Boe Beng Hiap Kek/Bab 4
IV.
Complotan orang-orang boesoek.
The Tay Hou sekali poen ada satoe boekhidjin, bikin perhoeboengan sama pembesar negri, hingga ia bisa teritoeng sebagi orang dari kalangan tinggi, tapi ternjata dengen resia ia ada bikin perhoeboengait sama kawanan brandal, maka ia ada mempoenjai bebrapa sederek kiatpay dari golongan Lioklim. Satoe di 'antaranja ada satoe hweeshio bernama Tjeng Sian, berdiam di Tay Kak Sie dalem bilangan district Tianglok.
Ini Yjeng Sian Hweeshio sekali poen mendjadi orang pertapahan, tapi saban-saban soeka melakoeken perampasan dan pemboenoehan di loear iapoenja district, atawa poen locar provincie Hokkian 5 tapi di iapoenja gredja ia berlaga alim dan memegang pelatoeran keras, hingga tida saorang jang taoe ia ada satoe begal jang tida segan menoempahken darah boeat merampas laen orang poenja milik. Saban kali ia maoe pergi kaloear melakoeken perampasan, selamanja ia mengasi alesan maoe pergi minta derma ka segala tempat, dengen Si orang djadi tida menaro tjoeriga apa-apa Paanja.
Socatoe hari ia dateng ka Ankhee dan lantes mendapet denger namanja The Tay Hou sebagi saorang hartawan, maka malemnja ia pergi menjatronin ka roemahnja. The Tay Hou, tapi apa maoe dapet diliat oleh bebrapa moeridnja The Tay Hou jang lagi djalan meronda, hingga lantes dipockoel gembreng pertandahan ada bahaja, Tida antara lama kamoedian Tjeng Sian soeda kena dikepoeng oleh bebrapa banjak orang, di antaranja ada terdapet djoega The Tay Hou jang dateng memboeroe: tapi Tjeng Sian Hweeshio bikin perlawanan dengen sengit dan pande, dalem sedikit waktoe sadja soeda ada bebrapa moeridnja The Tay Hou jang mendapet loeka dan roeboe ka moeka boemi.
Meliat gerakanuja Tjeng Sian Hweeshio jang begitoe sebat dan gagah, The Tay Hou sabaliknja merasa sanget soeka. „He, semoea orang brenti doeloe sebab akoe maoe bitjara sama ini soehoe," berseroeh ia pada moeridmoeridnja.
Itoe prentah tida perloe moesti dioelangken sampe doea kali, sebab memang itoe moerid-moerid soeda merasa djerih, dan kaloe boekannja merasa takoet pada goeroenja, lebih siang iaorang soeda pada maboer, maka sasa'at itoe djoega, iaorang lantes pada berlompat moendoer dari kalangan pertandingan. Tjeng Sian Hweeshio poen brenti gerakin iapoeiija golok, kamoedian memandang pada The Tay HÖu dengen tida berkesip.
„Kaoe maoe bitjara apa sama akoe?" menanja ia achirnja.
„Akoe liat soehoe ini ada satoe hohan jang gagah perkasa," kata The Tay Hou sembari bersenjoem, „dan akoe taoe bahoea soehoe ppenja kadatengan ka sini, tentoe lantaran kakoerangan onkost djalan dan maoe pindjem padakoe. Tjoema menjesel sekali soehoe tida menanjaken katerangan, jang djelas di loearan, apa akoe ini ada saorang moeris atawa Saorang jang soeka sekali mentjari persobatan sama orang-orang dari kalangan kang-ouw. Boekan djarang akoe soeka menoeloeng sobat-sobat dari kalangan kang-ouw jang kakoerangan onkost, sebab perkara bebrapa poeloeh atawa ratoes tail perak, akoe selamanja bersedia boeat kasiken pada orang orang gagah dan berharga boeat dapetken akoe poenja bingkisan."Tjeng Sian sama sekali tida merasa koeatir bahoea dirinja bakai dipantjing atawa didjebak, hanja dengen lantes menjataken bahoea iapoenja kadatengan ka'sini, perloenja maoe memindjfem onkost djalan sariboe tail perak, dan djika toean roemah ada begitoe baek dan manis boedi, ia mengharep soepaja itoe oewang lantes ditrimaken padanja. The Tay Hou bersenjoem.
