— 1640 —
mengagoemken, hingga ampir di segala tempat orang tjoema bitjaraken hal itoe sadja.
Tatkala kaloear dari astana, In Liong dapet ketrangan bahoea itoe Peng Lam Taij Goanswe jalah Tjo Keng, itoe penoeloeng jang berboedi, maka hatinja itoe orang moeda djadi sanget boengah, setelah pada esok harinja, dengen doedoek djoli ia pergi mengoendjoengken gedongnja itoe kapala prang.
waktoe bermoela ketemoe, itoe doea orang saling memandang satoe dengen laen, tapi kamodian dengen swara ampir berbareng marika itoe berkata; Tjo Heng!"
"Oh. Kou Hiante!" berseroe Tjo Kongtjoe dengen swara jang menjataken girangnja.
Ka doea pamoeda itoe saling berdjabatan tangan dan sigra berdoedoek. Kou Kongtjoe toetoerken apa jang telah terdjadi sedari ia orang berpisa'an, sebaliknja Tjo Kongtjoe poen tiada loepa toetoerken djoega berbagi-bagi hal jang terdjadi selama itoe bebrapa taon, hingga achir-achir ka doea orang menjeboet namanja Allah, dan masing-masing menjataken sanget soekoernja.
Kamodian Kou Kongtjoe menanja, apatah Tjo Kongtjoe soeda pergi pada Gak Kong di kampoeng Hong Lioe Tjoan apa belon, boeat pertanja'an mana itoe orang moeda menjaoet belon, kerna itoe hari ia maoe pergi, tapi dapet kabar Gak Kong dan sekalian familienja soeda brangkat ka kota radja.
,,Kaloe begitoe akoe poenja soedara dan jang laen-laen tentoe ada di gedongnja Kong Pouw
Siang Si maka marilah kita orang pergi ka sana
Ko Teng Tjan
104
