— 1641 —
aken menjataken marika itoe poenja kaselametan,” kata Kou Kongtjoe.
Itoelah gampang,” saoet Tjo Keng „antara Hiante dan akoe baroe bertemoe lagi satoe sama laen, maka akoe maoe adjak makan minoem doeloe sampesoeka hati, kamodian baroe kita orang pergi ka sana.”
Begitoe djoega Tjo Kongtjoe laloe prenta orang sediaken arak dan barang hidangan, di mana itoe doea orang lantas doedoek makan minoem dengen segala soeka hati.
Tempo itoe doea pamoeda masi ada di medja perdjamoean, satoe pengawal pintoe dateng mengasi taoe, bahoea di loear ada doea orang soeroesan dari gedongnja Kong Pouw Siang Si, jang atas titanja Gak Loija telah mengoendang Tjo dan Kou Djiwie Kongtjoe dateng ka sana.
„Liat,” kata Kou Kongtjoe dengen roepa girang, „kita orang baroe maoe pergi mengoendjoengken, apamaoe kita soeda dapet oendangan aken pergi ka sana."
Tjo Kongtjoe laloe prenta itoe doea orang soeroean masoek ka dalem, dari siapa ia trima doea soerat, satoe boeat ia dan jang laen boeat Kou Kongtjoe.
„Bilang pada Gak Kong, sabentar kita orang aken sampe di sana,” kata Tjo Kongtjoe, dan itoe doea orang soeroean lantas berlaloe.
Begitoelah seabisnja dahar, itoe doea orang moeda pergi ka gedongnja familie Gak, di mana marika itoe bertemoe satoe dengen laen, Tjo Hoedjin soeda tentoe djadi sanget girang koetika