„Seperti tadi akoe bilang," kata ia, ,,perkara oewang akoe tida pandang, persobatan jang akoe oetamaken: djika sochoe maoe perloe pake itoe djoemblah dengen segala senang hati akoe nanti kasiken, tapi akoe ingin sekali berkenalan pada soehoe, maka akoe mengharep soepaja soehoe soeka masoek doeloe bitjara, danakoe poen. aken sediaken sedikit makanan dan minoeman goena menjamboet dan membri, slamet dateng pada soehoe."
Oleh kerna baroesan Tjeng Sian soeda mendapet kenjatahan di antara orang-orarig jang menjerang padanja, tida ada satoe jang mempoenjai ilmoe silat tinggi, malah The Tay: Hou poenja ilmoe silat poen tjoema kapandean' jang saoemoemnja sadja. Ia pikir biar poen masoek ka dalem poen, sama sekali tida oesa koeatir mendapet soesa apa-apa, maka dengen tindakan gagah dan garang ia masoek ka dalem. The Tay Hou lebih doeloe soegoehin tetamoenja aer thee panas, kamoedian menanjaken nama dan tempat tinggalnja itoe. Soeda tentoe sadja itoe waktoe Tjeng Sian tida maoe kasi taoe iapoenja nama dan tempat tinggal jang sabetoelnja, dan dengen sembarangan ia kasi taoe nama palsoe dan tempat tinggal jang tida bener.
Itoe malem djoega The Tay Hou oendang Tjeng Sian Hweeshio makan minoem, kamoedian hatoerken itoe sariboe tail perak jang diminta, serta membilang djoega kaloe kamoedian Tjeng Sian ada kaperloean apa-apa, tida halangan boleh dateng bitjaraken padanja. Malah achirnja The Tay Hou menjataken ingin mengangkat soedara sama itoe kapala goendoel. Tjeng Sian meliat The Tay Hou poenja maksoed ada dengen sadjoe. djuernja, malah ia soeda denger djoega bahoeaia itoe boek: nnja saorang jang baek, hingga ia sanget dibentji oleh pendoedoek jang baek dan djoedjoer, achirnja ia lantes kasi taoe iapoenja nama jang sabetoelnja dan dimana jap enja tempat tinggal, kamoedian iaorang lantes kiatpay mengakoe soedara dan saling menoeioeng djika ada kasoesahan, atawa saling bagi djika ada redjeki dan kasenangan.
Atas voorstelnja Tjeng Sian Hweeshio, The Tay Hou berkenalan lagi sama satoe brandal dari Kangsay jung bernama Tjhio Goan Beng, satoe badjak dari Kioe-liong-kang jang bernama Hee Pat, dan satoe begal dari Lian-hong-san jang mendapet djoeloekan Tjio-bin-houw dan bernama Gan Tjay Giok, dan blakangan itoe semoea pendjahat mengangkat soedara sama The Tay Hou, jang ingin sekali mempoenjai sobat, tapi soeda tenioe sadja orang boesoek jang seperti ianja, tjoema bisa mendapet sobat-sobat di antara perampok dan badjak.
