— 1621 —
Kou Kongtjoe pandang itoe doea orang sakoetika lamanja, kamodian ia kenalin bahoea sala satoe nona moeda jalah ada itoe gadis anak poengoetnja Ong Ma, sama siapa ia soeda iket tali pertoendangan.
„Nio Tjoe, sama siapa dan atas perantaraän siapa kau bisa sampe di sini?" menanja In Liong dengen heran seraja gendong doea-doea tangannja ka blakang. „Tjobalah toetoerken satoe persatoe tentang keadaänmoe sedari bebrapa taon jang laloe?"
Joe Si denger begitoe djadi sanget kanget. la soeda berpisaän pada In Liong begitoe lama, lagi itoe waktoe ini pamoeda ada berpakean prempoe bangsa asing, hingga tiada gampang begitoe lekas ia lantas bisa dapet mengenali.
„Siapatah angkau ini?" ia menanja.
Tjeng Bwe liat begitoe djadi tertawa, samentara Heng Hoa dengen roepa penasaran tjenderongken bádannja delengken matanja memandang moekanja In Liong.
„Eh, eh, ini njonja kenapa roepanja ada mirip seperti Kou Kongtjoe?" kata Heng Hoa jang roėpanja soeda bisa dapet mengenali siapa adanja orang itoe.
„Soeda tiga taon lamanja akoe perpisaän sama Nio Tjoe, begitoe lama akoė sanget kangen, sabegitoe lama djoega akoe selaloe inget kau poenja
