238
Liauw Tjay.
panggil koembali padanja serta Soen Khoaij Hoe berkata: Saja harep intjim djangan bilang sebetoel-betoelnja dari itos perkara, dan sekarang intjim boleh adjak Jang Nio sama-sama pergi di roemahnja Luw Tjin Khe.
Lantas Thio Lok Soh berkata: Dari itoe nona traoesa boeat koeatir hati, saja poen tiada nanti boeka dari itoe perkara jang nona soedah kloearken perkatahan di depan saja, djangan nona slempang hati. Sasoedahnja Thio Lok Soh habis bitjara lantas ia berangkat sama-sama Jang Nio pergi di roemalinja Lauw Peng Gie.
Tempo Thio Lok Soh bersama Jang Nio sampe di roemahnja Lauw Peng Gie, lantas Thio Lok Soh kasi tahoe pada Lauw Peng Gie dari perkatalannja Soen Khoaij Hoe. Demikian djoega Lauw Peng Gie berkata: Sekarang itoe perkara soedah ketentoean dari hari kawinnja Lauw Pok dengan Soen Tjoe le Nio tiada boleh di robah lagi Sasoedahnja Lauw Peng Gie habis bitjara, lantas ia pang- gil dia poenja anak prampoean Lauw Hoei Nio akan betoelin pangkeng penganten, lantas Lauw Hoei Nio masoek di dalem betoolin pangkeng penganten itoe, sasoedahnja lantas Thio Lok Soh sama Jang Nio balik poelang koembali boeat kasi tahoe pada Soen Khoaij Hoe.
Maka terseboetlah tjerita Soen Khoaij Hoe lagi doedoek maejagoel dengan berpikir, bahwa ini tempo bakal ia poenja mantoe lagi dapet sakit keras dan lagi Soen Khoaij Hoe, berpikir djikaloe dia poenja mantoe mendjadi mati tentoe anaknja djoega djadi kepiran. Serta Thio Lok Soh dateng begitoe djoega Thio Lok Soh kasi tahoe pada Soen Khoaij Hoe, katanja: Nanti besok pagi soedah ketentosan hari kawinnja nona poenja anak djangan nona loepa, djoega djangan di robah lagi dari itoe perdjandjian. Sasoedahnja habis bitjara Thio Lok Soh lantas balik poelang koembali di roemahnja Lauw Peng Gie, dan pada tatkala itoe Soen Khoaij Hoe troes masoek ketemoeken pada ia poenja anak lelaki Soen Hian berdami dari itoe perkara.
Lantas Soen Hian berkata: Sekarang Tjihoe dapet sakit keras, minta tempo sampe lain hari Lauw Tjin Khe tiada maoe, djadi soe- sah sekali, djikaloe Hoe Tjin soeka toeroet saja poenja tipoe tentoe mendjadi kabaekan belon tahoe Hoe Tjin poenja maoe begimana.
Lantas Soen Khoaij Hoe berkata: Anak poenja tipoe begimana? Boleh kasi tahoe pada kami.
Soen Hian berkata: Nanti besok pagi boleh panggil intjim Thio Lok Soh dan apa djoega itoe Khe Tjung intji poenja barang- barang djangan di bawa dhoeloe, sampe tiga hari lamanja djikaloe Tjihoe poenja sakit soedah baek, nanti Hoe Tjin boleh kirimin, dan djoega barang anteran dari Lauw Tjin Khe Hoe Tjin djangan trima dhoeloe.
Lantas Soen Khoaij Hoe berkata: Djikaloe anak poenja penglihatan begitoe, sampe tiga hari tiada di kasi poelang itoe pengan- ten begimana.
Maka Soen Hian berkata: Nanti saja sendiri boeat pake badjoe penganten menjaroe djadi penganten prampoean, dari intji Hoe Tjin soeroe semboeniïn djangan kasi ketemoe sama intjim Thio Lok Soh