Itoe ampat pendjahat seringkali soeka dateng mengoendjoengin roemahnja The Yay Hou, dan satoe sama laen saling menoendjang dalem segala oeroesan, hingga The Tay Hou merasa dirinja sanget koewat dan tegoe, sebab di kalangan pembesar ia ada mempoenjai sobat-sobat, di kalangan lioklim ada mempoenjai ampat kiatpay jang semoeanja gagah, dan inilah djoega sebabnja soeda membikin ia djadi terlebih brani boeat berlakoe sawenang-wenang, kerna ia pikir dirinja ada mempoenjai senderan-senderan jang sanget tegoe. Tapi sabegitoe djaoeh ternjata ia belon perloe sama tenaga bantoeannja iapoenja saderek-saderek brandal dan badjak, kerna iapoenja pengaroeh pada pembesar sadja soeda tjoekoep boeat bikin orang banjak djadi djeri dan koentjoep. Tjoema sekarang ternjata The Tay Hou tida bisa goenaken itoe senderan pada itoe ampat kiatpay, jang kabetoelan tida satoe di antaranja jang berada dalem roemahnja, hingga iapoenja kapala dipenggal oleh itoe Boe Beng Hiap Kek. Istrinja The Tay Hou jang taoe semoea resianja iapoenja soeami, sasoedanja iapoenja pengrasahan kaget dan sedih djadi moelai koerangan, lantes ia dapet inget pada Tjeng Sian Hweeshio di Tiang Kak Sie dalem district Tianglok, dan Hee Pat di Kioe-liong-kang, maka ia lantes soeroean doea orang kapertjajahannja pergi ka itoe doea tempat boeat mengasi taoe prihal kamatiannja iapoenja soeami, serta minta itoe doea kiatpay soepaja soeka lekas dateng ka Ankhee boeat menjelidikin siapa adanja itoe Boe Beng Hiap Kek dan bikin pembalesan pada orang itoe.
Oleh kerna Hee Pat poenja tempat tinggal di Tjiangpeng ada banjak lebih deket dari tianglok (kerna Hee Pat membadjak di sapandjang soengei Kioe-liong, tapi iapoenja tempat tinggal jang tetep di bilangan district Tjiangpeng), maka ia jang lebih doeloe sampe ka Thay-swee-tjhung. Sesampenja ia lantes menangis dengen sedih sekali di depan peti matinja iapoenja djiko, sebab di antara marika berlima, Tjeng Sian Hweeshio jang mendjadi toako, The Tay Hou kadoea, Tjio-bin-houw Gan Tjay, Giok katiga, Hee Pat sendiri kaimpat, dan jang paling moeda Tjhio Goan Beng.
Bebrapa hari kamoedian, baroelah Tjeng Sian Hweeshio dateng bersama Tjhio Goan Beng jang kabetoelan lagi menenamoe di Tiang Kak Sie. Iaorang poen lantes sembahjang di depan peti matinja The Tay Hou dengen sedih “sekali, malah Tjeng Sian Hwee shio bersoempa jang ia aken bales itoe djitee poenja sakit hati, sebab biar bagimana djoega, itoe pemboenoeh ia maoe tjari sampe dapet. Tadinja iioe liga pendjahat niaoe bikin pembaiesai pada Lie Kiauw Tjia dan iboenja ; tapi iaorang denger kabar jang itoe gadis telah diminta oleh tikoan dan Ankhee pada istrinja The Tay Hou, kerna ia katakoetan sama antjemannja Boe Beng Hiap Kek, malah kamoediannja itoe gadis dikasi present oewang saratoestail perak sabagi iapoenja pengganti karoegian, dan dianterken poelang ka roemahnja sama itoe tikoan poenja djoli kapangkatan. Itoe semoea perioenja tjoema maoe ambil halinja itoe gsdis, soepaja djangan bikm pendakwahan pada pembesar jang lebih atas. Bebrapa hari kamoedian sadari itoe gadis poeiang ka roemahnja, lantes ia djoeal semoea barang-barangnja dan brangkat bersama iboenja entah ka mana. Maka biar poen Tjeng Sian Hweeshio maoe lampiasken iapoenja napsoe amarah pada itoe gadis, tapi tida bisa.
