— 1584 —
bang soeda tiada ada, katjoeali ka tinggalan
toempoekan-toempoekan poeing sadja. Itoe gedong besar poenja tembok soeda djadi mesoem
dan penoe sama loemoet dan aboe. Djoega itoe
tiga hoeroef besar: Tin Kok Hoe jang di taro
di depan roema besar soeda tiada ada bekas-
bekasnja lagi.
Bong Loan dan Tjeng Bwe meliat begitoe djadi sanget heran, lebi heran lagi tiada kliatan The Koen mace poen siapa djoega. Itoe roema seperti soeda tiada ada jang tinggalin.
la orang lantas djalanken koedanja ka sebla blakang, di mana kombali kliatan laen pemandangan jang tiada bagoes. Di sitoe keada'annja ada lebi roesak seperti jang di depan; pekarangan roema blakang jang tadinja ada di kiterin tembok, itoe waktoe soeda tiada ada, dan djadi satoe sama laen kebon jang bala tiada beda seperti oetan.
Hatinja Bong Loan djadi semingkin kaget dan heran. la memandang ka sana sini, achir achir dengen kaget ia berkata: „Oh, kau liat, ini tempat roepa-roepanja belon lama kena di langgar bandjir besar!"
„Akoe poen liat begitoe," kata Tjeng Bwe sembari meliat pada poehoen-poehoen kajoe, di mana kliatan bekas kerendem aer, dan penoe dengen kotoran jang menjangsang pada tjabang-tjabangnja.
