— 1602 —
Tjeng Bwe tiada berkata-kata lagi hanja sembari
tertawa lantas berdjalan pergi.
Tiada berselang lama Tjeng Bwe soeda balik kombali, di mana ia lantas seraken itoe tjap Goanswe di tangannja Bong Loan jang sigra menanja: Jang akoe prenta begimana?"
„Oh, ja, ampir sadja akoe loepa!' kata Tjeng Bwe sambil merogo ka dalem badjoenja. Pada itoe Siotjia, poetri dari Pak Hoan, akoe sceda tanja hal itoe, dan ia kasiken ketrangan, dalem perdjandjian sama Joe Si ia ada kasiken angkin Giok Hiang Wan, barang mana di sebla dalemnja ada tertoelis doea hoeroef: Gie Soe."
„Antara laen-laen, apa kau tiada dapet ketrangan poela?" menanja Bong Loan.
„Tiada," saoet Tjeng Bwe, itoe hal poen bermoela ia kaliatan tiada maoe bertjerita, roepanja seperti merasa maloe, tapi sasoedanja akoe memboedjoek dan britaoe doedoeknja itoe perkara, baroelah ia maoe tjerita teroes terang.. Akoe tjoema dapet itoe satoe ketrangan sadja, laen dari itoe tiada ada apa-apa lagi."
Bong Loan lantas prenta Tjeng Bwe pergi panggil Tjhia Si, pada siapa koetika dateng mengadep ia berkata: „Besok akoe kira Tek Lo Yo bakal dateng di kantorankoe, maka baeklah di itoe waktoe kau dateng berklak padanja, sedeng kaloe soeda madjoeken itoe semoea pe-