„Kaloe begitoe, sekarang tjoema tinggal satoe djalan sadja boeat kita mentjari taoe siapa adanja itoe Boe Beng Hiap Kek," kata Tjeng Sian achir-achir, „jaitoe pergi mengadep pada itoe tikoan dan minta liat bagimana boenjinja itoe soerat jang ditinggalin oleh itoe tetairioe malem jang tida dikenal. Brangkali sadja dari itoe toelisan kita aken bisa mengoesoet siapa adanja orang itoe."
„Abis siapa jang pergi katemoeken pada itoe amb tenaar bedjat ?" menanja Hee Pat, „sebab akoe tida kenal padanja, begitoe poen akoe rasa dengen ngotee."
„Ja, betoel, akoe memang tida kenal pada itoe tikoan," kata Tjhio Ooan Beng.
„Akoe kenal padanja," kata Tjeng Sian Hweeshio, „sebab doeloean bersama djitee akoe soeda perna pergi katemoeken ianja. Maka ini oeroesan memang djoega tjoema akoe sendiri sadja jang bisa oeroes. Oleh kerna sekarang soeda sore, biar besok pagi katemoeken ianja.”
Salandjoetnja Tjeng Sian Hweeshio menanjaken, katerangan pada bebrapa moerid-moeridnja The Tay Hou, “ada bebrapa banjak orang-orang jang soeda perna beroeroesan sama marika poeuja goeroe, dan siapa di antaranja jang mengandoeng sakit hati paling heibat. Tapi ternjata sab egitos djaoeh tida ada orang-orang jang mengandoeng sakit hati begitoe heibat sebagimana Lie Kiauw Tjia dan iboenja, kerna marika poenja ajah dan socami telah mati di tangannja The Tay Hou, malah itoe gadis sendiri sampe terpaksa menoesoek leher sendiri, sedeng istrinja Lie In kena dipoekoelin sampe babak beloer.
Masih penasaran, Tjeng Sian menanjaken kaierangan lagi pada istrinja The Tay Hou, sebab boleh djadi sang istri ada lebih taoe, tapi ternjata kasoedahannja ada satoe roepa sadja. Sedeng romannja itoe hiapkek puen, istrinja The Tay Hou kasi katerangan ampir bersamahan dengen itoe moerid-moerid jang kena di'iris koepingnja, jaitoe memake kekoedoengan kapala dan moeka item, hingga ijoema teriampak sadja ia poenja kadoea mata jang begitoe tadjem sabagi djoega kilat jang menjamber.
Tjeng Sian Hweeshio merasa heran sekali, kerna selamanja ia belon perna denger di kalangan kang-ouw ada terdapet itoe matjem hiapkek jang soska memake kekoedoengan moeka dan kapala dari barang bahan warna item. Ia lantes menanjaken pada kadoea soedara angkatnja, brangkali soeda perna denger hiapkek jang saroepa itoe, tapi Hee Pat dan Tjhio Goan Beng poen belon perna denger hiapkek jang saroepa itoe.
Di hari jang berikoetnja Tjeng Sian Hweeshio pergi mengoendjoengin kantoornja tikoan, dengen mengasi taoe bahoea ia dateng dari roemahnja The Tay Hou jang diboenoeh mati oleh pendjahat jang memake kekoedoeng moeka item. Oleh kerna meliat romannja Tjeng Sian begitoe djahat, sedeng toeboenja ada begitoe tinggi besar, tida berbeda dengen satoe khay louw-sin, maka oppas pendjaga pintoe itoe kantoor tikoan tida brani berlakoe koerangadjar sebagimana biasanja terhadep pada rahajat jang kabanjakan, inanja boeroe-boeroe masoek mengasi taoe pada iapoenja madjikan.
