa boelan; dari itoe brangkali baik boansing menoenggoe di sini sadja.

Tje Pekhoe berkata: Ini perkara belon tantoe bagimana alanja. Kaloe Maha Radja prentah kami tinggal di sana, tantoe kami tida balik lagi ka sini. Dari itoe baik kaoe toenggoe di sana sadja; besoek pagi kaoe lantas brangkat. Kami djoega maoe lantas brangkat pergi.

Bok. Ing tida bilang apa-apa lagi, dan lantas toeroet sadja Tje Pekhoe poenja maoe. Pada besoeknja dia lantas brangkat pergi ka Taij binghoe dan Tje Pekhoe brangkat ka Kota Radja.

Sasampenja Tje Pekhoe di Kota-Radja, dia lantas masoek mengadep pada Baginda. Maha-Radja melihat dia dateng, djadi soeka hati sekali dan lantas angkat dia djadi Pengpouw-Tjosilong. Dari sebab itoe, Tje Pekhoe djadi misti tinggal di Kota-Radja.

Pada satoe hari Tje Pekhoe pergi ketemoeïn Pang-Lokthian dan bitjara djoega dari perkara Bok Ing. Pang Lokthian dengar kabar itoe, djadi soeka sekali dalem hati, jang dia soedah tida salah dalem hal oendjoek saorang pinter.

Bok Ing beserta orang-orang pengikoetnja soedah sampe di Taijbinghoe, di astananja Tje Pekhoe. Tempo baroe sampe, dia serahken soeratnje Tje Pekhoe pada orang jang toenggoe pintoe. Itoe orang minta Bok Ing doedoek menoenggoe, laloe teroes bawak soerat itoe pada Hoedjin. Tempo Hoedjin soedah batja soerat itoe samoewa, dia lantas dapet taoe, jang Tje Pekhoe ada tjinta sekali pada Bok Ing. Dia lautas kasih prentah pada boedaknja, soepaja kasih Bok Ing tinggal di kamar toelis, dan pesen baik-baik pada samoewa boedak-boedak, jang dia orang misti rawatin baik sekali sama Bok Ing itoe, djangan sampe koerang apa-apa. Komoedian Hoedjin lantas berkata pada anaknja: Anakkoe! kaoe salamanja harep sadja kabar dari kaoe poenja entia, tida kira jang sekarang ini dia soedah pergi ka Kota-radja, dan brangkali misti lantas tinggal di sana. Baroesan ada saorang dateng bawak soerat dari kaoe poenja entia, dan dalem soerat ada bilang, bahoewa jang bawak soerat itoe, kaoe poenja toenangan dan soekarang dia misti tinggal di sini.

Ien Ing denger bagitoe, djadi merasa sedikit maloe dia tida bilang apa-apa, dan teroes. sadja dia masoek ka kamarnja.

Sebentar lagi satoe boedak ada dateng pada Hoedjin dan kasih taoe, jang Bok Ing minta bertemoe. Hoedjin memang ada inget kapengin lihat Bok Ing poenja roepa; maka itoe dia lantas sadja pergi ka loewar.

Tempo Bok Ing lihat Hoedjin dateng, dia lantas oendjoek hormatuja, dan Hoedjin {hws|lan|lantas}} lantas berkata padanja: Sinshe! Loïa sering sekali kasih taoe, jang sinshe banjak sekali toeloeng dia dalem kerdjaännja. Sekarang sinshe dateng tinggal di sini, saja amat soeka hati ; tapi saja tiada ada poenja orang boewat temenin kaoe; maka kaloe brangkali ada koerang rawatan apa-apa, saja harep sadja sinshe tida djadi ketjil hati.

Bok Ing denger Hoedjin bitjara manis bagitoe, hatinja enak sekali; tapi dia berkata: Hoedjin bilang bagitoe, itoe ada brat sekali boewat saja. Saja poen soedah banjak trima Loïa poenja hati-boedi baik dan tida sekali bisa bales.

Dengen tertawa Hoedjin lantas soeroeh boedaknja anter Bok Ing ka kamar, jang soedah disadiaken boewat dia.

Bok Ing tinggal di sitoe seneng sekali, dan salamanja dia dapet rawatan baik: sore-pagi, pada waktoenja makan, salamanja Hoedjin soeroeh satoe boedak prampoewan bawain dia makanan jang enak-enak. Pada satoe hari Bok Ing berkata pada itoe boedak prampoewan jang biasa bawain dia makanan: Saja rasa, lebih baik djangan kaoe sendiri dateng bawain saja makanan kaoe soeroeh sadja saorang lelaki. Kaoe poen saorang prampoewan jang moeda; saja selempang nanti ada orang jang gatel moeloet dan bitjara perkara jang djoesta, bikin kita-orang djadi tiada enak.

Itoe boedak prampoewan lantas kasih taoe. pada Hoedjin, jang Bok Ing ada bitjara begitoe. Hoedjin bilang: Itoe Bok Ing, saorang moeda, ada poenja pikiran bagitoe, itoe baik sekali. Sekarang ini kaoe djangan dateng-dateng lagi padanja; kaloe misti bawain makanan, kaoe soeroe sadja orang lelaki

Pada satoe hari Bok Ing inget jang Hing Goan Siotjia ada kasih padanja satoe toesoek konde. Sadari dia berpisah dengen Siotjia, dia soedah simpen barang itoe baik-baik sekali, dan dari sebab salamanja dia ada banjak kerdja sadja, dia soedah tida dapet tempo boewat inget padjang padjang sama Siotjia. Sekarang dia tida kerdja satoe apa dan hati ada merasa kangen, dia lantas kaloewarken dan boewat main toesoek konde itoe dengen inget pada Siotjia poenja perkataan samoewa, jang Siotjia kataken padanja tempo kasih itoe toesoek konde. Hatinja djadi merasa sedih sekali dan kangen berlipet-lipet. Dan dari sebab dia tjinta sekali sama Siotjia, jang sekarang tida aken tertemoe lagi,― dia merasa takoet nanti loepa Siotjia poenja perkataan; dari itoe dia lantas ambil sapotong kertas, dan sembari mengoetjoer ajer mata dia toelisken samoewa apa jang Siotjia berkata padanja di itoe panggoeng Tiongtaij. Komoedian dari pada itoe, salamanja dia poenja hati ada inget sadja pada Siotjia, sampe dia djadi tida enak makan, tida enak tidoer, dan badannja semingkin hari, djadi semingkin koeroes.

Sekalian boedak boedak jang biasa bawain dia makanan, seringkali dapet lihat Bok Ing itoe ada sedih hati kaloek dia ada rebah atawa ada doedoek di korsi, selamanja ajer mata ada mengoetjoer di moekanja, dan kaloek boedak boedak itoe tanjak apa sebab Bok Ing sedih, selamanja Bok Ing tida menjahoet: berdijem sadja seperti orang jang djadi lingloeng. Boedak boedak itoe rasa tentoe sekali Bok Ing itoe pikirin emak dan bapak jang berpisah djaoeh; dari sebab begitoe, djadi boedak boedak itoe tida begitoe openin sama perkara menangis itoe. Tapi ada Siotjia poenja satoe boedak perampoewan bernama Tjoenhiang jang soedah dapet lihat djoega Bok Ing menangis. Ini Tjoenhiang ada satoe prampoewan moeda jang tjerdik; dia lihat Bok Ing poenja tingkah lakoe seperti orang rindoe, dia djadi merasa, jang di dalem hal itoe tentoe ada rasia. Maka itoe dia lantas pergi di kamarnja Ien Ing Siotjia dengen niatan maoe bilang apa apa, dan itoe waktoe kebetoelan Ien Tug ada doedoek sendirian sadja. Tjoen-hiang dateng padanja, lantas berkata: Siotjia! saja maoe tjerita apa apa sama Siotjia, tapi saja tida brani.

Siotjia berkata: Kaoe bikin tingkah apa begitoe? Kaloek kaoe maoe tjerita apa apa, boleh lantas kaoe tjerita sadja; kaloe kaoe tiada brani kaoe dijem.

Tjoenhiang lantas berkata: Siotjia! boekan saja taoe ada perkara apa, tapi melingken saja ada lihat sadja. Itoe Bok Siangkong (Bok Ing) selama ini seringkali dia menangis, dan kaloe dia menangis, saja lihat selamanja dia ada pegang apa apa di tangannja, awasin itoe sembari bingoeng dan lantas tarik napas, dan kaloe ada orang hamperin, lantas sadja dia semboeniken dengen lekas barang jang dia pegang itoe. Kenapa begitoe, hem?

Siotjia berkata: Dia sering menangis, itoe boleh djadi; sebab barangkali dia pikirin emak bapakuja jang ada di tempat djaoeh. Tapi begimana kamoe boleh taoe, kaloe dia menangis, tangannja ada pegang apa apa?

Tjoenhiang menjahoet: Sebab saja soedah pergokin satoe kali. Tapi saja tida lihat barang itoe apa adanja. Saja inget, nanti kaloe dia tida di kamarnja saja maoe tjolong barang itoe dan lantas kasih Siotjia lihat.

Selagi ia orang mengomong begitoe, ada dateng Goat Ing Siotjia, jang lantas adjak Ien Ing pergi bertemoe pada Hoedjin. Tempo itoe Siotjia berdoewa soedah pergi, itoe Tjoenhiang teroes djalan ka loewar pergi di kamarnja Bok Ing, dengen niatan maoe mentjoeri. Itoe waktoe kabetoelan Bok Ing tida ada di dalem kamar; maka Tjoenhiang lantas masoek dengen lekas. Tempo sampe di dalem, Tjoenhiang lihat ada di medja sapotong soerat jang basah sedikit-sedikit, roepanja seperti kena tetesan ajer mata, dan lantas sadja dia ambil soerat itoe. Kamoedian dia lantas boeka Bok Ing poenja peti jang kabetoelan tida terkontji. Dia dapet lihat di peti itoe ada satoe toesoek konde jang bagoes sekali. Ini toesoek kondo djoega dia lantas ambil dan teroes bawak pergi.

Bok Ing soedah keloewar dari kamarnja boewat pergi boewang-ajer. Tempo dia balik ka kamarnja, dia lantas dapet lihat, jang dia poenja sapotong soerat baroe tertoelis, soedah terhilang. Dia tjari sana-sini, tapi tida terdapet. Baroe dia doedoek, dia lantas inget lagi sama toesoek konde tanda mata, dan lantas dia boeka peti; tapi dengen kaget dia dapet lihat, jang toesoek konde itoe djoega soedah terhilang. Dengen menangis dia lantas berkata: Ai! goewa pocnja peroentoengan masih djoega tjilaka sampe bagini? sampe satoe toesoek-konde djoega goewa tida bisa pegang tetep? Pentjoeri apatah ini, jang soedah amat djail hati! Kaloek di belakang goewa mati dan bertemoe Hing Goan Siotjia di achirat, tentoe sekali goewa tida nanti ada moeka boewat tjerita, jang toesoek konde itoe soedah hilang. Sedeng dia lagi menangis dan berkata bagitoe, ada dateng satoe boedak jang pawain dia makanat. Dia berkata pada boedak itoe: Ah, kaoe bawak pergi sadja makanan ini, dan kaoe makan sendiri, asal sadia kaoe kasih poelang kombali pada Saja itoe satoe roepa barange bagoes, dan anti Saja kasih djoega. kant sedikit persen.

Itoe boedak jang tida tace satoe apa denger “Bok Ing berkata begitoe, lantas dia inenanjak Siangkong kahilangan barang apa Hangis Bampe begitoe ? Bok Ing bilang: Itoe bien ada Sania djoega saja poenja djiwa biarlah kaoé kasih poelang. Kaloe tida, nanti saja kasih taoe sama Hoedjin, dan tantoe kaoe lantas dapet soesah.

Itoe boedak menjahoet: He Siangkong betoel kaoe kaliwatan sekali! Sedari Siane kong belon dateng di sini, memang ini kamarsaja jang idjaga, dan dalem ini kamar ada banjak sekali barang-barang, Kaloe saja tjoeri sapotong sadja, tentoe ada harganja; tapi saja tida kepingin dapet oewang dengen Seboesoek begitoe.

Bok Ing “denger bitjaranja boedak itoe ada betoel djoega, lantas dia tida bisa bilang apae apa lagi; dia teroes sadja naik ka tidoer dan menangis sedih di sitoe.

Itoe boedak lihat Bok Ing tida maoe makan, nes hawak sadja makanan itoe ka belakang dan lantas makan sendiri, sampe habis.

Tjoenhiang jang soedah tjoeri barangnja Bok Ing soedah lantas bawak barang itoe pada Ien Ing, jang kabetoelan ada sendirian sadja dalem kamar. Dengen tertawa berkikik-kikik Tjoenhiang berkata: Siotjia! ini apa dia itoe barang jang Bok-siangkong sering pandeng dengen menangis.

Ien Ing trima itoe toesoek konde dan lihat bagoes sekali boewattannja. Dia berpikir: Itoe orang, kaloe dilihat roepanja ada alim sekali tida njana laga sadja. Ini toesoek konde barangkali dia soedah dapet dengen menoetoep djandji diam-diam sama satoe prampoewan. Maka dia sedih sadja dan soeka boewat main ini barang, tentoe tida lain sebabnja, melinken sadja sebab hatinja ada kangen sama prampoewan itoe. Tapi kaloek satoe prampoewan brani bikin perkara bagitoe, tentoe boekan prampoewan baik.

Kamoedian Siotjia itoe lantas kasih toesoek konde itoe pada Tjoenhiang, dan berkata : Baik kaoe pergi taroek lagi barang ini di tempatnja sebab tentoe nanti jang poenja tjari. Kami tiada perloe barang ini; djoega boewat apa kami misti taoe lain orang poenja perkara?

Tjoenhiang berkata: Sekarang ini itoe Boksiangkong tentoe ada di kamarnja. Bagimana saja bisa taroek? Besoek sadja soedah!

Habis bilang bagitoe, Tjoenhiang itoe lantas taroek sadja itoe toesoek konde dalem satoe tjoepoe jang ada di medja.

Bok Ing, sedari kabilangan itoe toesoek konde tanda mata, sahari-hari dia menangis sadja, sampe mendjadi sakit. Satoe boedak jang biasa oeroes Bok Ing poenja kamar, lantas kasih taoe pada Hoedjin, jang Bok Ing ada sakit. Hoedjin denger bagitoe, lantas soeroeh panggil sinshe boewat obatin.

Tempo itoe sinshe dateng memariksa penjakit, sinshe itoe bilang, maka Bok Ing itoe djadi sakit, tiada lain, melainken sebab hatinja ada banjak berpikir, dan sinshe itoe lantas sadja kasih obat. Tapi Bok Ing minoem obatnja itoe sampe doewa hari, beloen djoega djadi entengan sakitnja. Hoedjiu lihat bagitoe, hatinja djadi djengkel sekali. Itoe doewa Siotjia djoega djadi tida seneng hati; maka itoe sering sering dia-orang dateng pada Hoedjin dan tanjaken sakituja Bok Ing bagimana ada. Dia-orang selempang Bok Ing itoe nanti djadi mati. Betoel dia-orang dan Bok Ing beloen berkenalan, tapi dia-orang taoe itoe Bok Ing saorang baik.... Kaloek dia mati, boekan kasian?

Pada satoe pagi, Goat Ing dateng di kamarnja Ien Ing. Itoe waktoe Ien Ing lagi bersisir. Goat Ing berkata: Soedara bagini pagi soedah bangoen? Ien Ing tertawa. dan lantas soeroeh entjinja doedoek. Goat Ing baroe doedoek, hatinja lantas djadi terkedjoet, sebab dia dapet lihat dalem satoe tjoepoe ada satoe toesoek konde, jang seperti dia poenja. Dia lantas ambil barang itoe dan lihat njata, betoel amat dia sendiri jang poenja, jaitoe jang doeloe dia soedah kasihken pada Bwee Liang Giok, temponja maoe berpisah. Dia lantas menanjak pada Ien Ing, katanja: Ini barang apa soedara jang poenja?

Ien Ing pikir, kaloe ija bilang barang itoe boleh mentjoeri, tentoe ada koerang enak; dari itoe ija bilang sadja, jang barang itoe ija baroe dapet dari entianja.

Goat Ing denger begitoe, lantas berkata di hatinja: Ini barang, kaloe sampe djatoeh di tangan lain orang, tentoe sekali Bwee Liang Giok soedah tiada di doenia ini. Kaloe ija masih hidoep, tentoe sekali ija tida nanti boewang boewang.

Ija inget begitoe, hatinja lantas djadi sedih, sampe ija teroes djadi menangis. Ien Ing tanjak, kenapa ya menangis; tapi ija tida menjahoet; ija lantas sadja bangoen dan adjak Oen Ing pergi bertemoe pada Hoedjin, aken kasih slamet pagi. Sasoedahnja itoe, Goat Ing lantas masoek di kamarnja sendiri dan menangis di sitoe, sampe kalenger. Ija poenja boedak jang djaga kamar, melihat begitoe, djadi kaget sekali dan teroes lari pergi kasih taoe pada Hoedjin dan Ien Ing Siotjia.

Hoedjin denger kabar itoe, djadi amat kaget dan amat heran; ija kata: Baroesan anak itoe tida koerang apa apa! kenapa ija boleh kalenger?

Sembari bilang begitoe, ija dan Ien Ing lantas pergi dengen lekas ka kamarnja Goat Ing. Sesampenja di sitoe, ija lantas berkata pada Goat Ing jang soedah inget kombali: Anak-koe! kenapa kaoe djadi sakit? Boetjhin rasa tida lain, melingken kaoe soedah bangoen terlaloe pagi dan soedah kena angin jang koerang baik. Itoe tida nanti djadi apa. Kaoe diam sadja sekarang dalem kamar ini: satoe doewa hari djoega tentoe kaoe baik kombali.

Goat Ing sembari rebah di pembaringan membilang banjak trima kasih pada Hoedjin, jang begitoe tjinta hati, sampe soedah dateng tengok dengen lekas. Hoedjin sabeloennja pergi ka loewar, ija pesen sama boedaknja misti djaga baik baik sama Goat Ing jang sakit itoe; sesampenja di loewar, ija lantas soeroe satoe boedak pergi panggil Sinshe jang tersoehoer sekali bisa mengobatin. Sinshe itoe bernama Tjioe Thaij le. Itoe boedak pergi tiada lama, lantas ija balik kombali dan kasih taoe, jang Sinshe itoe tida ada di roemahnja, ija lagi pergi ka lain kampoeng, tengok SEDANG VALIDASI

orang jang sakit, dan sampe besoek baroe ija poelang kombali.

Sampe pada hari besoeknja, Hoedjin soeroe boedaknja panggil lagi Sinshe Tjioe Thaij Ie itoe. Tempo Sinshe itoe dateng dan membri hormat pada Hoedjín, Hoedjin lantas mintak ija priksa doeloe dan kasih obat pada Bok Ing, jang ada di loewar, sebab Bok Ing itoe soedah minoem obat dari satoe Sinshe, tapi tinggal sakit djoega, dan Hoedjin bilang lagi, kaloe soedah priksa Bok Ing. Sinshe itoe misti priksa dan obatin Goat Ing. Kamoedian lantas Hocdjin soeroe satoe boedak anterken Sinshe itoe ka kamarnja Bok Ing. Tempo Sinshe itoe dateng di itoe kamar, ija lantas pegang tangannja Bok Ing boewat dapet taoe sakitnja. Sasoedahnja di priksa, Bok Ing lantas menanjak pada Sinshe itoe, bagimana ka-ada-an sakituja. Itoe Sinshe bilang: Siangkong poenja sakit soedali djadi dari sebab terlaloe banjak berpikir, sampe djadi sedikit rocsak di lalem hati.

Bok Ing memanggoet dan berkata: Apa jang Sinshe bilang, itoe semoewa betoel. Kamoedian ija lantas tarik napas dan teroes menangis.

Sasoedahnja Sinshe itoe toelis soerat obat boewat Bok Ing, itoe boedak jang tadi anter dia ka kamar, lantas menanjak padanja, katanja: Sinshe lihat itoe Bok Siangkong poenja sakit, bagimana?

Itoe Sinshe bilang : Ija poenja penjakit misti di djaga baik sekali. Kaloe ija tida djadi lain roepa, masih boleh djoega katoeloengan.

Sasoedahnja ija bilang bagitoe, itoe boedak lantas adjak ka dalem, aken priksa Goat Ing Siotjia poenja sakit. Sasampenja Sinshe itoe dalem kamarnja Siotjia, ija lantas moelain djoega dengen pegang Siotjia poenja tangan (me). Selagi ija bikin priksaan itoe, hatinja ada merasa heran, kerna sakitnja Siotjia satoe roepa sadja dengen Bok Ing poenja sakit. Tempo itoe boedak jang anter dia, tanjak padanja, bagimana Siotjia poenja sakit, Sinshe itoe tida brani bilang dengen terang; ija bilang sadja: Siotjia poenja sakit tida brat, kerna penjakit ini tida lain, melinken soedah djadi dari sebab banjak berpikir sadja. Kaloe Siotjia poenja hati seneng sadja, penjakit ini nanti djadi hilang sendiri.

