Liauw Tjay.
241
sesoedahnja Soen Hian lantas ketemoeken pada Jang Nio, dan Jang Nio lantas menanja pada Soen Hian demikian katanja: Kong Tjoe semalem apa bekerdja barang resia dengan Lauw Sio Tjiah di dalem pangkeng penganten?
Lantas Soen Hian berkata :Djikaloe kaoe maoe tahoe seperti soeatoe boenga jang indah roepanja serta haroem baoenja ada di depan kita, di mana boleh tahan kita poenja napsoe tiada maoe ambil itoe boenga. Sekarang kaoe soedah tahoe itoe resia, saja harep kaoe boleh toetoep dengan rapat soepaja djangan sampe orang dapet tahoe. Di waktoe Soen Hian lagi bitjara dengan Jang Nio itoe, lantas istrinja Lauw Peng Gie dateng di pangkeng penganten sembari menanja: Mengapa njonja mantoe poenja koeping tiada pake giwang?
Lantas Jang Nio berkata: Saja poenja nona dia poenja koeping ada sedikit toemboean, maka ia tiada pake giwang.
Demikian djoega Tang Sie kloear dari pangkeng penganten itoe, apabila Tang Šie soedah kloear, lantas Lauw Hoei Nio masoek di itoe pangkeng boeat temanin dia poenja inso palsoe sampe tiga hari lamanja, sesoedahnja sampe tiga hari lamanja lantas istrinja Lauw Peng Gie panggil Thio Lok Soh bersama Jang Nio, serta Thio Lok Soh dan Jang Nio itoe ketemoe pada Tang Sie, begitoe djoega Tang Sie kasi tahoe, sekarang ini intjim boleh anterken njonja penganten poelang di roemahnja, maka Thio Lok Soh bersama Jang Nio lantas anterken Soen Hian poelang di roemahnja.
Maka terseboetlah tjerita Soen Khoaij Hoe saban hari ia boeat pikiran dari dia poenja anak lelaki jang soedah menjaroe djadi pe- nganten prampoean sampe tiga hari lamanja belon djoega dapet kabar satoe apa.
Hata sampe ka ampat harinja Jang Nio bersama Thio Lok Soh anterken Soen Hian poelang serta Soen Hian sampe di roemahnja, demikian djoega Soen Khoaij Hoe menjamboet dengan soeka hatinja dan lantas Soen Khoaij Hoe menanja pada Jang Nio: Sekarang baba mantoe poenja sakit begimana? Lantas Jang Nio berkata: Baba mantoe poenja sakit djadi semingkin keras. Kong Tjoe sama Lauw Hoei Nio saban malem tidoer di pangkeng penganten djadi Kong Tjoe bikin resia dengan Lauw Hoei Nio seperti laki bini.
Serta Soen Khoaij Hoe dengar Jang Nio poenja perkatahan itoe, hingga Soen Koaij Hoe banting kakinja sembari berkata: Djikaloe orang dapet tahoe itoe resia begimana. Tentoe Kong Tjoe poenja badan boleh djadi tjilaka dapet perkara besar.
Lantas Jang Nio berkata: sekarang djan gan boeat koeatir hati dari perkara, kerna Lauw Hoei Nio djoega ada amat tjinta dengan Kong Tjoe, maka itoe resia tiada nanti terboeka sebab Lauw Hoei Nio sendiri soedah berdjandji tetap dengan Kong Tjoe jang ia tiada nanti boeka itoe resia, dan djoega tempo Kong Tjoe maoe poelang, Lauw Hoei Nio ada pesen sama saja ia harep Kong Tjoe boleh lekas poelang koembali.
Begitoe djoega Soen Koaij Hoe panggil Thio Lok Soh dan Jang