Itoe tikoan dari Ankhee djadi sanget terkedjoet koetika mendenger Tjeng Sian Hweesliio minta bertemoe, sebab ia soeda taoe bahoea itoe kapaia goendoel ada sanget lihay, salaennja itoe ia ada mempoenjai banjak sekali saderek-saderek di kalangan lioklim. Dalem sedikit waktoe ia belon bisa tebak kadatengannja itoe kapala goendoel boeat kaperloean apa. Sebab, ia soeda bisa mendoega tentoe ada berhoeboeng dengen diboenoeh matinja The Tay Hou, tapi apa itoe hweeshio poenja maoe berhoeboeng sama itoe oeroesan, sasoenggoenja ia tida bisa bade sama sekali. Maka pada sabelonnja ia kasi prentah soepaja itoe hweeshio dikasi masoek, terlebih doeloe ia berpikir lama sekali, kerna ia tida taoe apa moesti trima atawa toelak koendjoengannja itoe kapaia goendoel. Tapi achir-achir ia ambil poetoesan boeat trima djoega, kerna ia pikir kaloe tida ditrima, nistjaja itoe kapaia goendoel perampok, aken bisa menjoesahi padanja. Sedeng itoe oeroesan tjap kabesarannja jang ilang poen, ia ingin minta tenaga bantoeannja itoe hweeshio boeat toeloeng tjariken. Sasoedanja berpikir tetep, lantes ia prentahken itoe oppas boleh kasi Tjeng Sian masoek. Tida antara lama kamoedian Tjeng Sian soeda dianterken masoek ka satoe pertengahan peranti menerima tetamoe, dan itoe tikoan sembari berdoedoek teroes tjoema manggoetken kapalanja sembari mempersilahken itoe orang pertapahan berdoedoek. Tjeng Sian merasa sedikit koerang senang, meliat tingkahnja itoe tikoan jang maoe pegang iapoenja deradjat sebagi satoe ambtenaar, hingga berbeda djaoeh sekali dengen iapoenja sikep tatkala The Tay Hou masih ada ; tapi oleh kerna sekarang ia djoestroe maoe meminta apaapa pada itoe tikoan, terpaksa ia membri hormat dan tida kasi kentara iapoenja pengrasahan koerang senang.
„Belon taoe kaoe poenja kadatengan ka sini boeat oeroesaii apa ?" menegor itoe tikoan dari Ankhee.
„Pertama pintjeng poenja kedatengan boeat menanjaken toaloya poenja kawarasan," saoet Tjeng Sian, „kadoea pintjeng maoe ada oeroesan sedikit, jang perloe sama toaloya poenja bantoean ; tapi itoe bantoean tida perloe toaloya mengaloearken tenaga apa-apa, hanja soeda tjoekoep djika toaloya soedi toeloeng kasi liat itoe soerat jang ditinggalken oleh Boe Beng Hiap Kek."
Tikoan dari Ankhee merasa girang sekali mendenger bahoea Tjeng Sian poenja kedatengan tjoema boeat itoe soerat sadja, maka sembari manggoet-manggoetken kapala ia berkata: „Ja, itoe soerat akoe masih simpen, sebab akoe poen anggep itoe ada mendjadi satoe boekti penting dalem itoe perkara pemboenoehan pada The Lian-heng almarhoem." Berkata sampe disini, ia berpaling pada satoe oppas jang menoenggoe di sitoe dan menambahken ; ,,Kaoe pergi pada Lim Soe-ya dan minta itoe soerat dari Boe Beng Hiap Kek boeat dibawa ka sini." Tida antara lama kamoedian itoe oppas soeda balik kombali dan trimaken satoe potong kertas pada ia poenja chef, oleh siapa dikasiken lagi pada itae kapala goendoel.
Tjeng Sian Hweeshio preksa dengen teliti toelisan dan boenjinja itoe soerat, dan dengen lantes ia mendapat kanjatahan bahoea penoelisnja itoe soerat ada saorang jang paham ilmoe soerat dan toslisannja sanget bagoes, sekali poen ditoelis dengen separo tjhodji (hoeroef jang ditoelis dengen tjepat). Sasoedanja la bikin papreksahan dengen terliti dan berpikir babrapa sa'at lamanja lantes ia berpaling pada itoe ambtenaar bangpak.
