— 1622 —
pertoeloengan jang besar," kata In Liong, „tapi heran kenapa Nio Tjoe sampe begitoe peloepaän, kerna begitoe lekas soeda tiada mengenalken padakoe? Pandanglah biar betoel, akoe ini boekannja Kou In Liong?"
„Apatah akoe boekan mengimpi? kata Joe Siotjia.
„Boekan, boekan mengimpi, Siotjia!" kata Tjeng Bwe sambil tertawa.
Di sitoe Tjeng Bwe sigra toetoerken asal oesoelnja segala oeroesan, hingga di sitoe Joe Siotjia baroe mendoesin, bahoea itoe kapala jang kiranja Ko Siotjia.
„Oh, sasoenggoenja akoe, Lian Eng, boekan sa-orang jang beroentoeng!" kata ia dalem hatinja. „Tjobalah kaloe bisa toeroet perboeatannja Ko Siotjia jang begitoe moelia, mengagoemken sasoeatoe orang poenja hati, biarpoen akoe idoep sepoeloe taon lamanja lantas mati, tiada oeroeng hatikoe merasa sanget senang."
Seabisnja berpikir begitoe, Joe Siotja berloetoet kombali dan membri hormat pada Kou Kongtjoe, perboeatan mana di toeroet djoega oleh Heng Hoa.
In Liong lantas silaken itoe gadis berdoedoek. la lantas moelai menanjaken tentang hal-hal jang terdjadi ia orang berpisa'an; sepandjang mendengar penoetoerannja Joe Siotjia ampir tiada brentinja
