— 1583 —
lompat naek ka atas koedanja, jang lantas dilariken ka djoeroesan Kie Lin Tjoan, sedeng Tjeng
Bwe maoe tiada maoe lantas mengikoetin.
Sepandjang djalan tiada brentinja Bong Loan
memandang ka sana sini, kadang-kadang aer matanja toeroen kombali seperti oedjan, bila meliat
satoe atawa laen pemandangan jang membikin ia
merasa sedi.
,,Tjoba kau liat, Tjeng," kata itoe gadis pada boedaknja, sedari kita orang pergi, keada'an di ini tempat soeda djadi beroba begitoe banjak."
„Ja, betoel begitoe, Siotjia," saoet jang diadjak mengomong. "Tapi djanganlah Siotjia seboet apa-apa, kerna kwatir perkata'an kita ada jang denger dan perkara jang maoe diresiaken djadi terpetja."
Bong Loan toeroet perkata'annja itoe boedak, serta tiada berkata-kata lagi.
Tiada antara lama, itoe doea orang soeda berdiri di loear pekarangan dari gedong Tin Kok Hoe.
Bong Loan meliat saklebatan hatinja djadi sanget terkedjoet dan tertjampoer dengen pengrasahan heran.
la dapet kenjata'an, itoe gedong besar boekan sadja soeda djadi boeroek kliatannja, djoega doea roema paviljoen jang berdiri di kiri kanan roema besar, dan tembok jang mamoeterin kebon kem-
