— 1612 —
nja, djoega ia menjataken sanget menjesel, bahoea itoe orang moeda soeda mati begitoe roepa.
Tjioe Goat denger itoe tjerita djadi kaget sekali. Tapi ia lantas terangken kakliroeannja itoe gadis dan oendjoek, bahoea Hok Tjoen itoe boekan saorang lelaki baek-baek hanja ada satoe pamoeda gila basa dan laen-laen poela, hingga Joe Lian Eng koetika denger begitoe djadi melongo sadja.
Boeat bikin tetep orang poenja hati, Tjoe Goat telah toetoerkǝn djoega ia poenja hikajat pengidoeban dalem gedong Tin Kok Hoe, hingga di sitoe Joe Siotjia baroe pertjaja betoel, apa jang Tjioe Goat kasi tjerita ada hal jang sabenernja.
Pergaoelan itoe bebrapa orang, sekali poen satoe sama laen tiada kena tersangkoet familie apa-apa tapi roekoen sekali. Teroetama Joe Si dan Heng Hoa poenja kelakoean jang aloes dan sopan soeda membikin Tjioe Goat dan orang sadalem roema tangganja merasa soeka.
Pada satoe hari, selagi Tjioe Goat dan Heng Hoa doedoek beromong-omong, koenjoeng-koenjoeng iboenja dateng menghamperi, hingga ia orang djadi mengobrol bertiga. Saban bitjara ini atawa itoe, tiada loepa Joe Si njatakan ia ada menanggoeng boedi pada Kang Taij, istri dan anaknja.
Selagi marika doedoek bitjara, koenjoeng-koenjoeng Tjioe Goat menempo ka djendela, kerna baroesan ada apa-apa jang ia liat.
