240
Liauw Tjay.
Soen Hian penganten prampoean palsoe jang ada di dalem pangkeng penganten bersama Lauw Hoei Nio, maka Soen Hian libat nja-
ta dari roepanja Lauw Hoei Nio jang terlaloe amat tjakapnja, hingga Soen Hian poenja hati djadi bergerak sembari berpikir: Djikaloe kita dapet bakal bini dengan anak prawan ini, tentoelah kita poenja hati mendjadi senang.
Hata sampe malemnja sehabisnja pesta itoe, lantas Tang Sie istrinja Lauw Peng Gie panggil koembali dia poenja anak prampoean Lauw Hoei Nio akan temenin dia poenja inso tidoer sama-sama di dalem pangkeng penganten, sembari Tang Sie berkata: Sekarang anak boleh temenin anak poenja inso boeat tidoer sama-sama di dalem pangkeng penganten, djoega anak sama njonja mantoe dia poenja oemoer tiada berdjahoean.
Serta Lauw Hoei Nio trima prentah lantas ia ketemoein sama dia poenja inso, sasoedahnja lantas ia poenja iboe masoek di dalem pangkengnja sendiri.
Bahoewa inilah di tjeritaken tempo Lauw Hoei Nio soedah ada di dalem pangkeng penganten lantas ia toetoep itoe pintoe pangkeng dan troes ia naik di atas randjang, serta Soen Hian lihat Lauw Hoei Nio, mendjadi soeka hati, troes tidoer sama-sama, pada tatkala itoe djoega Soen Hian berpikir dengan pikiran jang amat senang akan menjampeken keniatannja dengan Lauw Hoei Nio itoe. Maka tempo Lauw Hoei Nio soedah tidoer poelas, Soen Hian lantas toeroen duri randjang mematiken api jang ada di dalem pangkeng itoe hingga mendjadi petang (glap) sesoedahnja lantas Soen Hian naik koembali ka atas randjang itoe di mana ia lantas kerdjaken soeatoe resia dengan Lauw Hoei Nio itoe, dan tempo Lauw Hoei Nio berasa jang badannja di bikin resia, hingga ia mendjadi kaget sembari menanja: Begimana inso sampe begitoe bikin resia di dalem saja poenja badan, kaloe kegitoe inso boekannja orang prampoean, sebetoel-betoelnja orang lelaki.
Lantas Soen Hian berkata: Djikaloe Ko maoe tahoe saja ini sebetoel-betoelnja orang lelaki, boekannja orang prampoean, maka djikaloe Ko boeka ini resia tentoe saja mendjadi maloe dan Ko djoega mendjadi maloe, lebi back Ko simpen sadja ini resia djangan sampe orang dapet tahoe, soepaja di blakang hari kita orang berdoea boleh djadi laki bini.
Serta Lauw Hoei Nio dengar ia poen mendjadi maloe dan ia tinggal simpen itoe resia sampe bebrapa hari lamanja.
Adalah di tjeritaken Jang Nio itoe malem ia tidoer di mana pinggir pangkeng penganten, maka pada tatkala itoe ia poenja hati djadi amat ketakoetan hingga sampe satoe malem ia tiada bisa tidoer senang. Serta Jang Nio dengar Soen Hian bersama Lauw Hoei Nio soedah berdjandji tetap, baroelah Jang Nio poenja hati mendjadi senang.
Hata kaesokan paginja Lauw Hoei Nio bersama Soen Hian kloear dari pangkeng penganten ketemoeken pada iboenja (Tang Sie),