Baroe habis dia bilang bagitoe, lantas dateng Hoedjin poenja soeroehan, dan tanjak sinshe itoe bagimana Siotjia poenja sakit. Itoe sinshe bilang: Toeroet saja poenja pendapettan, Siotjia traoesah minoem obat. Kaloek sadja hatinja seneng, dia nanti lantas djadi baik kombali.

Sasoedahnja sinshe itoe pergi, Hoedjin dan Ien Ing lantas dateng di kamarnja Goat Ing dan berkata: Anakkoe! tadi sinshe bilang, kaoe sakit tida lain apa-apa, melinken sebab kaoe banjak berpikir sadja. Sekarang kaoe misti seneng-senengin hati, djangan terlaloe banjak berpikir. Boetjhin nanti kirim orang boewat tjari taoe, di mana adanja kaoe poenja ema-bapa.

Dengen menangis Goat Ing menjahoet: Boetjhin saja boekan lagi pikirin saja poenja. ema-bapa, tapi saja ada pikir, jang saja sadari dateng di sini, soedal trima banjak sekali boetjhin poenja hati-boedi baik, dan saja inget, barangkali di belakang kali saja bisa bales baik. Saja tida njana jang ini hari saja dapet sakit, sampe saja merasa tida nanti bisa tinggal hidoep lama lagi. Kaloe sampe saja djadi mati, tentoe boetjhin djadi lebieh banjak poesing lagi boewat saja poenja perkara.

Hoedjin dan Ieu Ing denger Goat Ing bitjara bagitoe, doewa-doewa lantas djadi toeroet menangis.

Hoedjin berkata: Anakkoe djangan pikir-pikir bagitoe. Tadi itoe sinshe poen ada bilang, jang kaoe sakit traoesah djocga minoem obat, asal sadja hati seneng, kaoe nanti djadi baik. Sekarang boetjhin nanti soeroeh beli satoe peti mati boewat kiasin kaoe poenja penjakit. Kaloe kaoe djadi baik kombali, boetjhin nanti simpen peti itoe boewat boetjhin sendiri pake.

Kamoedian dia lantas pesen Ien Ing tjia, soepaja tinggal dalem kamar, temenin Goat Ing. Sasoedahnja dia kaloewar dari sitoe, dia lantas soeroeh boedaknja pergi beli doewa peti mati. Sekalian boedak-boedak denger perkara itoe, dia-orang lantas berkata-kata sama temennja. Jang satoe bilang: Itoe Bok-Siangkong saorang jang baik sekali; tida kira dia nanti dapet sakit bagitoe berat. Kaloek dia sampe kena apa-apa, sajang sekali. Dia poen satoe orang jang pinter, sampe Loïa poenja segala perkara dia bisa oeroes baik. Loia djoega sajang sekali sama dia, sampe maoe ambil dia bocwat mantoe. Goat Ing Siotjia djocga sakit keras. Hoedjin soeroeh beli doewa peti mati, itoe tentoe boewat kia-sin dia-orang berdoewa.

Hoedjin, maskipoen soedah soeroeh beli doewa peti mati boewat kiasin doewa orang itoe, dia poenja hati ada tinggal kesel sekali. Dia pikir: Itoe Bok Ing sama goewa sekarang ini soedah djadi pernah mantoe dan mertoewa; kenapa dia sakit sampe bogitoe, beloen sekali goewa tengok sendiri. Baiklah sekarang goewa tengokin dia dan lihat sendiri, bagimana sakitnja. — Habis inget bagitoe, Hoedjin lantas teroes ka loewar. Tempo baroe Hoedjin dateng, lantas itoe boedak jang djaga. Bok Ing, kasi taoc, jang Bok Ing itoe ada sakit keras sekali. Hoeejin lantas tanjak boedak itoe, sekarang ini Bok Ing itoe bagimana ada; tapi itoe boedak bilang sadja, jang lebih baik Hoedjin lihat sadja sendiri.

Hoedjin lantas berkata pada boedak itoe: Tjoba sekarang kaoe pergi kasili taoe pada Bok Ing, jang kami ada dateng sendiri tengokin dia.

Itoe boedak lantas bilang pada Bok Ing, bahowa Hoedjin sendiri ada dateng menengokin.

Bok Ing menjahoet: Kaoe toeloeng bilang pada Hoedjin, jang saja minta djangau dia dateng di sini, sebab sekarang apa-kata saja lagi sakit, kamar ini ada kotor sekali.

Selagi Bok Ing bitjara bagitoe, Hoedjin soedah masoek di kamarnja dan berdiri di depan tempat tidoer. Hoedjin lihat Bok Ing itoe, hatinja lantas merasa sedih sekali, sebab Bok Ing poenja roepa sekarang ini djadi poetjat dan badannja koeroes. Hoedjin lantas menanjak, katanja: Sinshe! bagimana sekarang, ada baik?

Bok Ing lantas tarik napas dan minta Hoedjin berdoedoek. Dia kata: Saja harep hoedjin djangan djadi ketjil hati, jang saja tida bisa bangoen aken membri hormat. Saja rasa, saja tida bisa tahan penjakit ini; barangkali saja tida bisa bertemoe lagi sama Loia. Saja ada toelis sadja satoe soerat boewat Loia.

Kaloek Loïa lihat soerat itoe, dia nanti dapet taoe saja poenja rasia.

Hoedjin lantas berkata: Sinshe poenja sakit, barangkali tida nanti djadi apa; lagi sedikit hari djoega, Sinshe nanti baik kombali. Saja poenja anak djoega ada sakit; dan baroesan saja soedah beli-in doewa peti mati boewat kiasin Sinshe dan dia berdoewa. Kaloe Sinshe dan Goat Ing djadi baik kombali, peti peti itoe nanti tinggal boewat saja dan Loia pake. Saja harep Sinshe djangan koewatir apa apa: sa-orang baik, selamanja dapet toeloengan sadja.

Bok Ing berkata: Banjak trima kasih aken Hoedjin poenja moerah hati, sampe soedah beli satoe peti mati boewat saja. Kaloe saja djadi mati dan Hoedjin beli-in sadja peti jang sembarangan, itoe djoega soedali bikin berat saja poenja hati. Tida lain jang saja maoe mintak lagi, melingken kaloe saja di koeboer, biar saja di kasih madep betoel, djangan sekali salah.

Dengen sedih hati mendenger itoe, Hoedjin lantas berkata: Sinshe djangan bikin roesak hati sendiri. Apa djoega jang Sinshe pesen, semoewa saja nanti toerort. Sinshe kepengin madep ka mana?

Bok Ing menjaboet: Saja mintak biar di koeboer madep milir dan djangan sekali minggok. Kaloe Hoedjin bikin begitoe, lantas djadi ada lebih baik seratoes kali dari satoe peti mati jang paling bagoes, dan saja bilang banjak banjak trima kasih teroes sampe di acherat.

Hoedjin lantas hiboerin hatinja Bok Ing itoe; dan lantas pesen boedaknja, jang boedak itoe misti djaga baik sekali sama Bok Ing. Kamoedian Hoedjin lantas keloewar. Baroe ija sampe di loewar, ija lantas bertemoe satoe boedak prampoewan toewa jang menangis dan kasih taoe padanja, jang Goat Ing Siotjia ada kalenger.

Hoedjin lantas djalan boeroe boeroe maoe masoek ka dalem. Tapi baroe ija melangkah pintoe, itoe boedak jang djaga Bok Ing lari dateng padanja dan kasih taoe, jang Bok Ing ada kalenger. Hoedjin djadi bingoeng sekali, sampe lantas djadi menangis. Ija berkata: Pergi kaoe lihat doeloe dan djaga baik. Sabentar, habis lihat Siotjia, kami nanti dateng.

Itoe boedak lantas lari kombali ka kamarnja Bok Ing, dan Hoedjin teroes djalan masoek boeroe boeroe dengen menangis. Sesampenja di kamarnja Goat Ing, ija lihat Ien Ing dan sekalian boedak boedak lagi keroeboetan dan menangis di depan tempat tidoer, dan ija lihat Goat Ing poenja mata, doewa doewa merem sadja, dan napasnja Goat Ing soedah tiada. Ija tida bisa bilang apa lagi, lantas sadja ija ikoet menangis.

Sedengnja ija orang riboet menangis, Goat Ing moelain kombali menarik napas dan melek. Ien Ing lihat begitoe, lantas berkata: Boetjhin! djangan nangis: Entji soedah hidoep kombali!

Hoedjin denger itoe, lantas berkata: Poedji dan hormat di sampekenlah kapada Allah!

Sasoedahnja lihat Goat Ing hidoep kombali, Hoedjin lantas inget maoe soeroe orang lihat Bok Ing. Tapi beloen sampe ija bri prentah, lantas dateng satoe boedak lelaki, dan kasih taoe, jang Bok Ing soedah hidoep kombali. Hoedjin denger itoe, baroelah hati djadi seneng sedikit. Ija lantas soeroe boedak lelaki itoe boeroe boeroe balik ka loewar dan djaga Bok Ing baik baik. Kamoedian ija lantas berkata pada Goat Ing: Anakkoe! sekarang semoewa tjilaka soedah hilang kaoe tentoe nanti djadi baik kombali.

Goat Ing menjahoet: Banjak trima kasih aken Boetjhin poenja perkata-an itoe. Tapi saja rasa, saja poenja peroentoengan soedah sampe dan tida nanti bisa hidoep lama lagi. Kaloe saja mati, saja harep Boetjhin djangan bikin banjak soesah: asal sadja saja poenja mait di koeboer madep moedik, itoe soedah bagoes boewat saja.

Hoedjin berkata: Apa jang kaoe pesen, semoewa Boetjhin nanti toeroet.

Salagi Hoedjin bilang bagitoe, hatinja ada heran sekali, jang Bok Ing dan Goat Ing poenja pesenan ada bagitoe roepa: satoe minta madep milir, lain minta madep moedik. Sasoedahnja pesen pada Ien Ing, biar tinggal di kamar itoe dan djaga Goat Ing baik-baik, Hoedjin lantas pergi ka loewar boewat priksa itoe doewa peti mati, jang dia soeroeh beli.

Ien Ing ada doedoek di pinggir Goat Ing poenja tempat tidoer. Dia berkata: Entji biar baiklah soedah! Apa entji poenja hati ada bagitoe tega boewat tinggal sama saja?

Goat Ing menjahoet: Boetjhin dan soedara poenja boedi ada berat sekali entji djoendjoeng. Kaloe soedara ada ingetan boewat toeloeng sama entji, ada gampang sadja.

Ien Ing lantas menangis dan kata: Saja harep entji bitjara teroes-terang sadja. Kaloe ada perkara apa-apa, djangan disimpen sadja di hati.

Goat Ing lantas berkata: Soedara! sekarang ini entji terpaksa boewat tjerita entji poenja rasia. Entji harep sadja, soedara djangan bikin entji maloe. Kapan hari entji soedah lihat soedara poenja satoe toesoek-konde di dalem tjoepoe; dari sabab itoe djadilah entji poenja hati sedih sekali. Sekarang entji maoe bilang teroes-terang, jang entji ini boekan Ang Goat Ing. Entji poenja bapa bernama Tan Djit Sing jang kapan hari pegang pangkat Lipouw Siangsi. Entji poenja ema sa-orang she Gouw dan entji poenja satoe soedará lelaki bernama Tjoen Sing. Entji sendiri poenja nama Hing Goan. Doeloe entji soedah bertoenangan sama Bwee Kwee poenja anak, jang bernama Bwee Liang Giok. Tida njana sekali jang entji boleh dapet tjilaka dikaniaja oleh Louw Kie, sampe entji disoeroe pergi hohoan. Tempo entji pergi, Bwee Liang Giok dan Tjoen Sing ada anter sampe di wates negri. Tempo maoe bepisah, entji ada kasih pada itoe Bwee Liang Giok satoe toesoek konde boewat tanda mata. Sekarang ini entji tiada taoe, kenapa itoe barang boleh ada sama soedara. Tempo entji tanjak, soedara bilang, soedara dapet itoe barang dari entia. Entji pikir, kaloe itoe barang sampe djatoeh di tangan lain orang, tentoe Bwee Liang Giok soedah mati, dan kaloe begitoe, entji djoega tida bisa tinggal lagi di ini doenia: entji maoe mati sadja.

Beloen sampe Ien Ing menjahoet, Tjoen Hiang lantas berkata: Kaloe Siotjia sakit dari sebab perkara itoe, nantilah saja bilang terang. Itoe toesoek konde boekan Loïa jang kirim, tapi Bok Siang Kong jang poenja. Saben hari itoe Bok Siang Kong boewat main toesoek konde itoe sembari nangis. Saja lihat bagitoe, saja lantas main-main dan tjoeri itoe toesoek konde boewat ganggoe dia. — Betoel sadari Bok Siang Kong kahilangan itoe toesoek konde, dia lantas tida inget makan, tida inget tidoer, sampe ija djadi sakit. Sebab Bok Siangkong sajang sekali sama itoe barang, saja rasa, barangkali ija boekan orang She Bok, tapi soedah pake nama palsoe.

Hing Goan denger begitoe, lantas berkata Tjoenhiang! kaloe toeroet kaoe poenja tjerita boleh djadi itoe Bok Siangkong sabetoelnja Bwee Liang Giók.

Ien Ing lantas berkata: Kaloe begitoe, se- karang Entji djangan djengkel lagi. Itoe Bok Siangkong, ija palsoe atawa boekan, ija jang bawak itoe toesoek konde. Sekarang tentoe kita boleh dapet kabar, di mana adanja Tji-hoe. Saja nanti kasih taoe hal ini pada Boe-tjhin, soepaja Boetjhin boleh lantas priksa.

Hing Goan lantas bilang banjak trima kasih pada Ien Ing dan lantas ija kasih taoe djoega bagimana ija dan Bwee Liang Giok, satoe sama lain, soedah bitjara dengen sair, tempo ada berdoewa sadja di panggoeng Tiongtaij. Hing-Goan kasih taoe hal itoe semoewa, soepaja Ien Ing dapet taoe bagimana ija poenja katjinta-an, soepaja Ien Ing merasa kasian, dan kaloe bisa menoeloeng, biar menoeloeng. Sasoedahnja itoe, lantas Ien Ing djalan keloewar boewat membri taoe hal itoe pada Hoedjin.

Itoe waktoe kabetoelan ada satoe boedak bernama Tjehok dateng pada Hoedjin dan membilang begini: Hoedjin! hamba sekarang ini soedah beroemoer 85 tahoen, dan dari sebab itoe, hamba soedah lihat dan denger banjak perkara. Doeloe tempo hamba poenja tjoetjoe lelaki lagi bertoenangan, ija ada dapet sakit keras sekali, sampe hamba kira ija tida nanti baik kombali. Itoe waktoe ada hamba poenja satoe sobat bilang, barangkali baik kaloe hamba ambil itoe bakal tjoetjoe mantoe dan kasih bertemoe pada hamba poenja tjoetjoe jang lagi sakit: kaloe ija bertemoe toenangannja, hatinja djadi girang, barang-kali ija boleh djadi baik. Hamba soedah tida bisa bikin apa lagi, lantas sadja hamba toeroet bikin begitoe. Betoel tempo ija dapet lihat toenangannja, hamba poenja tjoetjoe itoe lantas moelain djadi baik kombali. Sampe sekarang soedah lama ija berlaki bini dan soedah dapet bebrapa anak. Ini Bok Siangkong Hoedjin poenja bakal mantoe, sekarang ini ada sakit begitoe keras, hamba rasa baik Hoedjin tjoba kiasin dia, seperti hamba soedah bikin pada hamba poenja tjoetjoe.

Tjoba sadja Hoedjin soeroe Siotjia pergi satoe kali ketemoeïn padanja: brangkali dia djoega nanti djadi baik kombali.

Hoedjin berkata: Kaoe poenja tjerita, kami rasa, boleh djadi betoel djoega. Tapi kami dan kaoe ada banjak berbeda, sebab kaoe melinken satoe boedak sadja. Kami tiada boleh soeroe Siotjia pergi ketemoein toenangannja.

Itoe boedak bilang: Hoedjin! di dalem perkara bagini roepa, orang besar dan orang ketjil saroepa sadja. Apa lagi kita bikin perkara itoe tiada lain orang nanti dapet taoe. Kaloe Hoedjin, maoe inget maloe, saja rasa, itoe Bok Siangkong tiada boleh djadi baik.

Hoedjin lantas berkata: Baiklah sekarang kaoe pergi doeloe di loewar; kami nanti berdamei-in doeloe hal itoe sama Siotjia. Tempo itoe boedak kaloewar, Hoedjin ada inget maoe soeroe panggil Ien Ing Siotjia; tapi baroe sadja dia menengok, dia lantas melihat Ien Ing dateng padanja. Hoedjin lantas sadja menanjak, katanja: Anakkoe apa kaoe soedah denger itoe boedak toewa poenja tjerita?

Ien Ing menjahoet: Samoewa saja soedah denger; tapi saja tida bisa bikin bagitoe, sebab merasa maloe.

Hoedjin lantas berkata: Ah, kenapa misti maloe? -- Kaoe poenja entji sekarang ini bagimana?

Siotjia menjahoet: Saja dateng di sini, maoe kasih taoe pada boetjhin, jang entji ada poenja rasia. -- Habis berkata begitoe, lantas dia tjeritaken samoewa, apa jang dia soedah dapet taoe dari Hing Goan sendiri.

Hoedjin lantas berkata: Kaloe. begitoe baik ini malem kita-orang pergi sama-sama di kamarnja Bok Ing sekalian kita-orang boleh priksa, apa dia. ada pake nama palsoe atawa tida.

Tempo hari soedah djadi malem, Hoedjin dan Siotjia brangkat pergi ka kamarnja Bok Ing, dianter oleh Tjoenhiang jang bawak lentera. Boedak jang djaga Bok Ing melihat Hoedjin dateng sama sama Siotjia, dia lantas moendoer dan berdiri di pinggir. Hoedjin lantas merandek di sitoe dan Tjoenhiang lantas berkata pada itoe boedak lelaki: Kaoe pergi bilang pada Bok Siangkong, jang Hoedjin soeroe Siotjia dateng di sini boewat tengokin dia.

Itoe boedak lantas masoek, bangoenin Bok Ing jang lagi poeles, dan kasih taoe padanja datengnja Siotjia. Bok Ing jang kabetoelan lagi ngimpiin Hing Goan Siotjia, soedah djadi bangoen dengen kaget dan djadi goesar. Ija bilang; He! kaoe ini sama djoega satoe andjing! Kaoe toh taoe saja lagi sakit! Kaloe ada orang dateng, patoet kaoe bilang sadja trima kasih dan traoesah kaoe bikin saja kaget.

Tempo Bok Ing berkata kata begitoe: Tjoenhiang dan Ien Ing Siotjia soedah ada di pintoe kamar. Bok Ing lihat begitoe, dia lantas berkata: Siotjia traoesah Siotjia masoek, sebab saja tiada bisa bangoen boewat kasih hormat. Saja bilang banjak banjak trima kasih pada Siotjia dan Hoedjin. Saja minta Siotjia balik sadja dan toeloeng sampeken saja poenja hormat pada Hoedjin jang amat baik hati boedinja dan tida nanti boleh terbales.

Tjoenhiang denger begitoe, lantas sadja dia berkata: He, Bok Siangkong! djanganlah kaoe oesir kita orang: kerna Siotjia dateng di sini, maoe bitjara apa-apa sedikit.

Bok Ing lihat jang Siotjia tiada lantas pergi, dia lantas bangoen dan doedoek di pembaringan. Tjoenhiang lihat begitoe, lantas soeroe itoe boedak lelaki pergi ka loewar dan lantas tijoep api lantera.

Bok Ing berkata pada Siotjia: Saja rasa baik Siotjia balik sadja, sebab kaloe ada orang lihat, nanti djadi koerang enak. Tjoenhiang menjahoet: Siotjia dateng di sini, Hoedjin jang soeroe dateng, boewat tanjaken, maka Bok Siangkong sakit, begimana moelanja.

Bok Ing menjahoet: lebih baik saja djangan ditanjak begitoe. Ah, boewat apalah bikin saja djadi lebih sakit hati lagi! Maka itoe, saja rasa baik Siotjia balik sadja.

Tjoenhiang lantas berkata: Siangkong poe- nja bitjara salah sekali. Apa Siangkong kira kita orang tida bisa toeloeng? Apa sebab Siangkong djadi sakit, saja ada taoe djoega sedikit. Kenapa sampe sekarang beloen djoega Siangkong maoe tjerita apa apa?

Bok Ing menjahoet: Saja poenja sakit sebab, apa, itoe melingken saja sendiri sadja jang taoe. Bagimana lain orang boleh taoe itoe? Tida lain, kaoe dateng di sini melingken boewat bikin saja djadi lebih kesel sadja.

Tjoenhiang lantas berkata: Siotjia baiklah sekarang kita pergi sadja. Ini Bok Siang-kong tida soeka kita orang dateng di sini; dari itoe tra-oesah kita poesing-in lagi sama dia.

Habis bilang begitoe, Tjoenhiang itoe lantas pasang ija poenja lentera dan teroes moe- lain djalan. Tapi ija djalan perlahan amat, dan sembari djalan ija batja di loewar kepala sairnja Hing Goan Siotjia, jang Hing Goan itoe soedah pake bitjara pada Bwee Liang Giok di panggoeng Tiongtaij.

