— 1586 —
„Apa kabar, Tjeng?" begitoe Bong Loan lantas menanja koetika Tjeng Bwe soeda ada di
hadepannja.
Betoel di sini soeda kena terserang oleh bahaja bandjir besar," saoet jang ditanja.
-,,Lagi kapan menanja Bong Loan jang membenerken doega'annja.
-,,Pada moesin He taon jang laloe."
-,,Tentoe sadja korbannja itoe bahaja sanget besar. Apa kau tiada tanja brapa banjak orang jang soeda binasa, dan begimana soeda kedjadian dalem ini roema?"
-,,Korban-korban lantaran itoe bahaja bandjir soeda tiada bisa diseboetken lagi, kerna setenga boelan lamanja aer soeda rendem antero tempat di sini. The Koen dan bebrapa boedjang laen soeda lama berlaloe dari sini, sedeng Taij-Taij orang tiada dapet ketrangan soeatoe apa. Tapi itoe sala satoe anak angon jang tjerdik telah kasi ketrangan, satoe hari di moeka sabelonnja bandjir, ia liat Soen Nio masi ada di dalem ini roema."
Mendenger begitoe Bong Loan lantas menangis.
,,Taij-Taij betoel ada mempoenjai bebrapa kesala'an jang haroes ditjela, tapi akoe taoe ia ada saorang jang berbeedi, serta soeda banjak menoeloeng bagi akoe poenja diri," kata ia,,,kasian sekali kaloe bener-bener la soeda binasa dalem itce bahaja, dan akoe tiada bisa dapet bertemoe kombali selama-lamanja................................."
