— 1611 —
dan tinggal dalem roemanja Kang Taij, pembesar pendjara di sini."
„Pada Joe Si itoe sabenernja akoe ada ber- toendangan satoe sama laen, maka kaloe Loija tiada merasa kaberatan, soekalah kiranja orang itoe di seraken padakoe," kata Bong Loan.
Tek Loija loeloesken itoe perminta'an.
Sebagimana di atas ini soeda di terangken, lantaran berkoeboeng dengen perkara pembrontakan, maka kepaksa Joe Si dan Keng Hoa soeda di masoekin ke dalem pendjara. Tapi ia tjoema di tahan bebrapa hari sadja, kerna kamodian itoe pembesar idjinken itoe doea orang tinggal dalem roemanja Kang Taij, itoe orang jang pembatja soeda kenal baek, jaitoe ajahnja Tjioe Goat, So Nio poenja boedak jang paling setia.
Sedari di toeloeng oleh ajahnja, Tjioe Goat telah poelang ka kota Gi Jang di mana tiada lama kamodian ia telah manika dan soeda dapet satoe anak prempoean. Koetika bermoela kali dateng di itoe roema, Joe Si dan Heng Hoa telah dapet pertanja'an banjak dari Tjioe Goat, jang mana Joe Siotja tiada resiaken lagi ia poenja bebrapa hal jang terdjadi, dan kasi taoe djoega, lantaran apa maka ia orang soeda dikasi masoek ka dalem pendjara.
Lebi djaoe itoe gadis poedji namanja Hok Tjoen jang katanja ada memboeang boedi pada-
