Liauw Tjay.
239
dan itoe peti pakean djangan tarohin pakean banjak-banjak, kira-kira boeat tiga hari lamanja, djikaloe soedah sampe tiga hari lamanja nanti saja poelang, ini perkara masa orang boleh dapet tahoe jang saja lelaki menjaroe djadi prampoean. Zon Demikian djoega Soen Khoaij Hoe dengar Soen Hian poenja perkatahan, ia mendjadi mara sembari berkata: Djikaloe lain orang dapet tahoe jang anak menjaroe djadi prampoean bogimana, tentoe ini perkara kita boleh dapet sala sama Lanw Tjin Khe. enter Lantas Soen Hian berkata: Hoe Tjin traoesa koeatir hati, tentoe saja bisa atoer boeat menjaroe djadi prampoean.
Serta Soen Khoaij Hoe dengar begitoe lantas ia panggil Jang Nio boeat kloearken pakean penganten, sasoedahnja lantes Soen Hian pake pakean penganten prampoean itoe hingga Soen Hian poenja roepa djadi semingkin tjakap seperti djoega dia poenja intji Tjoe Le Nio poenja roepa, tjoemah dia poenja koeping tiada boleh pake anting- anting sebab tiada di toesoek, maka tempo Soen Khoaij Hoe lihat begitoe ia mendjadi kesel, begitoe djoega Jang Nio lantas ambil doea kojo di tempelken di kiri kanan koepingnja Soen Hian, sembari Jang Nio berpesen: Djikaloe ada orang tanja, Kong Tjoe boleh bilang koeping Kong Tjoe lagi sakit, djangan sampe itoe resia orang dapet tahoe.
Sasoedanja Soen Hian habis berias dengan berpake-pakean pengaten prampoean serta koepingnja kiri kanan tertempel dengan kojo, lantas Soen Hian doedoek menoenggoe datengnja Thio Lok Soh. Semantara itoe datenglah Thio Lok Soh itoe dengan lain-lain orang jang membawa djoli dan tetaboean akan mengambil penganten prampoean, maka pada tatkala itoe Soen Khoaij Hoe anterken penganten dan Jang Nio bawa peti pakean. Sasoedahnja lantas penganten prampoean palsoe Soen Hian naek di djoli troes berangkat djalan dengan di iringken tetaboean jang di boenjiken sembari djalan hingga sampe di roemahnja Lauw Peng Gie. Serta penganten itoe sampe di depan roemahnja Lauw Peng Gie, lantas Lauw Peng Gie dan tetamoenja kloear samboet penganten itoe dan troes di adjak masoek di dalem roemahnja. Tempo penganten itoe soedah ada di dalem, lantas Lauw Peng Gie poenja istri Tan Sie panggil dia poenja anak prampoean Lauw Hoei Nio boeat temenin penganten baroe. Itoe waktoe Jang Nio bersama Thio Lok Soh angkat penganten baroe di adjak masoek di dalem pangkeng penganten dan Tang Sie djoega prentah Lauw Hoei Nio akan temenin dia poenja inso di dalem pangkeng, maka Lauw Hoei Nio temeninlah insonja itoe.
Pada tatkala itoe Lauw Pok poenja sakit djadi bertambah keras sampe ia kelengar-kelengar tiada inget orang, lantas Lauw Peng Gie bersama dia poenja istri masoek di pangkengnja Lauw Pok, maka kadoea iboe bapa itoe mengosoken djahe dan bawang di moekanja Lauw Pok, maka semantara itoe Lauw Pok inget koembali, begitoe. djoega Lauw Peng Gie kloear koembali ketemoein dia poenja tetamoe.
