— 1639 —
ambil padanja, di waktoe mana kita orang idoep berkoempoel sama-sama.”
Sioe Tji maoe berkata kata lagi aken tetepken kahendaknja, tapi Ko Kong soeda pegat ia poenja bitjara dan kata poela; Kaloe kau tiada trima baek akoe poenja pembitjara'an, sasoenggoenja akoe merasa tiada senang sekali. Akoe ada menanggoeng kau poenja boedi, sampe di hari akoe menoetoep mata, akoe poenja penasaran belon bisa di bikin ilang.”
Song In dan jang laen-laen djoega bantoe omong, hingga maoe tiada maoe Sioe Tji trima djoega. Itoe hari Ko Kong prenta Song In toelis soerat, kamodian titaken bebrapa orang pergi ka An Tien, panggil Sian Sioe Djim dan laen-laennja dateng ka kota radja.
Pang Hoedjin djoega itoe waktoe soeda sampe di kota radja dan telah berdjoempa pada Gak Kong, jang bersama Keng Hoa Siotjia telah sampe lebi doeloe di sana. Marika itoe bertemoe satoe sama laen dengen kagirangan jang tiada bisa di bilang brapa besarnja.
Bebrapa gadis jang soeda tersangkoet tali pertoendangan, antara mana teritoeng djoega Wie Siotjia, pada itoe waktoe telah di tetepken tali pertoendangan satoe sama laen.
Pada itoe waktoe, semoea orang telah riboetin prihal Bong Loan dan boedaknja poenja tjara jang