Bok Ing denger sair itoe, hatinja djadi teramat kaget dan lantas sadja ija triak mintak Siotjia dateng kombali, sebab ija maoe bitjara perkara jang perloe dan maoe mintak Siotjia poenja toeloengan.

Tjoenhiang jang bawak lentera dan anter Siotjia, ija poerak poerak tida denger triaknja Bok Ing itoe, dan teroes sadja djalan, tapi perlahan sekali, dengen batja djoega Bwee Liang Giok poenja sair, jang soedah di pake bitjara pada Hing Goan di panggoeng Tiong- taij. Tjoenhiang poen soedah denger itoe dari Hing Goan, tempo Hing Goan tjerita pada Ien Ing.

Bok Ing denger sair itoe, hatinja djadi lebih kaget lagi, dan ija triak lebih keras lagi, mintak Siotjia dateng kombali, dengen berkata djoega, kaloe Siotjia tida dateng kombali, ija nanti peksa dirinja boewat pergi di loewar.

Hoedjin denger Bok Ing triak triak begitoe, lantas soeroe Tjoenhiang anter kombali Ien Ing Siotjia pergi ka kamarnja Bok Ing itoe.

Tempo dateng di sitoe, Tjoenhiang lantas berkata pada Bok Ing: Siangkong soedah tida soeka kita dateng di sini, boewat apa triak triak panggil kita dateng kombali?

Bok Ing berkata: Saja sa-orang sakit, ke- pala ada maboek sadja. Apa jang tadi saja bitjara salah, saja mintak sadja di loepain dan djangan di boewat djadi ketjil hati.

Tjoenhiang menjahoet: Sekarang kita orang soedah dateng kombali, Siangkong maoe bitjara apa?

Bok Ing menjahoet: Saja maoe tanjak sama kaoe, itoe sair jang tadi kaoe batja, dari mana kaoe soedah dapet.

Tjoenhiang berkata: Tadi poen saja soedah bilang, jang saja ada taoe djoega sedikit Siangkong poenja lantaran sakit. Sekarang saja taoe, tentoe jang Siangkong boekan bernama Bok Ing. Saja mintak biar Siangkong bitjara teroes terang dan kasih taoe sadja semoewa hal jang betoel. Dengen tarik napas Bok Ing merasa jang rasianja sekarang ini tida boleh tertoetoep lama lagi. Maka ija lantas kasih taoe sadja, jang sabenernja ija bernama Bwee Liang Giok alias Bwee Phek, dan troes tjeritaken ija sendiri poenja hal dari bermoela sampe pada waktoe kahilangan toesoek konde.

Tjoenhiang denger begitoe, ija lantas berbisik dengen tertawa pada Siotjia, katanja: Siotjia! boewat itoe perkara toesoek konde, ini Kongtjoe haroes maki-in hamba. Sasoedahnja habis tjerita, Bwee Liang Giok lantas berkata: Sekarang saja soedah tjeritaken saja poenja hal semoewa dengen terang, saja mintak taoe itoe sair dari mana datengnja.

Tjoenhiang menjahoet: Dasar soedah Kong- tjoe poenja peroentoengan berdjodo pada Hing Goan Siotjia! Itoe toesoek konde tiada hilang. Nanti saja maoe tjeritaken itoe.

Bwee Liang Giok poenja sakit memang boe- kan sebab apa apa, melingken sebab berpikir sadja. Tempo ija denger Tjoenhiang poenja bitjara begitoe, sakitnja soedah djadi hilang separo. Ija berkata pada Tjoenhiang: Kaoe bilang nanti maoe tjerità, nanti kapan? Tjobalah kaoe tjerita sadja sekarang.

Tjoenhiang menjahoet: Saja dateng di sini, melingken sebab perkaranja saja poenja Loia. Kapan hari Kongtjoe bawak satoe soerat dari Loia; di dalem soerat itoe Loia ada kasih taoe pada Hoedjin, jang ija ada ingetan maoe ambil Kongtjoe boewat mantoe. Dari itoe maka Hoedjin soeroe rawatin Kongtjoe dengen baik sekali. Sekarang semoewa orang soedah taoe, jang kaloe sadja Loia dateng, Kongtjoe nanti lantas di kasih kawin sama saja poenja Siotjia: Dari itoe sekarang Hoedjin soeroe Siotjia dateng ketemoèin Kongtjoe, boewat kiasin Kongtjoe poenja sakit. Kaloe sekarang sa-ande Kongtjoe bertemoe kombali sama Hing Goan Siotjia, saja poenja Siotjia lantas djadi bagimana? Saja mintak taoe bagimana Kongtjoe poenja ingetan; kerana kaloe Kongtjoe maoe bertemoe sama Hing Goan Siotjia, itoe ada gampang sekali.

Bwee Liang Giok lantas berkata: Saja soedah trima banjak sekali kaoe poenja Loia dan Hoedjin poenja boedi baik. Tapi dari hal maoe di ambil boewat mantoe, itoe saja beloen sekali dapet taoe. Kaloe sampe saja beroentoeng bisa bertemoe kombali pada Hing Goan Siotjia, tentoe sekali saja tida nanti tampik Loia dan Hoedjin poenja maoe.

Tjoenhiang, sasoedahnja denger, jang Bwee Liang Giok maoe djoega trima ija poenja Siotjia, lantas sadja kasih taoe pada Bwee Liang Giok itoe semoewa Hing Goan poenja hal, sadari ija terdapet pada waktoe malem di dalem kebon, sampe pengabisannja. Tjoenhiang kasih taoe djoega, jang Hing Goan Siotjia tempo lihat itoe toesoek konde, lantas sadja djadi sakit dan sekarang Hoedjin soedah kasih itoe toesoek konde pada Ien Ing Siotjia, boewat satoe tanda jang Kongtjoe soedah ber- toenangan sama Ien Ing itoe.

Bwee Liang Giok lantas berkata: Apa betoel Hing Goan Siotjia ada di sini? Kaoe tertawa tertawa begitoe, djangan kaoe djoesta!?

Tjoenhiang lantas berkata: Kongtjoe, saja tida sekali brani djoesta. Maka saja tertawa, sebab saja lihat Kongtjoe poenja penjakit. . . . ka mana perginja, sekarang soedah hilang?

Itoe waktoe Bwee Liang Giok lantas berkata pada boedak jang djaga dia, jang sekarang ija ada merasa laper; dari itoe ija mintak sedikit boeboer. Kamoedian ija lantas berkata pada Tjoenhiang, soepaja ija anter sadja Siotjia masoek ka dalem, dan sekalian toeloeng sampeken ija poenja hormat dan trima kasih pada Hoedjin dan Siotjia.

Tjoenhiang lantas pasang kombali ija poenja lantera dan djalan ka loewar sama sama Siotjia. Tempo ija orang sampe di loewar, ija bertemoe pada Hoedjin; tapi tida perloe ija orang bilang apa apa, sebab Hoedjin soedah denger semoewa perkataannja Bwee Liang Giok. Ija orang bertiga lantas sadja teroes masoek ka dalem dan pergi di kamarnja Hing Goan Siotjia. Tempo sampe di sitoe, Tjoenhiang lantas kasih taoe pada Hing Goan, semoewa Bwee Liang Giok poenja hal. Hing Goan denger begitoe, djadi merasa soeka sekali dalem hati, dan sakitnja lantas djadi hilang separo. Hoedjin dengen tertawa lantas berkata pada Ien Ing: Anak-koe! sekarang kaoe dan Hing-Goan misti bertjinta satoe sama lain lebih dari jang soedah soedah, sebab sekarang kaoe berdoewa misti djadi Bwee Liang Giok poenja bini.

Pada besoeknja Hoedjin bilang pada satoe boedaknja, jang boedak itoe misti lihat dan simpen baik baik itoe doewa peti mati, sebab doewa peti itoe aken di pake oleh dia (Hoe-djin) dan Loia.

Sasoedahnja Bwee Liang Giok djadi baik, ija kasih persen 10 ringgit pada itoe boedak jang djaga sama dia.

Tempo sampe pada Pikgwik Tjapgouw (tanggal 15 boelan ka delapan), Bwee Liang Giok lantas bikin sembajang pada Toehan Allah, membilang sjoekoer jang ija soedah di kasih djadi baik kombali. Hing Goan Siotjia djoega itoe hari ada bikin sembajang begitoe.

Sahabisnja Hing Hoan sembajang lantas soe- roe boedakuja panggil Bwee Liang Giok, soepaja Bwee Liang Giok dateng di kebon kembang, dan Hoedjin soeroe Hing Goan pake kombali pakean bangsa Tattan, jang ija ada pake temponja baroe dateng.

Bwee Liang Giok sasampenja di kebon, dia bertemoe pada Hoedjin serta Ien Ing Siotjia, dan lantas oendjoek hormatnja pada marika itoe. Tempo dia lihat Hing Goan Siotjia, dan Hing Goan melihat dia, doewa-doewa lantas sadja djadi toeroen ajernja mata. Siotjia berkata: Kongtjoe! Kongtjoe misih hidoep? Kita ada di mana, di doenja atawa di achirat?

Bwee Liang Giok berkata: Siotjia! Siotjia ada di sini? Apa betoel? Apa boekan saja mengimpi ini?

Sembari berkata bagitoe, dia-orang berdoewa soedah dateng lebih deket satoe pada lain dan lantas saling peloek dengen menangis sedih amat. Sasoedahnja sedikit lama dia-orang lepas ajernja mata, Siotjia lantas moendoer dengen perlahan dan berkata: Kongtjoe! saja kira Kongtjoe soedah meninggal, sampe saja soedah maoe brangkat soesoel padamoe di achirat.

Bwee Liang Giok berkata: Saja kira tidak nanti bisa beroentoeng bertemoe lagi sama Siotjia di doenja ini; dari itoe saja soedah maoe brangkat sadja ka achirat boewat toenggoe Siotjia di sana.

Habis bilang bagitoe Bwee Liang Giok lantas tjerita, bagimana dia dan Tjoen Sing maoe ditangkep; bagimana Tong Tjin soedah toeloeng kasih dia-orang berdoewa lari; bagimana gimana dia-orang berdoewa soedah dirampok: bagimana dia-orang maoe ditangkep lagi, sebab dikira maling, sampe dia berdoewa djadi berpisah satoe dari lain. Lebih djaoeh dia tjerita, jang dia soedah bertemoe sama Pang Lok Thian, dan Pang Lok Thian toeloeng padanja, sampe dia soedah dateng di roemah Hoedjin.

Siotjia denger jang soedaranja sekarang ini tidak kataoeän di mana ada, hatinja djadi sedih sekali, sampe dia nangis kombali. Sasoedahnja liwat sedikit waktoe, lantas dia tjeritaken pada Bwee Liang Giok, bagimana dia soedah boewang dirinja, dau Tjiauw-koen-nionio toeloeng padanja, sampe dia dateng di roemah Hoedjin, jang soedah trima dia dengen banjak tjinta hati.

Sasoedahnja habis Hing Goan tjerita. Hoedjin berkata: Kaoe berdoewa soedah berpisah lama sekali, maka itoe boetjhin soedah soeroeh Hing Goan pake itoe pakean bangsa Tattan, soepaja kaoe berdoewa djadi inget kombali dengen betoel segala perkara jang doeloe, dan satoe sama lain djadi keras bertjinta hati.

Kamoedian Bwee Liang Giok lantas pergi ka loewar, dan Hoedjin serta Siotjia doewa-doewa masoek ka dalem roemah.

Tempo Bwee Liang Giok soedah sampe di kamarnja sendiri, dia doedoek berpikir, dan inget perkaranja ada heran sekali. Hatinja banjak sekali bilang trima kasih pada Toehan Maha Koewasa. Tjoemah dia masih merasa sakit hati sekali sama moesoehnja, jang soedah bikin dia tjilaka sampe bagitoe.

Pada satoe hari ada orang dateng pada Hoedjin, kasih taoe jang Tje Pek Hoe soedah dapet permisi dari Radja, boewat poelang sedikit tempo, dan sekarang soedah ada di djalan, besoek djoega tentoe dateng.

Bwee Liang Giok denger bagitoe, dia lantas soeroeh boedaknja kasih taoe pada Hoe-djin, jang dia maoe pergi samboet datengnja Tje Pek Hoe. Hoedjin berkata pada itoe boedak: Kaoe bilang pada Kongtjoe, dia traoesah pergi, sebab dia baroe baik sakit dan badannja beloen koewat. betoel.

Itoe boedak berkata: Hamba soedah bilang djoega bagitoe, tapi Kongtjoe maoe pergi djoega.

Hoedjin lantas berkata: Kaloe dia maoe pergi djoega, baiklah. Kaoe sadiain sadja satoe koeda toenggang, dan kaoe djoega misti toeroet pergi sama dia.

Sampe pada hari besoeknja, Bwee Liang Giok lantas brangkat berkoeda ka loewar kota, teriringken oleh bebrapa boedak-boedak. Sabeloen Bwee Liang Giok sampe di loewar kota, ada boedaknja jang soedah sampe lebih doeloe dan bertemoe pada Tje Pek Hoe. Boedak itoe bilang pada Tje Pek Hoe, jang dia sama bebrapa boedak lain ada disoeroeh dateng menjamboet oleh Hoedjin, dan Bok Siang Kong djoega ada sama-sama.

Baroe itoe boedak habis bitjara, Bwee Liang Giok lantas dateng dan membri hormat pada Tje Pek Hoe. Tapi baroe dia maoe toeroen dari koeda, Tje Pek Hoe bilang, dia traoesah toeroen, sebab lantas maoe brangkat. Itoe waktoe djoega dia-orang semoewa lantas brangkat djalan.

Selagi di djalan, Bwee Liang Giok berkata pada Tje Pek Hoe: Selama taijdjin ada di Kota-Radja, boansing inget sadja pada taijdjin. Taijdjin lama tinggal di sana, apa sering djoega bertemoe sama Pang Lok Thian?

Tje Pek Hoe bilang: Saben hari djoega kami bertemoe padanja, dan dia djoega sering sekali bitjara dari kaoe poenja hal. —Mengapa kami lihat kaoe poenja badan bagitoe koeroes? Apa kaoe tiada dapet rawatan baik? Bwee Liang Giok bilang: Boansing tinggal dalem taijdjin poenja astana, ada seneng sekali, apa lagi Hoedjin soedah rawatin boansing sama djoega anak sendiri. Maka boansing ada koeroes, brangkali dari sebab boansing baroe baik dari sakit.

Tje Pek Hoe lantas berkata: Kaloek bagitoe, hiankhe ada koerang enak badan? Kenapa hiankhe dateng di sini bikin soesah diri sendiri? Sekarang baiklah hiankhe boeroe-boeroe poelang sadja lebih doeloe, soepaja boleh senengin badan.

Tempo Bwee Liang Giok soedah pergi sedikit lama, Hoedjin rasa tentoe Tje Pek Hoe soedah ampir dateng.

Ija lantas berkata pada Hing Goan: Anakkoe tjobah sekarang kaoe pergi semboeni doeloe sebentaran dalem kamar, sebab kaloek kaoe poenja entia dateng, boetjhin maoe ganggoe dia sedikit.

Baroe Hing Goan masoek ka dalem kamar, lantas dateng satoe boedak, kasih taoe pada Hoedjin, jang Tje Pek Hoe soedah dateng. Hoedjin lantas adjak Ien Ing pergi ka loewar, boewat menjamboet datengnja Tje Pek Hoe.

Sasoedahnja Tje Pek Hoe masoek dan doedoek, Ien Ing lantas oendjoek hormatnja, dan teroes doedoek. Itoe waktoe Hoedjin lantas panggil boedaknja, dan berkata: Kaoe pergi panggil Siotjia, soepaja dateng di sini oendjoek hormat sama entianja.

Tje Pek Hoe denger begitoe, lantas dia tertawa dan berkata: Hoedjin! Apa Hoedjin mengimpi? Ini siapa? Apa boekan anak kita?

Hoedjin lantas tertawa dan kerkata: Ini Ien Ing lo-ia poenja anak; jang sekarang saja soeroeh panggil, itoe saja poenja anak.

Tje Pek Hoe lantas tertawa dan berkata : Ha ha ha! Hoedjin moelain main gila!

Baroe Tje Pek Hoe berkata begitoe, Hing Goan Siotjia lantas dateng dan membri hormat padanja.

Tje Pek Hoe lihat itoe, djadi kaget sekali; dia lantas berkata pada Hoedjin: Ini anak dari mana datengnja?

Hoedjin tertawa, lantas tjeritaken Hing Goan poenja hal separo. Tje Pek Hoe denger hal itoe, dia djadi soeka hati sekali; sembari tepok tangan dia berkata: He! Kita beroentoeng sekali mendapetin ini anak! Apa dia soedah ada poenja toenangan djoega, Hoedjin ?

Hoedjin berkata: Tempo doeloe dia poenja emak-bapak soedah kasih dia bertoenangan sama Bwee Liang Giok; tapi dari sebab dia disoeroeh pergi Hohoan, djadi dia beloen kawin.

Tje Pek Hoe lantas berkata pada Hing Goan Ha! kaloek bagitoe, kaoe ini Bwee Liang Giok poenja Hoedjin! Entia baroe taoe! — Ha! Entia djadi satoe bapak jang bodo sekali! Entia harep anakkoe tidak djadi ketjil hati.

Hing Goan menjahoet: Ah, saja harep Entia djangan pake atoeran begitoe: Saja di sini poen soedah trima banjak sekali boetjhin poenja boedi baik.

Tje Pek Hoe lantas tertawa dan berkata: Itoe Bwee Liang Giok, kaoe poenja toenangan, satoe orang jang pinter sekali. Sajang sekali jang dia ada dapet tjilaka.

Hoedjin tersenjoem, lantas berkata: Lo-ia bilang itoe Bwee Liang Giok pinter sekali, apa lo-ia soedah taoe bertemoe sama dia?

Tje Pek Hoe lantas tertawa lagi dan berkata: Saja beloen taoe bertemoe sama dia, melinken saja ada denger sadja namanja tersoehoer.

Hoedjin berkata: Loïa rasa, mana lebih pinter, Bok Ing atawa Bwee Liang Giok?

Tje Pek Hoe menjahoet: Itoe saja tidak brani bilang tentoe, sebab Bwee Liang Giok poenja pinter, saja melinken denger sadja banjak orang jang alem. Tapi ini Bok Ing saja sendiri soedah lihat, jang betoel dia pinter sekali.

Hoedjin berkata: Saja rasa itoe Bwee Liang Giok tidak nanti ada lebih pinter dari ini Bok Ing.

Tje Pek Hoe lantas berkata: Saja rasa Hoedjin moelain kombali main-main. Begimana Hoedjin boleh taoe Bok Ing ada lebih pinter?

Hoedjin menjahoet: Loïa kira, Bok Ing itoe jang mana satoe?

Tje Pek Hoe berkata: Bok Ing, ja-itoe anak moeda, jang sekarang ada di sini.

Hoedjin lantas berkata: Ha ha ha! Wa, loïa tidak taoe! Itoe jang tinggal di sini, boekannja Bok Ing, hanja Bwee Liang Giok sesoenggoehnja.

Tje Pek Hoe lantas bengong dan berkata: Begimana itoe?

Hoedjin lantas tjeritaken Bwee Liang Giok poenja hal semoewa, sabegimana dia soedah dapet taoe.

Tje Pek Hoe, sasoedahnja denger itoe tjerita, lantas berkata: Apa itoe semoewa ada betoel? Saja denger itoe, saja merasa sama djoega lagi mengimpi. Sekarang apalah saja misti bilang? Sebab Bwee Liang Giok soedah bertoenangan sama Hing Goan, biarlah kita tjari lain sadja boewat Ien Ing.

Hoedjin menjahoet: Loïa djangan tjerita begitoe. — Ien Ing dan Hing Goan, dia berdoewa soedah djadi rapet sekali bertjinta hati, dan tida maoe bepisah lagi. Sebab itoe, saja rasa lebih baik anak berdoewa itoe dipandeng sadja seperti satoe dan kawinken dia berdoewa pada Bwee Liang Giok.

Tje Pek Hoe denger begitoe, lantas tertawa; dia berkata: Kaloek Hoedjin inget begitoe, biarlah tetep djoega begitoe. Saja tidak nanti robah lagi, sebab saja djoega ada rasa, baik begitoe sadja.

Habis bilang begitoe, Tje Pek Hoe lantas pergi ka loewar, ketemoein Bwee Liang Giok, dan dengen tertawa dia berkata; Hiantit! Kaoe tinggal sama saja soedah kadoewa tahoen ini; tapi saja tidak dapet taoe Hiantit poenja rasia. Betoel saja bodo sekali !

Bwee Liang Giok menjahoet: Saja ada berdosa besar sekali di doenia ini. Maka saja berboewat djoesta, tiada lain, melinken sebab saja terpaksa; saja harep sadja empe tidak djadi goesar hati.

Dia-orang berdoewa lantas doedoek omong-omong dari bebrapa perkara. Kamoedian Tje Pek Hoe lantas bitjara dari perkara Ien Ing; tapi Bwee Liang Giok tidak berkata apa-apa, aken kasih taoe jang dia maoe atawa tidak maoe diboewat mantoe. Tje Pek Hoe lihat begitoe, lantas berkata: Hiantit ! Sabetoelnja memang empe ada niat soenggoeh-soenggoeh boewat poengoet mantoe sama kaoc. Kaloek koerang pertjaja, tjobak Hiantit lihat itoe soerat, jang Hiantit sendiri bawak dateng di sini pada pe-m.

