Liauw Tjay.
303
mas poenja harga saija maoe djoeal, itoe Hangtjoe dengar Pouw Seng maoe toeroet djoeal harga sebegitoe, lantas di djandji-in dalem 2-3 hari maoe di bajar dari itoe oewangnja, barang soedah sampe katiga harinja lantas itoe Hangtjoe bajar 900 oewang mas, di serahkan sama Pouw Seng sembari bilangin berkata: ia angkau bole trima sadja pereksa dari ini oewang, habis bole di boengkoes bae-bae pergi simpan di dalem, kapan maoe berangkat bole ambil bawa, maka Pouw Seng soedali habis itoeng itoe oewang lantas boengkoes ikat bae-bae masoekin di dalem kamar, dan sembari dia berpikir jang dirinja terlaloe poenja miskin, dia soedah dapet tengok begini banjak poenja oewang djadi itoe dia bergerak dia poenja hati inget maoe bawa pergi lari, itoe samaleman dia tidoer tiada bisa poelas, dan boelak balik tidoer pikirin berkata: akoe dari bedjalema djadi manoesia belon taoe liat oewang begini banjak, ini oewang soedah ada di dalem tangan kita masa bae kita pergi bajar poelang kombali, sampe kapan lagi kita bole dapet, terlebi bae kita bawa lari temahain dia poenja oewang, bakal kita poenja anak prampoean bole keloear di tangan orang, tiada tergade masoek oetang-oetangan sama orang, maka kita bole balik poelang kita poenja desa, boeat teboesin kita poenja anak prampoean, soepaja kasi dia kawin boeat poengoet satoe mantoe, bakal kita poenja mati ada mantoe kita jang bole oeroesin, dan piara sama kita saoemoer idoep, itoe boekan jang betoel kita soedah toewa dapet itoe redjeki, kapan kita bawa ini oewang bajar poelang kombali sama dia, melainkan dia bole bilang satoe soewara kita orang bae-bae, masa dia maoe kasi sama kita sedikit persen tentoe tiada, dan lagi dia bebalik pikir berkata: betoel ini Lie Tian Tjo jang soedah kesian sama kita, kaloe di pikir kita tiada misti boeat pedajain sama dia, djika kita pedajain sama dia ini sekali, salempang di blakang kali soesa bole boeat ketemoe kapan ini sekali kita tiada pedajain, sampe kapan lagi kita bole kweekang dan iso toewa, masa kita selama-lamanja maoe iso moeda sadja, tiada tjoekoep makan dan pake.
Maka ia lagi sebalikan pikir poenja kata: di kolong langit poenja oewang, memang misti di bagi-bagi dan piara sekolong langit poenja manoesia, belon ada tentoe jang di katakan dia poenja oewang sendiri, lagi doeloe bari masi ada di tempatnja itoe jang betoel dia poenja, sekarang ini ada di tangan kita djadi sabetoelnja kita jang poenja, djika tentoe jang dia misti dapet tiada nanti dia boeat soeroe sama kita, kapan misti bajar kombali sama dia, apa boekan kita bole dapet gagal, sebab ini Lie Tian Tjo di dalem dia poenja tangan masi ada leriboe oewang mas, tiada lah dia miskin dan soesa sebagi kita jang sabetoeluja bole di bilang dia sampe kaija djoega, kerna dia poenja minjak tangijoe sekarang ini ada bagoes naik barga, kapan toeroen harga di dalem itoe doea tempat melainkan bole di djoeal semoea sriboe oewang mas, ini oewang jang betoel sekali maoe djatoh di tangan kita, tjoema melainkan di blakang bari soesa kita boeat saling ketemoe, dan lagi dia pikir berkata: manoesia di doenia boekan sedikit, dan doenia sampe begini besar selebar laoetan, kita disebla timoer dia sebla barat masa bole kabet oelan kita ketemoe sama dia, soedah siang dan terang tanah lantas dia bangoen, dan bilang sama itoe (Hang-tjoe) soedagar jang dia maoe berangkat balik poelang, lantas dia bawa dia
