— 1581 —
Soedalah, Siotjia," kata ia sambil bangoenken
nonanja, „nona djangan menangis sampe begitoe
sedi, kerna hal itoe bisa menerbitken koerang
sehat bagi nona poenja diri. Ini koeboeran jang
soeda djadi roesak, sapoelangnja dari kota radja
Siotjia boleh panggil toekang dan bikin baek
kombali seperti doeloe."
Bong Loan berloetoet poela sampe bebrapa kali, kamodian lantas doedoek di satoe podjokan sembari memandang ka sana sini. Matanja tiada brenti djatoken ketel-ketelan aer-mata.
Pelahan-pelahan mata-hari lingir ka djoeroesan Barat, maka Tjeng Bwe lantas berkata: Hari soeda moelai sore, marilah kita orang poelang ka kota. Akoe kwatir kena ka timpa oedjan, kerna langit kaliatannja mendoeng.
Bong Loan meliat ka atas langit dan berkata:
,,Dalem keada'an begini akoe rasa tiada nanti toeroen oedjan, Tjeng."
,,Ja, kaloe begini memang tiada oedjan!" saoet Tjeng Bwe jang sengadja maoe hiboerken hatinja itoe gadis. „Tapi kaloe aer toeroen menderoe- deroe, apatah kita moesti bikin?"
,,Kita diam sadja di sini masa djadi apa," saoet Bong Loan.
,,Boleh djoega, kaloe ingin itoe sekalian panglima prang dan si..... djadi kalang kaboetan!"