— 1588 —
loepoetken diri atawakah soeda binasa djoega
dalem itoe bahaja?"
Sasoeatoe orang ada mempoenjai tachdir, Allah ada pegang kwasa atas sekalian machloeknja ampoenja djiwa," kata Bong Loan. „Biar poen. di moeloet matjan kaloe oemoer masi pandjang bisa djadi slamet, kendati poen di dalem roema, kaloe maoe mati gampang sekali bisa terdjadi."
-,,Tapi akoe rasa Hok Siangkong ada mempoenjai redjeki besar."
-,,Kenapa kau bilang begitoe?"
-,,Pikir sadja sendiri."
-,,Akoe tiada mengarti."
-,,Kaloear dari pintoe gedong Tin Kok Hoe dalem astana aer, itoelah ia poenja redjeki jang paling bagoes!"
Bong Loan tertawa. la kata: "Soenggoe kau ini sanget bandel; moeloetkoe masi basa, tapi kau soeda brani oetjapken lagi perkata'an. begitoe!"
Pendek orang begitoe apa perloe akoe moesti taro inda! Idoepnja sadja akoe brani hinaken kenapa soeda mampoes akoe moesti takoet!" kata Tjeng Bwe.
Bong Loan gojang kapala, kerna ia tiada sanggoep ladenin pada itoe boedak jang nakal, Tiba-tiba Tjeng Bwe maoe berkata lagi, mendadak ia dapet liat dari djoeroesan Kidoel ada mendatengin