Bwee Liang Giok menjahoet: Dalem bebrapa tahoen saja soedah trima empe poenja hati-boedi jang baik; maka dengen memandeng sama hal itoe, saja rasa tidak patoet saja tampik empe poenja maoe. Tapi sebab saja soedah bertoenangan sama Hing Goan Siotjia; saja minta empe poenja timbangan sadja.

Tje Pek Hoe berkata: Dari hal itoe tidak mengapa Dari doeloe poen memang soedah ada perkara begitoe. Apa lagi Ien Ing dan Hing Goan soedah djadi soedara dengen rapet bertjinta hati, sampe tiada maoe bepisah, dan Ien Ing sendiri ada soeka dalem perkara ini. Dari-itoe empe harep Hiantit trima sadja, sabagimana jang empe minta.

Bwee Liang Giok menjahoet: Kaloek ada begitoe, saja tentoe misti menoeroet sekalian empe poenja prentah. — Habis bilang begitoe dia lantas bangoen oendjoek hormatnja dan akoe mertoewa pada Tje Pek Hoe.

Tje Pek Hoe djadi soeka dalem hati dan dia teroes masoek ka dalem kasih taoe hal itoe pada Hoedjin. Maka lekas djoega segala orang djadi dapet taoe, jang itoe doewa Siotjia bakal kawin sama Bwee Liang Giok.

Pada satoe hari, sedeng lagi doedoek makan, Tje Pek Hoe berkata pada Bwee Liang Giok: Mantoe-koe! entia rasa sekarang ini baik kaoe pake teroes sadja lebih doeloe itoe nama Bok Ing; sebab kaloe itoe Louw Kie dapet taoe, kaoe masih ada, tentoe kita nanti dapet soesal sadja. Di blakang kali, kaloe kita dapet tempo jang baik, kaoe boleh pake kombali nama kaoe jang betoel.

Bwee Liang Giok toeroet mertoewanja poenja maoe dan pake teroes sadja itoe nama Bok Ing.

Tida lama dari tempo itoe, lantas di dalem itoe kota jang Bok Ing tinggal, ada orang bikin examen ketjil, sebagimana biasa pada saben taoen. Bok Ing toeroet masoek membikin examennja di sitoe, dan ija dapet soerat kasaksian kapinteran jang No. 1. Sekalian orang lantas dapet taoe, jang bakal mantoenja Tje Pek Hoe sa-orang pinter adanja.

Tje Pek Hoe ada soeka sekali dalem hati, jang bakal mantoenja soedah dapet soerat kasaksian itoe; kerana inget, sekarang ini Bok Ing itoe boleh toeroet bikin examen besar, jang tida boleh di bikin oleh orang jang beloen dapet soerat kasaksian begitoe.

Dari sebab soedah, dapet itoe soerat kasaksian No. 1, Bok Ing lantas dapet inget boewat toeroet bikin examen besar di Kota Radja, jang bakal djadi di dalem itoe taoen djoega. Tempo Bok Ing kasih taoe hal itoe pada Tje Pek Hoe, lantas sadja Tje Pek Hoe menoelis soerat pada sobat sobatnja di Kota Radja, soepaja toeloeng lihat lihat ija poenja bakal mantoe, dan lantas kasih soerat itoe pada Bok Ing. Tida brapa hari lagi lamanja, Bok Ing lantas brangkat ka Kota Radja, teranter oleh anem boedak boedak.

Dengen pendek biarlah kita orang seboet sadja, jang Bok Ing itoe soedah sampe dengen slamet di Kota Radja. Tempo sampe di sana, ija lantas masoek di roemah makan dan noempang tinggal di sitoe.

Tan Tjoen Sing djoega soedah bikin ija poenja examen ketjil di Holam dan dapet djoega soerat kasaksian No. 1; maka itoe ija djoega ada dateng di Kota Radja boewat roet bikin examen besar.

Sasoedahnja satoe hari tinggal di roemah makan itoe, Bok Ing lantas soeroe boedak boedaknja anterken itoe soerat soerat, jang bakal mertoewanja kirim sama dia. Tjoemah satoe sadja ija kasi tinggal, jaitoe soerat boewat Pang Lok Thian, kerana ija inget maoe bawak sendiri soerat itoe. Sasoedahnja soeroe anterken itoe soerat soerat jang banjak, ija lantas brangkat pergi ka astananja Pang Lok Thian. Tempo ija sampe di sitoe, ija dapet lihat di sitoe ada sepi sekali, dan pintoe astana ada tertoetoep. Kamoedian ija lantas dapet lihat sapotong soerat jang tertempel di tembok, di moeka astana itoe, dan boeninja soerat itoe ada kasi taoe, jang dalem ini sedikit, tempo Pang Lok Thian tida maoe trima tetamoe atawa soerat, kerana ija ada di angkat djadi kepala boewat priksa orang poenja examen.

Bok Ing lihat soerat itoe, lantas berpikir, jang Pang Lok Thian itoe sa-orang jang patoet dan adil sekali. Tapi maskipoen ada berpikir begitoe, hatinja ada merasa djoega koerang enak, sebab sekarang ija djoega tentoe tida nanti bisa masoek dan bertemoe pada Pang Lok Thian itoe. Tapi sabeloennja Bok Ing itoe balik poelang kombali, ija dapet lihat satoe boedak toewa keloewar dari pintoe samping dan tanjak padanja ada kabar apa. Ija menjahoet, jang ija maoe bertemoe pada Pang Lok Thian dan ada bawak djoega satoe soerat kiriman. Baroe habis ija bilang begitoe, itoe boedak toewa lantas berkata: Apa Siang Kong boekan bernama Bok Ing, jang doeloe di Shoatang soedah bertemoe Loia dalem praoe?

Bok Ing menjahoet: Betoel sekali.

Itoe boedak toewa lantas adjak Bok Ing masoek dan mintak ija doedoek menoenggoe di satoe kamar. Kamoedian boedak itoe lantas masoek ka dalem, bawak itoe soerat jang Bok Ing kasi padanja. Selagi ija djalan, ija dapet lihat sa-orang lari soesoel padanja dengen membawak soerat, dan ija kenalin,jang orang itoe satoe boedak dari Tetok Koenboen. Ini boedak dari Tetok lantas kasi padanja satoe soerat boewat Pang Lok Thian, dan bilang jang ija poenja Kongtjoe mintak bertemoe. Itoe boedak toewa lantas trima itoe soerat dan bilang: Biar kaoe poenja Kongtjoe menoenggoe sabentaran di itoe kamar tetamoe.

Itoe Kongtjoe jang sekarang mintak bertemoe pada Pang Lok Thian, jaitoe Tan Tjoen Sing, jang sekarang soedah dipoengoet anak oleh Tetok Koenboen dan ada pake namaKhoe Kwe. Sama Pang Lok Thian ini Khoe Kwe palsoe ada pernah paman; kerna istrinja Tetok ada Pang Lok Thian poenja soedara

Tempo boedaknja dateng dan kasih taoejang dia misti menoenggoe sebentaran di kamar tetamoe, ini Khoe Kwe lantas sadja masoek di kamar itoe, dan dengen kaget dia melihat Bwee Liang Giok atawa Bok Ing ada di sitoe. Bok Ing djoega ada djadi kaget sekali, tempo lihat Khoe Kwe itoe. Dia-orang berdoewa tidak bitjara doeloe apa-apa, hanja lantas sadja saling peloek dan menangis sama sama. Sasoedahnja menangis sedikit lama, dia orang lantas berganti tjeritaken diri sendiri poenja perdjalanan, sadari waktoe dia-orang satoe dan lain berpisah masing-masing. Khoe Kwe atawa Tjoen Sing ada soeka sekali dalem hati, tempo denger soedaranja (Hing Goan) masih ada di negri sendiri, dan Bok Ing atawa Bwee Liang Giok girang sekali, tempo dapet taoe jang emanja ada dengen slamet.

Tempo itoe boedak toewa dateng madep pada Pang Lok Thian dengen membawak soerat, Pang Lok Thian ada djadi goesar sekali, dan berkata: Binatang! Boekan kami soedah bilang, djangan trima orang dateng atawa soerat? Kenapa kaoe brani langgar itoe?

Itoe boedak lantas berloetoet dan berkata: Boekan hamba niat langgar loïa poenja printah. Jang dateng ini ada doewa orang: Jang satoe Tetok Koenboen poenja anak, jang lain Bok Ing, jang sering sekali loïa seboet; itoe lah maka hamba brani trima.

Pang Lok Thian batja itoe soerat jang boedaknja bawak, lantas dapet semoewa rasianja Bok-Ing dan Khoe Kwe. Dia lantas sadja soeroeh itoe boedak pergi panggil itoe doewa tetamoe masoek.

Bok Ing dan Khoe Kwe dipanggil masoek, doewa-doewa lantas brangkat. Pang Lok Thian ‘tempo lihat dia-orang dateng, lantas bangoenaken menjamboet, dan berkata pada Bok Ing: Hiantit! Betoel empe poenja hati lagi inget sama kaoe; maka empe girang sekali jang kaoe dateng.

Bok Ing dan Khoe Kwe lantas oendjoek hormatnja pada Pang Lok Thian itoe. Tempo dia-orang soedah berdoedoek, Pang Lok Thian berkata: Apa Hiantit memang dateng sama-sama berdoewa ?

Bok Ing lantas kasih taoe jang dia-orang berdoewa baroe sekali bertemoe satoe sama lain. Pang Lok Thian lantas berkata lagi: Jang patoet empe misti trima kaoe-orang berdoewa tinggal di sini; tapi sebab empe ada djadi kepala boewat priksa perkara examen, empe rasa brangkali nanti djadi koerang enak. Maka itoe baik kaoe-orang berdoewa pergi tinggal sadja di Siangkoksi.

Habis bilang begitoe, dia lantas kasih inget Khoe Kwe atawa Tjoen Sing, soepaja jangan dia pergi tengokin ema-bapanja jang sekarang ada di boei; kerna dia selempang Khoe Kwe poenja rasia nanti terboeka dan lantas dapet tjilaka dari perboewatan LouwKie. Djoega dia bilang, bahoewa dia-orang berdoewa baik djangan pergi ka sana-sini: maski ka astananja Tong Tjin djoega djangan pergi. Sasoedahnja itoe, lantas Bok Ing dan Khoe Kwe kasih slamet tinggal pada Pang Lok Thian, dan dia berdoewa, masing-masing lantas pergi ka roemah makan, ambil barang-barangnja dan teroes pergi di Siangkoksi.

Tempo dateng tempo aken orang-orang bikin examen, ada banjak sekali orang jang masoek aken membikin itoe. Bok Ing dan Khoe Kwe, seperti pembatja tentoe soedah doega, dia-orang djoega toeroet masoek sama-sama. Sasoedahnja membikin examen, orang-orang itoe semoewa lantas poelang masing-masing dan menoenggoe poetoesan, jang nanti kaloewar dalem sedikit hari lagi. Tempo poetoesan dikaloewarken, orang dapet taoe sebagimana terseboet di bawah ini:

No. 1, sa-orang dari Kanglam, Siang Tjioe Hoe, nama Bok Ing, di bri ‘pangkat Tjiong Goan.

No. 2, sa-orang dari Holam, Taij Bing Hee, nama Khoe Kwe, di bri pangkat Pong Gan;

No. 3, sa-orang dari Sanse, Taij Bing Hoe, nama Tjiong Kie, di bri pangkat Tham Hoa.

Lain dari jang telah terseboet itoe ada di bri taoe djoega bebrapa orang jang dapet pangkat Tjinsoe.

Tempo beloen orang banjak dapet taoe hal jang terseboet di atas ini, Bok Ing dan Khoe Kwe ada kadatengan banjak sekali hamba-hamba dari kantoor examen, jang dateng membri taoe poetoesannja examen dan membri slamet pada marika berdoewa. Bok Ing dan Khoe Kwe dapet taoe poetvesan itoe, doewa-doewa djadi girangsekali dan lantas kasih wang pada sekalian orang itoe, jang membri slamet padanja. Kamoedian dia-orang berdoewa, masing-masing lantas toelis soerat dan soeroeh boedaknja pergi poelang membawak itoe, boewat kasih kabar pada masing-masing poenja bakal mertoewa, Masing-masing ada kasih taoe djoega di dalem soerat. jang dia-orang berdoewa soedah bertemoe satoe sama lain. Pada besoeknja orang berdoewa itoe lantas pake dia-orang poenja pakean pangkat dan pergi madep bersama sama itoe Tjiong Kie pada Sri Maha Radja.

Maha Radja djadi soeka sekali dalem hati, oleh kerna melihat marika itoe bertiga, semoewa masih moeda, tjakep dan pinter; maka Maha Radja lantas sadja kasih printah ambil 3 kembang mas dan tantjepken di marika poenja kopia masing-masing, aken djadi tanda, jang pangkatnja ada ditetepken.

Sehentar lagi di astananja Maha Radja lantas ada pesta jang diseboet Kenglimian. Sasoedahnja pesta, Bok Ing, Khoe Kwe dan ‘Tjiong Kie lantas madep membilang banjak trima kasih pada Maha Radja, teroes pergi ka loewar laloe naik di koeda dan lantas djalan koeliling dengen teriringken banjak tanda kabesaran, toeroet sabagimana adat biasa, ja-itoe bikin perdjalanan jang diseboet Joeke.

Sekalian isi negri, jang melihat dia-orang bertiga, poedji sekali marika itoe poenja roepa jang tjakep. Banjak jang berkata-kata : anak prawan manatah jang nanti beroentoeng dapet laki jang moeda dan tjakep ini!

Louw Kie, tempo soedah poelang dari pesta jang diseboet Kenglimian, lantas sadja dia soeroch panggil Oecij Siong dateng padanja boewat berdami, kerna hatinja ada penoedjoe sekali sama itoe Tjiong Goan dan Ponggan jang amat tjakep, dan niat maoe Poengoet mantoe salah satoe. Tiada lama Oeij Siong lantas dateng dan doedoek mengomong sama sama. Louw Kie berkata: Eutia lihat itoe Tjiong Goan Bok Ing saorang jang tjakep dan pinter sekali; tapi entia lebih soeka Ponggan Khoe Kwe, sebab entia rasa, dia ada lebih dari Bok Ing.

Oeij Siong berkata : Kaloek entia poenja hati ada penoedjoe sama dia,....apa entia soeka gaja pergi bitjarain boewat kasih adik kawin sama dia ? : Louw Kie lantas tertawa dan berkata: Anakkoe poenja ingetan itoe ada betoel. Entia soeka-sekali, kaloek hal itoe boleh djadi.

Sasoedahnja habis bitjara-lagi sedikit lama Oeij Siong lantas brangkat poelang, dan Louw Kie lantas kasih printah pada boedak jang djaga pintoe, katanja: Kaloek itoe orang-orang, jang baroe dapet pangkat, dateng di sini, kaoe kasih taoe sadja, jang kami tidak bisa trima dia orang ; melinken kami minta itoe Khoe Kwe sadja dateng mengadep, sebab kami maoe bitjara apa-apa.

Tjiong Goan, Ponggan dan Thanihoa, sasoedahnja dia-orang djalan ioeke, semoewa lantas pergi pada sasoewatoe poenggawa jang besar aken oendjoek hormatnja,dan berkenalan. Pada kesokannja dia orang bertiga berempoek aken pergi mengadep pada Louw Kie dan lantas djoega dia-orang pergi. Sasampenja di astananja Louw Kie, dia-orang lantas dikasih taoe Jang Louw Kie tida bisatrima dia-orang samoewa, melinken minta Ponggan sadja dateng mengadep sendiri.

Khoe Kwe tempo denger hal itoe, diapoenja ajer moeka lantas djadi sedikit lain, seperti orang koerang enak hati. Bok Ing lantas samperin dan berkata padanja: Soedara djangan bikin tingkah bagitoe sebab Louw Kie ada berpangkat besar. Baik soedara pergi sadja masoek mengadep padanja, soepaja dapet taoe, apa dia poenja mace. Saja sekarang maoe poelang sadja dan toenggoe soedara di sana.

Sahabisnja bilang begitoe, Bok Ing kasih slamet tinggal dan teroes berdjalan~ poelang. Khoe Kwe tempo masoek dalem astana dan lihat Louw Kie lagi berdoedoek dengen kabesarannja, hatinja ada djadi panas sekali, sebab inget sama ema dan bapa jang terkaniaja oleh Louw Kie itoe. Tambah lagi panasnja dan sakitnja hati, kerna sekarang dia misti oendjoek hormatnja pada Louw Kie itoe, jang dia teramat bentji. Kaloek toeroet hawa napsoe, tentoe Khoe Kwe soedah lantas moendoer kombali; tapi dia socdah tahan. itoe saboleh-boleh dan teroes djoega mengadep.

Louw Kie tempo lihat Khoe Kwe dateng, lantas tjepet dia bangoen menjamboet dengen tertawa; dia berkata: Saja harep Agoankong tiada ketjil hati, jang saja soedah tiada dateng di loewar aken menjambeet.

Khoe Kwe menjahoet: Lo Sinsiang djangan bitjara bagitoe, sebab saja sa-orang moeda dan baroe moelain dapet pangkat jang ketjil. Saja minta biar Sinsiang doedoek sadja dan trima saja poenja hormat.

Louw Kie tertawa sadja dan berkata: Kaoesa-orang moeda jang pinter sekali; saja-orang soedah toewa jang sama djoega poehoen soedah bobo. Dari itoe kaoe traoesah oendjoe-oendjoek hormat begitoe Habis bilang begitoe, Louw Kie itoe lantas adjak itoe Khoe Kwe doedoek sama-sama dan minoem the. Selagi minoem the, Louw Kie berkata: Maha Radja ada amat soeka hati, sebab dapet bertemoe sama kaoe. Kapan hari Maha Radja ada kasih saja lihat kaoe poenja karangan soerat, dan saja soedah lihat itoe baik-baik. Betoel karangan itoe bagoes sekali! Kaoe ada itoe kemampoean begitoe roepa, tentoe sekali kaoe nanti boleh dapet pangkat jang tinggi; dan saja maskipoen soedal toewa, tentoe nanti dapet lihat hal itoe.

Khoe Kwe menjahoet: Saja jang melinken ada poenja sedikit sadja pengertian dan sekarang telah dikoerniaken pangkat ini oleh Maha Radja, itoe tentoe soedah djadi dari Lo Sinsiang poenja toeloengan.

Kouw Kie berkata: Tempo kaoe poenja bapa ada di sini, sering saja ada sama-sama dia: Diapoen memang saja poenja sobat baik. Sekarang, maski dia djaoeh dan tidak taoe bertemoe, saja poenja hati tinggal tjinta djoega padanja seperti doeloe.

Khoe Kwe menjahoet: Saja poenja bapa djoega sering-sering berkata, jang hatinja ada sakit sekali, sebab berpisah djaoeh sama Sinsiang.

Habis bilang begitoe, Khoe Kwe lantas bangoen dan minta permisie boewat pergi poelang. Tapi Louw Kie lantas bangoen dan pegang tangannja sembari berkata: Nanti doeloe!... Saja minta kaoe tinggal makan di sini sadja.

Habis bilang begitoe, Louw Kie lantas tanjak orangnja, katanja: Apa Lee Pouw Siangsi soedah dateng?

Orangnja lantas kasih taoe, jang itoe Lee Pouw Siangsi soedah menoenggoe lama di loewar.

Louw Kie tidak bilang apa-apa, tapi lantas pegang kombali tangannja Khoe Kwe, dan berkata padanja, Marilah kita-orang pergi makan, dan saja harep kaoe boleh trima sabagimana ada.

Sembari bilang begitoe, Louw Kie toentoen tangannja Khoe Kwe dan bawak dia masoek di satoe kamar, di mana Oeij Siong soedah menoenggoe. Oeij Siong lihat dia-orang dateng, lantas bangoen mengoendjoek hormat.

Khoe Kwe berkata: Saja harep taijdjin djangan ketjil hati, oleh kerna saja tiada taoe taijdjin ada di sini. Itoe waktoe lantas ada dateng satoe boedak membri taoe, jang Maha Radja panggil Sinsiang dateng madep.

Louw Kie lantas bikin moeka seperti orang koerang seneng, dan berkata pada Khoe Kwe: Ah! Sajang sekali! Saja kapengin betoel doedoek makan sama-sama kaoe; saja tidak kira nanti dateng panggilan dari Radja. Sekarang, tra boleh tidak, saja misti pergi mengadep.

Khoe Kwe dan Oeij Siong menjahoet: Kaloek begitoe biarlah kita berdoewa sadja tinggal di sini.

Louw Kie memanggoet dan berkata pada Oeij Siong: Anakkoe kaoe temanin sadja ini Ponggan dan adjak dia makan dan minoem.

Habis bilang bagitoe, Louw Kie itoe lantas pergi. Pembatjakoe taoe dia pergi mana? Pembatjakoe kira dia mengadep pada Radja? Tida sekali! sebab Radja tiada panggil padanja. Itoe boedak, jang bilang Louw Kie di panggil oleh Radja, Louw Kie sendiri jang soedah soeroeh bikin bagitoe.