„Toaloya, apa soeda preksa mi soerat dengen terliti, "dan bagimana toaloya poenja pemandangan?" menanja ia.
„Akoe liat itoe soerat tertoelis oleh saorang jang paham ilmoe soerat dan toelisannja paen ada sanget rapih dan bagoes," saoet itoe tikoan, „hingga menandaken jang itoe orang ada sanget biasa dalem toalis menoelis. Dengen begitoe, itoe hiapkek bisa didoega boekannja saorang jang paham ilmoe silat sebagimana jang kabanjakan, hanja ada saorang terpladjar dan pinter. Tjoema sadja soaker sekali baeat mendapat taoe bahoea itoe toelisannja siapa; kerna sabegitoe djaoeh jang akoe taoe, pendoedoek disini tida ada satoe jang mirip toelisan tangannja dengen itoe."
Toaloya poenja pendapetan ada sanget tjotjok dengen pintjeng," kata Tjeng Sian Hweeshio: „sedeng perkara boeat mentjari taoe itoe toelisannja siapa, pintjeng soeda dapetken satoe akal. Tida lama kamoedian aken sampe waktoenja orang merajahken hari besar Toan yang, moelai dari sekarang toaloya boleh menoelis soerat salebaran, mengasi taoe bahoea pada harian Toanyang, toaloya aken bikin satoe pesta di ini kantoor, dan boeat menjenangken hatinja orang-orang terpladjar, nanti aken disediaken sairan, kalimat peroendingan dan roepa-roepa badean, jang aken diminta boeat orang-orang jang dioendang toeroet bikin atawa poen menebak, barang siapa jang dianggep paling bagoes begitoe poen jang djato nummer doea sampe nummer sembilan, semoeanja aken dihadiaken prijs-prijs jang berharga.
„Boeat itoe semoea prijs nanti aken dikaloearken oewangnja oleh koelawarga The, tapi pintjeng ambil kabranian boeat minta toeroet preksa sasoeatoe toelisan jang ditrima, kerna pintjeng ingin akoerken sama toelisannja Boe Beng Hiap Kek. Djika kamoedian soeda ternjata siapa adanja itoe pemboenoeh, pintjeng berdjandji sanggoep menangkep padanja dan dipasrahken pada toaloya boeat dihoekoem dengen menoeroet oendang-oendang negri. Pintjeng berboeat begini, boekannja maoe minta oepahan, tapi meloeloe maoe toeloeng balesken sakit hatinja pintjeng poenja soedara angkat. Oleh kerna ini oeroesan ada berhoeboeng djoega sama toaloya poenja kewadjiban, maka pintjeng ambil kabranian boeat meminta toaloya jang menjediaken itoe sairan, kalimat peroendingan dan tjangkreman jang bakal dipake pada hari itoe: sedeng onkost-onkost boeat perdjamoeannja semoea aken ditanggoeng oleh koelawarga The. Belon taoe apa toaloya bisa meloeloesken pintjeng poenja permintahan itoe atawa tida ?”
Tikoan dari Ankhee pikir itoe oeroesan sama sekali tida ada kaberatan boeat ia meloeloesken; tapi itoe matjem perboeatan sasoenggoenja ada sanget gandjil dan lebih doeloe belon perna terdjadi. Tjoema blakangan ia balik pikir kaloe itoe pemboenoeh bisa tertangkep, toch ada mendjadi kabaekan boeat ia poenja diri, jang menanggoeng tanggoengan atas katentremannja ini tempat, dimana ia mendjadi pembesar ; salaennja itoe, kaloe ia meloeloesken ini permintahan, tentoe Tjeng Sian poen tida bisa menoelak iapoenja permintahian boeat toeloeng tjariken iapoenja tjap kabesaran. Sasoedanja ia berpikir pasti laloe ia mendjawab :
„Kaoe poenja permintahan biar poen ada sedikit gandjil, tapi akoe tida ada kaberatan boeat meloeloesken, apapoela djika dalem hal itoe sama sekali tida meroegiken padakoe. Tjoema akoe poen ada mempoenjai satoe permintahan pada kaoe," bitjara sampe disini ia tjendorongin badannja ka depan dan melandjoetken bitjaranja dengen soeara bisik-bisik : „Akoe poenja tjap kabesaran telah ilang pada maleman kapalanja The Lian-heng ditaro di atas akoe poenja medja pengadilan, sampe sekarang itoe tjap kabesaran masih belon bisa dikatemoeken dan djoega tida taoe siapa pentjoerinja ; tapi akoe doega keras tentoe ada perboeatannja Boe Beng Hiap Kek. Apa kaoe sanggoep toeioeng tjariken akoe poenja tjap kabesaran itoe ?"
