302
Liauw Tjay.
Maka Pouw Seng menjahoét: dari perkara pergi saija djoega bole, Lo Heng jang sampe begitoe banjak poenja ketjintaän dan banjak boedi sama saija, dari itoe saija soeka sekali boeat toeloeng tjapein pergi, tetapi tjoema takoet Lo Heng koerang pertjaja boeat salempang di dalem hati.
Lie Tian Tjo dengar begitoe lantas djadi girang sekali dan berkata: soedara boeat soeka maoe toeloeng tjapein pergi itoe ada bae sekali, seperti soedara satoe anak laka-laki boeat sabegitoe poenja harga, masa ada apa jang tiada di pertjaja, sampe soedara bole boeat keloearin perkataan begitoe, satoe moestahil boeat seriboe oewang mas saja tiada pertjaja, lebihan dari itoe djoega saija tiada boeat salempang.
Pouw Seng berkata: kapan Lo Heng kata begitoe, lantas sekarang djoega saija bole berangkat berdjalan, Lie Tian Tjo lantas toelis sapoetjoek soerat boeat kirimin sama itoe soedagar (Hangtjoe), kasi di tangannja Pouw Seng boeat trima, dari satengahnja itoe minjak tangijoe soepaja bole di serahkan sama dia boeat keloear djoeal, apabila soedagar (Hangtjoe) dapet dengar itoe perkara, lantas plahan-plahan adjak berdami sama Lie Tian Tjo berkata: akoe dapet dengar kau soeroe sama Pouw Seng boeat pergi trima moewat dari itoe minjak, apa kau soedah dapet taoe betoelitoe orang poenja hati atau belon, dari sebab jang kau beroe ketemoe mendjadi sobat belon ada brapa lama, masa resiboe mas poenja harga sampe di pertjaja boeat kasi dia trima, seperti akoe djangan kata sebegitoe, boeat sebla peser poenja sebla akoe tiada pertjaja, lebi bae kan toelis sapoetjoek soerat, serahin akoe poenja orang sadja troesa kau boeat salempang apa-apa dari atas perkara nanti akoe bole tangoeng.
Maka Lie Tian Tjo berkata: ia apa bole boeat soedah di serahin soeroe dia trima, dari perkara oewang dan anak, itoe semoea dari orang poenja peroentoengan, akoe poenja doegahan tiada kenapa.
Itoe soedagar disitoe tengok Lie Tian Tjo poenja hati soedah tetap, djadi ia tinggal diam, tiada brani boeat bilang satoe apa.
Tjerita Pouw Seng barang dia soedah dapet trima itoe sapoetjoek soerat, lantas dia tjepat berdjalan siang hari malem tiada brentinja, dan teroes sampe di Souw Tjioe pergi tjari sama Hangtjoe. (soedagar besar), teroes dia keloearin itoe sapoetjoek soerat, di serahken sama itoe Hangtjoe sembari bilang kasi taoe berkata: jang doeloe hari disini itoe minjak tangtjoe tiada ada harga jang Lie Tian Tjo kirim itoe separo moewatan, sekarang ini soedah kikee (naik harga), dia soeroe saija datang boeat trima itoe separo moewatan poenja harga, lantas itoe Hangtjoe bilang berkata: brapa hari ini memang itoe minjak tangijoe ada naik harga, dari separo poenja moewatan tetapi maoe di djoeal, tiada bole dapet harga dengan seriboe oewang mas, kaloe boeat sembilan ratoes oewang mas barangkali djoega ada itoe harga boeat di bandingin di Souw Tjioe sama di Boe Houw dia poenja harga tiada ada berdjaoehan, sebab ongkos djalan sama oewang sewa praoe moewatan, kaloe maoe di hitoeng dapet seriboe tjoema ketingalan sembilan ratoes, biar dia ada lebi harga seratoes di hitoeng-hitoeng djadi sama djoega.
Pouw Seng pikir pergi pikir datang lantas berkata: sobat poenja perbilangan begitoe ia ada betoel djoega, djika ada sembilan ratoes oewang
