— 1637 —
orang moeda soeda tipoe soerat ajahnja dan maoe paksa ia menika padanja, dan laen-laen tjerita poela, jang sebagimana dalem soeratnja Bong Loan soeda toetoerken satoe persatoe.
,,Soeda, soeda, itoe perkara kita orang djangan bitjaraken poela, kerna menoeroet sebagimana kau poenja tjerita, itoe pamoeda doerhaka poen soeda mendjadi korban dari perboeatannja sen- diri," kata Ko Kong, lagi taro ia masi ada, soeda tentoe perboeatan itoe kita orang tjoema bisa membales dengen abisken ia poenja djiwa, satoe perboeatan keniaja jang sabenernja akoe soeda toea dan tiada ingin berboeat begitoe lagi. Sekarang akoe oendjoeklah, itoelah kau poenja iboe piara, Lee So Nio, dan itoe kau poenja soedara Song In, jang brangkali kau tentoe be- gitoe kangen pada marika itoe."
Ko Kong sigra menoendjoek pada itoe doea orang jang diseboet.
Bong Loan pertama laloe menoebroek pada So Nio, kamodian ia pelok soedaranja. Di sitoe kombali terbit satoe drama kasedian seperti tadi, maka baeklah kita tiada nanti toelisken poela hal itoe.
Samentara itoe The Koen, Nio Si, Djim Sioe Tji dan laen-laen orang poela, ganti-berganti dateng membri slamet pada Bong Loan, hingga itoe gadis kaliatan soeda djadi sanget repot aken