„Ini perkara djoestroe ada mempoenjai perhoeboengan jang sanget rapet dengen apa jang sekarang pintjeng minta toaloya lakoeken," djawab Tjeng Sian, „sebab kaloe itoe pemboenoeh soeda bisa ditjari, dengen gampang sadja itoe tjap kabesaran bisa didapetken kombali, sebab pasti sekali pentjoerinja boekan laen dari Boe Beng Hiap Kek."
„Kaloe begitoe, baeklah moelai dari sekarang kita bekerdja sama-sama," kata itoe tikoan, „dan sabegitoe lekas itoe pemboenoeh bisa ditjari taoe siapa, kaoe boleh pergi menangkep dengen iriendapet bantoeannja akoe poenja pasoekan politie." Mendadak ia djadi terkedjoet, kerna ia inget socatoe hal, maka boeroe-boeroe ia berkata lagi: ,,Tapi, bagimana kaloe ito hiapkek mendapet taoe akoe poenja perhoeboengan sama kaoe, kamoedian ia lantes dateng ka sini boeat boektiken iapoenja anijeman ? Kaoe orang boleh djadi tida takoet pada pedangnja itoe hiapkek, tapi akoe jang tida mempoenjai perlindoeng boleh diandelin, dengen teroes-terang akoe moesti akoeh, bahoea akoe poenja koelit batang leher boekannja dari wadja!”
,,Boeat itoe toaloya djangan koeatir,” kata Tjeng Sian Hweeshio, ,,moelai dari ini malem, akoe bersama akoe poenja doeea soedara angkat aken bikin pendjagahan di ini kantoor. Bila itoe hiapkek brani dateng ka sini, itoelah ada terlebih baek lagi, kerna itoe akal jang bakal diatoer pada hari rajah Toanyang tida perloe didjalanken lagi, hanja dengen langsoeng kita bisa tjekoek iapoenja batang leher.”
,,Kaloe kaoe orang maoe berboeat begitoe, baroelah hatikoe merasa lega dan tida koeatir satoe apa lagi,” kata tikoan dari Ankhee dengen girang. ,,Djangan salempang, akoe nanti sediaken satoe. medja barang makanan dan minoeman jang enak, pada saban kali kaoe orang bikin pendjagahan disini.”
,,Sekarang akoe minta permisie boeat balik poelang ka roemahnja akoe poenja soedara angkat,” kata Tjeng Sian, ,,kerna akoe maoe atoer segala apa jang perloe. Sabentar sore kira djam lima, akoe bersama akoe poenja doea soedara angkat, aken dateng ka sini dan teroes bikin pendjagahan di ini kantoor sampe pagi.”
Sahabisnja berkata begitoe, Tjeng Sian Hweeshio lantes berbangkit dari iapoenja tempat doedoek, membri hormat dan teroes berlaloe. Kira pada djam lima sore, sebagimana soeda didjari-djiken, dengen sasoenggoenja djoega itoe tiga pendjahat dateng ka kantoornja tikoan, di sabelah loearnja iaorang memake djoeba sebagimana biasa, tapi di dalemnja jaorang memake pakean peranti djalan malem jang ringkes, dengen membekal djoega sendjata dan sendjata resia jang iaorang paham dan biasa pake.