— 1589 —
saorang prempoean setenga toea. Pakeannja serba
poeti, seperti orang lagi berkaboeng. Tiada lama
itoe orang prempoean soeda dateng deket, di mana
ia memandang pada Bong Loan dan Tjeng Bwe
dari atas kebawa.
Achir-achir ia berloetoet seraja berkata: Tjiang-koen, kaloe tiada sala, doea orang ini sala satoe ada Peng Pak Taij Goanswe jang baroe poelang dari peprangan? Akoe merasa sanget bersoekoer kaloe bener begitoe."
Bong Loan denger pertanja'an itoe merasa heran, djoega ia dapet kenjata'an bahoea orang itoe seperti ada mengandoeng satoe oeroesan jang menjediken hati.
,,Kau kliroe. njonja," begitoe ia lantas menjaoet,,akoe ini boekan itoe kapala prang jang sebagimana kau seboetken baroesan. Djoega toeroet akoe poenja pendapetan, kapala prang tjoema berwadjib mengoeroes pakerdja'an-pakerdja'an jang berhoeboeng dengen peprangan, tiada sekali-kali moesti berwadjib mengoeroes kapentingannja rahajat negri. Djikaloe njonja ada di perboeat koerang adil, akoe silaken bikin pengadoean pada pembesar negri, di sitoe ada di harep aken mendapet keadilan jang sapenoenja."
Itoe njonja angkat moekanja. la minta ma'af jang ia soeda kliroe.
,,Kaloe akoe maoe adoeken itoe perkara pada
