— 1628 —
jang setia ini tiada oesa di bilang lagi, tapi boeat fihaknja kawan-kawan itoe dorna tentoe sadja hal itoe ada di rasa tiada enak, kerna satoe tempo itoe api jang aken bakar djoega tangannja.
Gie Soe Souw Toan lantas bikin papreksa'an atas itoe perkara, tapi sabegitoe djaoe marika sangkal apa jang di toedoe, maka itoe hari papreksa'an di toenda dan di landjoetken pada hari esoknja.
Koetika sampe pada esok harinja di mana itoe papreksa'an maoe di oelangin kombali baroe ternjata, bahoea itoe dorna keparat soeda abisken djiwanja dengen menggantoeng dirinja di dalem kamar gelap, di dalem pendjara.
Njatalah itoe dorna soeda djadi poetoes harepan aken loepoetken dirinja dari hoekoeman negri, maka pada sabelonnja menimpa, ia ambil poetoesan begitoe. Leng Tjo, Tong Pit Taijkam dan Ang Kok In tentoe sadja soeda tiada bisa moengkir lagi, maka dengen gampang Gie Soe Souw Toan soeda dapet berbagi bagi ketrangan atas perboeatannja itoe dorna dan kawan kawannja.
Doea hari kamodian dari apa jang telah terdjadi, Baginda silaken Bong Loan dateng di astana, di mana dengen manis boedi Baginda silaken itoe gadis doedoek.
,,Tentang perboeatan-perboeatannja itoe dorna jang telah mengeniaja kau poenja ajah, itoelah
