— 1620 —
akoe nanti tjoekoerin ramboet dan masoek djadi Niko."
„Oh, itoe satoe niatan jang pendek, dan boekan artinja saorang jang berpikiran tadjem," kata Bong Loan. „Sabolehnja akoe maoe adjak Nio Tjoe poelang ka kota radja. Bila kau takoet akoe nanti bikin koerang apa-apa atas kau poenja kahormatan, di sini ada satoe njonja, istrinja akoe poenja familie, kau boleh berkoempoel padanja dalem perdjalalanan."
„Kaloe begitoe akoe soeka toeroet," kata Joe Si dengen roepa girang, „Kaloe sadja akoe adapoenja temen saorang prempoean laen, boeat temen di djalan, dengen segala soeka hati akoe loeloesken itoe perminta'an."
Bong Loan poen kaliatan djadi girang. la lantas melirik pada Tjeng Bwe seraja berkata: „Adjaklah ini Siotjia pergi ka kamarnja itoe njonja."
Tjeng Bwe memanggoet. Dengen membawa lampoe ia anterin itoe doea orang pergi ka kamarnja In Liong. Tiada lama marika itoe telah sampe dikamar terseboet, di mana Tjeng Bwe lantas mengetok pintoe.
In Liong laloe boeka pintoe, ia djadi kaget koetika liat Tjeng Bwe bawa doea prempoean laen masoek ka dalem. Sabelonnja sempet menjataken apa-apa Joe Si dan Heng Hoa membri hormat.