Sasoedahnja Louw Kie pergi, Oeij Siong dan Khoe Kwe lantas pergi doedoek makan. Salagi makan, Oeij Siong menanjak pada Khoe Kwe, katanja: Sinshe sekarang soedah ada poenja brapa anak?

Khoe Kwe menjahoet: Saja beloen poenja anak, sebab saja melingken baroe bertoenangan sadja.

Oeij Siong lantas tertawa dan berkata: Saja maoe bilang apa-apa pada sinshe, tapi saja rasa berat boewat seboet. Tapi dari sebab Sin Siang poenja printah, saja misti kasih taoe djoega. Saja tiada taoe apa sinshe nanti soeka trima atawa tida.

Khoe Kwe menjahoet: Apa djoega taijdjin maoe bilang, biar taijdjin moelain sadja. terlebih lagi kaloe Sin Siang poenja printah, tentoe sekali saja misti denger baik-baik.

Oeij Siong lantas berkata: Sebab Sinshe bagitoe manis, sekarang saja maoe bitjara teroes-terang sadja. Sin Siang soeroeh saja bitjara pada sinshe, tida dari lain perkara, melingken boewat kasih taoe pada sinshe, jang dia ada poenja satoe anak prampoewan bagoes dan pinter, dan Sin Siang ada ingetan maoe ambil sinshe boewat mantoe. Dia sendiri tida seneng boewet bitjara hal ini, maka dia soeroeh saja bitjara. Bagimana sinshe nja ingetan aken ini perkara ?

Khoe Kwe denger bagitoe, hatinja djadi meloewap sekali; dia berkata dalem diri sendiri: Hm! 'loe poen goewa poenja moesoeh besar sekali! Goewa tra bisa makan 'loe poenja daging, itoe soedah terlaloe baik; sekarang goewa misti djadi 'loe poenja mantoe?

Bagitoelah itoe Khoe Kwe berkata-kata dalem hatinja: tapi maskipoen ada goesar bagitoe, dia soedah bisa djoega tahan marahnja. Dia menjahoet: Taijdjin poenja bitjara salah sekali dari doeloe poen memang soedah ada adat, jang kaloe orang soedah bertoenangan, tiada boleh dioeroengken; kaloe orang soedah bersobat dari tempo masih miskin, dia tida boleh loepaken sobatnja itoe. dari sebab sekarang soedah djadi kaja. Tadi poen saja soedah bilang, jang saja soedah ada poenja toenangan. Sekarang ini taijdjin mengarti, kaloe saja bilang: saja tiada boleh pandeng Sin Siang saorang besar dan kaja, dan lantas boewang saja poenja toenangan. Dari itoe saja tiada bisa trima taijdjin poenja bitjara. Saja harep sadja taijdjin soeka toeloeng bitjara baik pada Sin Siang aken hal ini. Aken Sin Siang poenja katjinta'an ini nanti lain hari saja dateng boewat bilang banjak trima kasih.

Oeij Siong lantas berkata: Sinshe! saja harep sinshe djangan pake itoe adat. Sekarang saja maoe tanjak sama sinshe. Sinshe poenja bakal mertoewa ada pegang pangkat di mana? di sini atawa di lain tempat, atawa tida pegang pangkat?

Khoe Kwe menjahoet: Saja tiada mengarti dengen maksoed apa taijdjin tanjak saja bagitoe. Maka saja minta taijdjin soeka kasih taoe.

Oeij Siong menjahoet: Bagimana saja poenja ingetan, kaloe sinshe poenja mertoewa ada berpangkat, saja maoe kasih taoe sama Sin Siang, soepaja Sin Siang kirim satoe soerat padanja, kasih taoe, jang sinshe soedah di boewat mantoe oleh Sin Siang, dan dari itoe dia tjari sadja lain orang boewat mantoe; dan Sin Siang nanti toeloeng padanja, biar dia boleh naek pangkat dan dapet gadji besar. Bagitoe, saja rasa tentoe dia nanti soeka hati dan menoeroet. — Kaloe sinshe poenja bakal mertoewa ada orang ketjil sadja, itoe ada gampang sekali. Sin Siang nanti panggil dia dateng di sini boewat bitjara dan kasih dia sedikit oewang boewat ongkost kawinin anaknja sama lain orang. Saja rasa tentoe dia menoeroet sadja. Kaloe sinshe soedah djadi Sin Siang poenja mantoe dan tinggal ini astana, tentoe sinshe nanti seneng sekali, dan sinshe poenja bapa lekas nanti naek pangkatnja. Itoe saja rasa paling baik.

Khoe Kwe lantas tertawa berkakakan dan berkata: Kaloek saorang boewang dia poenja bini, sebab pandeng orang poenja kakajaän, orang itoe tentoe boekan manoesia, hanja sama dengen binatang!

Oeij Siong lantas berkata: Sinshe! Kaloek Sinshe tidak soeka menoeroet, itoe poen tinggal Sinshe poenja soeka. Kaloek Sinshe bitjara begitoe, dan Sin Siang dapet denger, saja selempang nanti Sinshe serta ema dan bapa dapet soesah. Kalock sampe djadi begitoe, tentoe djadi sia-sia Sinshe poenja peladjaran jang dipeladjarin begitoe lama. Seselan selamanja dateng di belakang; dari itoe saja harep Sinshe pikir baik-baik. Khoe Kwe denger begitoe, lantas djadi berdongkol dan marah sekali, dan berkata: Kaoe, bangsa gladak! Kaoe kira ini Khoe Kwe orang apa? Dari doeloe kita-orang ada poenja igama, bahoewa sa-orang misti pegang baik atoeran adat, misti berhati bresih dan taoe maloe. Kaoe soedah makan gadji dari Radja, dan pegang pangkat Lee Louw Siangsi (kepala dari koempoelan istiadat dan perboewatan baik); tapi sekarang kaoe tidak kerdja baik boewat negri, hanja soedah boewang adat jang misti, dan soedah djadi tidak sekali taoe maloe, sampe soedah brani maoe paksa orang dengen mengantjam, dan mengakoe di moeka orang banjak, jang kaoe djadi anaknja Sin Siang. Patoet kaoe misti inget minggir dan lepasken pangkat, soepaja brangkali kaoe bisa tinggal hidoep! Di moeka saja kaoe brani tjerita begitoe? Kaoe kira ini Khoe Kwe ada berat sama ini pangkat jang enteng sama djoega salembar boeloe ajam?

Sembari bilang perkataän jang pengabisan itoe, Khoe Kwe soedah ambil kopianja sendiri dari kepala dan lantas limparken djaoeh. Kamoedian dia lantas berkata: Saja satoe laki-laki jang pake hati setia, ada inget dengen pasti, maoe habisken kaoe poenja koempoelan bangsa geladak! Besoek saja nanti madep pada Maha Radja dan kasih taoe kaoe poenja

perkara djahat semoewa! Habis bilang begitoe, Khoe Kwe itoe tidak toenggoe disahoetin lagi, hanja lantas sadja dia kaloewar, naik djoli, dan teroes poelang. Di tengah djalan dia berkata: Di dalem ini keraton ada banjak sekali orang jang berpangkat tinggi; tapi tidak sa-orang bisa bikin ini geladak dapet tjilaka; apa lagi kami jang baroe sadja moelain maoe dapet pangkat! Apa kami boleh bikin sama dia? Kami poenja sakit hati beloen terbales, barangkali djiwa kami soedah hilang doeloewan. Paling baik kami poelang sadja doeloe dan menoenggoe waktoe jang baik.

Tempo Khoe Kwe soedah sampe di tempatnja menoempang, dia lihat Bok Ing tidak ada. Dia tanjak pada orang jang ada di sitoe, orang itoe bilang jang Bok Ing pergi pada Pang Lok Thian. Dia lantas soeroe orang itoe pergi kasi taoe pada Pang Lok Thian, Tong Tjin dan Liok Hok Tjhe, jang dia maoe poelang dan tinggalken pangkatnja, sebab dia tidak maoe kawin sama anaknja Louw Kie. Kamoedian dia lantas toekar pakean dan lantas brangkat pergi sama sama pengikoetnja.

Oeij Siong denger Khoe Kwe maki padanja sampe begitoe, dia soedah djadi kamemek dan tidak bisa boeka soewara. Sasoedahnja Khoe Kwe pergi, baroe dia djadi goesar dan memaki-maki. Dia lantas pergi ka dalem dan kasih taoe perkaranja semoea pada Louw Kie Louw Kie denger bitjaranja Oeij Siong, lantas djadi goesar sekali dan lantas soeroeh boedak-boedaknja pergi tangkep itoe Khoe Kwe. Tapi Oeij Siong kasih taoe padanja, jang Khoe Kwe soedah pergi. Orang-orang di dalem kota ada banjak sekali jang bitjara satoe sama lain, katanja: Sajang sekali ini orang jang baroe dapet pangkat ponggan, saorang jang tjakep dan pinter, soedah tinggalken dia poenja pangkat dan teroes pergi. Taoelah dari sebab mendapet perkara apa sama Louw Kie, maka dia begitoe.

Sebab banjak orang-orang jang bitjara dari hal itoe, Louw Kie djoega soedah dapet denger. Dia djadi bertambah lagi goesarnja dan berkata: Itoe satoe binatang begitoe brani koerangadjar, tidak endaïn atoeran negri ? Dia rasa dia boleh toeroet soekanja sadja, maoe dateng atawa pergi? Dia nanti dapet taoe, bagimana kamistiannja!

Itoe waktoe djoega dia lantas kirim satoe soerat pada poenggawa perang jang ada di tangsi, soepaja poenggawa itoe bawak 500 soldadoe pergi soesoel dan tangkep itoe Khoe Kwe jang lari. Khoe Kwe tempo kasoesoel oleh itoe soldadoe soldadoe, hatinja lantas inget, jang sekarang tentoe dia misti mati. Dia tida bisa bikin apa apa; dari itoe dia lantas serahken sadja dirinja dan ikoet itoe soldadoe balik ka Kraton. Sasampenja di sana, Louw Kie lantas kasi prentah, soepaja orang bawak tangkepan itoe ka satoe tempat, jang biasa di pake toetoep poenggawa poenggawa, dan dia soeroe sa-orang djaga baik baik; kerana besoek pagi baroe dia maoe kasi taoe perkara itoe pada Radja.

Khoe Kwe poenja boedak boedak lihat toewannja di tangkep, semoewa lantas toeroet balik kombali dan pergi kasi taoe sama semoewa poenggawa jang dia orang kira toewannja poenja sobat. Poenggawa jang denger hal itoe, semoewa djadi goesar sekali dan lantas kirim orangnja pada Khoe Kwe boewat kasi taoe, jang Khoe Kwe itoe traoesah takoet apa apa. Djoega semoewa poenggawa itoe soeroe panggil semoewa orang jang baroe habis bikin examen dan dapet pangkat Tjinsoe, boewat berdami soepaja semoewa Tjinsoe itoe masoek soerat pada Radja, aken. kasi toeloeng pada Khoe Kwe.

Sekalian isi negri lihat Khoe Kwe di tangkep dan sekarang misti menoenggoe poetoesan hoekoem dari Radja, semoewa ada merasa sakit hati; terlebih lagi tempo dia orang soedah dapet taoe apa sebabnja, maka Khoe Kwe itoe lari. Di antara orang orang itoe ada banjak sekali jang soedah toeroet djoega bikin examen, tapi tida katrima. Selagi marika koempoel bitjara, ada satoe orang jang dateng dan berkata: Ini kansin ada djahat sekali. Kita orang djoega nanti boleh kena terkaniaja. Paling baik, sekarang ini biar kita orang tjari akal boewat toeloeng sama itoe Ponggan, soepaja djangan orang bilang, jang kita orang tida bergoena sekali.

Sa-orang lain berkata: Itoe betoel! Sekarang saja rasa, paling baik kita orang bikin riboet dalem ini Kraton; sebab kaloe tinggal sampe besoek, barangkali itoe Ponggan soedah dapet hoekoeman mati.

Lain orang menjahoet: Djangan kita orang roesoeh sekarang. Kita orang misti toenggoe sadja sampe besoek pagi dan djaga itoe doewa kansin. Kaloe dia orang maoe masoek boewat mengadep pada Radja, di sitoe kita orang tangkep sadja padanja dan poekoelin sampe satengah mati.

Lain orang menjahoet: Itoe betoel! Kita misti poekoel padanja, sampe dia mati betoel betoel, dan saja sendiri nanti madep boewat trima hoekoemannja perkara memoekoel itoe.

Sa-orang lantas menanjak padanja, katanja: Sobat! kenapa sobat ada ingetan begitoe?

Itoe orang menjahoet: Saja poenja roemah djaoeh sekali; toelisan saja, maskipoen baik, tida djoega katrima; saja maoe poelang, tiada poenja ongkost. Dari itoe saja rasa, lebih baik saja sa-orang djadi mati boewat toeloeng banjak orang.

Orang jang banjak lantas berkata: Sobat poenja ingetan betoel sekali. Tapi kaloe kita orang toeroet dalem itoe perkara, apa tida nanti semoewa dapet hoekoem? Paling baik sekarang biar kita orang pergi tanjak doeloe pada Pang Lok Thian.

Habis omong begitoc, sekalian orang itoe lantas pergi ka astananja Pang Lok Thian. Itoe tempo Pang Lok Thian lagi doedock sama-sama Tong Tjin, Liok Hok Tjhe dan Bok Ing, dan ini ampat orang soedah taoe djoega, jang nanti bakal timboel roesoeh. Tempo satoe boedak dateng kasih taoe pada Pang Lok Thian, ada banjak orang minta bertemoe, Pang Lok Thian lantas berkata: Kami soedah taoe itoe orang maoe apa. Kaoe kasih taoe sadja padanja, itoe perkara kami tiada maoe tjegah, dan siapa jang berdosa, dia sadja jang misti pikoel hoekoeman.

Itoe boedak lantas pergi ka loewar dan kasih taoe hal itoe pada itoe orang banjak, jang lantas djadi girang sekali. Semoea lantas pergi dari sitoe dan koempoel di satoe tempat, menoenggoe sampe besoek pagi. Pada besoeknja pagi-pagi, sabeloen brangkat pergi ka astana Radja, orang-orang itoe semoea soedah berdami dan berempoek boeat poekoel Louw Kie dan Oeij Siong pada waktoënja baroe toeroen dari djoli.

Louw Kie ada pikirin, tjara bagimana boleh bikin tjilaka sama itoe Khoe Kwe. Samaleman teroes dia tidak bisa tidoer; tapi tempo soedah ampir pagi, dia dapet inget, baik ia pergi pagi-pagi sekali ka astana Radja, soepaja sabeloennja poenggawa jang lain dateng, dia boleh bertemoe doeloe dan bitjara sama Radja. Itoe waktoe djoega, dia lantas kasih printah, soepaja orang sedia djoli dan lantas dia brangkat.

Pang Lok Thian serta sobat-sobatnja ada rasa, jang sekarang ada tempo paling baik boewat bikin apa-apa pada Louw Kie. Maka sasoedahnja itoe orang-orang banjak moendoer, Pang Lok Thian lantas bikin sedia segala soerat pengadoeän. Sasoedahnja itoe, dia serta sobat-sobatnja tinggal doedoek sadja mengomong-omong. Tempo soedah ampir pagi dia lantas brangkat bersama-sama itoe tiga sobatnja, boewat mengadep pada Radja. Tempo sampe di astana Radja, dia-orang bertemoe pada itoe orang-orang jang 'maoe bikin roesoeh. Dia orang berkata pada marika itoe: Kaoe kasi betoel-betoel sama dia! Djangan sampe dia bisa lari!

Selagi dia-orang berkata begitoe, Pang Lok Thian dapet lihat djolinja Louw Kie. Dia lantas kitjapin sobat-sobatnja dan semoewa lantas masoek ka dalem astana.

Sekalian orang jang niat bikin roesoeh, lihat djolinja Louw Kie dateng, semoewa lantas berdandan dan banjak jang berkata:„toepa dia! toe-pa dia" _ Tapi ada saorang jang lebih tjerdik soedah lantas kisikin marika itoe dengen berkata: St! Djangan roesoeh! Nanti dia lari! Tempo djolinja Louw Kie soedah sampe di depan astana, pengikoetnja berkata pada orang-orang jang maoe bikin roesoeh itoe: Kaoe orang-orang apa ini? Apa kaoe tidak taoe ini djoli Sin Siang, maka kaoe brani riboet-riboet?

Itoe orang banjak menjahoet: Ha! Bagoes! Kabetoelan sekali! Memang soedah lama kita-orang menoenggoe di sini!

Sembari bilang begitoe, orang-orang itoe lantas sadja moelain labrak sekalian pengikoetnja Louw Kie, jang dari sebab tiada tahan, lantas sadja pergi lari, tinggalken diaorang poenja toewan sama-sama djolinja. Louw Kie denger riboet-riboet, dia djadi sanget kaget; tapi baroe sadja dia maoe menanjak apa-apa, orang lantas tarik dia kaloewar dari djoli dan labrak padanja rame-rame. Sedeng Louw Kie lagi dihebatin dan triak-triak, Oeij Siong dateng dengen djoli. Dia lihat riboet-riboet begitoe, lantas dia menempo ka loewar dari djolinja; tapi beloen sampe dia boeka moeloet boewat tanjak apa-apa, ― itoe orang-orang jang bikin roesoeh, banjak jang soedah angkat tangan menoendjoek padanja, dengen berkata: „Ha! Ini satoe lagi!“ dan begitoe djoega lantas Oeij Siong ditarik dari dalem djolinja ka loewar dan dihebatin kalang-kaboet, sampe dia bekaok-kaok sakoewat-koewat.

Bebrapa poenggawa, jang ada di dalem astana menoenggoe datengnja Maha-Radja, semoewa poen denger roesoeh-roesoeh itoe; dia orang berkata pada Pang Lok Thian: Kaloek taijdjin pergi ka loewar dan kasih inget sedikit pada itoe orang-orang jang roesoeh, tentoe dia-orang lantas brenti.

Pang Lok Thian menjahoet: Hah! Kita orang semoewa boekan taoe itoe Sin Siang soedah banjak sekali kaniaja orang jang baik? Ini sekali dia baroe dapet balesan jang enteng sadja. Itoe orang-orang jang bikin roesoeh, semoewa orang jang tidak katrima examennja. Kaloek saja pergi kasih inget dan dia-orang tidak ladenin, tentoe saja djadi maloe. Apa tidak lebih baik sobat sadja pergi oeroesin itoe?

Sekalian jang bitjara pada Pang Lok Thian itoe, semoewa poen ada menanggoeng sakit hati pada Louw Kie dan Oey Siong. Dia-orang denger Pang Lok Thian poenja bitjara begitoe, semoewa lantas tinggal dijem sadja. Tempo Maha Radja soedah dateng dan berdoedoek, baroe itoe poenggawa-poenggawa pergi ka loewar dan bikin brenti itoe roesoeh. Louw Kie dan Oeij Siong ― kasian sekali ― doewa-doewa terletak di tanah dengen pakean jang antjoer dan kepala jang petjah; badan poen mateng di sana sini. Dia orang lantas di angkat dan di bawak masoek ka dalem.

Tempo roesoeh soedah brenti, itoe orang-orang jang bikin roesoeh berkata satoe sama lain: Sekarang ini perkara soedah djadi begini, baik djangan kita-orang lari; kita-orang mengadep sadja pada Radja dan kasih katrangan jang perloe.

Louw Kie dan Oeij Siong tempo dateng di depan Radja, doewa-doewa lantas berloetoet dengen menangis dan berkata: Hamba moehoen Hong Siang poenja toeloengan.

Maha Radja melihat dia berdoewa, lantas berkata: Lo Sian Sing! kenapa kaoe berdoewa begitoe matjem? Ada apa?

Louw Kie lantas menjahoet dengen menangis: Hamba ada djalan berdjoli boewat dateng mengadep pada Hong Siang; tempo hamba sampe di moeka astana, hamba bertemoe sama orang-orang jang memang soedah ditaroek dengen sengadja oleh itoe poenggawa jang djadi kepala priksa examen. Dengen kaget itoe orang-orang soedah rampok semoewa hamba poenja soerat-soerat lapoeran dan poekoel hamba satengah mati. Oeij Siong dateng, maoe kasih toeloengan sama hamba, tapi dia djoega lantas dipoekoelin. Itoe orang-orang ketjil soedah brani poekoel hamba, satoe poenggawa jang No. 1, semoewa soedah djadi dengen printahnja itoe poenggawa jang soedah djadi kepala priksa examen. Dari itoe hamba moehoen Hong Siang poenja timbangan.

Radja lantas menanjak, katanja: Kaoe soedah bilang kaoe poenja soerat-soerat soedah dirampok, soerat apa itoe?

