— 1590 —
jang berwadjib, inilah soeda," kata itoe njonja,
,,tapi akoe djoestroe ingin adoeken itoe perboeatan pada itoe kapala prang, jang akoe taoe nanti
bisa adaken keadilan sebagimana moestinja, Di
mana akoe bisa dapet bertemoe padanja?"
,,la ada di dalem kota, njonja boleh ketemoeken padanja di sana," saoet Bong Loan.
,,Tapi akoe ingin menanja," kata Tjeng Bwe, ,,njonja ada oeroesan apa jang sampe begitoe merasa perloe aken adoeken itoe perboeatan pada itoe kapala prang?"
,,Akoe ingin dapet keadilan dari perboeatannja saorang jang soeda mengeniaja akoe poenja swami, dan orang itoe maoe tjoba djoega aken bikin soesa padakoe," saoet jang di tanja. „Beroentoeng akoe soeda mendapet taoe dan siang-siang lolosken diri, kaloe tiada tentoe djoega aken mendapet tjilaka."
,,Negri ada di dalem keada'an aman, moestail orang brani berboeat perkara begitoe matjem?" kata Bong Loan jang merasa koerang pertjaja. Soenggoe ada begitoe," saoet itoe njonja.
,,Ketahoeilah," kata Bong Loan, akoe ini ada itoe kapala prang jang kau maoe ketemoeken. Akoe silaken kau toetoerken itoe semoea pengadoea, soepaja akoe bisa bikin beres sebagimana moestinja."
Mendenger begitoe itoe njonja kaliatan djadi
