290
Liauw Tjay.
soeda pegi plesier sama dia poenja sobat di loewar kota poenja gredja jang
baroe; saija djóega mendapet kabar, katanja, dia ada mendapet sakit, serta
saija pegi liat dia ampoenja sakit soeda baek-an. Darisini kira-kira 5 paal
djaoehnja; sekarang soeda mendjadi sore, harep nona bole menginap di
ini gredja sadja, dan nanti besok pagi, nona bole pegi tjari di itoe gredja.
Serta Thio Sie mendapet denger demikian, hatinja mendjadi sangsi, apa bole boeat Thio Sie laloe berdoedoek dengen bermakan dan minoem bebrapa tjangkir arak; itoe waktoe soeda malem, Thio Sie lantes meminta api boeat memasoek di laen kamar, serta ia sampe didalem kamar itoe, ia ada meliat amat inda sekali di riaskennja, dan tempat tidoernja djoega, samoewa di hias dengen soelaman serta amat haroem baoehnja itoe.
Itoe koetika, Thio Sie laloe berpikir dalem hatinja, sampe djam poekoel doewa malem, ia belon bisa tidoer; kemodian hwesio Seng Hoei itoe laloe menolak pintoe kamarnja, dengen pelahan-pelahan berkata: saija harep nona nanti menoeroet saija ampoenja napsoe, kaloe tiada, soeda tentoe ini malem, saija nanti memboenoe kapada nona.
Setelah Thio Sie, bila meliat kelakoeannja hwesio Seng Hoei itoe, laloe bangoen berdiri dari tempat tidoer itoe, sembari bermaki-maki tiada bisa soeda serta berkata: angkau ini, saorang hwesio, serta membatja kitab boeat membli menoesia ampoenja hati didalem doenia, soepaija orang bole pertjaija, jang angkau saorang alim. Tiada taoe angkau ampoenja hati amat djahatnja, serta brani membikin tipoe boeat panggil dateng pada kami disini. Sekarang, kami soeda kena angkau ampoenja tipoe maski kami mendjadi mati sekalipoen, soeda tentoe kami tiada maoe menoeroet, angkau poenja kenapsoehan.
Apabila hwesio Seng Hoei itoe mendenger perkatahannja Thio Sie jang terseboet, hingga mendjadi amat goesarnja, laloe menjoekoerken Thio Sie ampoenja ramboet dengen paksa, sampe ramboetnja mendjadi goen- doel, teroes di simpan dan mengasi masoek dimana kamar jang gelap; maka Thio Sie poen mendjadi amat sedinja, laloe bersoedjoed pagi dan sore aken meminta pada Koan Im Hoed Tjouw, soepaija ia nanti mendapet soeatoe toeloengan di antara ketjilakahannja itoe.
Tjerita Pauw Boen Tjim, pada soeatoe malem, ia ada mendapet impian serta bertemoe pada Koan Im Hoed Tjouw, begitoe djoega, Koan Im Hoed Tjouw laloe mengadjak aloesnja Pauw Boen Tjim itoe aken memasoek di gredja An Hok Sie, di itoe waktoe aloesnja Pauw Boen Tjim ada meliat adalah saekor Naga Itam. Kemodian Pauw Boen Tjim laloe mendjadi kaget, serta mendoesin kombali..
Maka pada paginja, Pauw Boen Tjim laloe berpikir impiannja itoe; sasoedanja begitoe, maka Pauw Boen Tjim laloe mengadjak bebrapa pengikoetnja aken pegi di gredja An Hok Sie. Sementara itoe, Pauw Boen Tjim ada meliat poela, soeatoe lontjeng besar jang tertoetoep didalem tanah, maka Pauw Boen Tjim laloe memerenta pada orangnja aken di soeroe memboeka lontjeng itoe, antara mana ada keliatan, saorang jang lagi tidoer disitoe, dengen roepa-roepanja amat kelaparan; maka itoe koetika Pauw Boen Tjim lantes prenta orangnja kombali, di soeroe kasi makan boeboer.
