— 1638 —
samboet dan trima hormatnja itoe banjak orang. Teroetama pada Djim Sioe Tji banjak sekali Bong Loan sampeken ia poenja berbagi-bagi oetjapan, atawa ia poenja pertoeloengan dan perlindoengan pada Song In.
Koetika itoe djoega dalem gedong Tin Kok Hoe telah di adaken perdjamoean besar, dalem mana semoea orang ada toeroet doedoek makan minoem dengen segala soeka hati. Satelah perdjamoean aken sampe di achirnja, Djim Sioe Tji njataken pikirannja, ja-itoe ia hendak poelang ka An Tien, aken tengok ia-poenja Koko dan Soso di sana.
„Apa jang akoe soeda berboeat tjoekoeplah boeat bales Ko Kong dan Hoedjin ampoenja boedi di itoe hari," begitoe Sioe Tji berkata. Sekarang Loija jang laen-laen soeda bisa berkoempoel lagi seperti doeloe, maka akoe hendak minta idjin aken poelang sadja."
„Oh, itoelah perminta'an jang akoe merasa berat aken meloeloesken," kata Ko Kong, „antara hal-hal jang menerbitken kedjadian di ini hari teritoeng djoega ada Gie Soe ampoenja djasa besar, maka kaloe kita orang rame-rame bersenang dengen koerangnja Gie Soe, itoe hal membikin hatikoe merasa tiada enak sekali. Sekarang akoe minta kau tinggal tetep berkoempoel disini, sedeng kau poenja soedara pada siapa akoe djoega menanggoeng boedi, akoe nanti kirim orang aken