Lauw Kie menjahoet: Itoe soerat ada dakwaän pada Khoe Kwe jang baroe dapet nama ponggan, atas hal dia soedah brani maki-maki pada hamba dan soedah tinggalken pangkatnja dan teroes lari.— Hamba rasa dia ada langgar atoeran; dari itoe hamha soedah soeroeh tangkep dan toetoep dia di roemah toetoepan boewat poenggawa, soepaja menoenggoe sampe ini pagi.—

Maha Radja lantas berkata: Kaoe berdoewa boleh bangoen dan doedoek di masing-masing poenja tempat. Kami maoe priksa ini perkara. Kamoedian Maha Radja lantas menanjak pada Pang Lok Thian, katanja: Tadi Louw Kie ada bilang, jang kaoe soedah taroek itoe orang-orang jang bikin roesoeh, dengen kasih printah boewat poekoel Louw Kie itoe. Apa itoe ada betoel? Dan itoe Khoe Kwe soedah tinggalken pangkatnja, dari sebab apa? Itoe semoewa kami mintak kaoe kasih katrangan. Pang Lok Thian menjahoet: Hamba soedah trima Hong Siang poenja printah boewat priksa sekalian orang poenja examen. Kaloek di dalem priksaän itoe ada salah, itoelah hamba ampoenja salah. Dari hal itoe orang-orang soedah brani memoekoel pada Sin Siang, itoe hamba tidak sekali taoe. Hamba dan Sin Siang tidak sekali ada bermoesoehan; maka tentoe sekali tidak nanti hamba bikin perkara itoe, seperti dia soedah bilang. Itoe, orang-orang jang bikin roesoeh, semoewa ada orang jang tidak katrima examennja. Sekarang itoe orang- orang semoewa masih koempoel dan ada di loewar. Kaloek Hong Siang soeka priksa marika itoe, tentoe nanti dapet taoe djoega segala sebab, bersama-sama perkara Khoe Kwe djoega.

Maha Radja denger begitoe, lantas kasih printah pada satoe orang, soepaja panggil masoek itoe orang-orang peroesoehan semoewa. Sekalian orang itoe lantas masoek dan berloetoet di hadepan Radja.

Maha Radja berkata: Kaoe-orang semoewa ada orang jang terpeladjar; patoet kaoe orang misti taoe adat dan atoeran. Tapi kenapa kaoe soedah brani koempoel aken poekoel kami poenja poenggawa jang paling besar di kami poenja moeka pintoe? Kaoe taoe, apa hoekoemannja perkara itoe?

Itoe orang-orang menjahoet: Hamba semoewa ada taoe djoega atoeran, dan tidak sekali brani langgar Hong Siang poenja titah. Dari ketjil hamba soedah bergoeroe soerat dengen harepan aken mendapet pangkat, soepaja nama djadi bagoes dan anak-bini djadi seneng; itoe Khoe Kwe poen tentoe begitoe djoega harepannja.

Sekarang hamba semoewa ada sakit hati sekali, sebab lihat itoe Khoe Kwe —saorang moeda jang tjakep dan soedah mampoe bernama ponggan — ditangkep dan ditoetoep dengen tidak lain sebabnja, melinken ini sadja: Sin Siang maoe poengoet mantoe sama dia dan soeroe Oeij Siong bitjara; tapi Khoe Kwe, sebab soedah ada poenja toenangan, soedah tolak permintaännja. Tidak kira Oeij Siong soedah tiada pegang istiadat, hanja pake Sin Siang poenja kaängkeran dan paksa Khoe Kwe boewat boewang toenangannja, soepaja kawin sama anaknja Sin Siang. Khoe Kwe soedah bitjara aloes segala roepa, tapi Oeij Siong tidak ladenin, malah lantas kasih antjaman kras padanja. Khoe Kwe takoet nanti djadi dapet tjilaka dari itoe perkara; maka itoe dia lantas lari dengen tinggalken pangkat. Louw Kie, sebab inget pangkatnja besar, soedah djadi loepa sama atoeran, lantas pake dia poenja koewasa dan kasih kaloewar soldadoe boeat tangkep Khoe Kwe itoe, jang sekarang soedah tertoetoep. Hamba semoewa ada selempang, nanti Hong Siang pertjaja sama pengadoeännja Sin Siang dan lantas kasih hoekoeman sama orang tidak berdosa. Maka itoe dengen brani hati hamba dateng boewat madep pada Hong Siang dan oendjoek katrangan. Tapi baroesan, tempo Sin Siang dan Oeij Siong dateng, hamba soedah tidak kaboeroe minggir dengen lekas, dan lantas adja Sin Siang dan Oeij Siong poenja pengikoet-pengikoet soedah poekoel sama hamba semoewa. Sebab hamba inget, jang dia berdoewa, orang berpangkat begitoe tinggi, soedah brani bikin perkara jang tidak patoet sekali,— hamba lantas djadi gelap mata dan moelain melawan. Aken hal itoelah sekarang ini, hamba moehoen beriboe-riboe pada Hong Siang, soepaja hamba boleh dapet ampoen.

Maha Radja denger begitoe, lantas memanggoet-manggoet dan soeroe orang peroesoehan itoe pergi menoenggoe sadja di loewar. Kamoedian Radja lantas berkata pada Sin Siang: Apa betoel kaoe soedah paksa itoe Khoe Kwe boewat boewang bini dan kawin sama kaoe poenja anak, sabagimana itoe orang-orang peroesoehan soedah bilang?

Louw Kie menjahoet: Itoe perkara ada hamba poenja perkara sendiri, dan Hong Siang traoesah priksa. Hamba moehoen biar Hong Siang priksa sadja perkara Khoe Kwe, jang lari tinggalken pangkat, dan perkara itoe orang-orang jang soedah brani memoekoel pada hamba. Hamba moehoen biar di orang semoewa di bri hoekoeman.

Maha Radja denger penjahoetan begitoe, lantas djadi goesar dan berkata: Kaoe dan Oeij Siong berdoewa ada salah sekali! Kaoe poenja pangkat begitoe tinggi, patoet kaoe misti pegang adat dan kasih toeladan baik sama segala orang. Tapi sekarang kaoe soedah bikin perkara jang amat tiada patoet! Kami tiada soeka boewat priksa perkara ini lebih djaoeh !

Habis bilang begitoe, Maha Radja lantas serahken itoe doewa sakitan, Louw Kie dan Oeij Siong, pada president dan lid-lid dari kantoor Samhoatsi (justitie) dan kasih printah, soepaja marika priksa ini perkara semoewa di kantoornja, dan kasih lapoer dari kasoedahannja. Kamoedian Maha Radja lantas bangoen dan teroes masoek ka dalem astana.

Sasoedahnja Radja masoek lantas sadja Pang Lok Thian — president dari kantoor Samhoatsi —kasih printah aken bawak itoe doewa sakitan, ka kantoor Samhoatsi, dan soeroe orang ambil djoega Khoe Kwe dari toetoepan. Sasoedahnja orang-orang itoe semoewa berkoempoel di kantoor Samhoatsi, Pang Lok Thian serta doewa lid lantas berdoedoek dan moelain memeriksa pada Louw Kie; dia berkata: Kita orang dapet printah dari Baginda Maha Radja aken priksa ini perkara. Kaoe orang misti bitjara teroes terang dan djangan sekali sangkal.

Louw Kie denger itoe, lantas tertawa dan berkata: Saja tiada sekali mesti menjahoet apa apa. Saja harep djoega taijdjin bertiga nanti inget sama sobat baik, apa lagi saja dan taijdjin poen ada sama sadja orang besar. Pang Lok Thian lantas berkata: Sin Siang soedah paksa sama Pong Gan, dan dengen koewasa sendiri soedah kaloewarken soldadoe, semoewa hal itoe soedah njata. Bagimana Sin Siang boleh bilang tidak misti menjahoet apa-apa?

Louw Kie menjahoet: Taijdjin poenja bitjara salah sekali. Saja jang pegang pangkat tinggi poen traoesah selempang nanti tiada dapet mantoe. Boeat apa saja peksa sama itoe Pong Gan? dari itoe perkara kaloewarken soldadoe, tidak lain, melinken sebab Khoe Kwe soedah brani langgar atoeran: lari pergi dengen tinggalken pangkatnja. Maka itoe saja kasih printah boewat tangkep.

Pang Lok Thian berkata: Itoe soldadoe misti digoenaken boewat perkara jang besar sekali, dan kita-orang, jang djadi poenggawa, tiada poenja koewasa boewat kaloewarken dia. Tapi kaoe soedah bikin itoe. Itoelah kaoe poenja salah jang pertama. Sekarang kami maoe tanjak lagi. Doeloe Bwee Kwee soedah terhoekoem mati, sebab apa? Dan sekarang Tan Djit Sing laki-bini ada di dalem pendjara, sebab apa? Tjoba kaoe bikin terang.

Louw Kie menjahoet: Itoe ada lain perkara. Maha Radja kasih printah pada taijdjin boewat priksa perkara Khoe Kwe sadja. Dari itoe djangan taijdjin bikin lain roepa.

Pang Lok Thian lantas poekoel medja dan berkata: Kami ada koewasa boewat priksa sama kaoe, sabagimana kami soeka! Kaloeek kaoe tidak mengakoe teroes-terang, djangan djadi sakit hati, kaloek kaoe soedah terpaksa misti mengakoe.

Louw Kie menjahoet: Itoe Bwee Kwee dan Tan Djit Sing ada terhoekoem dengen printah Radja. Boekan saja poenja perkara, sekarang sebab saja ada berpangkat paling tinggi, sekali poen saja ada sedikit salah, taijdjin toch tidak bisa hoekoem sama saja; boewat apa bitjara keras?

Itoe waktoe lantas ada dateng satoe thaijkam (badoewanda) bawak soerat-printah dari Radja seita pekakas mengompes. Pang Lok Thian denger orangnja kasih taoe datengnja thaijkain itoe, dia lantas kira, brangkali Thaij Tjoe (Pangeran-Makota) soedah masoek bitjara sama Radja, aken kasih toeloeng sama Louw Kie. Maka dia sama doewa lid lantas bangoen dan pergi ka-loewar, aken samboet soeroehan itoe dan trima soerat Baginda. Boeninja soerat itoe, Maha Radja ada kasik printah boewat priksa betoel itoe perkara, jang sekaraug lagi di priksa, dan kaloek misti pake pekakas boewat mengompes, misti pake itoe pekakas jang Radja kirim. Sasoedahnija trima itoe semoewa, Pang Lok Thian serta doewa lid itoe lantas balik kombali ka dalem dengen di-ikoet oleh itoe thaijkam. Sasoedahnja marika sampe di dalem, itoe thaijkam berkata pada Pang Lok Thian: Ini doea orang, Louw Kie dan Oeij Siong, ada djahat sekali! Doeloe saja poenja keponakan djoega soedah kena dia-orang kaniaja sampe mati. Sekarang saja rasa dia-orang tidak nanti boleh dapet toeloengan lagi, kerna Hong Siang ada goesar sekali padanja. Saja harep biar taijdjin priksa betoel-betoel dia-orang poenja perkara.

Sasoedahnja Pang Lok Thian memanggoet, itoe thaijkam lantas brangkat poelang kombali.

Pang Lok Thian serta doewa lid dari kantoor itoe lantas doedoek kombali di korsi kadoedoekannja, dan Pang Lok Thian lantas berkata pada Louw Kie dan Oeij Siong: Mengakoe sekarang dengen betoel kaoe poenja dosa dalem perkara Bwee Kwee dan Tan Djit Sing! Kaloek tidak, kami nanti kompes sama kaoe.

Oeij Siong beloen sampe menjahoet, Louw Kie soedah berkata: Tadi saja soedah bilang, jang itoe Bwee Kwee dan Tan Djit Sing ada terhoekoem dengen printah Radja.

Pang Lok Thian menjahoet: Kaloek kaoe tidak maoe mengakoe, kami nanti tjoba kompes; maka baiklah kaoe bitjara teroes-terang.

Louw Kie menjahoet: Apa taijdjin maoe paksa, biar orang bitjara dari hal jang tidak misti ?

Pang Lok Thian tidak berkata apa-apa lagi, melinken lantas sadja kasih printah, soepaja orang djepit kakinja Louw Kie serta Oeij Siong itoe berdoewa. Sekalian hamba dari kantoor Samhoatsi lantas boeka itoe doewa orang poenja pakean kabesaran, lepasken marika poenja sepatoe, dan lantas moelain djepit doewa-doewa lantas triak sakoewat-koewatnja.

Pang Lok Thian lantas tanjak kombali pada marika itoe, kaloek-kaloek sekarang dia orang maoe akoe dosanja. Doewa-doewa menjahoet jang dia-orang tiada ampoenja salah. Maka Pang Lok Thian lantas kasih printah lagi, soepaja djepit marika itoe lebih keras. Sasoedahnja itoe, Pang Lok Thian lantas tanjak kombali, apa maoe mengakoe atawa tidak. Louw Kie dan Oeij Siong tidak menjahoet; tapi jang djepit padanja lantas kasih taoe, jang orang berdoewa itoe ada kalenger. Pang Lok Thian lantas kasih printah boewat siram ajer di kepalanja Louw Kie dan Oeij Siong itoe. Tidak brapa lama, Louw Kie dan Oeij Siong lantas moelain inget dan triak-triak kombali. Oeij Siong lantas berkata pada Louw Kie: Entia! Kita-orang tidak nanti bisa tahan siksaan ini; lebih baik kita-orang mengakoe sadja.

Louw Kie lantas berkata: Apa boleh boeat! Taijdjin saja minta taijdjin soeroeh lepas ini djepitan; kita-orang nanti akoe semoewa, toeroet taijdjin poenja maoe.

Tempo djepitannja di lepasken, Louw Kie triak lagi sekali dari sakit, kerna koelitnja ada lengket pada djepitan jang di boekaken itoe. Sasoedahnja doewa-doewa terlepas dari djepitan, Pang Lok Thian lantas berkata pada dia-orang: Sekarang lekas kaoe-orang mengakoe semoewa kaoe-orang poenja dosa dalem perkara Bwee Kwee dan Tan Djit Sing.

Sasoedahnja marika berdoewa mengakoe sekalian dosanja dalem doewa perkara itoe, Pang Lok Thian lantas soeroeh orang kasih kertas dan perabot toelis padanja, soepaja marika toelis sendiri pengakoeannja dan tidak nanti bisa moengkir.

Sasoedahnja Pang Lok Thian trima itoe soerat-soerat pengakoean, dia lantas kasih printah pada orang-orangnja, soepaja bawak itoe doewa sakitan dalem boei, boewat menoenggoe Radja poenja poetoesan. Kamoedian sekalian poenggawa itoe lantas poelang masing- masing.

Sasampenja di astana sendiri, Pang Lok Thian lantas soeroech panggil Bwee Liang Giok dan Tjoen Sing dateng padanja. Sasoedahnja dia-orang berdoewa dateng, Pang Lok Thian lantas adjak doedock di dalem. Pang Lok Thian berkata: Hiantit! Ini sekarang ada tempo jang bagoes sekali boewat kaoe- orang berdoewa. Sekarang kaoe berdoewa, masing-masing misti bikin soerat pengadoean dari hal perkaranja kaoe berdoewa poenja bapa, soepaja boleh bikin terang kaoe poenja diri.

Bwee Liang Giok dan Tjoen Sing bilang banjak trima kasih, lantas kasih slamet tinggal dan teroes poelang aken bikin soerat pengadoean itoe.

Pada besoeknja pagi, tempo mengadep pada Radja, Pang Lok Thian bawak itoe soerat soerat pengadoean dari Louw Kie dan Oeij Siong, dan dia adjak djoega itoe orang banjak jang soedah bikin roesoeh dan poekoel Louw Kie dan Oeij Siong itoe.

Sasoedahnja sekalian poenggawa ada berkoempoel dan Radja soedah berdoedoek di tachtanja, Pang Lok Thian lantas madep membri taoe pada Radja, jang dia soedah priksa Louw Kie dan Oeij Siong, dan lantas serahken djoega itoe doewa orang poenja soerat soerat pengakoean.

Maha Radja tempo batja soerat-soerat pengakoean itoe, dia lantas djadi goesar sekali dan berkata: He! Kami tidak kira itoe geladak ada begitoe djahat! Kaloek begitoe, dia-orang boleh bikin kami dapet tjilaka besar sekali! Kaloek tidak itoe orang-orang banjak jang bikin roesoeh dan hebat dia-orang berdoewa, tentoe sampe sekarang djoega kami masih tinggal seperti poeles! Sajang sekali sama itoe Bwee Kwee jang soedah terterkaniaja dan jang kami soedah koerang priksa! Hal Tan Djit Sing masoek di dalem boei, itoe ada bikin djoega kami menjesel sekali, oleh kerna kami soedah denger sadja itoe geladak soenja bitjara.

Habis bilang begitoe, Radja lantas kasih perentah kaloewarken Tan Djit Sing laki dan istri dari boei pangkatnja.

Kamoedian Radja lantas menanjak pada Pang Lok Thian, brangkali dia taoe, kaloek-kaloek Bwee Kwee misih ada poenja toeroenan. Pang Lok Thian menjahoet: Bwee Kwee poenja anak, ja-itoe jang sekarang soedah dapet pangkat Tjiong Goan dengen pake nama Bok Ing; Tan Djit Sing poenja anak, jaitoe jang baroe mendapet pangkat ponggan dengen pake nama Khoe Kwe.

Maha Radja denger begitoe, djadi amat soeka hati, kerana inget jang itoe poenggawa-poenggawa besar ada poenja toeroenan begitoe baik. Dia lantas soeroe panggil itoe Tjiong Goan dan Pong Gan dateng mengadep. Sebentar lagi itoe Tjiong Goan dan Pong Gan lantas dateng dan masing-masing serahken dia poenja soerat pengadocan pada Maha Radja. Maha Radja trima itoe soerat-soerat dan moelain batja jang Bwee Liang Giok poenja; boeninja :

Di persembahken dengen segala kahormatan ka bawah doeli Sri Baginda Maha Radja jang amat moelja dalem keradjaän Taij Tong Tiauw. Hamba jang amat rendah, Bok Ing,

Han Lim Ie Sioe Tjian, membri taoe dengen segala hormat:

jang sasoenggoehnja hamba ini saorang She Bwee, nama Liang Giok, anak dari saorang jang soedah meninggal doenia dengen dosa, bernama Bwee Kwee, jang tempo hidoepnja ada pegang pangkat Lie Pouw To Kip Soe;

jang dari sebab hamba poenja bapa ada pake hati betoel dengen adat keras, soedah djadi sering kali dia maoe menjegah Hong Siang poenja kahendak, sampe Louw Kie dan Oeij Siong djadi tidak seneng melihat braninja hamba poenja bapa itoe, dan lantaran itoe laloe dia-orang soedah goenaken akal dengen saboleh-boleh, boewat keniaja hamba poenja bapa, sampe achirnja djadi terhoekoem di boenoeh mati;

jang dia (Louw Kie) soedah kirim djoega orang ka Siang Tjioe boewat tangkep hamba sa-isi roemah, dengen tidak bersalah satoe apa, sampe hamba anak dan ema misti lari tinggalken roemah-tangga dan djalan bersengsara, dan hamba djadi terpaksa misti pake lain nama;

jang sekarang ada beroentoeng sekali boewat hamba ema dan anak, jang Hong Siang soedah dapet taoe ini perkara keniajaän, dan Samhoatsi soedah priksa dengen dapet katrangan baik.

Maka hamba sembahken soerat ini ka bawah Hong Siang poenja tachta, adalah aken moehoen dengen segala hormat:

soepaja Hong Siang soeka kasih idzin pada hamba, aken hamba pake kombali hamba poenja nama jang betoel, dengen tidak di kasih salah, jang hamba soedah brani pake nama palsoe;

soepaja Hong Siang soeka membri idzin, aken hamba mengoeboerken majitnja hamba poenja bapa, jang sekarang ada tersimpen di Siangkoksi;

soepaja Hong Siang soeka trima hamba serahken hamba poenja perkara ini ka dalem Hong Siang poenja pertimbangan jang amat adil.

Tan Tjoen Sing poenja soerat berboeni begini :

Di persembahken dengen segala kahormatan ka bawah doeli Sri Baginda Maha Radja jang amat moelja dalem keradjaan Taij Tong Tiauw.

Hamba jang amat rendah, Khoe Kwe, Han Lim Ie Pian Sioe, membri taoe dengen hormat :

jang sasoenggoehnja hamba ini saorang She Tan, nama Tjoen Sing. anak dari Hong Siang poenja hamba Tan Djit Sing, jang doeloe soedah di kasih lepas dari pangkat Lie Pouw Siangsi;

jang dari sebab tempo Hong Siang kasih printah pada hamba poenja bapa boewat bawak bala tentara dan poekoel negri Tattan, Bwee Kwee soedah brani tjegah Hong Siang poenja kahendak, sampe Hong Siang djadi goesar, dan Bwee Kwee itoe soedah djadi lantas terhoekoem mati, dan hamba poenja bapa soedah lantas is di kasih lepas dari pangkatnja.

