— 1610 —
mengasi ketrangan tentang akoe poenja swami dikeniaja, adalah ini orang djoega,"
Bong Loan sigra minta ketrangan pada itoe boedjang, jang telah kasi penjaoetan saroepa seperti apa jang tertoelis dalem soerat pengadoeannja Tjhia Si.
Di sitoe Bauw Si kaliatan djadi bingoeng betoel-betoel; beroelang oelang Bong Loan oetjapken pertanja'annja tapi ia tinggal boengkem sadja, hingga bikin hatinja Bong Loan djadi sanget mara. Lebi djaoe lantas hendak dilakoeken kompesan, tapi sabelonnja kedjadian, itoe prempoean doerhaka jang roepanja sampe mengarti begimana heibat itoe hoekoeman nanti menimpa atas dirinja, lantas mengakoe satoe persatoe tentang ia poenja perboeatan.
Tek Lo Ya toelis itoe doea orang poenja sasoeatoe pengakoean.
Kamodian Bong Loan berpaling pada Tek Lo Ya seraja berkata: „Dengen menilik itoe doea menoesia kedji poenja pengakoean, djadi pada Yoe Si dan IHeng Hoa itoe kedjadian tiada berati apa-apa."
„Dari bermoela kali akoe poen memang ada mendoega begitoe, maka sabegitoe lama akoe belon bisa poetoesken apa-apa, kerna masi merasa sangsi," saoet Tek Loija, sekarang itoe doea orang soeda di kloearken dari dalem pendjara
