— 1587 —
Bong Loan menangis teroes, sedeng Tjeng
Bwe djoega toeroet njataken sedi hatinja.
Tapi koenjoeng-koenjoeng itoe boedak tertaw,a kerna ia dapet inget apa-apa.
„Boeat laen-laen akoe tiada begitoe pikirken," begitoe ia kata, "tjoema kasian begimana soeda kedjadian dengen itoe si bengkak, Hong Dji? Akoe rasa ia itoe soeda djadi semingkin gemoek lantaran moesti tenggelem timboel di moeka aer!
,,Dan ikan-ikan dilaoet tentoe aken djadi sanget goembira, kerna dapet oempan jang banjak minjaknja!"
„Djangan begitoe Tjeng!" kata Bong Loan.
,,Itoe orang betoel sama kita ada sebagi moesoe, tapi sasoedanja mati kita haroes hormatken padanja inget, laen kali kau djangan oetjapken lagi perkata'an demikian."
„Betoel, betoel!" kata Tjeng Bwe. Tapi koetika itoe, kaloe akoe tiada inget pada Dji Hoedjin dan jang laen-laen, nístjaja itoe sibengkak akoe soeda bikin ia djadi babak beloer dengen akoe poenja djotosan!
Bong Loan delikin matanja, sebagi satoe an tjeman bagi itoe boedak jang tiada ladenin ia poenja perkata'an.
,,Sekarang akoe inget lagi jang laen," kata Tjeng Bwe poela, „belon taoe begimana soeda kedjadian atas dirinja Hok Siangkong? apa ia soeda bisa