Jang dari sebab itoe, hamba poenja bapa soedah lantas poelang, tinggal di kampoeng sendiri ;

Jang di belakang kali dari sebab Oan Hoe Siang soedah tida bisa tahan berperang sama orang Tattan, Louw Kie lantas tjari akal boewat kaniaja hamba poenja soedara prampoewan nama Hing Goan, sampe hamba poenja soedara itoe soedah djadi dapet prentah boewat pergi Hohoan, meninggalken iboe dan bapa;

Jang hamba soedah toeroet anter hamba poenja soedara itoe sampe di wates Negri;

Jang sebab Louw Kie soedah maoe dengen keras boewat habisken orang setia (Tiongsin), ija soedah tjari akal djoega, soepaja dapet lantaran aken tangkep dan Amasoekken di boei hamba poenja iboe dan bapa, dan soeroe djoega orang soesoel sama hamba, soepaja hamba djoega di tangkep, maski tida bersalah satoe apa;

Jang dari sebab itoe, hamba soedah djadi roesak pikiran dan pendek ingetan, sampe hamba lantas memboewang diri ka dalem kali, tapi tida sampe djadi mati, sebab ada jang toeloeng; dan dari sebab itoe, hamba soedah djadi terpeksa memake lain nama;

Jang sekarang, dengen tiada berdosa satoe apa, hamba soedah di tahan di dalem toetoepan Taij Tjoé Ie, melingken dari sebab hamba tida toeroet maoenja Louw Kie, jang dengen peksa maoe soeroe hamba boewang hamba poenja toenangan dan lantas kawin sama dia poenja anak;

Jang hamba sa-boleh boleh soedah bitjara baik boewat tolak prentahnja, tapi Louw Kie tida maoe mengerti dan lantas. antjam dengen keras pada hamba, hingga hamba djadi takoet dan teroes lari;

Jang sekarang, beroentoeng sekali boewat hamba, Hong Siang soedah dapet intaoe rasianja Louw Kie itoe.

Maka hamba sembahken soerat ini ka baadwah Hong Siang poenja tachta, adalah aken di memoehoen dengen segala kahormatan :

Soepaja Hong Siang soeka membri idzin pada hamba, aken hamba pake kombali hamba poenja nama jang betoel, dengen tida di kasi salah, sebab hamba soedah pake nama palsoe;

Soepaja Hong Siang soeka membri prentah aken keloewarken hamba poenja iboe dan bapa dari pemboeian;

Soepaja Hong Siang soeka trima hamba serahken hamba poenja perkara ka dalem Hong Siang poenja pertimbangan jang amat adil.

Sasoedahnja membatja doewa soerat itoe, Radja lantas berkata pada jang sembahken: Kaoe berdoewa boleh pake kombali kaoe orang poenja nama jang betoel.

Bwee Liang Giok dan Tjoen Sing membilang banjak trima kasi dan lantas moendoer dengen hormat.

Kamoedian Maha Radja lantas berkata pada Pang Lok Thian: Kami kasi poetoesan hoekoem pada itoe doewa sakitan: Oeij Siong nanti dapet hoekoeman potong kepala bersama sama semoewa orang isi roemahnja, dan harta bandanja di itoeng djadi poenjanja negri. Louw Kie misti di hoekoem djiret leher sampe djadi mati dan anak bininja misti di oesir dari Kraton.

Pang Lok Thian trima prentah itoe, lantas pergi aken djalanken. Itoe tempo Tan Djit Sing laki dan istri dateng mengadep pada Radja, membilang banjak trima kasi aken Radja poenja koernia. Maha Radja bitjara manis sedikit pada marika itoe, kamoedian lantas masoek ka dalem. Sasoedahnja Radja masoek, semoewa orang lantas poelang masing masing.

Tan Djit Sing serta istrinja pergi ka roemah Pang Lok Thian dan bertemoe di sitoe pada Tjoen Sing dan Bwee Liang Giok. Semoewa djadi menangis sedih sekali, dan bersjoekoer pada Allah Ta-allah. Tjoen Sing dan Bwee Liang Giok, masing masing tjeritaken di sitoe diri sendiri poenja perdjalanan, moelai dari brangkat anter Hing Goan Sio Tjia, sampe pada habisnja. Tan Djit Sing laki dan istri menangis kombali, tempo dia orang denger anak berdoewa itoe tjeritaken perdjalanannja. Tapi maskipoen menangis, seperti pembatjakoe tentoe rasa, hatinja ada terhiboer, sebab sekarang soedah terlepas dari segala soesah.

Pang Lok Thian sa-keloewarnja dari astana Radja, dia lantas kasi prentah boewat tangkep semoewa Oeij Siong poenja isi roemah, dan dia sendiri lantas pergi ka pemboeian ambil Louw Kie dan Oeij Siong, laloe bawak marika itoe ka tempat hoekoeman. Marika sampe di tempat hoekoeman itoe tida sebrapa lama, lantas dateng sekalian orang isi roemahnja Oeij Siong, toewa moeda dengen teriket tangannja.

Sasoedahnja semoewa koempoel, Pang Lok Thian lantas moelain kasih djalan jang trima hoekoem Paling doeloe Louw Kie didjiret lehernja dengen sapotong kain jang pandjang, sampe dia djadi mati; kamoedian lantas Oeij Siong di potong kepalanja; pengabisan lantas isi roemahnja di potong satoe per satoe.

Sasoedahnja Pang Lok Thian kasih perentah boewat koeboer sekalian majit orang hoekoeman itoe, dia lantas balik ka astana Radja boewat kasih lapoer, jang segala hoekoeman soedah di djalanken. Habis kasih lapoeran itoe pada Radja, Pang Lok Thian itoe lantas poelang, doedoek makan dan minoem sama Tan Djit Sing dan lain-lain, dan mengomong-omong sampe hari djadi malem.

Pada hari besoeknja Maha Radja toelis satoe soerat, dan kasihken itoe pada thaijkam, soepaja dia nanti batja di hadepan Tan Djit Sing dan orang-orang jang nanti dateng sama-sama.

Kamoedian Maha Radja lantas perentah satoe orang pergi panggil Tan Djit Sing laki dan istri serta Bwee Liang Giok dan Tjoen Sing. Sebentar lagi ampat orang itoe lantas dateng bersama-sama di dalem astana Radja, dan berloetoet di depan tachta. Itoe thaijkam jang ada pegang soerat Radja, lantas batja soerat itoe dengen soewara terang, begini:

Kami, dengen koernia Toewan Allah, Radja dari saäntero keradjaän Taij Tong Tiauw, membri titah dengen ini.

Jang dari sebab kami soedah dapet taoe rasia djahat dari kami poenja doea poenggawa, Louw Kie dan Oeij Siong, kami soedah hoekoem marika itoe berdoewa dengen keras, soepaja djadi toeladan pada poenggawa-poenggawa jang lain, jang kami kasih inget djoega di sini, soepaja semoewa tiada nanti toeroet perboewatanja orang-orang djahat itoe, dan saande ada jang soedah toeroet sama Louw Kie poenja koempoelan, biar dia orang lantas tinggalken koempoelan itoe.

Jang sebab kami soedah taoe terang Bwee Kwee socdah terhoekoem mati dengen tidak bersalah pada negri, sekarang kami dapet soeka boewat angkat sama dia; maka kami koerniaken dengen ini kapadanja: pangkat Thaij Tjoe Thaij Po Lie Pouw Siang Si; kami bri idzin, aken tanda ka hormattannja: Boleh di toelis di koeboerannja doewa hoeroef Tiong-Liat,^[1] dan kami bri perentah pada semoewa poenggawa negri dan poenggawa perang, ketjil dan besar, semoewa misti pergi sembajang dengen hormat di hadepan peti majituja Bwee Kwee itoe.

Jang dari sebab kami taoe, satoe Radja salamanja misti terbantoc oleh poenggawa-poenggawa besar jang baik, maka sekarang kami angkat Lie Pouw Siang Si Tan Djit Sing dengen koerniaken padanja pangkat Boen Hoa Tian Thaij Hak Soe; kami koerniaken pada istrinja pangkat It Phin Hoedjin,

dan persenken pada dia-orang, laki dan istri, semoewa Louw Kie poenja harta-banda;

kami angkat Tjo To Gi Soe Pang Lok Thian dengen koerniaken padanja pangkat Boe Ing Tian Thaij Hak Soe;

kami angkat Han Lim Ie Sioe Tjian Bwee Liang Giok dengen koerniaken padanja pangkat Han Lim Ie Thaij Hak Soe,

dan koerniaken pada iboenja, djanda Bwee Kwee, pangkat It Phin Hoedjin,

dan koerniaken pada istrinja jang kasatoe, Tan Hing Goan, pangkat It Phin Hoedjin dengen bri persen satoe prangkat pakean kabesaran.

Dan koerniaken pada istrinja jang kadoewa, Tje Ien Ing, pangkat Tjiong It Phin Hoedjin;

kami angkat Kan Lim Ie Pian Sioe Tan Tjoen Sing dengen koerniaken padanja pangkat To Tjhat Ie Ioe Hoe To Gi Soe,

dan koerniaken pada istrinja jang kasatoe, Tjioe Giok Tjia, pangkat Dji Phin Hoedjin.

dan koerniaken pada istrinja jang kadoewa, Khoe Ien Sian, pangkat Tjiong Dji Phin Hoedjin;

kami angkat Tong Tjin, Liok Hok Tjhe, Tje Pek Hoe dan Khoe San dengen koerniaken padanja masing-masing pangkat jang tiga tingkat lebih tinggi dari masing-masing poenja pangkat jang sekarang;

dan kami koerniaken pada Han Lim Ie Thaij Hak Soe Bwee Liang Giok satoe Siang Hong Po Kiam dengen kasih idzin padanja boleh boenoeh segala orang djahat dengen Po Kiam itoe, ta-oesah dengen masoek lapoeran doeloe pada kami, dan kami idzinken padanja boewat bawak pergi dan koeboerken majit bapanja dengen kabesaran.

Dengen ini djoega kami bri ampoen pada itoe orang-orang semoewa, jang soedah bikin roesoeh dengen poekoel Louw Kie dan Oeij Siong, dan koerniaken pada masing-masing orang itoe semoewa: Nama Tjin Hoe.

Kami bri titah pada sekalian poenggawa negri, soepaja dia-orang siarken angkatan dan koerniaän ini pada sekalian rahajat kami.

Sasoedahnja habis soerat itoe di batja, sekalian jang berloetoet itoe lantas bilang trima kasih aken koernia Maha Radja; kamoedian semoewa lantas poelang. Tan Djit Sing laki istri serta Tjoen Sing dan Bwee Liang Giok lantas pergi di astananja Louw Kie jang sekarang soedah djadi poenjaknja Tan Djit Sing itoe.

Pada besoeknja Tan Tjoen Sing lantas kasih masoek soerat pada Radja, moehoen permisi boewat ambil istrinja doewa-doewa dan lantas kawin djoega. Dia sendiri masoekken soerat permoehoenan itoe, tapi dalem Radja poenja soerat balesan ada perentah dia dan Bwee Liang Giok misti bawak masing-masing poenja istri dan kawin di Kota-Radja; kerana Radja hendak bikin pesta aken kawinan itoe.

Sasoedahnja Tjoen Sing dan Bwee Liang Giok trima perentah begitoe, dia-orang lantas pilih satoe hari boewat sembajangin majitnja Bwee Kwee. Tempo soedah dateng harian sembajang itoe, sekalian poenggawa, ketjil besar, semoewa dateng aken sembajang. toeroet printahnja Radja: Radja djoega kirim dia poenja thaijkam aken toeroet sembajang.

Sasoedahnja laloe bebrapa hari lamanja sadari habis sembajang itoe, Bwee Liang Giok serta iboenja lantas pergi mengadep pada Radja aken bilang trima kasih boewat Radja poenja koernia. Maha Radja lantas berkata pada Bwee Liang Giok: Kaoe soedah pegang itoe pangkat jang sekarang, kaoe misti priksa baik-baik di peloewaran, djangan sampe nanti ada poenggawa djahat seperti itoe Louw Kie, jang soedah banjak bikin soesah dan tjilaka sama orang.

Bwee Liang Giok menjahoet: Hamba soedah trima Hong Siang poenja koernia jang besar itoe, tentoe sekali dengen saboleh-boleh hamba nanti djalanken Hong Siang poenja printah dengen setia hati. Sekalian hamba mengadep ini, hamba membri taoe pada Hong Siang, jang hamba ada satoe perminta-an. Tempo hamba poenja bapa masih hidoep, dia soedah kasih hamba bertoenangan sama anaknja Houw Loan, Tikoan di Gitinkoan. Tempo hamba ada dapet soesah, hamba soedah pergi padanja dengen bawak satoe boedak lelaki nama Hitong. Hamba poenja ingetan, sebab soedah tiada poenja tempat, hamba maoe menoempang tinggal sama Houw Loan itoe. Baik djoega tempo hamba maoe madep padanja, Hitong soedah ada ingetan, kaloe-kaloe hamba nanti dapet tjilaka, dan soedah lantas minta pake hamba poenja pakean dan pergi mengadep di moeka. Kaloe tida itoe Hitong bikin begitoe, tentoe hamba sekarang ini soedah mati; kerna tempo itoe Hitong mengadep dan di masoekken di boei, sebab Houw Loan maoe kirimken pada Louw Kie, tapi Hitong itoe soedah mati di dalem pemboeian mendjadi hamba poenja ganti.

Sebab kalihatan Hie Tong itoe berhati baik, sekarang hamba maoe moehoen pada Hong Siang, soepaja Hong Siang soeka koerniaken padanja satoe pangkat jang ketjil, aken djadi toeladan pada orang banjak.

Radja denger begitoe, lantas berkata: Kaloek begitoe, perkara setia sama negri, setia sama iboe bapa, setia sama laki dan setia sama toewan, (Tiong, Hauw, Tjiat, Gi) semoewa soedah kaloewar dari kaoe poenja roemah. Patoet orang misti tarock hormat djoega sama kaoe aken ampat perkara setia itoe. Sekarang kami koerniaken pada itoe Hie Tong pangkat poenggawa jang katoedjoe, dan kami kasih idzin sama kaoe aken ambil wang di kas negri di Gi Tien Koan, boewat ongkost bikin Hie Tong poenja koeboeran.

Bwee Liang Giok membilang trima kasih, lantas moendoer dan teroes poelang. Tempo sampe di roemah, lantas dia bikin sedia boewat brangkat bawak majitnja dia poenja bapa ka kampoengnja sendiri, soepaja di koeboerken di sana. Sasoedahnja semoewa sedia, dia lantas brangkat dengen praoe beserta segala tanda kabesarannja. Di sepandjang djalan, di mana dia berenti, segala poenggawa di sitoe dateng membri hormat dan sembajang pada Bwee Kwee poenja majit, kerana semoewa orang soedah taoe, jang Bwee Liang Giok ada berpangkat dengen berkoewasa besar sekali.

Pada satoe hari Bwee Liang Giok serta pengikoetnja semoewa sampe dan brenti di Tjin Teng Hoe; di sitoe dia lantas berkata pada semoewa pengikoetnja: Kami maoe masoek di ini kota dengen menjaroe orang ketjil; maka itoe kamoe-orang semoewa misti toeroet sadja dari belakang dengen djalan perlahan.

Kamoedian lantas dia toekar pakean kabesarannja dengen pakean sebagimana orang ketjil, dan lantas brangkat masoek ka kota dengen di-ikoetin sadja oleh satoe boedak. Di djalan dia menanjak-nanjaken pada segala orang, bagimana adanja kalakoean pemarentah di sitoe; tapi dari sebab segala orang soedah taoe, jang nanti ada satoe poenggawa besar aken dateng, dia-orang djadi tiada brani bitjara apa-apa, hingga Bwee Liang Giok djadi tidak bisa dapet taoe satoe apa, Sasoedahnja Bwee Liang Giok djalan di kota itoe sedikit lama lagi, dia lantas dapet lihat ada satoe bio, dan dari sebab ada rasa tjape, dia lantas niat brenti sebentaran di sitoe.

Dia lantas pesen sama itoe boedak jang ikoet padanja, bahoewa boedak itoe misti berbasa sadja padanja: Siangkong, soepaja rasia boleh tinggal tertoetoep. Sasampenja di depan itoe bio, Bwee Liang Giok lantas dapet lihat pintoe bio itoe terkoentji; hatinja djadi merasa heran aken hal itoe, sebab satoe bio biasa terpentang sadja pintoenja, dan segala orang boleh kaloewar-masoek. Salagi dia inget begitoe, dia dapet lihat di pintoe jang tertoetoep itoe, ada tertempel salembar soerat, boeninja:

Kami, Ti Hoe dari ini kota, kasih taoe
dengen ini pada semoewa orang, baho-
ewa tidak saorang boleh masoek dalem ini
bio. Siapa brani langgar ini printah, nan-
ti dapet trima hoekoeman dari kami.

Sasoedahnja Bwee Liang Giok batja soerat itoe, hatinja lantas rasa, tentoe misti ada perkara apa-apa. Dia inget maoe lantas ketok pintoe itoe; tapi dia lantas oeroengken niat nja, sebab dia rasa, brangkali nanti djadi koerang baik. Dia lantas tjobak sadja djalan berpoeter aken dateng di belakang itoe bio, dan dia lantas lihat satoe pintoe jang terboeka sedikit. Dia lantas masoek di pintoe itoe dan teroes ka dalem, tapi dia tidak bertemoe satoe orang atawa satoe Hwee Sio. Sasoedahnja dia djalan teroes-meneroes, dia lantas dapet lihat, jang di satoe kamar ada barang makanan jang teratoer bagoes di atas medja, sabagimana kaloek orang bikin sembajang, dan di belakang medja itoe ada tertempel selembar kertas jang ditoelisin soerat; dari boeninja soerat itoe Bwee Liang Giok lantas dapet taoe, jang Houw Loan ada membri hormat pada Louw Kie jang socdah mati terhoekoem. Bwee Liang Giok lantas ambil soerat itoe, masoekken dalem sakoenja badjoe, laloe teroes djalan aken kaloewar. Itoe waktoe dia lantas denger ada soewara orang tegor padanja dengen berkata: He! kaoe siapa, maka soedah brani masoek di sini dengen langgar Ti Hoe poenja printah ?

Bwee Liang Giok menengok, lantas dapet lihat satoe Hwe Shio, dan dia lantas berkata pada Hwe Shio itoe: Kaoe djangan roesoeh ! Kami ini ada berpangkat Han Lim le Taij Hak Soe dan sekarang lagi djalan koeliling boewat priksa sagala perkara.

Itoe Hwe Shio denger begitoe, lantas berloetoet di depan Bwee Liang Giok itoe dengen minta di-ampoenin salahnja, kerna dia tidak kenal pada Bwee Liang Giok. Bwee Liang Giok menjahoet: Kami tidak nanti kasih salah sama kaoe. Kami kasih printah sadja, djangan kaoe bikin terboeka kami poenja rasia menjaroe ini.

Itoe Hwe Shio menjahoet: Hamba nanti toeroet betoel taijdjin poenja printah itoe.

Bwee Liang Giok lantas berkata lagi: Maski begitoe, kami tidak maoe pertjaja kaoe poenja hati. Dari itoe sekarang ini kaoe misti toeroet sadja sama kami.

Itoe Hwe Shio tidak brani bilang apa-apa lagi, lantas toeroet sadja sama Bwee Liang Giok.

Di itoe waktoe Houw Loan djoega ada di dalem bio itoe; dia ada di lain kamar, lagi bitjara sama Hwe Shio Hwe Shio jang banjak. Salagi dia misih bitjara, ada satoe Hwe Shio ketjil dateng padanja dengen gap-gapan, dan berkata: Taijdjin! itoe soerat jang taijdjin tempel di tembok betoelan medja sembajang, sekarang soedah ilang; tidak kataoeän siapa soedah ambil.

Houw Loan denger itoe, hatinja djadi kaget sekali. Dan sedeng dia lagi bingong seperti orang jang bingoeng, lantas ada satoe boedaknja dateng dan berkata padanja: Taijdjin, baroesan ada saorang menoenggang koeda dateng kasih taoe, jang itoe An Ie taijdjin soedah dateng dalem kota.

Houw Loan poenja kaget djadi bertambah lagi, sampe moekanja djadi poetjet. Dia berkata. Apa? Ini tempo itoe An Ie soedah dateng? Sekarang dia ada di mana?

Įtoe boedak menjahoet: Hamba rasa, sekarang ini tentoe dia soedah ada di kantoor Tjhat Ie.

Houw Loan lantas tjepet-tjepet toekar pakean lain, teroes naik djoli dan brangkat pergi. Tempo sampe di depan pintoe kantoor Tjhat Ie, dia dapet denger rame sekali boeni-boenian tanda kabesaran, dan baroe sadja dia toeroen dari djoli, lantas ada orang kasih taoe padanja, jang An Ie taijdjin minta dia dateng mengadep. Dengen lekas dia lantas masoek dan mengadep pada Bwee Liang Giok, dengen berloetoet membri hormat. Sasoedahnja itoe, dia lantas berdiri dengen toendoek kepala.

Bwee Liang Giok lantas tanjak padanja, katanja: Apa kaoe ada tikoan dari Gi Tin Koan jang baroe diangkat djadi tihoe disini? Houw Loan menjahoet: Betoel begitoe, sebagimana taijdjin bilang.

Bwee Liang Giok lantas berkata: Kami lihat kaoe poenja roepa seperti saorang jang bingoeng. Brangkali kaoe ada kahilangan apa2.

Houw Loan menjahoet: Saja soedah denger dengen sakoenjoeng-koenjoeng, jang taijdjin soedah dateng di sini; dari itoe saja djadi ada sedikit kaget. Tidak ada lain sebab apa².

Bwee Liang Giok lantas berkata: Apa kaoe sekarang soedah dapet mantoe jang tjakep dan pinter?

Houw Loan denger pertanjakan itoe, dia djadi tidak bisa menjahoet dan tinggal dijem. Bwee Liang Giok lihat begitoe, lantas menanjak kombali dengen membentak: Apa kaoe poenja anak prampoewan sekarang soedah di kasih kawin?

