Liauw Tjay.
291
Tiada antara lama lagi, sasoedanja orang itoe merasaken aer tadjin,
sigrah djadi mendoesin dari tidoernja, laloe berloetoet di hadepannja Pauw
Boen Tjim aken membilang banjak trimah kasi, serta mengadae atas halnja itoe antara hwesio Seng Hoei, jang soeda mengeniaija padanja, serta
di toetoepi didalem lontjeng sekean ampoenja lama, hingga ampir sadja
mendjadi matinja itoe.
Kemodian Pauw Boen Tjim, laloe memarenta pada orangnja aken di soeroe tangkep pada hwesio Seng Hoei itoe, begitoe djoega, di soeroe preksa kombali didalem gredja satoe persatoe, hingga ada kedapetan lagi soeatoe perempoean jang soeda di tjoekoerken ramboetnja, teroes di bawa ka hadepannja Pauw Boen Tjim.
Serta perempoean itoe, bila meliat pada soewaminja ia itoe Teng Djit Tiong, ada disitoe, hingga menimboelken amat sedinja dengen menangis, laloe membri taoe, satoe persatoe atas haluja itoe ; sasoedanja itoe, maka Pauw Boen Tjim laloe memarenta pada orangnja kombali, aken menjoeroe boenoe pada sekalian hwesio jang terseboet. Kemodian Pauw Boen Tjim, laloe berkata-kata pada Thio Sie, begini: mengapa itoe hari, angkau tiada maoe merapport pada pembesar negri, sampe angkau ampoenja soewami di kaniaija oleh hwesio itoe, begini roepa? Beroentoeng kami ada mendapet lamatan, dari Koan Im Hoed Tjouw, jang angkau ampoenja soewami ada didalem kesoesahan ini, dari itoe kami dateng disini boeat preksa.
Thio Sie berkata: begimana saja bisa kloewar boeat mengasi taoe pada pembesar negri, sebab saja sendiri ada tertoetoep didalem kamar jang amat gelapnja, serta di djagai oleh laen-laen hwesio. Maka sekarang, Pauw Loija soeda menoeloeng saija ampoenja soewami serta memboenoe mati itoe samoewa hwesio pendjahat; tetapi saija poenja badan soeda mendjadi boesoek dan tiada ada ingatan lagi boeat tinggal didalem doenia.
Sasoedanja Thio Sie berkata demekian, laloe bentoeri kapalanja di tiang, sampe berlamboeran dara, begitoe poen, Pauw Boen Tjim laloe memerenta, aken memanggil sinseh boeat menoeloeng, hingga Thio Sie mendjadi hidoep kombali. Maka Pauw Boen Tjim laloe berkata pada Teng Djit Tiong, begini: sekarang, angkau moesti menoeroet pada istrimoe kombali, kerna istrimoe amat soetji hatinja itoe; sasoedanja begitoe, maka Teng Djit Tiong laloe mengadjak istrinja aken poelang ka roemahnja dengen membilang banjak trima kasi pada Pauw Boen Tjim.
Kemodian, itoe Teng Djit Tiong, di blakang hari ada membikin examen, mendapet pangkat Tjinsoe, dan kemoediannja lagi, sampe Keiser mengasi naek pangkat mendjadi Tiekoan.
43
TJERITA LIE TIAN TJO SAMA ANAKNJA NAMA LIE TJOEN
ENG. JANG TERPENTJAR SAMPE BEBRAPA LAMANJA
BAROE BERTEMOE KOMBALI.
Bahoewa ada saorang lelaki tinggal di bilangan Ouwkong afdeeling
