— 1603 —
ngadoean, akoe sendiri nanti membantoe sebagimana moestinja pada kau, soepaja itoe perkara boesoek dapet keadilan.
,,Sebagimana akoe soeda terangken, itoe perkara akoe tjoema mengharep pertoeloengan dari Goan- swe saorang," saoet Tjhia Si,,,maka ini oeroesan akoe harep Goanswe soeka membantoe dengen sasoenggoenja, perboeatan mana, akoe oekir di dalem hati dengen ka doea tangan akoe djoeng- djoeng di atas kapala."
Koetika sampe esok paginja, semoea panglima telah dateng di kantorannja Goanswe, di mana marika itoe satoe persatoe dateng membri slamat pagi dan menanti prentahan, tapi Bong Loan kasi bertaoe pada marika itoe aken moendoer sadja.
Tiada berselang lama itoe panglima berlaloe, pangawal pintoe dateng mengasi taoe, bahoea Tek Lo Ya minta bertemoe dan ada menanti panggilan. Bong Loan sigra berbangkit dan teroes berdjalan kaloear, di mana ia menjamboet datengnja itoe pembesar kota.
Sasoedanja satoe sama laen djalanken peradatan, masing-masing lantas berdoedoek,
Sedari di kota Hang Tjioe dan di Pak Hoan terbit hoeroe hara besar, boleh di bilang saloeroe negri ada bergontjang keras, sedeng pembesar-pembesar negri soeda djadi krapak keroepoek menegoeken ia orang poenja tempat kadoedoekan,