Houw Loan menjahoet: Betoel saja ada poenja satoe anak prampoewan, tapi soedah lama dia meninggal. Taijdjin bagimana boleh taoe hal saja ada poenja anak prampoewan?

Bwee Liang Giok lantas berkatata: Ha, geladak! kaoe beloen rasa kaoe poenja dosa? Houw Loan lihat Bwee Liang Giok poenja ajer moeka djadi padem, dia lantas djadi goemeteran dari takoet, dan lantas berloetoet kombali. Dia berkata: Saja taoe saja poenja dosa; saja soedah tidak dateng menjamboet tempo taijdjin baroe dateng di ini kota. Dari hal itoe saja mochoen taijdjin soeka membri ampoen pada saja.

Bwee Liang Giok menjahoet: Kami tidak kasih salah dari itoe perkara; tapi kami soedah dapet satoe katerangan jang kaoe ada djadi kawan dari Louw Kie poenja koempoelan djahat.

Houw Loan menjahoet: Saja ada sampe taoe atoeran dari itoe tentoe sekali saja tidak nanti tjampoer koempoelan itoe. Saja harep taijdjin soeka priksa sadja.

Bwee Liang Giok lantas berkata dengen tertawa: Baroesan kami ada dapet satoe barang di dalem bio. Tjobak kaoe lihat; brangkali kaoe kenal barang ini.

Sembari bilang begitoe, Bwee Liang Giok lantas lemparken itoe soerat jang tadi dia soedah ambil dari dalem bio. Houw Loan, tempo lihat soerat itoe, lantas sadja djadi kaget amat, sampe soemangat ampir lolos mengilang dari badannja.

Bwee Liang Giok lantas toendjoek padanja dengen berkata: Kaoe, satoe geladak! melinken bisa tjampoer sadja sama segala orang djahat dan tidak sekali taoe atawa pegang atoeran! Kaoe tentoe beloen loepa sama itoe perkara, tempo kaoe di Gi Tin Koan, jang kaoe soedah kaniaja sama kaoe poenja bakal mantoe, sampe dia djadi mati di dalem pemboeian. Sekarang itoe perkara soedah ada dalem kami poenja tangan. Apa sekarang kaoe maoe bilang?

Houw Loan menjahoet: Tidak lain, melinken saja inoehoen taijdjin poenja kasian, soepaja saja di bri ampoen.

Bwee Liang Giok tidak menjahoet, tapi lantas kasih priutah sama hambanja, boewat ambil Houw Loan poenja tjap dan semoewa tanda kabesaran. Tempo itoe barang semoewa soedah dateng, Bwee Liang Giok lantas serahken itoe pada tikoan di itoe kota dan trimaken padanja kerdjaän tihoe boewat sedikit waktoe. Kamoedian Bwee Liang Giok lantas soeroeh orang boeka Houw Loan poenja kean kebesaran, dan lantas kasih djoega dia poenja Siang Hong Po Kiam pada orang itoe, soepaja lantas pergi potong Houw Loan poenja kepala.

Sasoedahnja Houw Loan itoe di boenoeh mati, Bwee Liang Giok lantas toelis satoe soerat boewat lapoerken hal itoe kapada Radja. Sasoedahnja soeroeh orang kirimken soerat itoe, dia lantas kasih printah, soepaja sedia-sedia aken brangkat djalan darat ka Taij Bing Hoe, dan printah orang bawak praoenja, soepaja menoenggoe di sana.

Tempo Bwee Liang Giok brangkat pergi, sekalian poenggawa ada anter dia sampe di wates bilangan. Sabeloennja Bwee Liang Giok sampe di Taij Bing Hoe, sekalian poenggawa di sana ada bikin sedia aken trima dia dengen kabesaran.

Tje Pek Hoe dapet denger, jang mantoenja soedah berpangkat besar dan sekarang ada di djalan aken koeboer bapanja di Siang Tjioe, dia lantas soeroeh sekalian boedaknja pergi samboet mantoenja itoe di wates Taij Bing Hoe. Sasoedahnja membri printah itoe, dia lantas masoek ka dalem dan dengen tertawa sadja; dia berkata pada istrinja, jang lagi doedoek koempoel sama anak-anakuja : Saja poenja penglihatan tempo doeloe itoe tidak sekali salah, sebab sekarang itoe kita poenja mantoe Bwee Liang Giok soedah berpangkatpangkat besar sekali dan dapet koewasa dari Radja aken priksa saäntero karadjaän. Sedikit hari lagi tentoe dia nanti dateng di sini. Saja soedah kirim djoega kita poenja boedakboedak aken samboet sama dia.

Hoe Djin denger hal itoe, djadi soeka sekali dalem hati, dan lantas berkata dengen tertawa: Saja kasih slamet sama loïa. Hing Goan dan Ien Ing tidak bilang apa-apa; tapi hatinja tentoe ada girang dan soeka sekali.

Tidak brapa hari lagi selangnja, Bwee Liang Giok lantas dateng di kota Taij Bing Hoe itoe, dan masoek di kantoor Tjhat Ie. Di sitoe dia priksa segala soerat-soerat lapoeran dari segala poenggawa. Sasoedahnja itoe, dia lantas naik djoli pergi ka astananja Tje Pek Hoe, teranter dengen segala tanda kabesaran.

Sesampenja di astana Tje Pek Hoe itoe, dia di trima dengen girang sekali oleh sekalian isi astana. Sasoedahnja semoewa berdoedoek, Tje Pek Hoe lantas berkata: Entia soeka sekali dalem hati, jang hiansaij sekarang soedah djadi seneng dan berpangkat besar; maka itoe entia kasih slamet.

Bwee Liang Giok menjahoet: Banjak trima kasih aken gakhoe poenja tjinta. Saja soeka hati sekali, jang gakhoe serta gakboe dan sekalian isi astana ada slamet baik. Lama sekali saja soedah kapengin dateng di sini; tapi sebab saja ada di bawah printah Radja, djadi baroe sekarang saja bisa sampe. Kapan hari Hong Siang ada kaloewarken satoe soerat titah aken panggil gakhoe dateng di Kota-Radja,

kerna Radja maoe jang saja nanti kawin di sana. Saja tiada taoe apa soerat itoe soedah dateng di sini atawa beloen. Kaloek saja soedah koeboerken majitnja saja poenja bapa, saja maoe lantas balik kombali ka Kota-Radja.

Tje Pek Hoe berkata: Itoe soerat Maha Radja entia soedah trima, dan entia memang soedah niat boewat pergi ka sana aken toeroet panggilan itoe.

Sasoedalja Bwee Liang Giok doedoek mengomong-omong dari lain perkara dan soedah makan dan minoem, dia lantas kasih slamet. tinggal pada mertoewanja dan teroes brangkat berpraoe aken pergi ka Siang Tjioe. Tje Pek Hoe ada soeroeh satoe orang toeroet sama Bwee Liang Giok aken djadi gantinja sembajang di koeboerannja Bwee Kwee.

Di perdjalanannja itoe, Bwee Liang Giok ada mampir lagi di bebrapa tempat aken priksa segala perkara. Tempo sampe di Siang Tjioe, dia di samboet dengen segala kabesaran oleh semoewa poenggawa di sana, jang lantas atoer-atoer djoega aken bawak dengen teriring tanda kabesaran Bwee Kwee poenja peti mati ka astananja, jang doeloe soedah di toetoep oleh poenggawa negri. Sasoedahnja peti mati itoe masoek dan di taroek dalem astana itoe, semoewa poènggawa-poenggawa lantas kasi slamet tinggal pada Bwee Liang Giok, dan masing-masing lantas poelang.

Pada hari besoeknja Bwee Liang Giok lantas kirim orang ka Shoatang aken ambil dia poenja iboe, jang menoempang di astananja Tetok-koenboen. Tidak brapa hari selangnja, iboe itoe lantas dateng.

Tempo bertemoe pada Bwee Liang Giok dan melihat Bwee Kwee poenja peti mati, Hoe Djin itoe lantas menangis sedih, sekali dengen ditoeroet oleh Bwee Liang Giok. Sasoedahnja lama menangis, Bwee Liang Giok lantas boedjoek iboenja itoe, soepaja djangan djadi terlaloe sedih hati, dan dia lantas kasih taoe djoega, jang dia soedah dapet permissie dari Radja, aken koeboerken majit bapanja dengen kabesaran. Kamoedian dia lantas bilang, jang sebab dia misti priksa banjak perkara dia djadi tidak bisa tinggal lama di Siang Tjioe dan dari sebab itoe dia maoe lantas bikin sedia aken mengoeboer.

Sasoedalmja liwat ampir satoe boelan lamanja dan koeboeran aken Bwee Kwee soedah sedia, majit itoe lantas di koeboerken dengen segala kabesaran. Sasoedahnja selesih mengoeboerken, Hoe Djin berkata pada Bwee Liang Giok: Masih ada lagi perkara kamistian jang kaoe beloen bikin. Sekarang kaoe soedah berpangkat besar, patoet kaoe misti inget boewat bales baik sama Touw Sin dan Hi Tong.

Bwee Liang Giok menjahoet: Boe Tjhin poenja bitjara betoel sekali. Saja djoega lagi inget sama perkara itoe. Tempo saja di Kota Radja, saja soedah kasih taoe Hi Tong poenja hal pada Maha-Radja, dan Radja lantas kasih pangkat ketjil padanja dan kasih printah djoega boewat bikin koeboerannja. Dari hal itoe Touw Sin, biar dia toeroet sadja sama saja. Nanti kaloek ada kerdjaän terboeka, saja lantas kasih dia pegang kerdjaän itoe. Sekarang sebab saja misti pergi doeloe ka sana-sini aken priksa perkara, saja mintak Boe Tjhin brangkat sadja djalan doeloean ka Kota-Radja; saja nanti dateng belakangan.

Sasoedahnja itoe, Bwee Liang Giok lantas soeroeh sedia praoe aken iboenja pergi ka Kota-Radja, dan satelah semoewa sedia, Hoe Djin lantas brangkat. Kamoedian dari itoe Bwee Liang Giok djoega lantas brangkat ka Gi Tin Koan.

Tempo sampe di Gi Tin Koan, Bwee Liang Giok masoek di kota dengen menjaroe orang ketjil, dan dengen lantaran itoe dia djadi dapet taoe, jang tikoan di sitoe ada djadi djoega kawannja Louw Kie. Sasoedahnja balik kombali ka praoe, dia lantas soeroeh orang panggil itoe tikoan, jang lantas dateng mengendap dengen berloetoet dan kasih taoe, jang dia tidak dapet kabar dari datengnja Bwee Liang Giok, dan dari-itoe dia mintak tidak di kasih salah dari sebab tidak dateng menjamboet.

Bwee Liang Giok berkata: Kami soedah dapet taoe trang, jang kaoe ada djadi kawannja Louw Kie; tapi dari sebab kaoe poenja salah tidak sabrapa besar, sekarang kami lepasken sadja kaoe dari kaoe poenja pangkat. Kaoe misti serahken kaoe poenja tjap dan segala tanda kabesaran pada kami.

Itoe tikoan tidak brani bilang apa-apa, lantas sadja pergi poelang, ambil segala barang jang di mintak itoe dan tjepet dateng kombali, serahken itoe semoewa pada Bwee Liang Giok. Tempo dia balik kombali ka roemahnja, dia lantas soeroeh anak-bininja pindah dari kota itoe ka kampoeng atsal sendiri; dia sendiri menoenggoe doeloe sampe gantinja dateng.

Tempo itoe tikoan soedah serahken tanda. kabesarannja dan soedah poelang kombali, Bwee Liang Giok lantas panggil Touw Sin dan berkata padanja: Touw Sin! Sekarang kami angkat kaoe djadi tikoan di sini boeat. bales kaoe poenja perboewatan baik pada kami.

Touw Sin menjahoet: Taijdjin! Hamba barangkali tidak bisa pegang kerdja-an itoe. Bwee. Liang Giok berkata: Kaoe ta-oesah tampik itoe, sebab itoe kerdja-an tidak soesah. Djoega kami maoe mintak kaoe poenja toeloengan dalem satoe perkara. Doeloe hari itoe Hi Tong soedah djadi kami poenja ganti dan mati dalem pendjara di sini; majitnja ada di koeboer di loewar kota. Sekarang kaoe djadi tikoan di sini, kami mintak biar kaoe atoer aken bikin dia poenja koeboeran itoe dengen baik. Wang boewat ongkost, kaoe boleh ambil dari kas negri. Kaloek di belakang kali kaoe ada dapet anak, kaoe misti akoein satoe pada Hi Tong itoe boeat djadi dia poenja toeroenan.

Habis bilang begitoe, Bwee Liang Giok lantas serahken pada Touw Sin tjap dan tanda kabesaran dari tikoan, djoega satoe soerat dari Rasdja, dimana ada terseboet Radja ada kasih pangkat pada Hi Tong.

Touw Sin membilang banjak trima kasih pada Bwee Liang Giok dan lantas pergi trima dia poenja kadoedoekan.

Pada besoeknja Bwee Liang Giok adjak Touw Sin itoe pergi ka koeboerannja Hi Tong jang misti di bikin baik. Di sitoe Bwee Liang Giok bikin sembajang dan menangis sedih sekali. Sasoedahnja sembajang, dia lantas brangkat kombali djalan berpraoe dan mampir lagi di bebrapa tempat; kamoedian dia lantas poelang ka Kota-Radja. Sasoedahnja Bwee Liang Giok pergi, tidak sabrapa lama, Touw Sin lantas bikin baik koeboerannja Hi Tong, sabagimana Bwee Liang Giok soedah printah.

Di belakang kali Touw Sin itoe ada dapet tiga anak lelaki. Jang satoe, jaitoe jang kadoewa dia akoein djadi anaknja Hi Tong dan kasih nama Ong Tian Sik pada anak itoe. Itoe tiga anak, sasoedahnja djadi besar, semoewa ada djadi djoega poenggawa negri.

Tempo Bwee Liang Giok poelang dan soedah sampe di Kota-Radja, dia lantas madep pada Radja dan serahken segala soerat dari perkara-perkara jang dia soedah priksa. Maha Radja priksa socrat-soerat itoe dengen seneng di hati, dan itoe hari djoega Bwee Liang Giok lantas di pangkatin lagi lebih besar dengen di koerniaken nama Thaij Tjoe Siauw Po Ho Tian Thaij Hak Soe (Tjaijsiang). Radja lantas berkata djoega padanja: Sekarang kami maoe soeroeh Kimthiankam tjari hari jang baik boewat kaoe poenja hari kawin.

Bwee Liang Giok lantas membilang banjak trima kasih pada Radja, dan sasoedahnja Radja masoek ka dalem, dia lantas djalan poelang. Tempo sampe di astana, dia kasih taoe pada iboenja, jang dia soedah angkat Touw Sin djadi tikoan di Gi Tin Koan dan soedah soeroeh oeroes boewat bikin betoel Hi Tong poenja koeboeran; dia kasih taoe djoega, jang sekarang dia soedah dapet pangkat Tjaij Siang dan Maha-Radja maoe tjari hari baik boewat djadi dia poenja hari kawin. Iboenja denger hal itoe semoewa, lantas misti tersenjoem sadja dari sebab soeka hati.

Pada besoeknja pagi Bwee Liang Giok moelain pake dia poenja pakean kebesaran jang baroe, dan lantas pergi madep pada Radja bersama-sama segala poenggawa.

Tempo Radja soedah berdoedoek, itoe kimthiankam lantas kasih taoe, jang dia soedah tjari hari boewat Bwee Liang Giok poenja hari kawin, dan rasa baik di tanggal 3 boelan katiga. Maha-Radja lantas berkata pada Bwee Liang Giok dan Tjoen Sing: Kami pastiken jang kaoe berdoewa misti kawin di itoe hari 3 dari boelan katiga. Kaloek kaoe orang pergi ambil kaoe poenja hoedjin, kami mintak biar kaoe liwat di depan kami poenja astana; kerna kami maoe nonton dari atas loteng.

Kamoedian Maha-Radja lantas berkata pada Tan Djit Sing, Khoe San dan Tje Pek Hoe: Kami nanti kasih pada kaoe bertiga poenja anak prampoewan segala barang perhiasan jang dia-orang misti bawak waktoenja kawin.

Bertiga poenggawa itoe lantas bilang banjak trima kasih pada Maha-Radja, dan sasoedahnja Radja masoek ka dalem, dia-orang — be begitoe djoega poenggawa-poenggawa jang lain — lantas poelang masing-masing.

Tempo soedah ampir sampe pada Bwee Liang Giok dan Tjoen Sing poenja hari kawin, Maha-Radja lantas kirim pada Tan Djit Sing, Khoe San, Tje Pek Hoe dan Tjioenaijnaij segala barang-barang pakean dan perhiasan jang penganten prampoewan misti bawak pada temponja kawin. Sekalian jang trima barang itoe lantas menjampeken hormatnja dan trima-kasihnja pada Maha-Radja.

Tempo soedah sampe pada harian kawin, Bwee Liang Giok dan Tjoen Sing lantas pake pakean penganten dan dengen teriringken segala tanda kebesarannja dia-orang masing-masing lantas brangkat, aken pergi ambil diaorang poenja penganten prampoewan dengen liwat di depan astana Radja. Tempo sampe di depan astana itoe, dia-orang brenti dan membri hormat pada Radja jang sekarang ada di loteng. Maha-Radja kirim pada itoe doewa. penganten doewa tjawan berisi arak. Sasoedahnja dia-orang trima tjawan-tjawan itoe, Maha-Radja lantas membri slamet minoem padanja dari atas loteng. Kamoedian Radja lantas berkata: Slamet djalan! Nanti sore kami bikin pesta di sini aken toeroet soeka hati dalem hal kawinan ini!

Dari sitoe Bwee Liang Giok dan Tjoen Sing: lantas berpisah djalan: Bwee Liang Giok pergi ka astana Tje Pek Hoe ambil Hing Goan dan Ien Ing siotjia, Tjoen Sing pergi ka astananja Khoe San ambil Giok Tjia dan Ien Siau siotjia.

Tempo hari soedah djadi sore dan soedah selisih menoeroeti segala atoeran dalem hal kawinan, l'wee Liang Giok dan Tjoen Sing pergi madep pada Radja dan membilang banjak-banjak trima kasih. Di itoe waktoe di astana Radja soedah sedia aken membikin pesta; maka tempo Bwee Liang Giok dan Tjoen Sing itoe dateng lantas sadja pesta itoe di moelain bersama-sama segala poenggawa, jang memang soedah koempoel di oendang di sitoe, sadari baroe mata-hari silem.

Satelah soedah sampe pada tengah-malem Maha-Radja minoem satoe tjawan arak jang pengabisan dengen kasih slamet tidoer pada Bwee Liang Giok dan Tjoen Sing, dan Radja berkata pada dia-orang berdoewa, jang kaloek soedah tiga hari, dia-orang berdoewa misti dateng kombali sama-sama masing-masing poenja doewa istri, aken bertemoe pada Permeisoeri (Hong Houw.)

Sasoedahnja Radja masoek ka dalem, Bwee Liang Giok dan Tjoen Sing lantas poelang; tapi sekalian. poenggawa jang toeroet di pesta itoe, teroesken dia-orang poenja pesta sampe hari djadi pagi.

Tempo sampe pada hari katiga, Bwee Liang Giok dan Tjoen Sing serta masing-masing poenja doewa istri dateng di astana Radja dan lantas dianter masoek oleh haijkam pergi mengadep pada Permeisoeri Maha-Radja. Tempo dia-orang dateng, Permeisoeri trima dia-orang dengen soeka hati, laloe adjak makan-minoem. Tempo dia-orang maoe poelang, Permeisoeri ada kasih banjak sekali barang-barang perhiasan pada masing-masing penganten prampoewan itoe.

Pada hari besoekuja, Bwee Liang Giok moelaiu bikin pesta dan oendang mertoewanja laki dan istri serta segala poenggawa bersama-sama istrinja. Sasoedahnja itoe, lantas Tjoen Sing bikin pesta; kamoedian lantas Tan Djit Sing, Khoe San, Tje Pek Hoe dan Tjioenaijnaij.

Moelain dari tahoenan itoe, sadalem negri ada seneng sekali, kerna segala perkara ada teroeroes dengen baik dan tidak terganggoe oleh poenggawa djahat.

Bwee Liang Giok serta doewa istrinja ada hidoep roekoen, sampe sama-sama djadi toewa. Hing Goan siotjia ada dapet 3 anak lelaki; Ien Sian siotjia poen dapet djoega 3 anak lelaki. Anem anak-anak itoe di belakang kali ada djadi djoega orang besar jang baik.

Tjoen Sing djoega ada hidoep roekoen sama doewa-doewa istrinja dan ada seneng sampe sama-sama djadi toewa. Tjioe Giok Tjia ada dapet 2 anak lelaki dan satoe anak prampoewan; Ien Ing ada dapet 2 anak lelaki. Sabeloennja djadi toewa, Tjoen Sing ada diangkat djadi ganti dan pegang pangkat bapanja.

Anak-anaknja Tjoen Sing semoewa ada djadi besar dengen slamet: jang lelaki semoewa djadi orang besar jang baik, jang prampoewan djadi istri saorang berpangkat tinggi.

TAMAT

1. Artinja: Setia pada Negri dan berhati laki laki.